不要對我尖叫，日常茶間， (中環大廈) (已結業)

初三山長水遠過到海，專程黎依間台灣過江龍台式飲品店朝一朝聖，好彩初三都有啟市🧨「不要對我尖叫」DON’T YELL AT ME一黎到見店鋪細細，但都有人排隊🤭 行到入去望下價錢有啲驚訝，竟然港島賣杯普通茶飲有十幾蚊。如另加配料如白玉珍珠或芋圓就加6蚊，比平時連鎖貴。今次叫左杯桂花烏龍，想試地瓜芋圓但已經售㷫😢最後加左白玉珍珠。茶味竟香又清甜🌼，桂花味重，配上白玉珍珠剛剛好。珍珠不會太硬，挺有咬口。桂花烏龍加白玉珍珠 $24 推薦👍👍👍

今日 Happy Friday 但係我要收夜返工前去開左無幾耐既不要對我尖叫買返杯野飲下呢間店係台灣藝人丫頭主理開業短短一年已經開分店第一間就選址香港中環logo 非常易認極具台灣風格今次試左洛神蜂蜜菊花本身想叫小甜落單時店員細心講解話洛神花本身偏酸小甜既話會比較酸因此我都問返店員意見最終飲返正常甜度飲落剛剛好唔會太甜唔會太酸杯外除了有 logo 外仲有幾句說話喜好真誠討厭諂媚但我不說最後希望大家都工作順利上司不會對大家尖叫

無人排隊就係我出動買黎飲既時候🥳·🌺洛神蜂蜜菊花（$22）一向都喜歡洛神花茶酸酸地既味道，開胃消油膩👍🏻加埋蜂蜜菊花，半糖去冰 感覺健康🙃🌼桂花烏龍（$18）朋友點的 都不錯～·飲品顏色好靚～味道還好⋯飲哂成杯都唔會覺得甜膩😇下次再黎試下芝士奶蓋先😋

約了朋友到中環吃飯，早左到就順便飲一下😂位置在上山條橋的橋底，沿住橋底行就會找到，都算好找！之前開張後都有飲過 “蜂蜜普洱”，甚是喜歡！不過上次可能新開張，加上是星期日下午，都要排一陣（但不是好耐。）今次閒日6點到，大家未放工，無人排很正！猶豫左一陣就試男友喜歡的洛神花！洛神蜂蜜菊花🥤店員很好人，點飲品時有提我會有少少酸味，但蜂蜜會中和。我無手拎住，又幫我拎住拎飲品拍照和提醒我要攪拌才不會酸。中和後的味道真的不會很酸，而且配上菊花味意外地好飲！

黑澀會丫頭開既手調飲品店,而家飲一杯類似既野飲,起碼要$30起跳,呢間選址向中環LUSH對面,一杯竟然收你$20樓下,簡直難以置信。我點左杯桂花烏龍加芋丸,都係26。杯茶唔係好甜,所以飲曬成杯都唔係好罪惡芋丸就唔算好好味,不過向中環其他個D手調飲品店好似無芋丸揀,所以都係一個唔錯既選擇。總括黎邁,CP值高,向中環區係一個不錯既選擇。

星期六的下午一點幾，唔洗排隊買. 好感恩宜家好似有少少名氣嘅飲品店，好多時都要排好耐先飲到. 桂花紅茶$18+奶蓋$6=$24.由買到拎飲品都係五分鐘咋. 肉眼係見唔到桂花嫁. 但飲落就有d一粒粒，紅茶味幾合適，未至於濃到有苦味，再夾有桂花嘅清香味. 後來混埋奶蓋都好夾. 奶蓋落好厚，所以最後變到勁重奶味. 可以早少少開始混合黎飲，會口味平衡d下次再試下其他茶飲完心情好愉快唔洗尖叫呀

呢一日行開中環，同朋友一齊去試呢間黑澀會丫頭開嘅台式飲品店。好鍾意呢間店嘅風格，文青風格嘅台式飲品店，白色嘅裝潢好清新，個Logo同店名又好鬼得意！我哋點咗兩杯冬瓜菊花加地瓜芋圓$24，真係好鍾意呢間野清新嘅風格，杯冬瓜菊花入面仲有兩朵白色菊花🥰一拎到杯野完全係滿滿嘅少女心，好襯呢間舖頭嘅style，適合打卡🤤淡淡嘅菊花香同冬瓜茶好夾，地瓜芋圓唔會太甜地瓜味又重，細細粒口感好煙韌又唔會粉👍🏻

聽同事講係公司附近開左呢間係台灣好出名既不要對我尖叫，就黎試下啦。因為之前係台灣飲過覺得好好飲！黎到見到條隊都幾長，但其實等左唔係好耐，十分鐘倒就有得飲。我地叫左冬瓜菊花茶加地瓜芋圓。之前係台灣都係飲呢杯。杯冬瓜菊花都ok既，但冬瓜露唔夠，所以成杯都好淡。。菊花味都唔夠。。始終都係台灣好飲d！

一直聽聞台灣藝人丫頭在香港開了一家台茶店 心想不是黑澀會的粉絲所以也就一直沒有特別留意今天 經過中環擺花街在黑暗中看到一家台茶店 心想正要等人也可以順道打個卡試一試新店 後來才發現原來就是丫頭的台茶店 餐牌沒有很多選擇大多都是花茶類發現沒有大熱的黑糖珍珠等等是一種小清新的感覺 裝修以白色為主題主要是白色的燈光 在黑暗中 搞笑的圖案也很吸引另外也是因為那種台式感十足的小說字句不要對我尖叫 顯得十分搶眼 餐牌其實兩行已經列出了所有飲品 後來發現主打的飲品我都沒有點 店員解釋我點的洛神蜂蜜菊花正常的味道已經是自動半糖及少冰一口喝下去發現洛神花的味道有點過重 而蜂蜜因為半糖自然是只喝出淡淡的甜味覺得有點酸 但喝下去覺得其實也可以的確是每天喝上一杯都不會覺得很大負荷的味道覺得經過可以一試 但無需特地前來

早排新開張已經想試，不過唔想排隊，今日喺中環晚飯後，見完全冇人，就決定試一試佢。再去睇下menu, 覺得飲品選擇比一般台式飲品舖少，本來想試下玫瑰鮮奶茶加白玉珍珠，好似特別啲，但係果下太飽了，所以都係買杯香柚荔枝水果茶。 食飽飯黎講飲呢杯野岩哂，我叫左少甜，味道好fresh, 真係好有香柚，荔枝同茶既味道。不過我覺得啲水果味濃左啲，再多啲茶味中和下會更好。價錢比起宜家其他舖黎講絕對合理同埋平。會再飲👍🏾

今日見到👉🏻不要對我尖叫, 日常茶間👈🏻 唔使排隊就梗係去買杯野飲試下先.買左杯”蜂蜜美式” ☕️ 睇個樣係幾靚既，飲落有少少偏甜，但咖啡味唔濃既，幾易入口😆

🌸桂花鮮奶茶加芋圓🥰$32之前見倒佢開已經好想去試！logo設計得好有風格🤓但最吸引到我的是芋圓配料😍仲有做到漸層嘅效果好靚!!👼🏻今次第一次試桂花味嘅飲品😛桂花味好清新🌿飲完成杯飲品唔會覺得膩☺️芋圓size好細粒好得意😛超有口感份量都幾多！其他飲品都幾特別下次會再去試😆Overall: 9/10😚不要對我尖叫，日常茶間， (中環)中環擺花街23-39號中環大厦地下H(23)號舖

第一次飲系系台灣，俾佢個名吸引左！其次系因爲我唔中意咩黑糖珍珠奶茶果啲咁漏既飲品，所以呢啲清清地既茶非常適合我☺️而且價錢黎講，相對其他同類飲品都平好多，上到黎見到有人介紹芋圓波波，搞到我都想聽日返工晏就整返杯😋

台式飲品呢幾年再次喺香港遍地開花，又黑糖又珍珠，但係主打果茶嘅唔算多。早幾日行開中環比呢間野個logo同店名吸引咗埋去睇睇，見無乜人就試下Menu唔算大但又有果茶又有奶茶。咁啱食完飯飽飽地就叫杯果茶解下膩啦！最後叫左香柚荔枝茶。試過飲另一個台灣過江龍嘅果茶但係經歷唔多愉快，黎呢度都係搏一搏，點知又幾好飲，起碼無死甜又飲到果味，又有鮮果係入面，唔錯舖頭唔算大亦唔算多人手，但出飲品嘅速度都唔算慢。只係個舖嘅位置近車路，可以企嘅行人路位非常窄，如果多人等就要小心d企，但撇除呢樣野，味道同服務都係good嘅

平時飲得珍珠奶茶同黑糖奶茶多，今次轉一轉口味飲啲清新嘅野飲，轉一轉口味。起初俾鋪頭嘅門面吸引，行簡潔醜美路線，鋪名都好特別，叫don’t yell at me。加上冇咩人排隊，就去試一試新口味。佢都有奶茶飲，但當時太夜，驚訓唔著，就揀左香柚荔枝水果茶。佢有得揀走冰/微冰，半糖/走糖，得嗌左微冰同半糖。都幾好飲，個杯真係好靚，加曬分！！會再去飲！唔錯唔錯！店員都好貼心，服務同笑容都幾好。係鋪面比較細，如果要排隊等野飲就唔係太方便，只會唔洗排隊先會買黎飲。