不要對我尖叫，日常茶間， (中環大廈) (已結業)

中午食完lunch 想飲下野，知道呢間開左新店，所以過黎幫襯下。去到都知一定會排哂隊，好彩都唔算好長，大約10分鐘都可以排到買野飲。叫左杯桂花烏龍加白玉珍珠，即係小丸子，好好飲呀 都幾夾佢仲可以揀加芋圓，下次再去試下先！

自從上次飲完不要對我尖叫，日常茶間之後，一直念念不忘，今日去開中環食飯，又走咗去飲喇，上咗癮🤤🤤上次試咗桂花烏龍茶🌸，今次就試吓桂花鮮奶茶啦🥛，比較之下我覺得桂花烏龍茶好飲好多，桂花奶茶味道比較普通，桂花味亦唔係好出，冇咩特別，下次一定係會揀返桂花烏龍茶😌上次我呢個煙韌控加晒白玉珍珠同埋芋圓，不過今次因為可能夜左去，冇晒白玉珍珠lu😫，剩係得芋圓，今次唔夠滿足😭店員話下次可以早啲打黎，叫佢留定一份白玉珍珠🙃

之前成日見人地ig post呢間不要對我尖叫，日常茶間🥤，見佢有我呢個煙韌控最愛嘅小丸子同小芋圓🤤🤤，已經想試好耐架喇，今日終於試左喇✌🏻✌🏻掙扎左一陣飲奶茶定淨茶好🤔，最後因為費事飲到咁飽，所以揀左推介嘅桂花烏龍🌸等緊嘅時候仲驚茶同小丸子回唔襯，但係一飲落就知道冇呢個問題啦，原來一d違和感都冇🤗茶味香濃，仲有好出嘅桂花味，我覺得飲呢個茶會好過飲奶茶呀，清清地，好味得黎又冇咁肥😋呢間回頭率好高呀👍🏻👍🏻

專程黎一試由台灣藝人丫頭開既台式飲品店細細個時完全係我愛黑澀會既fans，而家見到黑澀會成員黎香港開飲品店，成件事感覺好特別間舖o係擺花街，唔算難搵，而且都幾細下，不過o係中環地段，算係咁啦朋友說它的LOGO有D似喜茶，喜茶既醜樣版我點了玫瑰奶茶+白玉珍珠，白玉珍珠真係精華所在，勁煙韌，好有咬口揀玫瑰奶茶係因為見到D相有三層顏色，影出黎好靚，適合打CARD第一口飲落去係幾重玫瑰花味，但再飲多幾啖覺得佢味道偏淡，唔知同店員建議我半糖半冰有冇關係呢？朋友叫了杯好像是洛神的飲料，佢話飲落好似涼茶，我試o左一吐啖覺得好似又酸又澀咁其實比我想像中不錯，希望下次再黎時會見到佢仲o係度啦！

🥤👅「喜好真誠，討厭諂媚，但我不說。」🌟香柚荔枝水果茶 Lychee and grapefruit flavoured fruit tea🌟我地成日去中環hangout🤭 咁個次經過見到有間新的飲品鋪頭開咗，俾佢地minimalstic既裝修吸引住🖤即刻衝埋去🏃🏻‍♀️冇誇張，真係衝過條馬路！個水果茶入口好 清 新，🍊我仲加咗白玉珍珠，d珍珠都算彈牙⚪️原來間鋪係台灣藝人丫頭主理，我地一定會再去唷！佢地個裝修好岩打卡添！————————————#不要對我尖叫 #dontyellatme〰️ 不要對我尖叫 Don't Yell at Me〰️Shop H23, G/F, Lyndhurst Building, 23-39 Lyndhurst Terrace, Central————————————

第一次係openrice寫食評，呢間真係好高質，佢地白玉珍珠幾乎係我飲過最好咬。茶味真係有桂花香，唔會假，清新得黎保有奶茶味道。每日都想黎一杯，可惜得中環有，如果有時出市區行街有得飲就好。

呢間應該係我喺中環最鍾意嘅台飲店💗間野個名就係 不要對我尖叫係台灣藝人丫頭主理真係中學生時期嘅回憶🤣估唔到佢宜家已經咁成功👍👍👍/賣嘅野飲款式好簡單好似呢杯咁就係桂花烏龍加白玉珍珠其實就咁桂花烏龍都清清地好好飲☺️重點係佢好抵 桂花烏龍💲19每日lunch都會想買黎飲建議大家可以叫微糖 因為台灣飲野default都好甜🙈/另外其實冬瓜菊花都好好飲不過個味就有啲飲紙包飲品咁樣可能有人會嫌唔夠特別🤔/但千祈千祈唔好嗌青草茶😰😰😰上次我睇錯 以為係青茶 會好似茶狼咁樣點知呢個係好似廿四味咁😰好難飲😭😭唔知點解仲會係推介之一😢最後想格硬飲都飲唔到 成杯倒左/中環 - 不要對我尖叫#Hanako_中環🌻#hanako_飲飲飲🌸

不要對我尖叫，日常茶間，-享受「，」背後的短暫茶間香港生活節奏急促，工作壓力大，每日都要帶住假臉具做人，難得放半日假，決定出去抖抖氣。位於擺花街既「不要對我尖叫」全店裝修簡潔，以白色為主，門外再配上特色Logo，滿滿文青風。細看menu飲品款式不多，以老茶莊調配的花茶為主，價錢亦比較大眾化。🐻冬瓜菊花$18+白玉珍珠$6冬瓜菊花茶加上白玉珍珠，漸變既顏色配上幾朵菊花，感覺好自癒。白玉珍珠口感較硬，但仍然彈牙，至於冬瓜菊花茶味道清甜，主要甜味來自冬瓜露，飲的時候仲有陣陣菊花清香。🐻蜂蜜烏龍$18+地瓜芋圓$6蜂蜜烏龍茶甜度適中，烏龍茶相當甘醇，加入蜂蜜感覺更加養顏。地瓜芋圓細細粒好得意，但口感出奇地好味，Q彈十足，可怕食唔出芋頭同蕃薯味。「喜好真誠，討厭諂媚，但我不說。」

不要對我尖叫 • 日常茶間 (中環) -因為天氣太熱，所以其實第一啖飲嘅時候真係覺得好正，超級無敵解暑！！同埋唔甜！我中意~小小酸酸地，又有洛神花味~唔會好似天仁茗茶個杯咁濃烈ˊᵕˋ)੭所以我覺得唔錯！有機會想試埋另一杯金橘桂花氣泡飲(´ε｀ )-呢杯反而有少少失望，因為飲唔到桂花味(*꒦ິ⌓꒦ີ)奶味都好淡，如果用明治奶應該會好味d？？芋圓我都覺得一般！KOI嘅芋圓正啲哈哈-不過有童年偶像嘅加持！我啲少女心全部噴射曬岀黎(´ε｀ )

行過中環，被門口既人像logo吸引住🧑🏻，就試吓呢一間嘅台灣飲品🥤，聽說呢間店係台灣藝人主理，開業短短一年都已經開分店，加上價錢好合理，大概$16-$30 💵不等，不妨可以一試。今次我唔揀珍珠奶茶🥤，我揀咗普通嘅桂花雨林🌸，一試竟然一試難忘，首先佢起名好特別好有詩意，一飲落去係香濃嘅桂花蜜糖🌸🍯味再加黑茶嘅香味☘️，配合起來感覺好清新，我叫咗半糖小冰，茶香濃滑而價錢都只不過$18，都算係幾抵飲，如果大杯D就好啦😛😛

不要對我尖叫，Don't yell at me，這家是台灣藝人丫頭開的店，避開人潮，難得不用排隊，沒理由不試。洛神蜂蜜菊花 $22 + 爆漿珍珠 $6點了半糖去冰，店員細心提醒飲之前要攪拌，在炎熱的天氣喝下去酸酸甜甜很解渴。附有兩朵洛神花兩朵菊花，感覺新鮮，食材實在，加分~店家主張健康養生，感覺用料比較天然，下次想試玫瑰鮮奶茶。，喜好真誠，，討厭諂媚，，但我不說。，嚴禁拍打，，只求餵食，，請眷顧我。杯子以上的句語很有趣

香港珍珠奶茶開到成行成市，既之前又有老虎堂 又有幸福堂 今次就黎到不要對我尖叫。雖然成日飲珍珠奶茶 但係今次真係甘啱喺中環半山見到依間店 聽聞佢哋嘅奶蓋飲料好好飲 不過店員就推薦玫瑰珍珠奶茶 話係門店嘅招牌。呢杯野都差不多$30，顏色上面都真係幾靚，睇得出佢落咗好多玫瑰，影完相就試，攪勻左玫瑰同奶茶，我淨係飲得出港式奶茶嘅味道，配埋珍珠真係有啲奇怪，成杯奶茶只係有少少嘅玫瑰香味，唯一一樣可以講既，係佢嘅珍珠做得唔錯，應該都唔會再嘗試了。

不要對我尖叫，日常茶間， (中環)中環擺花街23-39號中環大厦地下H23號舖-----😄呢間由台灣黑澀會美眉丫頭開ge茶飲店 logo好特別 個名又好新奇 望落好得意～係中環開左幾個月～平時返工成日都見到要排隊～今日假期路過 難得見到完全唔使排隊 即刻買杯試下～ 🐝蜂蜜普洱（$18+$6芋圓）蜂蜜味唔重 普洱茶底唔濃 成杯飲品其實味道幾清甜 但係唔覺得自己飲緊蜂蜜普洱😂倒是有少少似五花茶ge味道......而芋圓就幾出色 細細粒 煮得恰到好處 唔會太實or太溶～QQ彈彈 煙煙韌韌 而且份量唔少～下次會再試下佢地其他茶底配芋圓～-----👶🏻B仔整體評價：7/10個👍🏻👶🏻B仔抵食程度：7/10個👍🏻👶🏻B仔環境評分：外賣yo👶🏻B仔味道評分：7/10個👍🏻👶🏻B仔回頭機會：7.5/10個👍🏻-----

近來天氣有點熱，就會心思思想喝一些台式飲品！可以又怕會肥🥺所以我在想，飲一些沒有那麼胖的就好了啦😀就選擇了這間「不要對我尖叫」看網上的報導，這家下的糖都是天然的糖分，對身體沒有那麼大負擔～好像我叫的這杯冬瓜菊花，甜味來自冬瓜露！我叫的是微甜走冰加芋圓（冬瓜菊花$18+芋圓$6）這個價格對於香港賣的台式飲品來說是偏低的價錢，挺化算的～味道方面：叫了微甜，的確有做到不太甜，不錯👌🏻比起冬瓜，菊花的味道更出，就像菊花蜜一樣芋圓的大小剛好，挺好吃的！但味道的確是很普通 沒有驚喜啦～

咁啱老細想飲奶茶，所以一班同事就推薦呢間 平時lunch time都要排隊，所以我哋就喺下午茶時間嗌外賣，費事排隊。大概一個鐘頭送到，因為我哋都多人。我飲嗰杯就係桂花奶茶，因為我唔食珍珠所以冇嗌到，奶茶味就正正常常冇咩特別，甜度亦都適中唔會太甜；特色就係有桂花香味，而且亦都有啲相信係桂花嘅花瓣渣喺入面， 如果冇渣會更好