不toast不快 (已結業)

等左半個鐘先出既吐司，如果佢落單同我講要等半個鐘我會放棄不過佢無講過🤦🏻‍♂️個店員貼左英文話賣哂後尾有人問，佢講左句”都吾知d人系咪吾識英文”之後貼多張中文，然後入左陣廚房出黎又講左句”等我出去睇下系咪仲有d人先”然後廚房班人系度笑。。。。o左嘴我全程企系到聽到哂🙂佢個包塊芝士太藝術我吾識點形容(我見出單件件都系咁，仲要塊芝士凍既)，最接受吾到系佢個醬系蕃茄醬，食落好似麥記漢堡包。。。隻蛋有芝士拉絲系正但蕃茄醬真系好影響成個包。。。服務態度真系令人不敢恭敬

去葵廣必定會"掃街", 特別係3樓嘅美食集中地, 總會發掘到隱世小食。今日就發現左間主打韓式吐司, 望下Menu上嘅食物相, 見每款吐司都相當豐富, 就買黎試試!所有吐司即叫即整, 所以要預返少少時間啊!我揀左西班牙黑牛配香草碎茄醬吐司吐司麵包搽上牛油, 稍為烘過, 夾住豐富食材, 再淋上茄醬,但因為夾得太大厚, 個口唔夠大一口咬, 所以所有野都係分開食,黑牛肉鹹香、芝士整塊上, 炒蛋好滑, keep到蛋汁, 爽脆椰菜絲吐司結尾夠哂飽肚!另外+$16追加左意大利芝士飯波波 X 4粒表面炸得酥脆, 內有飯香有濕潤, 配上芝士醬, 既香口又帶些少芝士鹹香。

諗咗好耐今日終於試咗韓式鐵板吐司，叫咗一個韓式玉子泡菜牛肉吐司，同埋一個小食 一口班戟，個名都幾特別。因為係即叫即整，所以等咗一陣，熱喇喇出爐嘅時候賣相真係好吸引好想即刻食 啲餡真係好足料啊外層的吐司用牛油加蒜蓉煎的啱啱好，軟硬適中，食之前笃穿個蛋黃，泡菜嘅酸辣加埋蛋黃芝士都幾match，牛肉十分之入味，配合泡菜真係韓味十足，啲泡菜汁牛肉汁滲入吐司，成個食落去都唔會好乾，每一啖嘅口感都非常之豐富，食到最尾仲有沙律菜墊底，所以一路食都有餡料可以食到一口班戟真係一啖一個，軟得來都幾彈牙，好似雞蛋仔嘅感覺，好食！啲食物賣相同味道都幾好 值得一試噶

星期日同朋友去咗葵廣掃街，呢日幫襯咗幾間唔係食開嘅店，其中一間就係位於3樓嘅「不toast不快」，小店名稱真係夠哂趣致，食哂字🤣。小店大受歡迎，想埋去拎張餐牌睇都唔係咁易！不過好彩佢亦貼咗好多食物相片出嚟供參考📸。由於仲會繼續食嘢，所以我哋就Share咗一份多士同一款小食😬。可能太好賣嘅關係，有好幾款鐵板吐司款式賣哂，想食嘅人可能早啲去吧。輕燒煙鴨胸芝蛋吐司($38)，材料包括煙鴨胸、🧀芝士、🥚蛋、椰菜絲以及碎茄醬，以上材料基本上真係可以一眼睇晒。煙鴨胸有兩片，配埋茄醬食酸酸哋。鐵板吐司方面🍞，佢無烘得太乾，亦無因為配料而整到好濕。不過少少意見就係麵包有少少燶，如果芝士可以溶啲就更佳。三角關係($22)，個名又係好頂癮🔺，其實佢即係三角形嘅墨魚餅🦑，一客有三件。食落發現佢同我想像中唔同，因為我原本以為係似好爽打邊爐嗰種墨魚滑。實際上唔係好識形容，不過口感幾得意，而且真係食得出墨魚粒粒。總括嚟講，葵廣有呢間小店又令到食物種類更為豐富，佢賣嘅韓式吐司確係有特式。雖然同樣係麵包，但鐵板吐司同港式唔同，未食過不妨一試😜。

好耐冇去葵廣行街喇，難得放假就拉埋好想抖下氣既媽媽同我一齊去～ 去葵廣最緊要係咩？係空肚去啊！😆我地去到已經非常之餓，所以就諗住食樣飽肚少少既，我揀左不toast不快💛我同媽媽share左個鐵板吐司+一份小食💁🏽‍♀️➿ 西班牙黑牛配香草碎茄醬吐司 ($48)因為個吐司都幾大份，所以食既過程要keep住個口擘到大一大😆 先會一啖咬到包同料，同埋唔會食到整污糟塊面🤪 由上而下咁咬，會先食到幾塊薄薄既牛肉，黑椒味唔係蓋過牛肉味～之後會食到homemade感重、味道微酸既碎茄醬🍅配大量既炒蛋， 仲夾雜住拉到絲既芝士🧀，最後個底仲有椰菜絲～ 成個用左牛油🧈煎香既吐司盒塞滿料，啖啖滿足！！➿ 意大利芝士飯波波 ($22)喺坊間未見過呢個小食，我估係小店自創既👍🏽 通常炸物都係外脆內軟既，意大利飯就有呢種特質！欣賞佢地既創意同心機，始終煮意大利飯都要用d時間去煮嘛，仲要搓圓再拎去炸～ 咬落覺得幾得意😆 食到粒粒分明既意大利飯，仲保留到少少煙韌既特質！芝士控表示更芝士會更好，但係望一望番個價錢，覺得都係唔好諸多要求喇😛呢度仲有打卡一流既水果三文治供應啊，雖然成日都好想自己整，但係買成盒cream又一定

睇左好耐 終於可以試下啦原本諗住叫 韓式泡菜牛肉個款 但去到已經售罄因此揀左店舖推薦既 「軟殼蟹牛油果吐司」我係外賣翻去食 所以外貌無圖片咁靚但由相都睇得出 啲料真係好足 好厚 （ps.建議熱戀中既女仔慎選 講笑 哈哈哈）因為厚到唔知點樣落口 一定會失曬儀態軟殼蟹炸得好好 有蟹膏好正 中間夾左勁厚既蛋🥚預計2-3粒蛋既感覺 小建議：食到底無咩味 建議下面可以加翻啲醬 感覺無咁單一 芝士可以轉做拉絲個款更加好整體黎講 不錯 下次會試下其他款

行開葵涌廣場，順便買啲嘢食返屋企食啦，見到呢間開咗冇耐嘅小食店叫做不吐不快，個名咁特別又有少少似韓式嘅多士，所以就買咗啲嘢返屋企食😇叫咗呢個小食叫做雞胸，雖然係炸嘅但係好似都幾健康😂所以就試吓，另外仲叫咗一個牛油果軟殼蟹炒蛋多士，見到其他人食好吸引，所以就試吓🙂佢係即叫即整嘅，非常之新鮮😘等咗大概10分鐘到就可以拎走啦見到佢新鮮出爐咁樣真係好想即刻食呀，但係又唔想除口罩，所以就拎咗返屋企啦。拎咗返屋企之後都仲係熱嘅，正同埋佢嘅包裝得唔錯，所以嗰啲餡料雖然真係非常之多但係有冇流出嚟咁樣。多少落去有少少趣，蟹亦都唔錯，加埋牛油果幾夾，雞胸就有少少似麥樂雞咁樣，但係佢係一條條嘅香港好少食到，唔錯

首先，等候時間耐，只係等4個Number，但足足等左差唔多25分鐘。其次，等左咁耐時間，但Toast攞上手都竟然完全唔熱，只係暖暖地。另外一個大問題，完全唔明點解茄汁會唧係個面到，但Toast入面係無茄汁。個茄汁仲要唔係均勻咁唧，求其唧左係個面到就算。所以第一啖食既時候，剩係食到成個口都係茄汁，其他咩味都食唔到。仲有，兩塊麵包皮油膩到不得了，食到咁上下，剩底既麵包完全唔想食。除左吐司入面塊炒雞蛋比較正常之外，諗唔到塊Toast有咩優點。整體黎講，唔好話值唔值得排隊，就算唔使等，都唔會再有下次。食過幾間賣韓式Toast既小店，無論係味道定係其他感受，今次都係最差既一次。

葵涌廣場而家越嚟越開得多唔同類型嘅小店終於等到有韓式吐司嘅舖頭之前都食過其他佢嘅韓式吐司店但感覺都一般今次一於試吓佢呢間舖頭除咗有鐵板吐司系列之外另外仲會有小食同埋呢個比較特別嘅水果花花三文治即係價錢都比較合理唔洗$40就有交易買吐司加$16仲有配返小食有圖喺個Menu度其實都幾冒險事關如果真係做到一模一樣就固然係好但落差太大俾客人嘅觀感就會唔係咁好但好好彩，佢地做得非常出色韓式玉子泡菜牛肉吐司個賣相一流份量比我之前係舖頭舖頭食過嘅大老師外層亦有用牛油同蒜蓉煎過就咁已經聞到好香嘅蒜蓉牛油味芝士泡菜蛋同埋牛肉嘅配搭亦都相當之好泡菜夠晒酸辣越食越想食個包亦都好多汁唔會食到好乾食晒面頭嗰浸肉之外仲會有沙律菜夾係包下面最唔會一開頭就有肉食之後就變到齋食麵包基本上食到最底都會keep住一直有我感到印象好深刻另外叫咗個香蒜焗大啡菇配蒜蓉吐司一個感覺嘅味道頭先嗰個韓式吐司又係另一種完全唔同嘅感覺食落去好友田園feel少少木魚多咗啲日式嘅感覺個包同啲醬都係做到非常之濕潤大啡菇做得非常厚身有口感值得一試我哋亦都有加購佢嘅小食意大利芝士飯波波口感幾特別由意大利飯加芝士然後炸嘅炸物不過芥末漿食落都幾香口脆炸

葵芳廣場係小食天店，不嬲都係公開嘅秘密，上星期我去左試左一間食吐司嘅舖頭。佢嘅吐司好特別，整法有啲似漢堡包，但面頭係用兩塊 厚切嘅蒜蓉牛油多士夾住。我揀左蒜蓉牛油多士夾大啡菇，兩樣都係我鐘意食嘅野。鋪頭嘅多士都係即叫即整。 蒜蓉牛油多士麵包軟熟，牛油味夠，亦都夠厚身。好正大啡菇更加令我感到驚喜，咬落好juicy好厚身。 同個多士幾夾，中和吐司嘅 油膩感。 女仔食嫁話，首推試下呢個。我仲叫左 炸墨魚餅， 墨魚餅幾 彈牙 ，個粉唔會好厚，即刻整嘅，熱辣辣。整體食完呢兩樣嘢已經好飽。100蚊有找，性價比超高，其實當晚餐都得。

我不嬲都知道葵涌廣場最高嗰層就好似美食廣場咁又好多嘢食揀見到呢個即叫即整嘅吐司覺得好吸引就諗住試吓啦舖頭主要係買鐵板吐司然後仲有少少小食選擇唔算多韓式玉子泡菜牛肉吐司 $55超級足料！入面有安格斯牛肉日本I級蛋泡菜七彩芝麻蛋黃醬芝士 充滿韓式風味 好似一個升級版嘅漢堡包咁 當啲蛋汁流入去啲牛肉度口感非常好而吐司都唔會太硬蛋黃醬個份量啱啱好如果太多嘅話就會搶咗泡菜嗰浸味底部係一啲碎生菜 咁就唔會令到個口感太dry而食到有啲滯 呢個設計幾貼心意大利芝士飯波波 +$16 4粒覺得呢個設計幾得意 用一個脆皮嘅波波包住啲意大利飯再諗一啲芝士汁上去 咬落去又有脆皮又有飯嘅口感 豐富左個層次 正

難得有個空閒既開心星期四🤣😜🙊黎葵廣同朋友仔掃下街食下吐司啦☺️😋🥪🍞西班牙黑牛配香草碎茄醬吐司即叫即製既人氣熱辣吐司🍞😜🥪以鹹香黑牛肉同炒蛋配合既吐司餡料😆🥪滑嫩既炒蛋再夾以滿滿既香草碎茄😋🍳🍅邪惡十足甚有特色又開胃之餘🤩😈🥪夾埋芝士啖啖芝香更邪惡😋😋🤤🧀三角關係三角關係乃三角墨魚餅既化身🦑😜炸到脆口內嫩墨魚餅😋😋🦑啖啖邪惡之餘又滋味🤤😈🦑

‼️❤️ 記得CLICK我PROFILE關注我呀 ❤️‼️.🦀️ 軟殼蟹牛油果黃金吐司 HKD58 @ 🌟 不Toast不快 （鐵板吐司•水果三文治專門店）《👽食神大媽掃街記》.😃 最近軟殼蟹包包非常人氣充滿住各個社交平台，今次就同大家黎到葵廣試下呢一間啦。基本上軟殼蟹夠肥大，咬落唔會飆一泡油出黎，亦完全無做得差嘅舖頭炸物會有嘅油益味。炸物技術絕對讚 🤤 唯一可以挑剔係沙律醬位置比較古怪，同埋牛油果沉底，影響左咬落去嘅味道唔平均同整體觀感。🥑.🍞 另外惠顧多士可以優惠價 HKD18 加購小食，大媽今次試左墨魚餅。都係同樣評價，炸物做得絕對出色，不過沙律醬實在太少了，調味亦略嫌不夠。🙃.👽 各位支持大媽咁耐都知道大媽幾乎無咩貼過掃街嘅分享，今次就一連幾個帖黎同大家分享下人氣葵廣掃街經歷啦 😁 希望大家喜歡支持 ❤️.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂..📍 葵芳葵富路7號葵涌廣場3樓Top世界3069-T3號舖地下1,2號舖⠀☎️ +(852)9322-5105.

去掃街第一時間就會諗起葵廣 真係一個美食集中地😋 而據聞最近亦都開咗啲新嘅小店 當然要去試吓啦😝 今日就嚟到3樓Top嗰度 一間新開嘅鐵板吐司店🍞~~🥪西班牙黑牛配香草碎茄醬吐司 $48吐司呈金黃色 用咗牛油烘過 牛油味都幾香濃😌 麵包食落都幾鬆化 不過再脆身啲就更加正😆中間啲餡料都好豐富 醬汁有茄醬同埋沙律醬 碎茄醬🍅幾好食 酸酸甜甜👍🏻牛肉係薄切 都食到牛味🥩 仲有生菜絲同埋煎蛋 一啖咬落去好有層次😜 下次有機會試埋軟殼蟹🤤~~評分📈味道 7/10性價比 7/10

呢間韓式鐵板吐司望落幾吸引，都有唔少口味選擇，比較特別既有大啡菇蒜蓉吐司同埋牛油果軟殼蟹吐司🥑🥑但價錢都唔算好平。最後揀左漢堡扒流心芝蛋味，佢話係即叫即整，等左大概5分鐘就有喇，但個包根本唔熱，啲餡只係微暖。芝士係完整一塊凍既冇拉芝，蛋係全熟炒蛋，唔明點解佢個名叫流心芝蛋??🧐🧐🧐🧐🧐🧐但味道其實都唔錯，醬汁幾好食，個吐司加左牛油煎得好香，如果係熱辣辣同少少脆就好了😣😣😣😣