上車車仔麵 (已結業)

星期日睡醒已經11點！好想食個brunch去開始懶洋洋的一天。近近地到石門，今天廣場有很多攤檔，熱熱鬧鬧，經過地舖的上車車仔麵門前，這間店長期都有堆捧場客，必定有過人之處，就決定進去試一試。入到去用紙仔點餐，點了腩汁豆卜豬大腸豬紅油麵，腩汁鮮甜美味，煮得豬大腸和豬紅及油麵非常入味，配襯起來一流！但豆卜卻不太入味，只有自己stand alone的味道，顯得格格不入。整體來說味道絕對是above average, 但價錢又稍貴，所以性價比只是一般。

夜晚收工之後, 仲剩番幾多時間去享受呢? 去按摩前又唔可以食太多, 唯有快快手, 兩公婆去食小小野啦…行左幾個圈, 最後都做左個決定。車仔麵 + 海南雞飯 + 兩支舊式玻璃樽氣水

係樓價偏貴的情況上，人人都想上車，星期六午餐時間，整個石門的食市都擠滿了人搵食，我就揀了上車，希望上車得啱啦！我揀了麻辣味，三餸：豬紅，豬腸，通菜，油麵，飲品：凍咖啡。輕輕的麻辣味，吃得辣的人會覺得唔夠辣，只想愛吃少辣的我，點對了！可惜沒有感到麻辣的感覺，只是覺得是辣椒油味。豬紅，豬腸和通菜的份量剛剛好，不會覺得太多好抵食，也不會覺得太少唔夠食，三款餸都好新鮮， 油麵彈牙不太油，細胃的我，吃一碗很滿足！再來凍咖啡一杯，冰凍的不銹鋼杯，感覺冰涼消暑，一上枱，份量。。。 大家都看到好似比人飲咗啖， 視覺上少咗一大啖，其實他們可以考慮下用隻細杯，用細杯就可以滿足到沖細杯啲，沖的份量就可以少點，視覺上就會好睇好多！而甜度適中，咖啡不太香濃，是一杯合格普通的咖啡。總結：如果在石門找不到地方搵食都會來，因石門太多選擇啦！本人真的覺得香港的車仔麵 （一般來說）越來越貴，這間算是少少貴的車仔麵 （上車盤）。

今次大K又嚟試新餐廳。呢間喺地鐵站出口附近，地方細細並唔太顯眼，但係又好容易搵到嘅上麵。地方細細但係是淨企理。喺度都乾乾淨淨，食飯乾淨衛生都好緊要。一般平日嘅午餐要求唔多。簡簡單單，坐得舒舒服服，乾淨企理就已經好足夠啦!今次買咗個金菇豬手麵， 腩汁湯底絕對係成個車仔麵嘅靈魂。好彩今次碗麵，絕對冇令大家失望!大家下次你食記得的牛腩汁湯底呀!不過亮點落咗係支玻璃樽可樂上面。 可能好耐冇飲玻璃樽汽水啦。而家啲玻璃樽可樂好似有啲唔同咗未!到係咩味好似淡咗有冇咩氣咁。唔知大家有冇同感啦? 得閒話比我聽，究竟係我太耐冇飲，定係可口可樂改左 formula？

沙田友對於石門這個地方應該算是不太陌生， 與第一城站只是一個鐵路站之隔、 大約半年多前已走訪一次， 今回眼見開飯網不斷更新此廣場的餐廳新店入駐， 所以明知週邊沒有什麼可以逛、也為(食)為大前題走了一趟。。。踏出鐵路站已看到食店比從前為多， 目標大約已鎖定、就是很久沒有吃到之港式車仔麵， 店內一如港式作風、 老闆要讓店子爭取賺錢的最佳狀態 ， 便是要讓客人坐得密密麻這個情形是無庸置疑的、 在擠迫狹窄的位置上， 我伸出了點菜單子呈上給侍應、 車仔麵也不用等待太久便送上面前來~簡單地我選擇了三餸一麵, 豬紅、冬菇與及墨丸，湯底變選來了腩汁、 整碗麵餸身上湯底加上腩汁濃而不過於咸， 豬紅與冬菇亦做出本息、 豬紅肉質爽口而冬菇亦都炆得入味， 只見遜色於交貨來的墨魚丸上、 全無味道可言，咬下一粒也告放棄其餘的同伴~整體上以石門站來說稀有的車仔麵實屬可見, 不過對我而言座位坐得甚為逼狹來用膳、 實在更味美也容不上回頭第二趟

讀了以往上車的食評，發現只屬－般。但我有不同意見！ 店内裝修擺設懷舊排檔feel, 雖然座位比較迫。環境清潔與很多市面上的車仔麵餐廳環境要好。餐牌招牌八寶麵$48大大碗，８餸有溏心蛋丶牛腩丶鷄翼、魷魚、豬腸、魚蛋丶豬皮、蘿蔔／菜，每分餸分量小小但整體分量就不少了，男同事都叫飽。最愛是溏心蛋，時間岩岩好，蛋黃晶瑩流心, 魷魚爽囗，猪腸、豬皮入味。西洋菜牛腩米 $29 西洋菜爽口不老，今天的牛腩麻麻雖然入味但痴牙，米粉爽口！胡椒湯底但顏色仍然是 啡色似腩汁。８寶麵分量比單點抵食又可以多吃幾種餸，推介大家！

話說我平時好少寫野，是我同事寫開，鼓勵我寫下食評，支持一下好餐廳，亦希望有部分餐廳知道自己不足，可以改善，當然，是希望大家日日食到好野。午餐得一個鐘，通常要食快D。午市通常好多人，周圍好多建築公司，寫字樓，所以午市多人係常識。我叫左一碗麵，麵底要粗麵加腩汁，餸要通菜同牛筋。腩汁幾好味，通菜就得幾條，好彩牛筋夠食。不過麵底份量真心少，食完成檯同事都話唔夠飽，哇！哈！加上服務真係麻麻，不過預左茶餐廳無服務可言，無期望，所以無失望。

平時我覺得餐廳食物一般，但總有值得欣賞的地方，念在人家開門做生意，每個人都是想用心做好這盤生意， 所以勉為其難，都會給一個「ok」。但今次真是不能幫得太盡，人生第一個負評，就是這樣來的。中午時分，前往這間麵店用餐。生意不錯，餐廳一般最旺的就是午市和晚市，如果午市門可羅雀就慘了。車仔麵一定要點兩餸，最便宜的話24元，點兩款菜配一款湯底。我點了油麵腩汁湯底（$12），配一款魚皮餃（$10）、韭菜（$6）和牛丸（$8），一共$36。百物騰貴，湯粉賣這個價錢也能理解，樣樣都是錢，只能說香港的物價貴。但問題是，加了$10魚皮餃只有2粒，加了$8的牛丸只有2粒，一小撮韭菜$6，君不知道在街市$6已經買到一大束韭菜，$4一粒牛丸，也是正常的，$5一粒魚皮餃也是合理的，那一定是我井底之蛙，少見識才嫌貴，少出入茶餐廳才不覺得米貴，我不停找藉口幫餐廳洗脫。麵來了，份量有點嚇我一跳，因為有點小，或許餐廳想我吃得少點，減減胖。湯底甜甜的，頗入味，吃一口麵，只是普通的現成油麵，沒有驚喜。牛丸和魚皮餃也是普通的貨色，吃不出是自家產品，來貨也不見得貴，吃完我仍然餓著肚子同事點的餐，他也說味道一般到了結帳時，我們跟老

石門呢頭開左好多新餐廳，上星期終於輪到試呢間。兩點幾到去，可能因為坐近門口關係覺得冷氣好不足，但入面d位又俾佢d staff自己食飯坐左座位唔算迫，除左要搭枱之外都算食得舒服。雖然呢道似乎係出名車仔面，但其實我好早已經俾佢招牌大大隻字寫住泰式雞飯吸引住本來以為會係泰式海南雞個種，點知完全唔係個回事首先其實佢份量都唔少既，雞都俾得好足，而且肉質好嫩。但味道黎講佢係普通既白切雞加左甜豉油，襯埋麥當當點雞翼個隻泰式辣醬成件事係非常之中泰fusion...每一啖食落都只係得豉油味，個飯亦唔係油飯，只係普通白飯如果叫佢做白切雞飯我會覺得更加貼切。42蚊一個飯雖然價錢黎講唔算貴，但應該唔會再黎食

本身約咗朋友諗住食啲簡單野頂肚，朋友介紹話吃車仔麵，佢話食開都不錯的。車仔麵味道okay啦。但最離譜係佢啲服務員，真係好唔掂，竟然可以响執檯既時候，將人地食剩的成碗湯連渣，倒落我背脊到，我朋友即刻起身幫我抺啦，佢仲見到啲米粉黏住响我件衫度，我完全feel到啲湯流落黎，同慢慢咁滲入我啲皮膚到，嘩真係好噁心🤢⋯⋯最賤係佢地講咗幾句唔好意思呀！咁就算，錢又照收喎，講真我係食咗唔會唔俾錢，但你地咁既員工質素，收碗都唔識收，好應該反省下啦生意不是咁做的！！

今日經過石門一試呢間車仔麵，同朋友試左招牌八寶河和大腸豬紅米，不錯！每個餸都有水準，大腸入味又好味，河粉夠薄身，最愛佢既辣汁湯底，真是正，遲D我會再去食多次！👍🏻