不串不散 (已結業)

上星期有朋友生日,大家一齊去食飯,我地去左食串燒放題依度既串燒都係落單即叫即燒,而且仲係任食,都幾抵食不過海鮮只有一份,睇黎應該係海鮮為主,串燒為副食落覺得串燒好似好食D,海鮮反而最後先慢慢食都得每款串燒都係辣味,好似無得選擇燒賣幾好食,雞翼都唔錯,芝士丸都唔錯海鮮就蝦肉比較好食D,其實每樣都唔錯,不過因為太多食物,都好難認真去感受每一款既味道同朋友食飯當然抵食最重要啦另外野飲都係任飲,最怕D放題餐廳飲品要加錢,因為想博人地口渴比錢入比,大路既飲品都布,其實都飲唔到幾多嫁咋

上星期放早約左朋友食野,話就話放早,最後都攪到4點先收工,仲連LUNCH都蝕埋,去到銅鑼灣已經5點幾朋友等左2個鐘,好在佢無發脾氣姐,之後即訂去食野,因為大家都好肚餓一早BOOK左依間串燒放題店,本來打算夜晚食,不過因為下午無食野,所以早左黎,可能太早,仲未有其他客人,可以自己選位串燒類係自選,可以任食,海鮮就係睇你選咩套餐,唔係任食,只有一次我地燒左海鮮先,海蝦好新鮮,燒到肉汁都出曬黎先食最正辣蜆都唔錯,不過朋友怕辣食唔到,最後我食曬最後再慢慢食串燒,串燒都係辣為主,可能依度老闆鍾意辣野掛燒賣同燒羊肉幾好食,食得出幾新鮮丸類選擇都多,不過都係鍾意食燒賣多D野飲選擇唔算太多,但每樣飲品都有,啤酒都唔駛特別加錢

你有冇試過一個人食三十條串燒，我試過我真係試過！呢間黃店想試好耐，有比手足休息同食飯～次次都大排長龍，今日終於肯耐心等下位終於食到啦💛💛💛-唔係講笑，佢啲野食好鬼高質～海鮮有三款/七款揀，風地揀左三款：有青口/卜卜蜆/帆立貝可以自己燒黎食～我就最推佢既卜卜蜆，靜係落左蒜蓉都好帶得出個味，好鮮甜，又冇沙🤤！！好正好正！！😍（我地encore左4/5次😙），爽歪歪～😋·其他串燒係佢幫你燒埋，岩哂我地呢啲懶人～基本上你講得出既都有～·我自己私心推介既串燒係墨魚咀、雞軟骨、韮菜、車厘茄、茄子🍆、蜜糖燒賣、多春魚、粟米🌽！！每樣都至少番叫左兩三次🥳🥳！！·小食就大推b仔雞翼尖、芝士炸年糕！我前者encore左三碟，佢還原蒜香雞翼尖味，好過癮！！🤩後者唔會炸到勁多油，芝士仲有拉絲效果！太強了🧀🧀·呢道真係人間天堂，好開心呀！！一定會再黎！！你地唔好攪到我食唔到呀！！🤪🤪💛💛-串燒放題｜$238 （星期五六日+$28）+1-不串不散 (銅鑼灣)銅鑼灣駱克道491-499號京都廣場9樓

訂左十點早左十五分鐘上去，𨋢門打開睇到八成檯有人（有七五折）有位妹妺仔問左資料等左一陣就叫我地入座（訂左三人阿仔未到），叫我地去窗口位張檯吾錯,還提醒我小心行地滑，可能是每檯都有爐焼野食（燒海鮮用）檯面比較痴＆油淋歺具是袋庒封住衛生但隻膠碟痴油，坐下有位女士叫我地揀焼三款或七款海鮮落單食住野等（解釋詳細有禮），叫左七款海鮮連串燒任食（冇本事食甘多人老了！）個飲品櫃係好近先拎啤酒飲下先（仲有罐庒可樂丶雪碧丶橙汁丶桃味檸檬茶？＆膠樽庒水）飲品夠冰凍選擇種類吾夠十款（我地每人飲得三罐），叫左兩串墨魚咀（吾夠乾身）丶牛舌（一串四小方塊味道一般）丶牛柳粒乾柴丶羊串冇乜羊味丶多春魚正常丶菠蘿一串漏左單冇來要提佢,黎到得兩小粒小得可憐 ,海鮮是三人份量有連殻鮑魚夠大隻但吾識郁冇鮑味丶沙插帶子長身個種大大隻冇乜鮮味丶蠔一路燒佢縮得好細冇味放棄丶青口可以丶蜆是最新鮮食落有海鮮味但得三隻丶海螺是一小煲好似有八九粒但得辣味肉小好彩冇枚爛丶大頭蝦新鮮但尼隻品種冇乜蝦味，阿仔黎到叫左雞泡魚乾丶豬頸肉比較好食一點丶芝士年糕一般丶茄子不好吃，叫第二次海鮮飛走左海螺＆青口（吾記得走蠔）頂硬上投降論食物質數要改善，服務

生活都係要繼續,始終人要工作,唯有盡量保重今日約左舊同事食飯,傾定大家D公司點,隨時一方有難,要朋友幫手依排慳住食,但又唔想食得太差,唯有食放題,去左食串燒放題餐廳幾大,都仲算有人流,依個環境算係咁每樣串燒都係即燒,可以任食,全部都係辣辣地,蔬菜裡特別好食另外海鮮都係一大賣點,幾新鮮,蠔同蟶子係最好味海鮮可以話係驚喜,值得一讚店員服務都唔錯,放題都唔駛追單先有野食,幾有效率價錢都OK,同同事都傾得好開心

我同老公去食 諗住舒舒服服坐下食下 ，去到地下癡粒粒，廁所勁污糟，食物方面，雞亦、腸仔勁咸，其他食物～～～冇味、冇味、勁冇味，海鮮一d都唔新鮮兼冇味，好腥😖😖 佢推介我老公叫最貴個隻plan，3百幾，但又話唔包花螺，但隔離枱埋單兩位5百幾，都有花螺，點解？地方咁污糟，我老公好少彈，但呢次佢都彈到出聲，唔該，就算你係黃，都執下d食物丫！我地睇漏左佢地有個負評comment ，同佢講既野一膜一樣！我埋單兩位$805，食得好少野，因為唔好食，好浪費金錢！唔好介意，我覺得佢地係扮黃。

早2日放假,趁有時間去銅鑼灣,因為要同朋友買小小野買完野之後順便行一陣,見時間都好夜就去食野朋友帶路,我食咩都無意見最後佢帶左我去食一間放題,原本以為係壽司,點知係串燒原來依家連串燒都有放題,真係大鄉里依度既串燒都係任食,落單畫紙就可以LU燒茄子幾香,不過加左幾多辣粉,要拎定野飲先好食呀野飲都係任拎,好開心羊肉串都幾好食,又係好辣既味道粗糙精彩在後頭,依度仲有海鮮燒嫁,雖然唔係任食,但係味道真係正嫁我最鍾意食蝦,好新鮮帶子唔錯,都係第一次自己燒帶子,好得意

雖然最近比較灰,不過星期5晚點都要同朋友黎個HAPPY FRIDAY,所以大家一齊去聚餐我地去左不串不散,之前有朋友黎過話唔錯所以試下上到黎店員介紹佢地係放題,串燒可以任點食左好多款唔同串燒,款款都好有風味肉類既串燒都好多肉汁,唔知佢點燒呢,不過幾好食,大家都爭住食蔬菜類都唔錯,燒栗米好甜,好新鮮,我地最鍾意燒菠羅都唔錯,依度既果類真係幾正,串燒我地最鍾意依種另外佢有燒海鮮,都係幾好食,不過大家都係鍾意串燒任叫既感覺多D

閨蜜突然話想去食飯,仲要放工即約果隻,睇黎佢返工唔開心,想放鬆下,所以我就陪左佢出街佢帶左我去銅鑼灣,話想去食完野再去飲酒,所以同左佢食野先去左一間樓上串燒店,仲要係任食果種,唔食多D對唔住自己串燒款式好多,不過最好食都係大既燒物,燒茄子好有味道,有小小辣但仲惹味我地重點左幾次牛丸都幾彈牙,我地2個都好鍾意食另外仲有海鮮燒,不過我地太掛住食串燒,最後先食海鮮,所以都飽飽地食唔曬海鮮幾新鮮,下次黎到一定要食多D呀

見佢呢排做緊海鮮任食同openrice 訂座有75折，見佢又係黃店所以早左一個星期訂位，即日多數book唔到因為好多人幫襯，所以以為佢的質素都唔差。去到先知串燒唔係自己燒，係你點好左佢再燒比你，每次點菜只可點6款每款最多10串，因為我果枱係係房度的，每次點菜都要自己出房揾職員比點菜牌佢，超級唔方便，建議可以係房裝鐘仔。而佢枱面的爐係比你自己燒海鮮，我地點左3款海鮮任食，有青口、蜆同小元貝，我果枱有3個人，所以每落一次單只係比各款3粒比我地，份量亦好細，同埋海鮮的上菜速度極慢，兩小時只吃了三、四轉，顯得吝嗇，乾脆不要做海鮮任食。另外都點左啲基本串燒，雞翼鹹，魷魚仔冇味，芝心丸冇味，口水雞冇味，多春魚燒到好乾，芝士年糕變味，涼拌木耳味道奇怪，炸燒賣不脆。叫左芝士撈丁不過黎左鹹蛋撈丁，乾爭爭到爆，同埋都係冇味的。覺得一般尚可接受的有，手拍青瓜，燒冬菇，燒牛柳。沒了。去到地方不太衛生，地下痴笠笠，不過lift旁有酒精消毒提供，而廁所衛生都好差，好多位需改善。確實因為佢係黃店又做緊優惠所以幫襯佢，但基本上所有野唔係合格水平上，不過員工態度超好，希望可以做好啲食物質素，改善左都會再比機會佢。

召喚串燒控！本身我哋兩個都唔係特別鍾意串燒，但佢哩間真係燒得好好味，一啲都唔會燒到乾晒，係好juicy！仲要係任食🤪我哋嗰次係用學生優惠$178/1 (120分鐘）/每枱都會有個磯燒爐，可以喺等緊串燒到之前燒吓海鮮，冇咁悶，有好多款海鮮同串燒揀，一定食到飽🤤/💕——————————不串不散〰️不串不散〰️9/F, Kyoto Plaza, 491-499 Lockhart Road, Causeway Bay————————————

想同班friend搵個地方傾計，search 到呢間不串不散，咁就黎試下！唔係等左好耐就有位，入到去成間鋪頭嘅裝修都幾靚，啲位都算寬鬆，我哋四個人坐唔會話好迫。一嚟我哋就帶咗啲串燒先，叫咗好多唔同嘅串燒，包括雞翼同雞軟骨等等。啲串燒一上台全部都熱辣辣，好香香料嘅味道。最正係個雞翼，出面啲皮卜卜脆，入邊啲肉質好滑，咬入去有肉汁，非常好食！之後我哋仲試左啲海鮮，啲蝦同蜆都好鮮甜，價錢亦唔貴，大家絕對可以試吓！最後我哋仲嗌左罐啤酒，配埋串燒，正！

今日去開銅鑼灣 知道不串不散有promotion 星期一至四三人以上七五折 前線醫護手足免費就決定去支持一下佢有任食3 款同7款海鮮的選擇 其他串燒每次可叫六種 數量不限卜卜蜆好鮮甜 值得encore 其他串燒質素都唔差 燒羊肉好好食 同埋佢上菜個陣已經燒左大半 係爐上加熱一下就得 懶人恩物另外都叫左芝士年糕 炸帶子等等炸物 唔錯 野飲方面有啤酒同埋汽水/樽裝水供應如果可以有埋無糖飲品供應就更加好 可以食得健康d 小店係值得表揚同埋支持

我和女友晚上7點半walkin入去 女服務員很有禮貌地先帶我們就座. 今天3款海鮮分別是卜卜蜆 藍青口 帶子. 一煲卜卜蜆真的是多鮮甜 可encore. 另外兩款帶子吃得出是有點腥 感覺不太好 藍青口正常. 首先 食物可點六款 最多揀10串. 我以為每串只有好少 所以點兩串分量 雖不知有幾樣食物分量大得嚇怕我. 司華力腸 茄子 蟹子丸我也點了兩份. 整體味道不是太差 但又不致於食完令到你想encore既感覺. 我較喜歡這裡的雞泡魚干 必點👍當我想再點第2次時候 失望地賣光沽青了.😭 燒牛柳很好吃 入口易嚼 粟米燒得恰到好處 也很甜而不膩.😋😋😋總結 環境確是舒適..黃店更加是值得加分 支持!!!!!面對逆境自強的香港人 應幫襯這些良心店 服務員有禮貌 下次可帶多幾個朋友再食.😋香港人加油!!!💪💪

這晚，因為這間黃色小店有醫護優惠就與朋友來試試了。總體來說，職員態度很友善，點菜後食物也很快上枱。每次點菜限點6款，上枱的食物熱騰騰，是即叫即整。海鮮雖然比較細小，但食得出很新鮮有海水味。啤酒汽水任飲，食物質數滿意。特別推薦豬頸肉和燒雞泡魚干，豬頸肉烤得很脆口，雞泡魚也是第一次試的，想不到出面干身，內裡有juice 之感。 特別欣賞小店很有善心，在這疫症艱難時刻也會搞醫護優惠活動，也會將部分收入幫助市民抗疫，值得大家多多支持。