上湖 (已結業)

是日要返尖沙咀。放飯時間經過寶勒巷，唔想食太貴，見上湖鋪面都好似幾靚，就食依間啦。佢內部裝潢都幾四正，但枱與枱之間都幾窄，幾似一間中式既學校飯堂午市唔多客，但侍應都會要你搭枱，不情不願下冇所謂啦。快食快走。都幾茶記Feel ，又中又西，見格局咁中式，都係叫沙薑雞（$50）加凍檸茶(凍飲加$4）。侍應先送上例湯，青紅蘿白湯- 好香靑蘿白味，但個中湯唔熱之後送上沙薑雞及白飯，沙薑雞鋪上沙薑蓉加少許芫茜，唔可以話難食，但得兩三舊肉，其他都是雞殻，可能要留給晩市用吧！肉質唔梅，解凍做得唔錯，但，都係唔夠熱。食沙薑先有沙薑味，唯有當食白切雞飯多汁。檸茶唔記得叫少甜，記得記得叫少甜啊！＊午市茶記價錢，當然是茶記品質！但午市無加一。＊見其他客都會叫米缐，上湖晚市做打邊爐，如果仲有機會過黎上湖食午餐，我應該揀返打邊爐用的食材。結賬：$54.

👉🏻兩小時火鍋放題🍲🔥💲298(🤩送刺身🍣+海鮮🦐🐚)〰️〰️〰️〰️〰️〰️〰️〰️〰️♨️湯底• 人蔘養生鍋💆🏻‍♀️• 上湖麻辣鍋🌶兩個湯底入面都有蜂巢豆腐同鴨血😆真心覺得個湯底好濃好重蔘味👍🏻好足料好大條人蔘，睇個湯底係奶白色就知有幾濃味啦😽麻辣鍋如果辣味唔夠仲可以叫佢加辣🌶要推薦下個蜂巢豆腐吸晒啲湯超鮮甜😻-🥩肉類• 極上手切本地牛頸脊：勁香牛味又厚切😽• 日本黑豚肉：口感軟到好似牛一樣味嫩👍🏻• 特級美國肥牛：雪花紋一望就知肥味🤤• 梅花豬頸肉：脂肪分布均勻，食起上嚟好有彈性😆超高級嘅食材✨ 食一碟都已經回本😼-🍢其他丸類、炸物• 炸魚皮：原條厚魚皮脆卜卜🤩• 蟹籽鮮蝦滑：真心有粒蝦肉🦐• 手打墨魚滑：超級爽口彈牙😻• 黑松露墨魚丸：勁香濃黑松露味 口感依舊彈牙😆• 芝士墨魚丸：好創新嘅配搭！🧀-兩個人去雖然叫咗好多但仲有好多好嘢未試晒🤭不過呢間算係我暫時最中意嘅火鍋放題😻湯底夠濃材料上盛👍🏻真心貨真價實😗

近依1-2年都比較少去任食形式既火鍋店因為覺得散叫既質素會比較有保證但估唔到「上湖」既食物質素十分唔錯 每人$298 絕對值依個價錢👍🏻👍🏻-湯底有3款可以選擇 仲可以要鴛鴦鍋我要左上湖麻辣鍋同人蔘養生鍋2款湯底都十分有台灣味 有係台灣打邊爐既感覺☺️養生鍋真係有人參係入邊 鮮甜得黎仲有D胡椒香飲左幾啖湯先落配料 正-打邊爐前會送上刺身拼盤🐟有甜蝦 三文魚 北寄貝等 都幾新鮮-另外仲有盤海鮮拼盤 有鮑魚 扇貝 帶子 青口 海蝦🦐-任食既食物選擇好多 但有幾樣係必叫‼️紐西蘭穀飼羊肉日本黑豚肉豬同羊都唔錯 脂肪層層分佈 幾鬆化-極上手切本地牛頸脊🐮完全無諗過任食邊爐會有咁高質素既牛 重牛味😍叫左一碟既份量都好多 鍾意食牛既絕對唔可以錯過另外鹹蛋豬肉丸都幾得意 平時好少見到有鹹蛋餡既丸-炸響鈴堅係即叫即炸 好香脆 吸哂個湯底好好味-蟹籽鮮蝦滑同韭菜餃同樣都係必叫呀😋-最後食飽仲有糖水食 係燉蛋 好味 完全唔hea🤤-總括今餐十分滿意 食物高質 上菜好快 價錢抵食encore list又多一間餐廳啦💕

之前已經見過有不少人介紹呢間上湖火鍋店，果然係好正，$298任食冇伏😝由湯底講起先，佢地係以台式湯底為主，我同朋友叫左紅白鴛鴦鍋，分別係: 上湖麻辣鍋；人蔘養生鍋。BINLO前係會送個魚生刺生拼盤，尚算幾新鮮，唔似有啲地方送係勁恐怖食完會屙個種😅有基本三文魚, 北寄貝, 蝦, 八抓魚，海螺。佢亦都會送個海鮮拼盤，有手心咁大個鮑魚，扇貝，帶子同咪海蝦，完全係超值！講返佢個麻辣鍋，佢真係好香同麻，唔係死辣， 裏面嗰嚿豬紅極好食，勁入味同滑！一定要撘配響鈴同炸魚皮，佢地係即叫即炸，勁脆同香，單食都好味，點汁更加係入哂味。叫左：極上本土牛頸脊：肉林林地，好香牛肉味，食得出係靚野！紐西蘭穀飼羊肉：佢個羊肉味同人蔘好夾！台式酒糟肉：呢個係必試！佢基本上就係一個有用酒同鹽醃製嘅五花腩，佢上枱時已經係煮左，但聞落去就冇乜味😂 佢嘅精妙之處就係你一放咗落火鍋大概十五秒就會即刻出哂啲酒香味，我鍾意擺佢入藥膳鍋，因為唔會搶味！美國特級牛脷：係厚切嘅牛脷，好夠口感！飲品方面有竹蔗水同埋好多 頭痛飲品現在一個腐竹薏米沙冰，幾清！

見openrice嘅食評好懷參半，本身都心思思。但見佢做緊$298兩小時火鍋放題，就決定平平地試下佢！星期三晚黎到，都有8成滿。樓面得兩個侍應，但做野快手，所以野食都黎得好快👍🏻 Menu都幾多料揀嘅，fyi啲丸同餃叫一份係有兩粒！叫左個雙拼湯底，真係有成條人蔘喺度，贏左😂 湯底算幾清甜。另外個酸菜白菜鍋太酸喇，放肉落去會搶哂啲味。今晚重點係牛頸脊。食左番唔到轉頭，唔會再想食肥牛😂 脂肪分佈平均之餘，肉味又夠濃，口感亦正，encore左十次🥩其他野我就比較欣賞啲魚皮餃、韮菜餃、貢丸同牛舌。全部都幾高質的！Btw食佢地放題仲會送呢個刺身同海鮮拼盤，人越多越多種類，抵到爛！

婚後娘親已不停約我食飯, 好在大家都很喜歡打邊爐. 記得有次逛街經過望到, 已經覺得很吸引.酸菜魚好吸引 飲左很多碗湯; 麻辣鍋相比下一般，但還可以。贈送海鮮併盤手切牛頸脊已經order好幾碟, 一樣是大愛後記：選擇數量不多，沒有我喜愛的魚雲/魚片...... 但它們的種類樣樣都很新鮮，亦有些即整如響鈴/手打魚丸之類，沒有樣樣拍照。店鋪內裹不大，多人食的話可能感覺很迫；飲品方便都是大路野；價錢方面我尚可接受👌貴精不貴多

火鍋食材好新鮮，牛肉，豬潤，牛舌質素👍🏻，響鈴，炸魚皮好好美，韭菜餃，雲吞大大隻蓮藕片，淮山，蘿蔔，時菜都好新鮮。員工服務好親切，價錢又唔算貴，所以值得推介！

尖沙咀又一間好好食既火鍋。鍋底選擇唔多，得三款。揀左養生鍋，入面真係有人蔘，兩大條。個湯底好夠蔘味，非常好！會送刺身同海鮮拼盤。刺身好新解，三文魚同蝦都好好味！海鮮拼盤會跟人頭上數量。海鮮竟然有鮑魚！無hea呀。任食既種類都好多，跟人頭上，唔夠食可以再嗌。佢啲嘢食唔單止種類多，材料都幾高級，唔係嗰啲是但比野食飽你為止，而係真係好食。牛頸脊真係好好食，少肥，好有牛味，無點汁醬都好夠味。羊肉好夠羶，同樣無點汁都好好味！個人覺得肉類水準好高。另外試左鹹蛋豬肉丸，味道好得意好味，中意食鹹蛋既人可以試下。叫咗我鍾意食炸響鈴，上枱時服務員話啱啱炸起小心熱。我嚇親，竟然啱啱炸起！好脆，忍唔住食多兩件，必叫之選。另外忍唔住想讚服務員，佢哋嘅服務真係好細心，明明個場好爆都係笑住👍🏻。食完仲有沙冰糖水送。$298任食真係夠高級又好食。會encore，目前食過尖沙咀最好食既一間。

見到雜誌facebook好多廣告介紹呢間"上湖",想必廣告費投放唔少，主打台式火鍋[放題]，本住3舊水（未加一）嚟試下你咩料，個間咩咩殿火鍋閒閒地落樓都唔止300啦，任食喎，抵與唔抵，視乎當日食力如何！良心說話，人多有刺身海鮮送，係咪好抵視乎你覺得你本身覺得D刺身值唔值錢？我呢晚仲有象拔蚌添，本人認為還不錯。講番主菜火鍋，個煲比一般打邊爐嘅煲細好多，好似放幾件野就滿左咁，唔知係咪令客人有個心態好似落左好多料咁，同埋好易痴底，個煲好有問題，同埋取巧。火鍋料算唔錯，"第一round only,)", 淨係講牛嘅質素，第二round 開始每況愈下，最後個盤直頭只係一盤深紫紅色嘅肉，連少少雪花都無，所謂的任食，咁樣你收唔收貨？公道D, 其他D 餃、丸、嚮鈴、海鮮等等，其實都係中上質素，呢度加番D 分。最後亦係令我決定唔會回頭要食嘅原因，事原120分鐘"就嚟"夠鐘，待應要客人賣單，明嘅！但賣單之際只係叫多一罐汽水，只係一罐3蚊唔使嘅汽水，待應A回應ok，但遲遲未見汽水，但當找錢再問待應B罐汽水嘅下落，就係"唔好意思，賣左單無喇"。其實一間識做生意嘅餐廳，會唔會連一罐汽水都晏，連少少人情味都無，其

今日一班朋友去食飯，就緊係食好d啦，呢間係朋友選擇，我負責食海鮮好新鮮，而且份量多刺身食落去夠涷，處理得好好，食落去無腥味蟹我就無食，因為驚皮膚敏感！朋友話味道都唔差麻辣湯底夠辣，正！

之前去上湖係食避風塘炒蟹，小菜，知道最近搞任食火鍋，$298送刺身同法國蟹，包海鮮拼盤，唔係咁貴，一於試試。預先訂位，4個人去到，可能係星期一，基本即刻人座。服務員好好招呼，重解釋話如果我有6個人會送埋龍蝦，可惜！後來留意到，現場班底同廚房應該係以前旺角火x撚嘅人，即本試下味道會唔會一模一樣。先上刺身同法國蟹，剌身好新鮮，正！法國蟹多糕，好味！鍋底揀左鴛鴦，麻辣拼酸菜肉，海鮮拼盤有鮑魚，蟶子，蝦，象拔蚌，海參邊等，全部都好新鮮下，我地另外點左牛，豬，羊，牛黃喉，老油條，鴨紅，鵝腸，雜丸，蔬菜籃，牛肉好正，要推介即炸魚皮同鵝腸，唯一缺點係個鍋具細左少少。整晚招呼同食物都一流，廚師後來重出嚟問意見，重主動解釋之前訂錯細鍋具，已經補訂，證明佢都幾到地，唔洗個個客人投訴，自己先補飛。

平時lunch同time 同同事一切黎食，蒸肉餅，翠肉瓜炒牛肉又多汁入味，飯就太多。加上配菜好食，48蚊尖沙咀黎講好ok。環境唔算太乾淨，撘台又唔係太鐘意。但勁過琴日食飯經歷,我見到佢地換咗個menu。開始覺得奇怪，點解一間賣開中式餐既餐廳突然間會有埋西餐？個menu 又少咗之前食開嗰啲，但係餐廳名同裝修就一樣都冇變。因我自己對港式餐廳既西餐印象唔係太好，我決定叫涼瓜炒牛肉。個飯到咗，一食落去就知道質素明顯差咗。啲涼瓜太苦唔開胃，汁就太杰。望望牆上既板，見到原來佢做埋刺身拼盆同火鍋嗰啲。咁細個㕑房出咁多野啲質素只會愈來愈差。我同同事都應該唔會再黎。

話説係fb見到有廣告介紹，於是收工就去試試，差唔多7點到，都幾乎坐滿，2個人叫左2人餐，加多個小菜，侍應都好禮貌，不過收碟速度好似過快，未食完就問收得未😂😂食完有甜品生果送😋

其實光襯過呢間餐廳好多次，一直都好欣賞佢地嘅服務態度&食物。好多時都係凌晨嚟光襯，佢地嘅瀨尿蝦真係大大隻好好味！番茄炒蛋都好好味！每次必點！我最欣賞嘅係佢地就算凌晨嚟食嘢，服務態度都好好。有時仲會送糖水&水果！不過唔好嘅地方就係，有時客人食煙，我地出聲，佢地都會繼續食。員工都會出聲，但冇乜用。

第二次黎食飯啦，因為上次愛上咗呢到個大大碗蜆同大大碗菜，所以返兜又黎食過。碗蜆同上次一樣咁大，份量真係好多，d蜆又新鮮又甜。而佢個湯低係胡椒湯。不過今次個湯就無上次咁濃同甜，感覺退步了。（忘了影相）而碗芥蘭菜分量比起上次少咗，個湯又鹹左少少，不過芥蘭軟硬度煮得剛剛好的。椒鹽豬扒塊豬扒沒有炸過頭，肉夠嫩滑，外層脆脆地口。伴菜既洋蔥加上椒鹽好好食。叫咗半隻鹽焗雞，雞肉都有咬口。最鍾意佢個薑蓉真係好多薑，夠晒足料。最後仲叫咗招牌燒鴨河粉，燒鴨沒有什麼特別反而個河粉好滑同埋比起街出面薄身好多，類似喺大陸食嗰啲沙河粉，而個湯低都夠味。食完晒會有生果同糖水送，個橙會切好晒，好細心同埋碗蕃薯糖水好夠薑，好有薑味，好飲。最後讚下間餐廳個服務態度好好，會主動不停換碟同睇下夠唔夠茶。係環境有點嘈。