上海婆婆336 (iSQUARE國際廣場)

營業中

休息中

336係上海話謝謝儂嘅諧音，呢間位於iSQUARE嘅小店，主打多款傳統上海菜，少油少鹽，希望客人可以享受美食嘅同時都食得健康，佢最近更加入咗唔同創新菜式，經過不妨試試呀！招牌菜有小籠包，四大粒，外層薄身、內餡飽滿，咬落爆汁，肉同湯嘅比例啱啱好，十分滋味。四喜烤麩，有彈性帶咬口，醬汁從孔裏滲出，作為開胃前菜就最合適不過。松子魚好大一條，打卡able又好味。外皮炸至酥脆可口，肉質嫩滑，啖啖肉，醬汁酸甜開胃，性價比高。飄香鳳梨雞同樣出眾，外脆內嫩，酸甜度適中，菠蘿大塊又新鮮，配飯一流。主食要咗菜飯，淡淡香氣撲鼻而來，而且完全唔油，剩食都好正。甜點有西安甑糕，軟糯可口，好特別、酒釀丸子都唔錯，味道甜而帶酒香。最後唔好唔記得點埋杯豆漿，微甜，入口順滑，豆香味突出，讚👍

今天晚上又想吃上海菜，便來到這裏。336上海小籠包（4隻），熱騰騰的小籠包，皮薄餡多，要小心小籠包內的醬汁但到身上，加點折醋，就更加美味可口。椰菜回鍋肉（辣），椰菜爽口鮮甜，回鍋肉肥瘦均勻，熱騰騰加上鑊氣十足，是上海特色小菜。砂窩鬆花菜（辣），椰菜花吸收了醬油的香味，加上砂鍋來的熱氣，令到這個椰菜花非常惹味，是佐飯的一道小菜。菜飯，菜飯內的蔬菜，是上海特色。熱生薑茶，薑的香味十足，喝完這個生薑茶之後，頓時感到全身血液循環加速。薑湯芝麻湯圓（2粒），這個湯圓的造型有點像桔仔，煙煙韌韌，甜度適中。豆沙窩餅，外皮香脆，內裏紅豆餡料豐富，甜度適中，是飯後甜品的最佳選擇。

今天晚上約了好朋友，她和我都很喜歡吃上海菜，便選擇了這𥚃。三小拼（烤麩、鎮江肴肉、手拍青瓜），烤麸吸收了醬汁的香味層次感豐富。镇江肴肉加點折醋味道更加開胃。手帕青瓜，青爽美味。叁叁陸酸菜魚，魚片份量十足，湯頭清甜可口，酸菜份量十足，酸酸甜甜，非常開胃。配料除了酸菜之外，還有萵筍、芽菜等等。黑糖冰粉，冰粉爽口彈牛，黑糖味道香濃，這個甜品非常美味。雪糕黑糖冰粉，冰粉加上黑糖已經非常美味，再加上雪糕的香味，吃完這個甜品已經非常滿足。凍柚子茶，柚子味道酸中大甜，令人胃口大開。

改咗手機點菜，假日午餐叫酸辣湯得來答案係冇, 回鍋肉豬肉鞋熠熠，醬汁似內地貨味道怪怪哋，雞絲湯煨麵，少湯而麵條唔知邊度貨色，劣質無味硬身，上海粗炒也似內地醬料，牛肉煎包啲肉味又鞋怪怪地。完全不是以前的質素。似轉咗手咁，無下次！

今日約左朋友食dinner，佢突然間話好想食上海嘢，加上呢幾日天氣麻麻哋，我哋又好驚外面落雨，所以就決定嚟到尖沙咀iSquare商場，地鐵站一上就到嘅平民上海餐廳食晚餐。今日叫咗幾樣嘢，全部都超好食，乾淨企理，坐得舒服，環境又唔會太嘈！干貝賽螃蟹係我哋每次嚟都必點嘅，加埋陳醋一齊食，真係啖啖都好享受。蔬菜方面就叫咗個比較特別啲嘅蘆筍炒百合，口感好好，唔會炒得過油，最鍾意食鮮百合啦！澱粉質方面，我哋就要咗336炒飯同上海炒年糕。我個人比較鍾意食個炒年糕，覺得口感超好，加埋醬汁夠濃味，好快就食晒，但係朋友就話個炒飯更加出色，炒得粒粒分明！

今日係尖沙咀I square 行街後食飯，門面好靚，餐廳好大位置有兩邊，又坐得舒服。冷盤—上海肴肉賣相吸引，係透明肥膏＋深紅色肉質好靚。咬落肥膏個部位似食啫喱入口即溶；肉部份鹹香實實的，唔錯👍。酸辣湯雲吞酸辣湯幾好味，多料無渣。味道偏酸只是少辣。雲吞大大粒咬落蝦好彈牙。松子魚好耐無食過依道菜式了。好多間上海鋪有賣，但唔係間間整得好食。條魚炸完再加酸汁，酸酸地幾開胃🤤條魚仲好滑旁邊只係得幾條小骨，小心食就無問題👌

來到上海婆婆336，地方寬敞又好坐，今次唔食小籠包，想試吓其他新菜式。😋❤️蟹粉賽螃蟹多士 這道多士實在令人驚喜! 蟹粉賽螃蟹鮮美多汁，搭配香酥的多士，餐點層次感很好。蟹粉的分量十足，而且口感細緻綿密，成功地勾起了我們的食慾。🧡椰菜回鍋肉這道菜的口感十分爽脆，肉質嫩滑多汁。椰菜的清脆質地與回鍋肉的香氣完美融合。醬汁調配得當，但少少辣味，非常惹味。💛干貝蛋白炒飯干貝蛋白炒飯的火候掌握得宜，每粒米飯都分明，配上元貝蛋白，健康又美味。

👵尖沙咀ISQUARE的上海餐廳「上海婆婆336」， 336係上海話「謝謝儂」的諧音，主打傳統正宗上海菜，每道菜式均堅持少油、少鹽、絕不含味精的三大原則。 入座後以 QR code落單方便快捷，更有素食及多元化套餐, 人均百幾蚊已經好豐富🍵茶茗(Hk$6/位)🍜上海粗炒 (Hk$85):大大碟粗炒靭度適中，肉絲蔬菜比例均勻，口感十足仲可以揀少鹽少油，食得更健康🍥上海小籠包 (Hk$46) :四粒飽滿的小籠包，鮮味多汁、皮薄餡靚🍲上海炒年糕(Hk$88):年糕煙韌軟糯、香濃惹味，仲可以走豬肉🍍飄香鳳梨雞(Hk$98): 雞件外脆肉嫩，配新鮮鳳梨片，酸甜開胃 🍢炸饅頭(Hk$18/ 3個): 金黃色澤小巧迷你，外酢脆內柔韌，點上煉奶夠邪惡可樂(Hk$18): 罐裝夠晒氣，要冰另加錢(All subject to 10% service charge)📍上海婆婆336尖沙咀彌敦道63號iSQUARE國際廣場6樓605-606號舖 (港鐵尖沙咀/尖東站 H/ R 出口)

同朋友一齊嚟咗呢間上海菜館諗住食個簡單嘅晚餐🤣$98「話梅花雕醉雞 Chilled Chicken in Wine Sauce」：雞件有淡淡嘅花雕香味😋$75「清炒小白菜Fried Vegetable Cabbage」：小白菜真係細細棵，新鮮幾好食🤣$98「糟炒滑魚片Fried Fish Slices in Winey Sauce」：魚片好滑，仲有少少酒香🤣$98「松子雞米配叉子Diced Chicken with Pine Nuts with Baked Sesame Pie」：雞肉切極細粒配埋松子炒香咗，放入芝麻餅餅裏邊食，幾夾又幾好味😋

之前都有食過呢間，覺得佢嘅嘢食都幾好食，特別係小籠包☺️今次見佢出左新野，所以就同大家試一試🐥 🦀 蟹粉賽螃蟹多士好多蟹粉，超鮮甜，不過偏咸配多士/ 白飯/麵都一流！ 🟡 336上海小籠包（4隻）皮薄餡靚，超好多汁🤭好好食 🥢上海炒年糕好有上海特色既一道菜可以揀少油少鹹，非常貼心👍🏻除左有軟糯既上海年糕外，仲有菇同白菜仔，好豐富 🥘 蝦籽豆腐面筋煲無論係豆腐定面筋都超入味，但又唔會過咸豆腐好滑；面筋軟滑，帶點彈性，好好食又係送飯之選🍚 🟠 婆婆生煎包 （3隻）要等20mins，即叫即整💫個包底煎得好香脆👍🏻內面好多汁☺️但小心啲湯汁會辣口，因為真係超熱🔥 .__. .__. .__.🐥🐥🐥.__. .__. .__. 總結: 樣樣都好食🤤特別係小籠包同生煎包！推薦 環境：🐥🐥🐥🐥/5服務態度：🐥🐥🐥🐥🐥/5 食物質素：🐥🐥🐥🐥🐣/5 性價比：🐥🐥🐥🐥/5推介指數 :🐥🐥🐥🐥🐣/5

尖沙咀上海菜餐廳✨位於Isquare上的一間上海菜為主題的餐廳，有正宗的上海傳統菜式，亦加入創意烹製出有特色的新派菜式，餐廳名更以上海別墅的門牌號碼，諧音為上海話的「謝謝儂」，很有意思！蟹粉賽螃蟹多士$135上海菜必點的賽螃蟹加入了創新的意念，用了惹味非非常的蟹粉混合，鮮味極濃的蟹粉，配搭比較清淡的蛋白，令其味道更加滋味，可配搭脆卜卜的多士進食！京蔥手切牛肉包 $48有著上海菜的特色的包點，外層的包軟淋，咬下去有驚喜！炒熟的京蔥味道帶甜，手切牛肉肉質嫩滑，味道濃郁！👍🏻上海小籠包$46正宗上海小籠包飽滿多汁，熱騰騰的上碟，咬下去湯汁完全爆出，小心熱呀！鎮江肴肉$78透明晶亮的上海菜冷盤小吃，瘦肉红潤，香嫩不腻，切成小長方體，結構細密，賣相已引人流口水了！黃金四季豆$78用上了黃金的咸蛋黃加入炒四季豆，令其蔬菜小碟變得很惹味！咸蛋黃的香味，完全融入！蝦籽蝦仁$168蝦籽具有濃郁的鮮味，金黃帶紅，鮮甜蝦味濃，把清香的蝦仁變得滋味！蘭州牛肉麵$88本身是香辣的，可選走辣，牛肉很軟熟，肉質鮮嫩，麵條吃起來爽滑有嚼勁，搭配蘭州風味的湯底，連湯水都可以喝光光。高力豆沙$58正宗上海菜之必選甜品，高

好耐冇食上海嘢，好想食鱔糊，咁encore上海婆婆啦。四小拼，有鎮江小排骨，四喜烤麩，鎮江肴肉同油炆小竹筍四款。烤麩獨特嘅孔洞結構，嗦曬酸甜醬汁，食落微微Q彈又好惹味。油炆小竹筍，春天食筍正當季，脆口得來又好清甜。鎮江小排骨，排骨微微油炸再落醬汁勾芡，火候掌握得啱啱好。排骨肉嫩唔會覺得柴，同酸甜醬汁好夾。鎮江肴肉，肴肉晶瑩透亮。鎮江香醋增添咗香味，食落彈牙爽口。砂鍋雲吞雞（1位），落足料黎煲制湯底。飲落雞味濃好鮮甜，又唔覺得油。大大粒嘅雲吞有2粒，雲吞係上海做法，用咗豬肉韭菜做餡料，皮薄肉鮮。韭黃炒鱔糊，哩碟餸炒得好有鑊氣。鱔糊脆彈醬香味十足，同埋處理得好乾淨，冇骨。韭黃炒到啱啱斷生，食落好鮮甜。京蔥手切牛肉包（3只），牛肉包做法同生煎包好似。皮煎出焦層，好脆口。肉餡仲暴曬汁水，牛肉醃制過，落咗少少大蔥調味，餡料食落更加鮮甜。 

好耐冇食上海嘢，同朋友去咗iSquare上海婆婆336。舖位超大，坐得舒服，上菜都好快，性價比又高，絕對係食上海嘢嘅首選👍✨小排骨擔擔麵 72 份量超大，拉麵係自家製，每條粗幼不一樣。口感煙韌彈牙，叫咗小辣，剛剛好同麻醬好夾，好好食🤤✨椰菜回鍋肉 88重口味之選👍 辣辣豆瓣醬爆炒回鍋肉，非常惹味，送飯一流✨上海粗炒 85 叫咗少鹽少油，食得更健康。又係好大碟，配料都非常多～✨上海小籠包 46 有足足四粒足料小籠包，粒粒都飽滿多汁，呢個性價比喺尖沙咀邊度搵？✨蔥油餅 28唔係平時食開嘅蔥油餅，呢度捲埋一條入面有粒粒煙肉，好特別，鹹香酥脆鹹香～✨椰絲甜煎餅 28酥皮中夾着椰絲芝麻，第一次食既上海甜品😋

來到尖沙咀當往的地段當然要試一試這一間上海店舖336上海小籠包果然係這間店舖的主角餸菜之一真的皮薄餡靚巧落去豬肉，肉質鮮味流晒出嚟配上黑醋更加醒神蟹粉賽螃蟹多士真係新穎原來蟹粉賽螃蟹可以配上多士當然非常飽滿味道十足 螃蟹亦都啖啖肉非常滑 原來配上多士中西合璧食得過癮 口感豐富鎮江肴肉晶瑩剔透的外觀 一層一層的肥瘦肉，外觀美麗，肉味豐富， 咬落去爽口 美味肉質豐富配上黑醋更加可口地道 黃金四季豆普通的四季豆，加上鹹蛋黃的處理 鹹香十足金黃香口 原來這樣的配搭又經典又好味蝦子蝦仁一粒一粒的蝦仁咬落去很像玻璃咁爽脆，加上蝦子淡淡鹹香 食落口豪華嘅感覺亦都非常有上海買的感覺蘭州牛肉麵擺盤非常美麗上海麵煙煙韌韌，牛肉晶瑩剔透肉味十足，清湯亦都非常怡人，喜歡食麵條的北方人，一定十分喜歡京蔥手切牛肉包外面煎得金黃鮑汁甜味十足咬落去牛肉肉汁流晒出來齒頰留香高力豆沙這個甜品真的非常地道不得了咬落去鬆鬆的，原來入面有濃濃的紅豆蓉甜絲絲的不會太甜，係一種話麗會味的甜品這裏的裝修亦都非常講究，很有生活品味上海文化氣氛一流上海婆婆謝謝儂

在尖沙咀工作的日子,我經常會到這間餐廳享用豐富美味的午餐。餐廳環境寬敞舒適,裝潢優雅,是個不錯的午休或聚會場所。今天我特意來這裡,就是為了品嘗一下這裡幾道新菜式。首先是蟹粉賽螃蟹多士,鮮甜的蟹肉配上蟹粉,加少許陳醋，味道更昇華，配以外層香脆多士同食，口感十分豐富。蝦籽蝦仁,大大粒河蝦煮得恰到好處,入口滑嫩多汁,搭配大量蝦籽更添一番風味。乾燒蝦酥盒亦是一大亮點,外皮酥脆,內餡飽滿,蝦肉鮮嫩彈牙,蝦味濃郁,十分惹味整體來說,每一道菜式都準備得十分精緻用心,味道俱佳,配合餐廳寬敞舒適的環境,實在是一次完美的用餐體驗。我十分推薦這間餐廳,無論是普通午餐還是特別聚會,相信都能滿足不同的需求。