68
55
16
港鐵尖沙咀/尖東站 P3 出口, 步行約4分鐘 繼續閱讀
所有分店 (1)
電話號碼
27239038
營業時間
今日營業
12:00 - 23:30
星期一至六
12:00 - 23:30
星期日
12:00 - 23:00
付款方式
Visa Master 現金 JCB
座位數目
100
其他資料
酒精飲品
電話訂座 詳細介紹
食評 (157)
等級3 2020-06-15
461 瀏覽
經朋友推介,第一次係日本食過之後返唔到轉頭每次經過TST都會想入去食,或外賣盒雞翼每次店入面的客人必定會有幾枱日本客,自己友都覺得好食今次終於記得影相打食評照舊夢幻雞翼,一份5隻,叫了兩份一鍋壽喜燒 & 一條燒魚呢個夢幻雞翼真係無得輸本人平時食雞翼係唔會食到好乾淨,但係呢個會食到得返啲骨雖然佢係咸,但送beer一流,必食推介!壽喜燒會有店員行來幫你處理佢,都好快就食得牛肉一般個湯好少,然後啲薯粉等配料索晒啲湯,好咸唔記得佢個名我地夾緊既時候,店員見狀行過來幫我地一野起左條骨出黎,好貼心味道還好總結:夢幻雞翼必點知道佢銅鑼灣店執左,希望呢間可以做得住,加油 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-11
332 瀏覽
汁燒時魚😋5/5 我係海鮮控,去親日本一定會食燒魚,呢條魚做法正宗,係原條上而且中間切開方便食,燒得剛好微焦唔會太燶太乾,肉質仲係軟熟食落無腥味添,喺香港食到日本嘅味道呀!好感動😭 炸雞軟骨 😋5/5 真係好好味要俾滿分佢,佢嘅粉漿夠薄炸得夠乾身,大大粒食落有咬口又夠香脆,送酒一流🍺名古屋炒拉麵 😋4/5 拉麵份量都幾多,味道正常略嫌油左少少味噌烏冬鍋 😋4/5 呢個都幾好食不過唔建議同炒麵一齊叫,食完有點油膩感,但其實係味噌超濃,入面嘅烏冬獅子狗同埋炸腐皮索晒啲味噌汁真係好正,特別適合冬天食,食完暖笠笠總結:雖然店舖出名食雞翼,不過其他食物都有不錯的水準,保留到日本的風味,上菜速度快,職員態度友善。掛住名古屋又去唔到就可以黎食😋 繼續閱讀
(以上食評乃用戶個人意見 , 並不代表OpenRice之觀點。)
等級1 2020-06-05
290 瀏覽
無得去旅行,唯有食下日本野緬懷下😗琴晚行過尖沙咀見到呢間野主打雞翼,咁岩自己本身都幾中意食雞翼就行落去試吓。店面既格局都真係好有日本居酒屋feel,叫左雞翼,乾身嗰款真心吾錯(吾記得左叫乜名),濕嗰款就略嫌酸左少少,但其實都係酸酸甜甜咁,好醋味既朋友應該會喜歡。然後叫左個小炒芽菜送下咁。芽菜對我黎講更是有驚喜幾惹味,估唔到,本身是但叫。咁就吹左成晚水。生啤價錢亦公道,好岩晚上宵夜咬下飲下吹下水既好地方👍🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2020-05-31
303 瀏覽
以前係日本做野 收工經常都會同同事去《世界の山ちゃん》食食雞翼飲飲啤酒吹吹水 調左返香港都差唔多兩年喇 今次係香港食返 d回憶返晒黎呀夢幻雞翼當然係必點!冇食到夢幻雞翼唔好同人講自己黎過呀夢幻雞翼真係做到同日本店100﹪相同既味道 真係好感動!雞翼好香胡椒味 炸得好香好脆 一個人食10隻簡直綽綽有餘 送啤酒簡直一流!坐得都算舒服 美中不足之處係餐廳係地牢 電話收得好差 不過都有好處既 可以暫時放低手機 同身邊既人好好相處 誠意推介俾各位愛雞翼既朋友!沙律+夢幻雞翼收穫豐富👍 繼續閱讀
(以上食評乃用戶個人意見 , 並不代表OpenRice之觀點。)
一直都想食任食雞好耐㗎啦但係次次都搵唔到唯有食住呢間主打食雞翼嘅餐廳先入到去店員好快安排到位置但餐廳來講食物選擇唔算太多而且價錢都頗貴最後只揀到一個鐵板炒面芝士年糕同埋兩款雞翼雞翼食咗唔記得影相兩款雞翼我哋都食晒一隻比較鹹啲一隻比較香口啲個味道就係好似食緊薯片味嘅雞翼如果下次再想食的話可能會揀外賣雞翼買走食仲有個芝士年糕其實真係同元氣炸芝士年糕一樣味道雖然都明白尖沙咀始終價錢係貴少少但係佢食物嘅選擇真係有啲少 繼續閱讀
(以上食評乃用戶個人意見 , 並不代表OpenRice之觀點。)