不串不散 (已結業)

上星期放早約左朋友食野,話就話放早,最後都攪到4點先收工,仲連LUNCH都蝕埋,去到銅鑼灣已經5點幾朋友等左2個鐘,好在佢無發脾氣姐,之後即訂去食野,因為大家都好肚餓一早BOOK左依間串燒放題店,本來打算夜晚食,不過因為下午無食野,所以早左黎,可能太早,仲未有其他客人,可以自己選位串燒類係自選,可以任食,海鮮就係睇你選咩套餐,唔係任食,只有一次我地燒左海鮮先,海蝦好新鮮,燒到肉汁都出曬黎先食最正辣蜆都唔錯,不過朋友怕辣食唔到,最後我食曬最後再慢慢食串燒,串燒都係辣為主,可能依度老闆鍾意辣野掛燒賣同燒羊肉幾好食,食得出幾新鮮丸類選擇都多,不過都係鍾意食燒賣多D野飲選擇唔算太多,但每樣飲品都有,啤酒都唔駛特別加錢