上陽樓

營業中

休息中

母親節諗住開開心心食餐飯就叫個套餐餸未到就先上白飯，飯都吹凍了先來個菜🤷🏻‍♀️之後就係無止境的等候。。。🥱套餐有炸子雞，晚市先開始30分鐘就話賣晒，問仲有冇其他雞可以轉，就直接話雞賣晒😀終於上左兩個餸，但等多40分鐘都未有其他餸來期間催左一兩次，侍應就咁經過話 “哦～”簡直浪費時間，又影響心情😌成個用餐體驗非常差👎🏻👎🏻最後叫佢逐個餸計，就埋單走人埋單都要$785，但食物/服務完全唔值呢個價錢

某星期日晚上與家人到此吃晚飯，由於人數多，早已於一星期前訂台，訂埋要咩餐並付訂金。原本覺得環境舒適，前菜味道不錯，可惜其後上菜極慢，明明當晚完全唔full，樓面人手仍見不足，唔好話會有人主動加茶水，要搵人加茶水都唔易。食到中途，經理先走黎話其中一早訂的六人餐3隻乳鴿賣晒，轉雞得唔得。其實有屋企人鍾意食乳鴿先訂果個餐🙄又唔係當日先叫，點解會賣晒？！仲要中途先講，但佢地上菜咁慢我地都費事浪費時間chur 佢解釋，唯有轉雞，點知黎到半雞隻雞…..6人餐…就算3隻乳鴿唔值一隻雞，係你地賣晒我先要食都應該俾足一隻，很基本吧？要我地主動叫經理先話「哦，俾多半隻你」就行開。成晚我地都好包容順攤，理解香港經濟差好多時唔夠人手，但咁既服務態度真係好趕客。好似我地唔嘈佢就唔會做野，求其話送多碗糖水果啲都無，街坊酒樓都不如。唔會再幫襯了。人均600有多咁既服務😪😪😪

大圍小館要等到8:15先俾人入去， 7:30同阿媽睇完醫生， 咁就上咗圍方搵嘢食， 搵到呢間正野。我真係好少寫食評，但係今次真係想表揚依家食店。每人唔使$300，食物好味， 熱辣辣。 樓面同事個個都好好招呼， 酒店都未必有咁好招待。 裝修又靚，坐得又舒服。個酸菜水煮牛肉，經理仲介紹我哋加啲粉條落去， 又好好味喎，都係加$38。咁樣食就唔使嗌白飯。食到尾段啲夥計執嘢食客用過嘅紙巾我見佢攞有一個鐵嘅小夾夾起客人用過嘅紙巾，唔係用手呢方面我都有啲驚喜。最後經理又介紹我哋食桂花糕同埋白糖糕， 埋單後發現佢哋冇計我哋甜品錢。經理真係好識做，真心呢個價錢有呢個服務食物水準，我覺得85分以上， 極力推介大家。呢個價錢真心唔使幫襯5樓個兩間中菜😅而家呢個環境真係好難做，幫幫香港做得好嘅食肆，大家試下去幫襯吓啦。

食完一次就算，絕對冇下次，無論食物質素服務質素同價錢完全唔掛鉤，令人失望，喺繁忙嘅星期日晚上有好多空枱。點咗個酸菜魚，係我人生食過最難食嘅一次，唔辣唔酸啲魚又腥，完全比茶餐廳仲差。另外一道菜係黑椒牛柳薯仔，上菜時候啲牛都有啲凍，完全味道一般，冇乜特別，成為280幾。侍應埋單一句說話都冇講過，多謝都唔講句，咁嘅服務質素，令人十分失望。入到間餐廳，其實都預咗使錢，收理幾百蚊一道菜但啲嘢食完全交唔到功課。

親戚80歲生日食飯，book了這間上楊樓，看餐牌很有特色。誰知就中伏了。 叫了三個前菜，其中一個酥皮牛油果沙律⋯⋯條魚食到一半先到，侍應放上枱時全部呆咗，大家麻煩睇睇張相，上面是官方網頁相片，下面係真實情況！！！唔知點解左邊多咗劈汁...... 質感奇怪味道不鹹不甜完全唔知食咩，大家食完一啖又冇出聲。 主菜和牛肩肉， 韌到食唔到，個個喺度咬冇講嘢。 其他菜式一般不值一提。 以這個裝修這個價錢簡直係食垃圾🤬😫。因為長輩不喜歡投訴，所以我都冇出聲以免破壞氣氛，真的是非常尷尬難堪的一餐飯。 一行四人叫了以下菜式 ：酥皮牛油果沙律 $78芝麻汁伴茄子 $68金沙香脆炸魚皮 蠔汁和牛肩肉 $298蒸魚 蒜香蘭花苗 $128

今日我去咗一間中菜館，叫咗一份陽樓嘅特色點心。其中有個紅糙米脆網腸粉，皮係紅色，入面有鮮蝦同脆口米網。呢個點心好特別，食落有嚼勁，又有香脆口感，真係好好味。我仲叫咗蝦餃皇同馬拉糕。蝦餃皇個皮好薄好鮮滑，入面嘅蝦肉鮮嫩多汁。馬拉糕就係一款經典嘅點心，佢口感軟糯，入口即化，有濃郁嘅椰香味。最後，我仲試咗一個叫十勝桂花豆沙棗嘅點心，外面好似鹹水角咁嘅質地，但入面裝咗豆沙餡。豆沙餡酥軟細滑，加埋桂花嘅香氣，入口就傳出一陣特別嘅芳香。呢間中菜館嘅點心真係好出色。不論係紅糙米脆網腸粉嘅創意組合，定係蝦餃皇同馬拉糕嘅經典口味，加埋十勝桂花豆沙棗嘅獨特風味，都展現咗廚師嘅高超手藝同對食材嘅巧妙運用。如果你對傳統點心有興趣，呢間中菜館絕對係一個值得一試嘅地方。

假日同家人飲茶，當日 full house , 叫左埋單好耐都冇人理 。 人手不足侍應生應接不暇，完全可以理解，走去搵部長想問吓佢邊個可以幫我地埋單，喺佢隔離同佢講嘢，佢可以全程唔望、唔理 ，好似聽唔到咁。 最後逼於無奈要發惡先至理我地。呢個已經唔係服務態度嘅問題，而係基本禮貌同尊重嘅問題。唔係要你即刻幫我，只係想你應一聲「等陣」呢個要求不算過分吧？喺呢間餐廳有遇過好好態度嘅樓面及侍應，但係衰左喺啲部長經理度，佢哋有啲扮睇唔到你第手，有啲扮聽唔到你講嘢….. 環境舒適，食物精緻，但係俾人為因素拖累嘅一間餐廳，真可惜…

Super terrible for table Arrive at 11:35 The reception told us the first round of was 10:30 And therefore we will need to return the table by 12:15 as there 12:30 is the second round They are so empty by the time of 11:35 And we said we are ok to leave by 12:30 if you really got full house by the time we will leave immediately The reception didnt able to let us in as she mentioned in booking there is already full house If we cant return the table by 12:15 then cannotWe have mentioned we are also

🌹提早與奶奶👵🏻吃團年飯，用餐相約東鐵線大圍火車站的圍方，而今次亦揀了中菜，就老人家。圍方開業時太多人擁去，而家相對較少人流，不過假日就不清楚。🌹《上陽樓》處於商場三樓，由於新開無耐，環境衛生都可以，而設計都有它特色，現代+古式結合，採光源有來自窗外，感覺舒適。三個人點了以下食物：羊肚菌雞粒餃$48配搭特色，味道較淡豚肉皮蛋酥$48內餡味濃，皮酥鮑汁炆鳳爪$58入味軟糯竹笙野菌腸$52豐富餡料，腸粉滑口瑤柱蛋白海鮮炒飯$128豐富材料，飯粒分明，不油膩香煎手打蝦餅$148彈牙香口點心拼盤B$58三款點心組合，重複左紅棗燉桃膠$68甜得滯鮮芒楊枝甘露$58奶+芒果香+柚子味道不甜香滑倫教白糖糕$48糕爽彈，不甜用餐體驗：食物做得好，價格中上，服務一般。

係商場試新餐廳，呢間可能位置同價錢關係冇咁多人排隊，所以就唔使等位直接入去。偏貴但值得的價錢，好多餸都好吸引環境好舒服優雅，仲可以望到出面公園同天空。本來想叫加拿大象拔蚌刺身，可惜冇貨再想叫薑蔥炒豬潤，可惜都冇賣了🥲最後揀咗XO醬炒龍躉腩都一樣咁吸引😋 xo醬好香，魚腩半肥瘦，算係爽口，唔係一入口就即溶果種，魚唔算多，有一半係蔥，但蔥都炒得好清香，我本身唔食蔥嘅都會食。⭐️⭐️⭐️十八羅漢炒飯，因為屋企人素食，所以走蔥蒜同肉，店員都好有禮貌，好好人幫我地落單同改煮法，廚師仲會細心問我哋要唔要蛋。⭐️⭐️⭐️佢有個橙色嘅辣椒醬，我覺得好好食！用嚟撈飯一流👏🏻⭐️⭐️⭐️⭐️另一道餸係菜圃涼瓜煎蛋，估唔到放到咁靚😍好香好出色，最推薦係呢個⭐️⭐️⭐️⭐️⭐️

大圍圍方新開嘅中菜，環境優雅，服務殷勤，點心嘅味道美味，拼盤$58有三件不同款式點心，咁樣都唔錯，唔使叫三籠點心去食三款點心，2個人食唔晒😂。鮑汁鳳爪，$52，細細碟，有4-5隻雞腳，兩個人食就啱晒啱🤭。腸粉都唔錯，粉皮都幼滑。價錢可能略貴少少，但食物美味，服務非常滿意，環境裝修都好有特色，打卡一流。🤪新開張嘅餐廳一定唔可以即刻去試食，等返幾個月，等餐廳內部員工運作暢順，新試食客相對少，依家嚟食就最啱啦，可以慢慢享受😎

見到餐廳應該係去試左下，係偏貴啲，但食物認真好食。個羊腩煲肉好大舊，羊味足但係唔騷。仲叫咗個龍蝦煲，龍蝦肉都好滑。仲有！個楊枝甘露好正！！！價錢如果同同級嘅餐廳比真係唔算貴，而且食物品質keep 得好好。服務員好好，知道我哋有老人家，會關心我哋老人家。環境唔錯，可能係因為新裝修所以好乾淨，希望可以keep住乾淨。店面執得好乾淨，好衛生，竟然有提供一次性手套，真係好少見香港餐廳會畀一次性手套。係以嚟個品質嚟講算係抵食，如果約會可以嚟食，有機會再嚟多餐先得。

阿媽生日差D忘記，臨時就腳去左屋企附近呢間。冇失禮！頭盆梅子小蕃咖冰凍清新開胃，黑松露鮑片鮮嫩爽口。阿拉斯加蟹蒸肉餅，下面D肉餅原來先係精華所在，好可惜印尼姐姐唯有睇住我地食！至於啫啫龍蝦，原本冇乜特別期待，但配上特制黃椒醬，直接將滋味帶上新層次，當晚高潮！立即入貨呢隻黃椒醬。至於羊腩煲，係D姨甥仔至愛，我唔食羊，但D配菜冬菇同鮮笋甚惹味。甜品桃胶大大舊煙韌都唔錯。帶左兩枝酒，仲免開瓶費，服務到位，阿媽開心

午餐行過諗住入去食啦，食咗個$300嘅set收埋加一，340。但係呢個餐超級之唔好食首先個豆腐好喊 ，海鮮湯係用濃湯寶加啲海鮮落去整 蝦餃啲皮散嘅 海蜇頭硬到食唔到 。嗰餐仲有個龍蝦海鮮麵。但係佢落得太多檸檬草完全食唔到有味。完全唔明點解可以收咁嘅價錢？！最好食嘅就係菜心。至於個春卷就不過不失啦。影到最後都費事影相。整個下午都聽到經理講話廚房唔夠人。啲嘢呢就大大碟嘅，但係唔好食幾大碟都無用。香港就係咁慘㗎啦，人手唔夠夠將貨就價。好少比差評人，但係希望間餐廳見到佢改善，因為你收嘅價錢都唔係平 叮叮點心嘅質素。不過啲侍應嘅服務態度都算係好。

平日中午嚟食人唔多，今次我哋試咗幾樣嘢金沙香脆豆腐，呢度菜不過不失，正常發揮。瑤柱蛋白海鮮炒飯有啲乾，而且係用珍珠米，呢個麻麻哋。另外叫咗幾款點心，都唔錯嘅估唔到呢間餐廳嘅甜品唔錯，有水準。小朋友好鍾意食佢哋嘅楊枝甘露，同行朋友亦都叫咗佢哋嘅椰香露都唔錯👍🏻