不toast不快 (已結業)

有一段時間冇嚟葵涌廣場行街食嘢，記得上次想試不toast不快嘅鐵板吐司但因為太飽放棄咗，所以今次決定早餐都唔食留肚食吐司🤣漢堡扒流心芝蛋吐司（$38）：份量都幾大，同朋友一人一半都好滿足，真心覺得當正餐食都可以！餡料有豬柳漢堡扒、芝士、嫩滑雞蛋同爽脆椰菜絲，外層嘅吐司用蒜蓉同牛油烘過，外層微脆口感介乎多士同麵包之間！每啖都食到滿滿嘅餡料，雞蛋入面嘅芝士仲做到拉絲嘅效果😍芝士飯波波（+$16）：買吐司加16蚊可以揀一個小食，所以我哋就加咗一份！將意大利飯加入芝士再搓成球狀油炸，入口熱辣辣惹味又香脆！上面淋上酸甜嘅蜜糖芥末醬好開胃😋

不toast不快呢個名非常特別，易記同埋一睇就知係食吐司👍🏻係葵涌廣場3樓開業，主打韓式吐司同水果花三文治，但當日去到已經冇哂，相當受歡迎除左吐司，仲有多款小食，當中粒粒花生友、意大利芝士飯波波都係比較少有香草扒啡菇芝蛋配香蒜吐司 $48 7.5/10落完單後店員會比張memo我，叫左等大約15分鐘左右，因為即叫即製，所以需要時間等候麵包有別於坊間，他們特別訂製一款質地較為鬆軟，而且牛油味較重的厚方包，仲加左蒜蓉去烘香，不過烘得比較燶，食落幾香脆同埋鬆軟大啡菇有兩片，真係幾juicy，同埋有好多蒜蓉去調味，中間仲有芝士同蛋，幾厚身唔算好滑，不過口感層次豐富，最底仲有椰菜絲，可以膩一膩，不過我覺得椰菜絲可以中間加多些就完美三角關係 $22 7/10其實係三角墨魚餅，一份有3件，我覺得炸得有點過火喉，炸皮比較硬，硬叉都難叉上，不過入面有墨魚粒粒，口感幾過癮

葵廣出名多小食，忍左好耐無出去，今日去一定要食好西啦呢間舖頭細細但吐司份量好驚人真係估佢唔到，好抵食小店主打吐司，但都有七款小食可以揀，仲有生果花花三文治吐司款式配搭新鮮，唔同風格都有，如果同朋友一齊食就可以試到晒唔同口味既然吐司主打，我就揀左一款西班牙黑牛配香草碎蕃茄吐司，再配一個炸墨魚餅試下兩個都有驚喜，果然，美食在民間吐司大大份，厚到一隻手都唔夠拎，咁大件唔用兩隻手拎好易跌左，一拎上手真係嚇一嚇面包烘得好香好鬆軟，香噴噴咁，忍唔住即刻要咬一大啖，牛肉好juicy好多汁，配左香草碎蕃茄醬汁更加惹味，牛肉真係由頭食到尾都有，唔會好似出面d吐司咁食到一半就無晒，證明店主落足料無手軟，抵讚，咁既價錢有咁大份，正墨魚餅都好正，炸完入面唔會乾淨淨，仲有好多汁，墨魚肉好彈牙好厚肉，仲食到粒粒墨魚肉，好好味，16蚊咁足粒真係良心小店其他吐司款都好吸引，下次要試軟殼蟹牛油果🥑先得，中意韓食既都有玉子泡菜牛肉吐司，配搭幾新鮮，等緊野食期間都好多人幫襯，證明有實力既食店一定會有粉絲支持

〰️〰️〰️〰️〰️〰️〰️〰️〰️〰️〰️〰️〰️〰️🍞 輕燒鴨煙胸芝蛋吐司 $38〰️〰️〰️〰️〰️〰️〰️〰️〰️〰️〰️〰️〰️〰️喺韓國食過egg drop之後好想再食依一類嘅野，未試過香港嘅Issac嚟到不toast不快見到有水果花花三文治，但係佢地今日冇哂凍野賣啦😢有諗過試佢嘅軟殼蟹吐司，但成$60最後就揀左staff推介嘅輕燒鴨煙胸芝蛋吐司🍞，要等十分鐘，即叫即製塊包做到脆嘅效果，本身有搽滿牛油好好食，勁香有成塊芝士夾喺道😗，但拉絲應該唔係因為依塊芝士佢個蛋炒得啱啱好，仲要有芝士🧀喺入面做到拉絲嘅效果🤤，但冇芝士味，feel到入面同egg drop唔同、有落調味☺️鴨煙胸🥓有三嚿，但有少少難咬食食下都見到入面有好多汁食到最尾有少少乾身，見到有夾椰菜絲係入面但都係有啲乾😕

🥪 不toast不快•原隻軟殼蟹配牛油果芝蛋黃金吐司 $58佢地係即叫即整嘅韓式鐵板多士😆一聽個名就知係一個絕配嘅組合🤣·本身以為厚厚嘅多士沾上左鹹蛋黃會奇怪🤭但係係令到個包再香啲啲🥰因為食落係冇咩鹹蛋黃味嫁🤣成個包好足料🤩有原隻軟殼蟹🦀牛油果🥑 芝士🧀 椰菜絲同埋炒蛋🤤食一個已經可以當一餐正餐咁食🤣而好好彩軟殼蟹唔會係一pat油咁 幾香脆 仲有少少蟹膏🤣好好食🥰✨✨·但略嫌沙律醬係一pat喺面頭🤧食到下面就會好似有少少dry😢如果係已經喺埋入面應該會好好多😆但整體黎講都係好食嘅有埋椰菜絲就中和返就冇咁油嘅感覺🥳佢地仲有好多款toast同埋呢排日韓大熱嘅水果三文治嫁🤣

❀ 葵廣一向多野食 但已經好耐冇去今次難得經過 就買咗外賣返屋企試下🤪—·—·—·—·—·—·—·—·—·入面分別有三塊煙鴨胸 厚薄適中輕輕燒過 幾惹味🤤芝士味道正常 配埋一齊食好夾隻蛋好嫩滑同厚身 食到尾都仲有 但調味不足 味道較淡椰菜絲份量多 可以中和返其他重口味材料食落唔會太膩🥗多士有加牛油及蒜蓉煎過 非常香脆 唔會煎得太乾身 配上茄汁及沙律醬整體非常濕潤💚-總括而言味道唔錯 呢個價錢份量都合格值得讃嘅係真係即叫即整 平日去冇乜人都等左十分鐘左右 但係值得嘅下次經過都會再encore 順便試吓其他口味🤪————————————💰: ★★★☆☆👅: ★★★★☆🏖: ★★★☆☆=================📍 不toast不快 (葵芳)葵芳葵富路7號葵涌廣場3樓Top世界3069-T3號舖-

近年有一股麵包熱潮，而韓國eggdrop類嘅鐵板吐司鋪香港都開咗幾間，葵廣呢間之前嚟行街都幾多人排隊，咁啱今次weekday嚟人少啲就同朋友嗌咗個套餐試吓。其實款款都好吸引，我地最尾叫咗西班牙黑牛個款再拼三角墨魚餅。因為嘢食係即整所以都要等一陣，但企隔離都會聞到好香嘅味道。整完一拎出嚟個吓真係好心動，啲食材滿到就瀉咁，有芝士，pastrami, 滑蛋, 要一口咬哂其實有啲困難，dressing方面有沙律醬拼啲refreshing嘅蕃茄醬，所以食感好豐富。而且佢唔同有啲鋪頭得個面有料，食到下面就好空虛，佢個底都墊咗啲椰菜絲沙律，而且個吐司麵包都好香軟，所以就算食到底都會好滿足。另外墨魚餅都好彈牙，而且好鮮味。呢間韓式吐司比起其他鋪冇咁貴，而且都好好味，唔怪得成日咁多人排隊👍🏻

葵廣又多o野食又平，百去不厭。今次流連o係三樓，諗住食少少o野掃下街咁。呢間多士/三文治店，俾佢門口隻香檳色玫瑰熊熊吸引住，跟住睇落佢d 多士都唔係話好貴，$30 幾$40 都有，比起出面d burger 店，單包都$60 幾，combo 埋隨時過百，都可試下。新鮮製造，所以要等5-10 分鐘，之後拎o左去新都會個草地度食。春回大地，o黎個小小一人o既野餐，沐浴於午後o既陽光，特別令人舒暢。西班牙黑牛配香草碎茄醬吐司($48) o既多士有一隻手板咁大，裡面亦好足料，感覺幾抵食。塊包最外層有搽o左蒜蓉烘過，滲出燶燶地o既蒜香。重點o既西班牙牛肉有兩片，薄切圓碌碌，以黑椒調味，睇落有少少似熟成肉，但唔太sure~裡面仲有成隻炒蛋，跟住就係被熱力谷到半溶o既芝士、椰菜絲，再淋上沙律醬同蕃茄醬，食完會很飽肚，讓人很滿足。加$16 就可配到價值$22 o既小食，而且件事好chill，佢d 小食d 名特登整到好搞笑，又「脆」味人生，又花生友，回應番佢像極了愛情o既slogan……試o左個三角關係，原來係三角型o既墨魚餅，外面香脆，裡面釀o左粒粒墨魚，過口癮簡直一流。

好久沒來葵涌廣場逛街，一場來到當然要看看有甚麼平價美食，這次我就找到三樓這間 不toast不快，鐵板吐司賣相澎湃，用料絕不手軟配搭都幾用心添架。一上到葵涌廣場3樓真係花多眼亂，點解可以有咁多小食店？轉入Top世界行幾步就見到這間橙色招牌的不toast不快，主打鐵板吐司仲有香口小食。共八款鐵板吐司，賣相造型係現在最hit的韓國紙盒style，不吃肉的話可以揀「流心芝蛋拉絲吐司」或「香草扒啡菇芝蛋配香蒜吐司」，留意這是鍋邊方便素，唔好走去問人有無分開鍋煮之類，另外要講聲走柴魚片。香草扒啡菇芝蛋配香蒜吐司 HK$48(大啡菇、芝士、蛋、椰菜絲、蒜蓉吐司)鐵板吐司即叫即製要等約15分鐘，可以見到吐司有塗上蒜蓉兩邊烘過，落足心機當然好味。香草大啡菇夠晒 Juicy，最正係超級多蒜蓉，濃味王表示高興！配埋厚煎蛋、芝士片和沙律醬，口感味道都有層次，兩塊麵包都入口鬆軟幾靚仔，以葵廣小店來說算很有質素。一口班戟×5粒 HK$16鐵板吐司之外，另外叫了個一口班戟小食做甜品，本來都沒甚麼期望，但又幾香幾軟幾好食，係會食唔停口果種。在葵涌廣場想找好味又打卡-able的小食，這間不toast不快是個很好的選擇，

先黎要左小食，佢嗰啲小食名都幾有趣，例如有奶油，即係奶油多，估佢唔到哈哈。要咗意大利芝士飯波波，22蚊有四粒。一口size，新鮮熱辣辣炸起，面頭淋左芝士汁，食落係好濃嘅芝士味。估唔到飯都可以咁好食，唔油膩，外脆內軟，唔會太實的的，啲飯有好香牛油味。外層嘅脆皮唔會太厚，又夠脆。意大利飯入面有用香草調味，一粒都幾飽肚，抵食之選。芝士同香草味係食完都會留係口入面，會係回購之選。另一樣就食佢嘅主打，吐司。係韓國好出名嘅鐵板吐司。賣相好靚，打卡一流。 要咗西班牙黑牛配香草碎茄醬吐司（＄48）。當然有人會話成50蚊食個三文治唔好似好唔抵咁，但佢一口咬落去入面嘅餡好豐富，有芝士、椰菜絲、蛋同埋黑椒牛肉。 值得一讚嘅係個蛋煎得好好，有炒滑蛋同日式蛋卷之間嘅口感，夠滑，蛋香夠足。麵包搽完牛油再煎香食落好香牛油味，麵包質夠軟 見到佢仲有水果花花三文治，即係將水果砌好，一切開就會好似花嘅形狀，好似都幾吸引今次就飽得滯冇試過，下次希望可以試下啦。

/足料吐司🍞/每次去韓國都會食吐司做早餐🥣係香港越開越多🤣有過江龍既❤️又有本地開既🍞.葵廣新開吐司店🍞行街又有一個選擇😀.🌿香草扒啡菇芝蛋配香蒜吐司 $48個吐司大到一個口都放唔晒😗要分層咬😋吐司既蒜味唔算係好濃♨️食完唔怕口臭😂有陣淡淡既蒜香🧄，個菇以為得一件甘少😆點知係兩件，依到底仲有啡菇🤩，個蛋好有蛋香同滑既.🍳一口pancake $16之前見人成日買佢黎氣炸😇一舊都幾包肚😙真係一啖食到一舊😅

之前去葵涌廣場 經過呢間不toast不快 都有諗過買來試吓但係次次都諗 如果買咗嚟食 咁飽 就唔會食到其他嘢你知啦 去葵涌廣場一定係掃街㗎嘛今次因為係要醫肚🤪就揀左佢啦⋯.西班牙黑牛配香草碎茄醬吐司即叫即整嘅人氣吐司🍞今次外賣返屋企食⋯竟然麵包無因為水氣而變腍左 牛肉片鹹鹹地加上厚厚嘅雞蛋😮口感好豐富！仲有佢既茄醬 芝士 沙律醬 會帶起成個包既味道兩塊麵包都有好香牛油嘅味道 明顯用牛油烘過成個吐司超厚身😋一啖系冇可能可以食到哂入面既料食到去後段 會有少少椰菜絲系到 令到成件事冇咁油膩呢個idea唔錯 又返條菜咬下😋🤪心理上balance番😌整體我會比幾高分 下次有機會外賣都想試埋其他口味😋😆

終於同男朋友黎葵涌廣場食呢間大熱韓式吐司啦🥰❤️位置唔算太難搵 成間舖都係以橙色為主調遠遠都會望到我地揀左輕燒煙鴨胸芝蛋吐司好多料 成份係爆滿架！最驚喜既係即叫即整 保持新鮮 熱辣辣 大約等10分鐘左右麵包唔係硬到咬唔到果啲搽左牛油好香 好易入口的 煙鴨胸係輕燒 同樣好香好惹味就咁影相已經好靚！望到都想再食！另外叫左份脆炸薯條呢個脆卜卜 加上茄汁同芥末 抗拒不了！份量適中 同朋友share就岩岩好了同樣係即叫即炸！店內仲有多款吐司同小食 下次一定會再幫襯！

🇭🇰不toast不快·香草蒜蓉焗大啡菇配香蒜吐司$48呢個超級好食 佢個多士真係煎到好脆 而且蒜蓉味好濃 入邊個配搭都好好😌佢個大啡菇仲係超級juicy 個蛋亦都好滑 唔會過老 成個combo都好好食🤤🤤不過我諗佢係為左影相好睇 所以將個大啡菇打橫左黎擺 食既時候真係有少少狼狽 大家要小心啲 而且佢係真係超大個 就算我地兩個人share都有啲飽🙊·📍葵涌廣場3樓Top世界3069-T3號舖·#rbyeat#rby葵芳#rby韓國菜

今日去到鬼死甘多野食既葵涌廣場，簡稱葵廣,係人都知葵廣出名d咩呀！入到去真係花多眼亂，都唔知食咩好?今日就行到去呢一條食街，呢度有賣熱狗，台式飲品，壽司，小食，吐司同芋圓等。見d人渣住個幾靚既吐司，，而且賣相不錯，，就選了呢間不toast不快,店面簡潔，但logo亮麗，一個燈色既吐司logo.我點了一個鐵板吐司系列既韓式玉子泡菜牛肉吐司同埋一個香蒜焗大啡菇配蒜蓉吐司。一睇賣相真係冇得輸，一大片芝士在麵包之間再夾住泡菜，牛肉，而係佢地既最頂層係隻日本既一級蛋，剩係賣相都攞滿分，食落去口感不錯，泡菜不太酸也不太辣，牛肉肉質軟熟香蒜焗大啡菇配蒜蓉吐司，香味十足，大啡菇味香，而且多汁，蒜味，正正正呢度中有一d party package同埋可以用whatsapp order