影片
港鐵紅磡站 B2 / C2/ D6 出口
繼續閱讀
付款方式
以上資料只供參考, 請與餐廳確認詳情
呢一間餐廳一直都係OpenRice度有留意開，好吸引嘅係呢一度嘅湯底全部都係黃色！我自己就叫咗餃子同埋上海麵！呢一度嘅餃子好好食，餃子嘅外皮好薄，而且入面嘅餡料真係非常之豐富，豬肉嘅醬汁連埋湯底一齊食真係好吸引
繼續閱讀
早前和男朋友去左尖沙咀海旁行，行到去尖東就上左去紅磡個個置富商場食飯，呢家因為紅館無show開，所以明顯人流少左好多，而且個food court好易揾位，我地最後揀左食上海野，佢有一些滑蛋飯餐，35蚊一個有豆漿飲，都算不錯，我地最後揀左一個滑蛋蝦仁和滑蛋牛肉飯。呢間上海嘢係比例上都叫多人叫多人食，所以落單之後都要等大約15至20分鐘左右先有得食。餐廳的滑蛋飯同出面食有少少唔同，無平時個啲滑潺潺的汁，但味道都不過不失，牛肉都唔算少，都幾入味，同埋唔算靭，兩者我地比較鍾意牛肉。蝦仁方面，蝦粒算多，但唔係大大粒的蝦仁，蝦仁唔係太入味，原來想揀叉燒，我相信叉燒應該會好啲。不過35蚊嚟講，都叫不錯，同埋係個到嚟講已經係最平，其實仲有呢啲比較平的食肆先可以讓一眾平時睇show的人有更平的選擇。以下評分以5⭐️為滿分⭐️⭐️
繼續閱讀
最近受疫情影響 都比較難搵到啲可以坐得耐啲 但相對安全既地方 所以就嚟到置富都會foocourt食嘢貪在地方夠方便 地方寛敞 (⁎⁍̴̛ᴗ⁍̴̛⁎)人同人既之間有適當既距離(´･Д･)」再加上有冷氣嘆(⁎⁍̴̛ᴗ⁍̴̛⁎)話說今日唔太飽又唔太餓想食小小嘢 過吓口癮就去咗上海麵點皇平時嚟親都係叫開啲炒粉麵飯今次就試吓啲未試過既拉麵所以叫咗個📌上海炸醬撈拉麵套餐🍝（💰35+15）套餐包括一杯豆漿🥛連一款小食而我就揀咗酥炸牛肉卷-首先講吓個上海炸醬撈拉麵原來仲以為係紅紅地色 🍝好似平時去粉麵鋪食既炸醬麵但嚟到完全係另外一回事係黑黑地色既炸醬味道就似酸辣湯既濃縮版(´･Д･)」錯有錯着呢款炸醬都幾開胃 (⁎⁍̴̛ᴗ⁍̴̛⁎)又有唔少肉粒🤤 配搭個拉麵唔錯🥺雖然都係想食紅色既炸醬多啲🤣-酥炸牛肉卷外型就似長版既春卷涵料就係滿滿既牛肉 🤤🤤🤤香口得嚟又帶半點牛肉既甜味以加15蚊既價錢 就有個唔錯既小食連一杯豆漿果然加配套餐係個明智之選非常推薦大家下次都試吓加配
繼續閱讀
生活節奏急速的日子，總遇到需要趕路，又沒時間找餐廳的時候。這天趕路期間想吃碗麵，就衝進紅磡置富都會找點吃的。置富都會8樓是個空間蠻大的美食廣場，找位置不太難，找好吃的卻必須要時間。今日，由於想開始試試週一素食，因此可選擇的並不多。於是，找到這家上海菜的食店試試他們的素菜餐單。雖然老闆推介的是素火腿炒飯，但最後因為對素肉興趣不大，最後我還是點了雜菜粗麵，飲料配了木瓜素湯。雜菜粗麵份量足，大大一碗，木瓜素湯亦相當足料。不過，愈吃下去，愈覺口味稍重。雜菜粗麵的問題出於湯底，湯底味道像豉油，咸得必需多喝幾口水，木瓜素湯的味道亦稍重，若您注意鹽份吸收的話，建議轉喝豆漿或其他飲料。趕路的時間，的確可以選擇的不多，若然只求飽肚，這裡的份量應該十分足夠，不過下次有時間選擇的話，可能會試試其他菜式，或其他食店了。
繼續閱讀
呢日晏就黎到紅磡行街，見肚餓就去附近搵嘢食，見到呢間舖頭做緊下午茶，當然要去食菜肉雲吞上海麵呢個麵連埋杯豆漿$30都唔洗，份量對於下午茶黎講係算唔錯，麵質幾彈牙，而菜肉雲吞有三至四隻，都算大粒，不過感覺一般，冇咩特別。咁嘅價錢黎講都算唔錯嘅
繼續閱讀