不toast不快 (已結業)

上網睇呢間餐廳個名改得幾特別, 於是入去試下, 餐廳位置亦唔難搵, 係Top世界直行左手邊就會見到!本人唔係太肚餓, 就嗌左個流心芝蛋拉絲吐司! 製作亦需時 唔會咁快整好架 所以個staff都叫我等10-15分鐘左右 話晒係即叫即製呀嘛! 咁先新鮮!所以唯有用呢D空餘時間係葵廣行個圈先啦~好啦 終於到我拎啦! 哇! 2塊麵包勁厚!入面個餡都好豐富! D蛋勁多! 而且咬落去啖啖芝士既香味! 麵包亦都茶左D牛油去焗! 焗得非常香脆最重要既係佢個蛋放得勁飽滿! 再加埋少少既沙律醬+芝士醬, 成件事勁有層次感! 中意食吐司既朋友一定要黎葵廣呢間試下! 因為個size大大份, 而佢D餡亦都落得好多好客氣! 本應都好想試其他小食架~可惜, 本人實在食完之後覺得好飽! 無機會試其他野食! 不過相信都整得好好食! 因為佢樣樣野都好新鮮! 而且份量都幾多！

📍不toast不快 (葵芳) 睇到 不toast不快 呢個名就知道佢地係賣吐司啦~ 💛 呢間位於葵廣3樓既小店主打韓式鐵板吐司，而且價錢仲好親民！佢地有好多款唔同既餡料選擇，非常豐富！😺 吐司仲係即叫即整架，雖然要等10分鐘左右但係都值得既。𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️輕燒煙鴨胸芝蛋吐司 🍞($38) 吐司好大份，厚厚既兩塊多士夾住左超多餡料呀！🥪 多士有先加牛油同蒜蓉烘過，令到味道好香口，面層脆脆地咁，而入面則好鬆軟。吐司入面會有幾塊煙鴨胸，煙鴨胸有微微燒過，食落好香，而且都有返咁上下厚度。🥰 而炒蛋既份量好多，仲好嫩滑同會有少少蛋汁，不過味道就較為淡。吐司底下會有大量既椰菜絲，正好中和返其他配料既油膩感。中間仲會夾住左芝士，🧀 芝士溶溶地咁，夾埋一齊食好正。呢個價錢黎講好抵食呀！▪️脆炸雞胸柳 (+$16) 隨吐司可以以$16加配一款小食，今次我地加左一份炸雞胸柳，💕 雞柳既調味醬料非常加分，好落好惹味！𝑨𝑫𝑫𝑹𝑬𝑺𝑺:📍葵芳葵富路7號葵涌廣場3樓Top世界3069-T3號舖Shop 3069-T3, Top World, 3/F, Kwai Chung Plaza, 7 Kwai

👨🏻‍🎓喺葵廣3樓嘅TOP世界入面近呢幾年開咗好多間唔同嘅黃店，P仔之前都試過幾間，今次就試呢間賣toast嘅小店 #不toast不快 !🥪佢哋嘅toast一共就有8款咁多，大部分都係HKD 40-50左右咁，P仔就揀咗佢哋嘅#漢堡扒流心芝蛋吐司 。因為佢係即叫即整，所以叫完要等15分鐘左右，呢個時候就可以去附近睇吓有咩其他嘢食！🍞因為即整嘅關係，佢拎上手都幾熱，P仔覺得好好嘅係佢個包會用牛油烘過先，所以食落會香啲仲脆脆哋咁！🍳另外呢個吐司都幾足料，入面有一塊普通嘅漢堡扒、椰菜絲、芝士、沙律醬同埋幾滑嘅蛋，成個勁厚勁豐富，要好大啖先會咬得哂成個包，真係勁豐富勁滿足，食完成個包都已經覺得飽，配多杯嘢飲就啱啱好啦！

喺OpenRice直接點左個外賣自取揀咗呢間叫不Toast不快由於我哋係第一間就揀咗呢間食加上喺OpenRice撳咗外賣自取即係我哋已經預先落咗單之後再買其他嘢食所以我哋去到基本上都可以話係唔駛等即刻有得拎漢堡扒流心芝蛋吐司（豬柳漢堡：芝士，蛋，衛菜絲+碎茄醬）$38賣相可能因為我拎走所以影到有啲核突佢嗰啲沙律醬癡咗個包周圍都係呀應該係我拎嘅問題嚟嘅無論個包食一半嘅賣相佢個包都幾大個我覺得好好味喎覺豬柳整得幾好食再加佢嗰個所謂流心蛋雖然唔覺有流心但係個蛋同個包好夾加上個包仲有芝士外面應該仲搽咗牛油成個包味道好豐富呀我覺得好好味所以呢個抵食好味呀

今日放假同老婆去咗葵涌廣場,上到三樓小食街打算掃下街，這條小食街真係好多小食店，咩都有得食，點都會有啱口味的選擇。 行咗一陣，見到有一間韓式吐司店 ，就諗起之前去韓國旅行都食過一次， 覺得好好食，有些懷念。所以就選擇咗呢間店買嘢食。吐司是即叫即做，所以叫咗之後都要等一陣先可以取得食物 ，今次我選了煙肉流心芝蛋吐司。 大約等了接近十分鐘 ，就可以取得食物 ，食物攞上手的時候覺得熱辣辣。 首先食落口塊多士煎得幾香脆，有搽過牛油後再煎，所以好香。 煙肉比較細塊蛋煎得香脆的同事都唔算太乾身。流心蛋做得好滑，配埋佢哋的特製醬汁變得更加惹味。店主落足料，吐司抵食夾大大件，抵讚。

見到個多士好似幾吸引韓式嗰啲又好足料  諗住試下然後叫左漢堡扒流心芝士蛋吐司有 漢堡扒 芝士 生菜 蛋 碎茄醬toast都整得脆口嘅都幾足料係食嘅時候要擘到個口好大, 食會有少少尷尬 整體而言圖片吸引過實物本身😂不過都ok嘅不過夠飽肚, 女士食一件都夠做午餐P.s. 附件幾大油煙, 搞到眼有點眼澀行過少少食會好D

葵涌廣場有間鐵板吐司•水果三文治專門店「不Toast不快」，齋睇舖名已經覺得好有創意！取其音不吐不快，改名最緊要易記，「不Toast不快」真係好難會有人唔記得佢呢個舖名！三文治可能成日都會食，不過水果三文治就唔係周圍有得食，估唔到葵涌廣場都有得食！水果三文治係以花花為主，有幸福鬱金香、黃桔向日葵同埋多姿多彩三種口味，每件$28！兩件$52三件$72，一次過買三件就可以一口氣試哂三種口味，但係一定有人開心share！始終水果三文治有cream係會有少少漏既，當下午茶真係一流，食完行一陣街已經消化哂！

不toast不快今日叫漢堡扒流心芝蛋包❤️個包有少少燶不過我都可以接受得到😓整體味道都唔錯😉不過入邊嘅餡真係唔係好夠同埋芝士唔夠多做唔到拉絲嘅效果🤦🏻‍♀️希望下次可以試軟殼蟹牛油果嗰個唔好令我失望～完

葵涌廣場3樓出咗名係美食天堂，行行吓見到一間買吐司嘅小店，我平時都有食開吐司，所以今日買一個食，睇吓會唔會有驚喜！西班牙黑藍配香草碎茄醬吐司：厚切吐司焗得外面好脆口，加上一大塊嘅牛肉，肉質鬆軟，牛味好重，加埋流心炒蛋再配芝士一齊食，成件事好夾，如果鍾意食芝士朋友應該會好鍾意！一口班戟x5⃣️粒：粉漿鬆軟，蛋味夠濃，面上仲有沙糖連埋一齊食，相當夾，食必算！其實去到見到個餐牌好多種類，樣樣都想食，所以唯有等下一次！

叫左個漢堡扒芝士蛋多士加墨魚餅$5x, 鐵板多士有些燶都係正常，漢堡扒正常味道，蛋過熟，芝士份量少到得一啖，茄醬仲係凍冰冰的（我買左即食）, 椰菜都好少，配料既份量只得約多士既六份一甚至更少，所以同時間只食到1-2種配料，可能係我期望過高。吉列墨魚餅都好細件，食脆漿多過食餡，感覺好似係番炸的，唯一好既係夠熱。總體來說味道好一般，加上呢個格局個人來說完全唔值呢個價錢，係葵芳可以有好多好選擇，唔會再有下次。

得閒冇嘢做去葵廣行吓街行行吓就會唔記得咗食飯呢個時候最好就係去掃街😋喺廣場三樓有好多小食店今次吸引咗我哋嘅就係呢間多士鋪！😍.🌟漢堡扒流心芝蛋吐司 ($38)又大份又足料嘅即叫即焗多士🥪麵包搽上牛油烘到金黃色鬆軟嘅炒蛋入面夾住流心芝士🧀再加埋煎到香噴噴嘅漢堡扒同埋沙律醬同茄汁 中和下甜膩大啖咬落去 真係好滿足！.🌟三角關系 (三角墨魚餅x3件) ($22)墨魚餅有三件外層脆卜卜 入面熱辣辣香口得黎又彈牙鋪頭仲俾左好多他他醬添🥰.呢度真係好抵食 呢個價錢已經有咁大份嘅多士其實食呢份多士加個小食已經等於食左個lunch而且餐廳仲係即叫即整 為左令客人食到最新鮮嘅食物真係好有誠意加上係良心小店💛 真係好推薦俾大家！

鐵板吐司初體驗是在韓國著名的Toast店，當它來到香港時則還未嚐過。然而鐵板吐司在香港起了一股變化，餡料愈來愈豐富，吐司的厚度大大增加！今次率先試試在葵廣3/F的不toast不快！不toast不快除了售賣鐵板吐司外，還有水果花花三文治及一些小食。我和妹妹來到不toast不快前已吃了點其他食物，所以只點鐵板吐司就夠！鐵板吐司的價錢由$32起，最貴的軟殼蟹盛惠$58，另可以優惠價格加配小食及飲品！我們選了漢堡扒流心蛋吐司。漢堡扒流心芝蛋吐司，吐司略焦，餡料有芝士﹑炒滑蛋﹑蕃茄及漢堡扒，加入蕃茄醬及澆上沙律醬。雖然蛋是帶有蛋汁，但與想像中的流心蛋是有點出入啊！想不到是炒滑蛋的賣相呢！漢堡扒不夠熱，只是微暖的程度。芝士有拉絲效果，但芝士味不夠濃郁！整份吐司的調味偏淡，餡料尚算豐富，然而整體搭配不出一份滋味！是有點點失望。

今日，我經過呢間「不Toast不快」，我叫咗「原隻軟殻蟹配牛油果黃金吐司」嚟食。落Order果陣，店員告知我要等待大概15分鐘，同埋會有張飛仔比你。我唔洗浪費時間係度等野食，我利用咗呢15分鐘去周圍行行、周圍望望。🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽原隻軟殼蟹配牛油果黃金吐司：有炸到好脆嘅軟殼蟹、2片牛油果、邪惡嘅芝士、幾好味嘅蛋、椰菜絲、有烘底但又食唔到有鹹蛋黃味嘅鹹蛋黃多士CP值🌟中

不Toast不快位於葵涌廣場，是Toast的外賣專門店，有多款特式的吐司可供選擇！西班牙黑牛配香草碎茄醬吐司 $48賣相吸引，吐司內含黑椒牛肉、芝士、蛋、椰菜絲、碎茄醬，材料豐富！黑椒牛肉係黑椒煙牛肉片，帶點煙燻咸香，配埋有啲似德國Style嘅酸椰菜，成件事好似食緊德國咸豬手咁，好有特式！吐司塗滿蒜蓉牛油，軟熟美味！三角關係 $22三件三角形嘅炸墨魚餅，外層炸至脆口，內裡的墨魚肉也很彈牙，不錯！P.S. 需自備購物袋，外賣膠袋另收$1

喺葵廣附近返工放工嘅時候搵咗啲小食黎填下肚依間多士係朋友極力推介嘅嘢食，我見佢午餐成日都會買來食所以放工我都同朋友去咗買其實多士嘅款式真係勁多而且配搭多樣化，我就揀咗最common嘅款式煙肉流心蛋吐司即叫即整所以都需要少少時間等待，即整所以真係好熱辣辣好新鮮，嚟到嘅時候煙肉仲係出緊煙，流心蛋做得好滑，配埋佢哋嘅特製醬汁成個吐司食落去真係好好食份量都唔錯做小食一流另外我仲叫咗一份炸雞條，份量都幾大份，食落去吹口同埋好香嘅調味料如果俾我下次去嘅話都會再叫吐司嘅款式實在太多啦如果下次有機會一定要試埋軟殼蟹嘅款式