上海萬家村小館

營業中

休息中

黎過幾次食都係Lunch今次終於晚上黎食馬上order我念念不忘嘅松子魚先除左松子魚，佢晚市都有好多選擇下有豆漿飲，我覺得幾好好似新嘅啲，健康啲唔洗成日得汽水🥤飲先上菜嘅係擔擔麵擔擔面湯底同肉粒味道恰到好處唔會太鹹個面份量麵算幾大下亦都有叫外婆紅燒肉由於有松子魚嘅比較下佢就變成普普通通，不過不失主角松子魚進場🐟🐟🐟🐟🐟其實松子魚呢啲考功夫嘢出面已經越黎越少所以今次先特登黎食條魚炸到恰到好處，脆口配埋個汁真係好開胃同埋肉同骨已分好食落唔會有骨，啖啖肉真係好正另外仲有叫左小籠包肉味比較濃最後係高力豆沙作為結尾呢間上海菜有好多款可以得閒黎試下唔同款

今日出左去深水埗買電腦，砌機要等半個鐘以上，咁就不如食個晚飯先。經過呢間上海嘢，次次都係全場爆滿。餐牌有好多嘢食，晚餐或二人套餐都非常抵，最後我哋叫左個松子魚二人餐。麻油海蜇：海蜇爽口，麻油味香，加埋芝麻就更加香。 招牌爆汁小籠包：好熱，一咬去就爆汁，肉味濃，真係好食。酸辣湯：估唔到份量咁多，裡面都幾多料，酸酸辣辣，越飲越想飲，正！西蘭花炒蝦球：小炒夠火喉，蝦球好大隻，仲要數量都唔少，一D都唔姑寒。揚州炒飯：飯炒得乾身唔太油，配料又多，啖啖肉。松子黃花魚：黃花魚大條，配料有蝦、菠蘿、洋葱、三色椒同松子等，顏色夠搶眼。魚先炸，然後起晒骨，啱晒我呢D唔鐘意食有骨魚嘅人。魚肉夠滑夠脆，醬汁甜甜酸酸，好開胃。高力豆沙 (4隻)：叫上先上，豆沙唔太甜，黎到仲熱辣辣，即炸即食就最好食，呢個我都幾鐘意。凍豆漿：唔太甜，幾好。

係深水埗買完野係附近食，見到呢間上海餐廳又幾多人，好彩仲有少量座位唔洗等位！餐牌選擇都幾多，除左上海野，仲有d麻辣水煮魚。見到呢到有十大人氣菜式，我地都叫左幾款試😛 招牌鮮肉爆汁小籠包係第一位，見到好多人都會點，小籠包即蒸，真係會爆汁，仲好有鮮味，必點😍砂鍋雲吞雞都係人氣食品之一，雞肉切件，大大粒嘅雲吞，仲有娃娃菜，湯底味道濃而不膩，仲好鮮甜😋酸辣湯係我最鐘意嘅上海野，呢碗酸辣湯超大碗，4個人食都得！仲要好足料，有荀、木耳、雞蛋、豆腐、菇、蝦肉，酸辣惹味，仲落埋胡椒粉。涼拌麻油海蜇就好爽脆，有香濃嘅麻油味。蒜泥白肉嘅蒜味都夠，白肉就肥瘦均勻，底層仲有粉皮。不過略嫌個醬汁唔夠多，個人鐘意重口味D😂雞絲粉皮就味道正常，雞肉都算腍，粉皮加青瓜絲加埋麻醬撈埋食都幾清新。

深水埗通常行街多，但食飯真係甚少，好多都係貼地餐廳，今次簡左上海菜食入座已經好多人，好多一家人黎食，都有唔少優惠餐簡但我地想試下唔同野，就分開散叫呢到入座每人都會送一杯豆漿，自家磨製，重豆香味，飲落流口滑溜，甜度適中🥛🥛🥛🥢鮮肉小籠包肉質鮮嫩多汁，每一啖都食到肉汁嘅鮮味同皮薄嘅Q彈口感，好飽滿多汁🥢酸菜湯雲吞酸菜湯雲吞，湯汁酸爽開胃，雲吞皮薄餡嫩，一飲入口，湯嘅酸味同雲吞嘅嫩滑口感融合得好好，好清新又好濃郁🥢上海菜飯米飯粒粒分明，口感鬆軟，味道豐富而香濃，用作配搭餸菜一流🥢紅燒獅子頭每個都拳頭甘大，好飽滿，肉質鮮嫩，味道濃郁，紅燒嘅汁料滲入肉中，令肉嘅味道更加香濃，每一口都能感受到肉嘅鮮美同味道嘅濃郁🥢相思骨肉質嫩滑多汁，配埋特製嘅調味料，味道濃郁而鮮美，酸甜口感，每一口都能感受到肉嘅鮮嫩嘅滋味🥢高力豆沙大力推介！！！內餡豆沙細膩順滑，甜度適中，外層酥脆香酥，每一口都能感受到豆沙嘅香甜同酥皮嘅脆爽

深水埗真係有好多平民小店，好多類型嘅餐廳都有，今次就揀咗一個上海菜嘅小店。平日夜晚都好多人，幾乎爆場。餚肉好香豬骨濃湯嘅味道，凍冰冰，鹹鹹地，幾開胃。七十幾蚊，份量適中，作為前菜都唔錯。乾扁四季豆師傅手勢唔錯，炒得幾有鍋氣，四季豆唔會好老，所以食落去冇渣。四季豆加菜飯加嘢飲$80，係晚市小菜套餐。¼隻雲吞雞有四粒雲吞，六件雞，$88。入邊仲有娃娃菜，雞味濃郁。瑤柱賽螃蟹分量十足，啲蛋白炒得好嫩滑。除咗瑤柱，仲有啲唔知係蟹肉定蝦肉。

同老公去完黃金好肚餓喺附近搵野食，見到呢間上海食肆好多人排隊，6點幾入面已經坐滿灑人，一定好有好碑，所以決定一試！叫左個開胃四色涼拌前菜，有10款小食任君選擇，我地揀左呢幾款～以為好細碟，點知原來咁大份抵食，老公最鍾意口水雞，話雞肉好滑而辣度適中，食完想再食，而我就鐘意四喜烤麩,好淋好入味呢個賽磅蟹好有驚喜！滑而不油，送飯一流，好多時食賽磅蟹最驚食到油林林，我地都食到舔舔脷！最後，食埋甜品高力豆沙就好滿足啦！睇落其貌不揚，但食落好似食緊暖笠笠既豆沙棉花糖，一d都唔heavy，好食過好多大型連鎖店，唔掛之得，個鋪頭咁好生意啦！

我今天要來評論上海萬家村小館餐廳。首先，讓我們來談談他們家的蟹粉小龍包。小龍包裡面的蟹粉鮮美豐富，一口咬下去，湯汁就湧出來，真是讓人欲罷不能。接下來是他們的高力豆沙點心。這個點心外皮酥脆，內裡則是餡料濃郁香甜。豆沙餡真的是一絕，綿密滑順，甜度剛好，讓人忍不住一口接一口。如果你喜歡甜點，這個絕對會成為你的最愛！不得不提的是他們的糖醋魚片。這道菜色彩鮮豔，魚片炸得酥脆金黃，外脆內嫩。糖醋的醬汁酸甜可口，恰到好處，讓人回味無窮。每一片魚片都融合了糖醋的美味，絕對是一道讓人垂涎欲滴的料理。金牌小炒皇是我在這家餐廳的必點之一。這道菜色香味俱全，蔬菜和肉類的搭配恰到好處。每一口都能感受到食材的新鮮和料理的巧妙。這道小炒皇給人的感覺就像是一道家常菜，簡單卻美味，讓人感到溫暖和滿足。最後，讓我們來品嚐一下他們的擔擔麵。這碗麵條彈牙有嚼勁，麻辣的湯汁更是讓人興奮。擔擔麵的湯底辣中帶麻，配料豐富，辣椒和花椒的香氣四溢，讓人胃口大開。真的是一道讓人嘴巴開心的美食！總而言之，上海萬家村小館餐廳絕對是一個讓人驚艷的地方。他們的蟹粉小龍包、高力豆沙、糖醋魚片、金牌小炒皇和擔擔麵都是出色的料理，每一道菜都帶給你舌尖

深水埗有間滬菜食館，平日午飯時間非常受歡迎，晚飯6時經過唔算多人，於是黎幫襯。店內環境很地道，是間港式親民的食館，地方也算是寬敞清潔，牆上貼滿店內招牌菜餚推介，價錢平民合理。菜譜豐富，配搭很多，多款上海包點、上海小炒、上海涼拌、粥粉麵飯，應有盡有，未到晚飯時間，座無虛設，服務員忙到不可開交。涼拌四拼$98(雞絲粉皮、麻油海蜇、鎮江餚肉、蒜泥白肉）雞絲粉皮：雞絲味道適中，粉皮爽口滑溜。麻油海蜇：爽滑彈牙，柔韌恰好，味道極佳。鎮江餚肉：長方型的啫喱狀餚肉碎粒，爽口嫩滑又彈牙。蒜泥白肉：薄片腩肉，特別脆口，配上麻辣醬汁，更覺惹味，四拼涼拌口感各有特色，非常好食。鮮肉小籠包(5隻)$48上枱時熱騰騰，包內肉汁味香濃，皮薄餡嫩，配上海浙醋和羗絲，豐富滿足的食慾。鮮肉生煎包（5隻）$48見到枱枱都有叫，果然包皮鬆軟，包底煎脆，餡肉嫩多汁，非常美味。上湯餃子（8隻）韭菜$55皮薄嫩滑，餡料豐富，肉質鮮嫩彈牙，吸入湯汁更覺可口美味。高力豆沙（6隻）$68香濃薄滑蛋皮包著軟綿豆沙蓉，洒滿白糖粉，入口即溶，軟糯可口，是上海菜最佳的甜品。隨餐奉送豆漿兩杯豆漿也是上海菜最佳的飲品，香濃豆味，濃甜適中。

之前係關注組見人推薦過，試過佢地個下午茶餐性價比幾好，呢晚係深水埗買完野就帶朋友過黎試下原來晚市套餐都好抵食叫左幾樣散叫鮮肉小籠包，生煎鮮肉鍋貼小籠包粒粒都皮薄餡靚，一咬開薄薄既皮中間既肉汁湧出個人更愛鍋貼，煎得香口上海粗炒重口味人士必選上海粗炒有水準 不會太油和死鹹豬扒擔擔麵豬扒大大件，炸得香口湯底搭配香濃的花生醬和鮮嫩的肉碎，味道好香麵條吸入了醬汁，湯汁掛住在麵條上，十分惹味雪腿津白津白好甜，加埋少少咸香，好味~

老公驚喜接放工,話好耐冇食過上海嘢,見咁夜就去咗附近依間收得比較夜嘅上海小館醫肚😋每次食上海野都必定會點小籠包,醉雞同酸辣湯！花雕醉雞🐔醉雞啲酒味好香濃,而且雞肉好嫩滑,無冰鮮味,好入味😋小籠包🐖熱騰騰嘅小籠包多湯汁,而餡料又唔會太肥,但食嗰陣記得唔好太心急,如果唔係會比啲肉汁辣親😝例牌酸辣湯🥣材料勁多,食入口每一啖都係滿滿嘅料,味道恰到好處,唔會太酸太辣,又足料,好有口感,啱晒我嘅口味,有驚喜🤤蟹粉賽螃蟹🦀蟹面上鋪滿蟹粉,真係太香了,用料好實在! 配上醋撈勻佢,滿口蟹粉鮮味更加突出,太邪惡🥰嫩雞菜煨麵🍜蔬菜翠綠香甜,菜肉比例啱啱好,湯底香濃無味精,配上海麵食真係好正！！！店面雖然唔係好大,但乾淨企理,菜色選擇又多,下次會再同朋友去,試埋其他想吃嘅菜式🥳

今天（2023年8月15日星期二晚上9時）去深水埗上海萬家村菜館買了一個五香牛𦟌擔擔麵餐，隨餐附送兩個生煎包，吃了一個，然後切開另一個時，發現內裏竟然藏有驚人異物，真是嚇破膽！原本以為美味嘅生煎包，經此一役，我想我以後都不敢再吃生煎包了！食肆有關行為，罔顧食客的人身安全和健康，不理經營食肆的基本守則（清潔和衛生），實在過分、離譜！也許今次事件只是員工一時不慎，誤將不知是甚麼的異物混進肉餡裡，但如食客也不慎吞食，後果堪虞！食肆應汲取教訓，日後更小心謹慎工作，以免重蹈覆轍！鑑於該食肆未有WhatsApp作溝通和傳送相片之用，惟有在此附上連環圖，讓大家睇真啲，同時期望食肆知所改善：

呢排日日都要OT🥲放工都已經差唔多8點，經過深水埗福榮街見到有間食上海野嘅「上海萬家村小館」入邊仲係座無虛席，好彩比我入埋最後兩個位✌🏻睇睇個餐牌，價錢非常抵食，我地嗌咗三個餸加一籠小籠包，碟碟都好足料，飽到上心口😆相思骨炸過嘅排骨外脆內軟，裹上酸酸甜甜嘅醬汁，再加入楊梅，味道有啲似咕嚕肉，啖啖肉之餘仲好開胃添回鍋牛肉牛肉份量超多，肉質鬆化，加入大量爽脆嘅椰菜、青椒、紅椒同豆腐乾再配上香濃嘅醬汁，味道甜甜地辣辣地，送飯一流銀芽炒鱔糊呢度嘅銀芽炒鱔糊只需$128，出邊呢個價錢一定食唔到呢個質素👍🏻鱔肉爽脆彈牙，醬汁香甜，亦係一道非常下飯嘅菜式鮮肉小籠包一籠有5隻，大大粒，夾起個皮亦唔會穿，一啖咬開入面充滿熱辣辣鮮味嘅肉汁，正宗嘅上海風味📍上海萬家村小館 (深水埗)深水埗福榮街117號地舖人均消費：$100-200食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐⭐️

聽講深水埗呢間餐廳嘅正宗上海菜深得街坊歡心，即使平日晚市都好多客人光顧，今日我就同朋友一齊試下。餐牌非常多選擇，可以散叫，亦有晚市套餐，價錢相當抵食。最後，我地點左松子魚二人餐。首先，套餐包咗冷盤作為前菜，我地揀左海蜇，麻油味濃郁，海蜇爽口，超香！🍽️之後，上咗一份小籠包，共有五隻，皮唔易穿，入面嘅豬肉碎鮮味十足，咬落去真係爆汁，係個口入面散發住湯汁嘅美味！🥟然後就到主角-松子黃花魚，原條魚咁上碟，好大條，魚肉已經預先拆咗出嚟，非常貼心。魚外皮脆卜卜，再淋上甜酸汁，賣相一流，非常開胃，食到唔停口，超正！🐟套餐仲包括主食-揚州炒飯，乾身唔油，材料豐富，好滋味！🍚 另外，仲有西蘭花蝦球，西蘭花爽脆，蝦球鮮嫩，好食能健康！🥦🍤套餐有海鮮湯，勁大碗，有蛋花、蝦同蟹柳！🍲最後，上埋甜品-高力豆沙，四隻一份，充滿蛋香味，豆沙唔會過甜！❤️

上海餐廳位置係黃金商場對面近深水埗地鐵站附近有西九龍商場餐廳光綫充足餐牌有多款選擇 晚市特價套餐、特色松子魚/雲吞雞2人套餐晚市特價套餐真係好抵食最平45蚊就食到包1款自選拉麵 1款小食 同 1杯飲品有10多款餸可以揀 3款拉麵湯底 4款小食一星期日日食一款都唔厭我地叫左上海排骨擔擔麵 四喜烤麩 豆漿麵質唔會過硬/太林排骨炸得岩岩好擔擔麵湯底偏辣 飲啖豆漿可以解辣 黃金蝦球蝦球表面都包覆到鹹蛋黃蛋黃鹹香惹味 蝦肉爽甜偏鹹 砂鍋雲吞雞1/4隻少有餐廳提供1人份量既砂鍋雲吞雞除左1/4隻 仲有半隻選擇用石鍋上枱 保持熱lala雞湯濃郁偏鹹足料雞件 細細粒雲吞 同津白 爆汁蟹粉小籠包 5隻除左原味 仲有期間限定蟹粉小籠包大大粒 皮厚唔易爛 多湯汁

今日特登落咗深水埗行街,知道深水埗多好嘢食上openrice望下有咩推介,見到有間上海菜好吸引即刻去試下。上海萬家村小館 地址深水埗福榮街117號地舖,去到餐廳地方都好闊落,裝修得光猛整潔喺度食嘢感覺都幾舒適。蟹粉小籠包 5隻 118元,小籠包味道鮮美,皮薄餡靚,湯汁非常濃郁味道鮮甜,蟹膏味道肥美甘香,蟹肉鮮甜味香濃,真係非常好食。黃金蝦球 128元,啱啱炸起香口惹味,外面嘅鹹蛋黃加埋芝麻令到味道更加有層次,入面嘅蝦球非常嫩滑,肉質爽口彈牙味道鮮甜。呢個簡直係必食嘅推介。松子黃花魚 170元賣相真係勁吸引,最鍾意呢個菜望落去色澤鮮艷,味道香甜酸醇,入邊嘅魚肉嫩滑鮮甜魚油甘香。酸辣湯一位 15元,一人份量材料都好豐富,口感穠稠滑順,酸酸甜甜真係又好味又開胃。加15元,可以點多過擔擔麵,擔擔麵麻,辣,甜,微酸,味道好有層次,香而不膩, 湯汁濃厚真係連湯都飲曬。