上海萬家村小館

營業中

休息中

深水埗好多野食，經過呢間好多街坊食既上海菜，晚餐就呢間啦。食物選擇十分多，食上海菜，我一定會叫小籠包! 呢到用蒸籠上，每次都好大粒，要小心食，因為真係超爆汁，朋友一唔小心就搞到件衫都有哈哈。肉餡好juicy，皮薄得黎係有咬口。見到佢有個餐牌，係專門做蟹既菜式，叫左蟹粉扒豆苗。份量好多，蟹粉芡汁好濃郁，幾好食。主食就叫左個魚香茄子煲配菜飯，係有咸魚味架~ 出面好多餐廳都冇! 好難得呢到食到。十分惹味，撈飯食一流。 茄子吸曬汁，而且係用煲上，熱辣辣。而且咁樣都係$90，仲有野飲，好抵食。呢到既豆漿都值得叫，唔會太甜，豆味好突出。本身仲想叫埋豆沙鍋餅，但實在太飽啦，有機會再黎食!

又落深水埗食嘢，都係黃金附近嘅福榮街，附近都有好多麵食嘅選擇。雲吞麵 、車仔麵 ，呢啲超常見，不過呢間夾喺幾間文記中間，都咁多人排，證明佢都有佢嘅賣點。 未入去，見到特價麵食、各種江南點心，入到去睇詳細餐牌，仲有好多唔同款式嘅小菜，豐儉由人。 黃金蝦球 $128呢碟份量幾大，麵皮好薄，掛到好多鹹蛋黃，香而不會太油膩，蝦肉夠大夠彈牙。不過呢個必須趁熱食，食完其他嘢，攤凍左少少，效果即刻差好遠。 蟹粉小籠包 5隻 $118雖然$118呢個價錢，好多地方都做到，不過人地係4隻，呢度有5隻。就算有，出面肯定唔會咁豪，用蟹粉做記認嘅。裡面好多湯，蟹粉多過豬肉。如果要彈，最多係塊皮厚少少。 霸王辣子雞 $138傳統嘅辣子雞，都係將啲雞切得好碎，然後配好多辣椒。不過咁樣就會令碟餸好多碎骨，所以好多舖頭已經變成雞丁，更少成本。呢度一樣係切到碎，配合辣椒Size，但無碎骨，同埋食到雞嘅唔同部分，唔係雞翼雞髀。雞粒炸得乾身，係好香口。呢個第一啖食，會覺得幾辣，之後愈來愈無問題。 雲腿津白 $88睇

上海食店係深水埗唔多，所以係深水埗想食上海野我通常都去上海萬家村，經濟抵食大碟，老闆又nice上海豬扒粗炒 套餐 $54上枱熱氣騰騰，有鑊氣，夠汁夠油夠味，椰菜甜量又多，一齊食減輕油膩感，炸豬扒味道唔錯但可惜剪得太碎太細。生煎包 2隻 (跟餐)似肉包多過生煎包，肉餡無肉汁，包身鬆軟但底部煎得唔夠，無左生煎包脆底嘅效果小籠包 套餐 $44熱辣辣，有肉汁，肉餡腌料唔重手，肉汁清而不濃，味道會偏淡熱豆漿(熱) 跟餐姑勿論好飲與否，有熱豆漿已經加分，再加上味道都可以

上海萬家村小館 地址: 深水埗福榮街117號地舖電話:=====================深水埗一向是平民美食天堂，連我這個住港島區的人，也會專程去發掘小店，高cp值這次來到食上海菜的小店，餃子包點喜出望外。$38 酸辣湯（一人份）入面竟然有蝦，仲有豆腐絲，黑木耳，豬紅，豬肉絲，筍，極之足料！同埋酸酸辣辣好香胃，重醋香！$48小籠包稱得上是上海菜中表表者，一客5隻，皮穩約香到中間的湯及肉餡，咬開皮熱湯即流出，鹹香$98 涼四拼，有醉雞、雞絲粉皮、肴肉同海蜇，個肴肉同海蜇口感彈牙統一，雞有酒香。$98 紅燒獅子頭，就是揸成大球的肉波，半肥瘦豬肉，先炸一下避免散開，大過拳頭的，一碟有4個，超多肉，入口很綿滑！1/4 砂鍋雲吞雞才$88 ，湯頭濃郁，雲吞餡是豬肉，加入娃娃菜正呀食物超大份，都食唔曬剩了，以上足夠3人食！ 人均消費$130

今日帶小朋友去深水埗玩具街行街, 順便搵間餐廳食埋dinner, 發現呢間上海餐廳有唔少人排隊, 而且晚上仲有抵食套餐,一於試下佢! 我地一家人叫咗幾款黎食, 食到好飽! 紅油抄手抄手皮薄而有彈性，搭配著香辣嘅紅油醬汁，食起黎格外開胃蒜泥白肉以豬肉片搭配特製嘅蒜泥醬汁，簡單而不失獨特風味。回鍋炒牛肉牛肉口感嫩滑，搭配獨特嘅香辣調味，非常惹味! 魚香茄子煲魚香茄子煲上枱已經係滾住上, 茄子入口時有香甜嘅味道, 仲好淋身, 真係唔錯! 酸辣湯酸辣湯大大碗，入面勁多材料, 絕對係足料之作! 而且豬肉絲同蝦肉份量仲好佛心，入口酸辣,夠開胃小籠包五隻入面真係包住湯汁ga, 配埋醋一齊食真係好夾

深水埗有很多好吃的小店，今晚我們選了這間上海萬家村小館食上海菜，店舖地方都大，人流暢旺食客源源不絕，坐在我們左右枱都是說普通話的遊客，可知此店幾受歡迎，最緊要是味道唔錯，價錢實惠唔貴。👍😋💯餐類選擇多有：點心、蟹宴、醒胃涼拌、江南小食、田園系列、砂鍋雲吞雞、湯類、手製拉麵、水煮系列、主食、炒粉麵飯、甜品、二人套餐、晚市客飯套餐、午市套餐和下午茶套餐都有。👍💯💯💯💯💯💯我們選了松子與二人套餐$398這個套餐十分之抵食份量大大份足夠三人吃。🤤🫶💯小籠包五隻咬落去有湯汁流出，豬肉🐷嫩滑配上醋汁一起吃好味。🤤雞絲粉皮雞絲🐔、青瓜絲🥒和粉皮配上芝麻粒、芝麻醬一齊吃好食。🫶酸辣湯酸辣湯大大鍋有六碗之多，材料十分之豐富，有竹筍、雞蛋絲、雲耳絲、豬肉絲和蝦肉，飲落酸酸小辣十分開胃。👍🫶😍松子黃花魚🐟黃花魚🐟大大條，表皮炸得香口，魚肉保持嫩滑一啲都不過火，洋蔥粒🧅、蝦粒🦐和松子粒配上酸甜汁送飯一流。👍😋京蔥爆牛肉🐮醬汁不咸味道適中，牛肉🐮炒得很嫩滑，配上京蔥一齊吃很夾。😍揚州炒飯炒飯炒得很乾爽，配上蛋絲🥚、火腿、蝦粒🦐、雞肉粒🐔和葱花，食落口感十分豐富。👍😋💯🫶最後是甜品豆沙鍋餅即叫即炸上枱熱辣辣，表皮

深水埗福榮街有林林總總嘅小食店同埋飯店，今日放工經過上海萬家村小館，大約6:00pm舖頭都坐滿了客人，好多都係街坊熟客。看到店內枱面放滿外賣嘅食物，對店嘅食物信心大增。我哋叫了黃金蝦球，價錢唔貴，而且蝦嘅份量都唔少。蝦球鮮甜脆口，用鹹蛋黃一齊煎炸，鹹鹹香香，非常好吃。😋😋喜歡他們的蒜蓉炒豆苗，豆苗鮮嫩，蒜頭味夠，入口滑溜，好快就清碟。鮮肉小籠包係必叫的，每隻都好飽滿，剛剛蒸出嚟熱氣騰騰，裏面嘅肉唔會太肥膩，爆汁，唔錯。👍🏻朋友鐘意食酸辣雲吞，話夠風味。最後嚟過高力豆沙就非常之圓滿，同大酒樓的高力豆沙水準一樣高，但係價錢就好實惠，推薦給大家。舖頭仲有砂鍋雲吞雞，好多客都叫上海粗炒，下次再嚟試過。

深水埗呢條街好多餐廳，依間環境都好企理，同埋乾淨，坐得都舒服。餐牌上亦有好多選擇，店員嘅服務都相當周到。咁阿姨就話呢一度嘅主菜都係海鮮類比較出名，我哋揀咗個蝦球上到枱發現碟蝦球真係好大碟，份量足夠，而且隻蝦好大隻，啖啖肉，相當彈牙，調味亦都好入味，冇介紹錯。之後就再叫咗個蟹粉黃金炒飯，係季節限定。都係好大碟，而且都有好濃郁嘅蟹粉。亦都食到有蟹肉，炒飯粒粒分明，幾有鑊氣。最後再叫多咗個小籠包小籠包其實都幾大粒，不過嫌佢個粉比較厚，如果個皮可以薄啲，就會再好味啲。

蟹粉扒豆苗$148 餐廳俾咗好多蟹粉俾我哋，而且豆苗都係好新鮮，食完之後唔會有渣。醬汁嘅稀稠度教得好適合，食豆苗嘅時候啲醬汁都會黐住豆苗。大大碟一份好抵食。手制銀絲卷 蒸$25 銀絲卷都好大嚿，一舊可以分到五份。銀芽炒鱔糊$110依個係個晚餐黎嘅，佢會包一個嘢飲同埋白飯。佢芽菜同埋鱔糊個量都好多，個醬調得好好。啲鱔好爽口，而且肥美大條。好快就可以清到一碗飯。涼拌4拼$98 揀咗麻油海蜇、上海熏魚、醉雞同埋四起烤麩。第一次食上海熏魚，作為冷盤，有三大舊好扺食！醉雞都有一隻雞脾咁多，係其他餐廳已經係一碟餸。

深水埗超好吃平民美食，6點幾過到嚟已經爆曬場，證明真係好多好嘢食😛晚市有套餐，有一個餸菜、飯同飲品。我見隔離周圍都叫韭黃炒鱔糊，咁就一定要試吓啦！首先推介佢哋嘅爆汁蟹粉小籠包$118 比我想像高質，每一粒小籠包，上面都有啲蟹膏。佢哋包得好靚，但係個皮又唔會太厚，夾起咗都唔容易爛。打開之後有好多好多湯汁，裏面嘅豬肉混合蟹膏，所以見到啲湯汁有黃油😍好正啊佢哋個韭黃炒鱔糊真係好大好大份，好似平時1.5倍咁，認真抵食！啲鱔糊都幾大條，醬汁又夠味真係正😇😇另外一個小菜叫咗秘製話梅骨，同樣有餸嘅份量好多，每一粒話梅骨都炸過所以真係好香口，配上酸酸甜甜話梅醬汁，配菜飯😃呢個套餐額外加$15就可以有埋酸辣湯，酸辣湯都好驚喜，諗唔到呢個價錢入邊竟然有幾隻蝦，真心超抵食，難怪佢爆曬場！香煎鮮肉鍋貼$47/5件，佢哋啲鍋貼大大隻，個底煎得香脆😁超好食呀！而且價錢非常之合理，大大隻加少少辣醬味道更好

話說深水埗有間情懷正宗上海菜館，價錢親民又好食，性價比超高。深水埗一出站就係，非常方便。見到好多人食座無虛席，就知道無去錯。餐牌好多選擇，唔止傳統上海菜。下次人多一定要試多d。上海菜一直都係我至愛。今次叫咗個花雕醉雞擔擔麵，加兩個生煎包。擔擔麵一上台嗰下好香花生味，仲有少少麻辣刺激味蕾。辣椒花椒香氣四溢，讓人胃口大開。手工麵夠彈性非常好味。地址深水埗福榮街117號地舖港鐵深水埗站D2出口，步行約2分鐘

深水埗林林總總嘅食店，一定要食呢間上海舖，小籠包即叫即蒸，餡靚多汁，醉雞嘅花雕酒好出色，酸菜魚酸同辣做到平衡，超級大碗，夠3個人食！放工7點去到都已經全院滿座要排隊等位，要食嘅話可能要再早啲去排！必食係爆汁蟹粉小籠包😍小籠包即叫即蒸，上枱要趁熱食。小心翼翼夾起佢放落匙羹，以免爆汁冇晒佢好味嘅湯汁。首先小籠包頂有蟹粉，未咬已經有好香嘅蟹味，一咬就有滿滿嘅湯汁，好辣口，食到豬肉，豬肉加咗蟹粉，所以一咬開啲蟹味撲鼻而來，呢個價錢好抵食！花雕醉雞配擔擔麵，兩者可以分開食。花雕酒浸晒入雞件，再淋上花雕酒，令雞件再加以索入啲酒，每一啖都好濃烈嘅酒味，再配上正宗擔擔麵，湯杰加上肉碎同花生粒，配以上海麵，好食到想飲埋啲湯！ 我哋仲嗌咗個超大嘅酸菜鱸魚，大概有3-4人份量。酸同辣做得好平衡，味道啱啱好，唔會太酸或者太辣。鱸魚都有十幾件，好足料！最驚喜係見到泡椒，證明大廚落得好足料，亦有麻香味，配埋索晒湯嘅寬粉，可以餸到好多碗飯！

難得去深水埗，諗住食埋野先走，見到有間上海野好多人，就同朋友入去食個晚飯。餐牌有好多菜式都係蟹粉，包括蟹粉小籠包，蟹粉炒飯等等，見到都想食，同朋友傾完，就二揀一，揀左個蟹粉黃金炒飯一齊share!再哪啲點心一齊食！蟹粉黃金炒飯即係蟹粉+咸旦黃一齊炒。一上台就聞到超香咸旦黃味，仲有勁多金黃色蟹膏鋪係炒飯面，多到瀉咁滯。即刻同朋友分來吃！熱辣辣咸香加蟹膏，超濃既蟹膏味，撈埋飯食一流！！其他菜式就叫左鮮肉小籠包5隻同埋砂鍋雲吞雞。鮮肉小籠包一咬爆汁，點薑絲醋食好開胃，而且啲肉肉質細嫩，新鮮即製！砂鍋雲吞雞入面除左有1/4 隻雞同雲吞好足料之外，仲有娃娃菜一齊煲，連啲湯都勁濃雞肉味，完全冇味精既味道！超鮮甜！我地湯都飲埋添！最後就食埋甜品先返歸，叫左個4隻高力豆沙，超蟹糖霜，熱辣辣，漲卜卜，入面超蟹豆沙！今餐絕對滿足！

最近有啲掛住家鄉，就去食一食家鄉菜回憶下舊時嘅時光，老家就係黎自上海，成日經過但都未有入去食過，今次就一於試下！涼拌四拼，四拼包括花雕醉雞、雞絲粉皮、麻油海蜇、鎮江餚肉，前菜黎講好豐富！花雕雞入口嫩滑，帶酒味甘苦，雞絲粉皮麻醬調配岩岩好，海蜇蜇清爽爽脆，鎮江肉咸香夠味，食落個份量都唔少，聚會必點！西蘭花炒蝦球(客)，西蘭花爽脆，蝦球鮮嫩彈牙，口感豐富，而且大大份，但調味小鹹。鮮肉小籠包，雖然抵食，但不幸地5個有4個都穿左，而且皮身較厚，比較之下較一般。回鍋肉炒年糕，充滿香料與香辣惹味衝擊，年糕Q彈，配上香口回鍋肉，同爽口菜底，配飯一流！江南菜係香港賣少見少，所以一定要支持下！套餐配嘅豆漿，豆味香，而且甜度適中！

同朋友食過呢間上海菜，真係超大碟超多款式，一定要推介下😋我哋叫咗涼拌四拼，仲共有10款涼拌小菜可以自由拼，超多選擇！我哋就叫咗花鵰醉雞、蒜泥白肉、雞絲粉皮同麻油海哲呢四款，上菜嚟到真係超大碟，$98真係超級抵食，通常涼拌小菜都係得幾件，但花鵰醉雞有五件，花雕酒超入味；蒜泥白肉直頭超多塊，加埋秘制麻辣醬汁超野味；雞絲粉皮有超多塊雞肉，配埋中式胡麻醬同青瓜絲味道一流；麻油海哲配埋青瓜絲好有嚼口！點心我哋叫咗鮮肉小籠包，$48有五粒，超抵食，食落入面充滿上湯同鮮嫩豬肉，點埋醋食簡直一流！主菜我哋叫咗韭黃炒鱔糊配上海菜飯，真係超足料，勁多鱔糊同韭黃味道香濃！另外我哋叫咗蟹粉賽螃蟹，超大碟，濃郁嘅蟹粉配上嫩滑嘅蛋白，真係絕配，撈埋飯食真係無得頂！飲品叫咗熱豆漿，甜道適中，暖笠笠飲落暖入心！好彩我哋比較早6:30嚟到，啱啱好有位，食食下已經見到有人排隊等位喇，個個果然識食😋