上車車仔麵 (已結業)

💛上車車仔麵💛熟悉沙田石門既話，呢間都應該唔陌生😂佢地超早期已表態，有參加CAPcoupon有蘋果日報免費派發。佢地亦曾經有免費口罩供客人領取，絕對值得支持。雖然佢地以車仔麵為主，但我比較鐘意佢地既小食，咸菜豬雜，基本上每次去石門都會外賣呢個返屋企😂😋睇落佢地啲野好似細細碗咁，但查實一啲都唔馬虎，碗碗都塞到爆哂，超正😂今次再試埋其他小食+車仔麵，一樣好味😋👍🏻真係超級推介👍🏻佢地個鹹菜豬雜，好好味🤤🤤🤤

要數沙田石門街坊良心店，一定係呢一間呢間車仔麵店經常大排長龍大概係因為大家有共同目的......食車仔麵啩室內裝潢傳統，設計似大排檔地磚、牆壁、牆上餐牌都係，重有木枱櫈為主3餸車仔麵僅$38，叫個8餸車仔麵都係$50車仔餸有幾款平時比較少見嘅款式包括牛面珠條、原件花膠、新鮮鵝腸、仿長腳蟹棒、辣鹹酸菜等招牌八寶 $50有8款餸有溏心蛋、魚蛋、魷魚、牛腩、蘿蔔、雞翼、豬皮、豬腸，加埋菜芯腩汁好配合，湯底色澤偏深，鹹度適中原隻溏心蛋咬開呈流心狀，似日式嗰種溏心蛋牛腩入口軟腍，帶有少量牛筋感，有咬口豬皮、蘿蔔、豬腸就比較吸收湯汁，軟身又入味，豬皮厚身而爽口，幾抵食不過魚蛋、魷魚就一般，唔太入味，有少少硬身，唔多吸收到湯汁三餸麵 $38，陳村粉、冬蔭功都係極罕有嘅車仔麵配搭餸揀咗豬紅、蘿蔔、牛面豬條蘿蔔足足兩大舊，夠晒清甜，軟嫩無渣，入晒味豬紅就比較普通，唔太特別牛面豬條就比牛腩更軟嫩，有少少筋位略帶油脂香，牛味更濃郁，有入口即溶嘅感覺最特別之處係湯底有冬蔭功，麵底有陳村粉幾有新鮮感！陳村粉較粗身，比河粉闊，但比河粉薄質感爽滑，好有懷舊味道，好掛湯冬蔭功湯底原理原來係一羹冬蔭功醬混合基本湯底湯底

石門係堪稱沙田區最多黃店嘅地方今次去咗間車仔麵店但原來入邊都仲有飯類同小食分量都好足車仔麵餸菜嘅選擇好多面嘅選擇亦都好多基本上諗得到嘅車仔麵餸菜都有最緊要係有良心會再黎

石門一向出名多黃店，好耐冇去開嗰邊，今日難得叫順路就去搵野食分左一期二期 個商場好似劏場咁 好多舖行完成個一期 最後簡左地舖車仔麵，相對地一直有客食又多人叫外賣平時不嬲對車仔麵冇咩興趣，覺得都係同自己買啲材料自己煮都得既麵 但見到佢有胡椒湯底就吸引左我入去 都要等一陣位 因為疫情令堂食好少位等左陣好快有位 交左點菜紙都好快黎野食$38 真係好抵 仲要包埋一罐野飲 仲有好多選擇我簡左雀檸個湯底真係好正 好夠味 雖然食到底見唔到有胡椒碎 但都唔覺係味精湯 我簡左3餸係花膠 豬手 牛面珠條 呢三款餸原價要$13一款好特別有陳村粉簡就試下 同個湯又幾夾3個餸都係有口感得黎唔韌而且都唔會將價就貨而比好小份量餸咧個吊命價真係好抵食 希望逆市捱得住

第一碗係胡椒湯底鮮鵝腸豬皮胡椒豬手金邊粉，胡椒湯底有驚喜，鮮鵝腸好新鮮，豬皮煮得好爽但入味，金邊粉吸晒d 湯汁好好食，但豬手一般般。另一碗係豬紅魷魚金菇菜粗面。可惜賣晒招牌蝦餅，下次再去試試～

已經好耐無食車仔麵，今日胃口麻麻，又唔係太肚餓，行行下就不如食車仔麵，好耐無食。門口全部都係文宣，每次睇，都真心覺得畫得好靚。都算幾多選擇，都每叫一樣就加錢，或者懶得諗就不如招牌八寶。突然想食響鈴（可能無得打邊爐關係），平時拎唔會叫，正常，純個人想食。豬紅唔錯，幾夠味，而且好多呢。我要嘅係陳村粉，佢有啲似河粉，但係幼身啲同簿啲，幾掛湯。豬皮金菇牛腩，全部都好夠味，而且好好食。叫左份蝦餅，40元。係好味，但我就食中左有辣椒，辣到我癲左，真係估佢唔到。。。白灼鵝腸，40元，我就唔食，朋友話好正。依家食餐車仔麵都係偏貴，無辦法，人同租都係度，偶然食一次過下癮係可以。大家都隔開食，剛好影個陣叫做唔係幾睇到樣👍🏻（我其實唔係好明點解叫做唔係原圖，其他人加哂filter都上到，我只係加番我個名。。。所有相都係我親自影，用自己手機影，有無人同我一樣都係咁？）

石門好多黃店選擇，今次揀左車仔麵試食先。呢間車他麵唔算特別平，不過環境比一般車仔麵店舒服，D枱枱椅椅好闊😍😍，同埋D餸好特別❣️值得一讚嘅係，冬陰公湯底用勺分開上，好細心💜麵質方面，油麵比粗麵好食，感覺比較彈牙😘。冬陰公湯底湯底好正宗，好似去左泰國咁🤤🤤一定要試呢個湯底餸方面，我地叫左牛面珠條、墨魚丸、牛丸同埋魚皮，餸嘅份量係okay的，冇咩特別，不過牛面珠條可以一試，炆得好林，好有牛味。

去食車仔面，本身諗住穩陣。食材新鮮才有良心，可惜味道很差，一心去支持一下，但是現在所有的期望也失去了。no next time, sorry brother. Hope u are well.

碩門有好多店舖，今次試吓呢間「上車車仔麵」。應該好多香港人都夢寐以求，無能力上車唯有俾幾十蚊試下個車仔麵滿足下😢我見炸豬皮有手指公，試下食；不過唔係我杯茶😔蘿蔔有2大舊，有啲甜無筋，魷魚唔係玻璃魷魚，我以為車仔麵通常都用；呢種魷魚🦑有點硬，唔太夾車仔麵，不過材料較貴🙃牛筋有4-5件，好細件感覺唔太抵😔不過麻辣湯底用勺分開上，比較細心👍🏻鵝腸洗得唔太淨，食左2件就唔想再食牛柏葉一般，陳村粉好似河炒略粗，食到尾有啲卷埋似齋腸粉，整體麻麻🙅🏻凍檸茶跟餐另+$6，不鏽鋼杯確係好凍大樽裝可樂另+$8選擇唔算多，細心預備酒精搓手液給顧客消毒除左車仔麵，泰式雞飯、手打蝦餅都有供應唔知攞過咩獎？一心撐黃色經濟圈，可惜食物質素真係有待改善😅呢個價錢我去深水埗食，好食好多😣

次次去必食午餐肉 大大啖 煎咗嘅厚午餐肉又好香 而且外層又有少少煎香另外瑞士雞翼煮得好入味 同埋麻辣汁好香 真係整到麻香味又有少許微辣嘅感覺 而辣汁亦唔錯 近期最愛嘅車仔麵店

來到石門，咩野食都有，眼利見到一間叫上車排唔少人，於是入去試試。我見其他人都食麵，但突然想食飯，於是就叫了個雞飯。服務不錯，但店鋪比較小，所以唔太好坐，不過最重要都係個飯好食。講返個飯先，配菜就一般般，但個飯本身有味，而且都好香，而雞就滑而不油，而且好入味，唔洗點醬都好好食，唯一缺點就係比較大食的人會唔夠食(我自己剛剛好)。

今日食香港地道食品，車仔麵，簡簡單單，啱晒落街食個快飯。呢間舖喺石門，疫症期間仲定期派漂白水俾街坊，雖然唔關食物嘅事，不過咁有良心，我覺得佢哋整嘅嘢食都會乾淨啲。嘢食方面，叫咗個八寶麵加多杯凍O茶。八寶有雞翼，蘿白，豬腸，牛腩，魚蛋，糖心蛋，豬皮，魷魚。條菜心唔計入八寶，即係有九樣菜😚八樣嘢入面，有幾樣嘢好抵讚。首先個糖心蛋，佢哋做到日式拉麵店嘅水平，隻蛋真係有糖心，個黃係流心狀態。另外個牛腩，真係出色，夠人味又淋，仲有少少筋，好味😋

第一次黎試車仔麵，晚市時段多人繁忙，但上菜唔使等好耐。食材選擇多，揀左新鮮鵝腸、原條花膠、生菜、胡椒湯粗麵，$46。份量好多，胡椒湯唔會太咸，冬天岩曬。鵝腸同胡椒湯味道好夾👍🏼 花膠軟稔。

石門區真係越黎越多食肆, 今日同fd兩個人quick lunch, 見到京瑞一期地鋪有間eye catching車仔麵, 雖然好多人等候入座, 但車仔麵黎講應該唔使等好耐, 我地剔埋點麵紙就有位lu.>店家嘅餸料由HKD8-HKD13非常經濟, 我揀左3個餸計返HKD44, 而招牌八寶都係HKD50咋, 都係食三餸🤣.>胡椒豬手x豬大腸x魚腐x冬蔭公x金邊粉 (HKD44)豬手有三件, 骨膠原豐富, 豬大腸非常乾淨連內裡大部份肥膏都清埋好好味! 魚腐腍身又大件. 冬蔭公原來係一大羹冬蔭公醬另上, 辣度都唔係講笑架, li個價錢係好抵食嘅. >牛筋x糖心蛋x豆卜x腩汁x金邊粉 (HKD43)傳統車仔麵都可以有糖心蛋, 金邊粉揀, 糖心蛋做到好流心, 湯底唔會令人口渴, 會encore.

我由細到大都好鍾意食啲濕濕地嘅嘢 尤其是係車仔麵 今次呢一間， 材料多選擇 味道頂呱呱 仲有好多種湯底揀， 今次我試咗冬陰功湯底 豬皮豬腸 腩肉墨丸 米線， 豬皮索曬啲汁好好食 豬腸夠淋入曬味， 腩肉唔鞋口 墨丸夠彈牙 冇得頂