上海婆婆336 (已結業)

上星期日一家落去食飯我住係樓上,都唔係第一次食呢間上海婆婆,但經過今次都唔駛止意我哋再去.,我哋一行六人晚上7:30己經到啦,都等左一陣先有位,首先門口果個小姐己經寸架啦,好似唔想做咁,跟住有個人帶我哋入去裡面,跟住又話出返去前面坐,都算啦,入到去完全無人理我哋,無人話比我知坐邊度,坐低咗…..無餐牌,舉極手都無人理,完全當我哋透明,成班伙記淨係傾計好開心咁,五分鍾後先有人攞餐牌嚟,六個人一個餐牌,再攞多個,再等五分鐘啦唔該,叫人落單再再再等多十分鐘啦,淨係攞餐牌同落單都半句鐘,咁你門口就唔好限人哋食句半鐘啦,點食呀,不如直接D叫人唔好食啦,我哥哥第一次嚟已經話叫我哋走去第二到食,但呀媽話算啦,之後就叫咗幾樣嘢,醉雞-最快到,最好食.小籠包-食完有渣吐出嚟,一夾起即刻爛,好嘢.糖醋排骨-味道ok,但有幾件唔熟仲有血嘅.熟個D都好食嘅.擔擔麵同粒粒炒飯就最好食,保持水準.最經典砂窩雲吞雞,等咗成半句鐘有多,我哋話要取消,有伙記又話嚟緊,話唔可以取消,我就同佢講五分鐘唔嚟就埋單,個伙記完全當聽唔到囉,態度非常惡劣,最後都成十分鐘先到,味道一般啦,都OK既.果晚食飯,如果唔係屋企人襟住我,我

一篇遲左d既食評, 食左又一星期啦, 不過還是希望讚一下.四個人去食晚飯, 都食左好多.- 花雕醉雞- 獅子頭- 肴肉- 黃金四季豆- 蔥油餠- 叉子燒餠 + 肉末- 豆漿真係樣樣都有水準, 但如果你食開淡味, 這裡味道可能會比較濃少少, 自己特別鍾情黃金四季豆, 蔥油餠多蔥.希望大家都可以試下, 服務還可以啦, 如果多人一兩個人可能會更好.

我地就叫左沙鍋雲吞雞,雞絲粉皮,小籠包,薰魚仲有個一個吾記得係麼啦..首先係個雞,湯好飲,火腿味好香,再來係菜雲吞都好好食..而最有驚喜係小籠包,由上枱果下我完全吾睇好因為皮好厚,,但係估吾到係皮雖厚但好有彈性,薰魚以個人口味來計係好好食因為佢偏甜..果個吾記得名的菜我淨係記得好辣....

當日去完黃大仙, 再到九龍灣行吓同埋找東西吃啦~行行吓就見到呢間叫上海婆婆店, 見到都有人坐喺入面, 再轉頭去番呢間試吓啦~~一行3人, 6:45PM 入去, 當時sofa seats都full咗, 算. 坐中間位; 環境比較暗, 牆上的bb 樣, '好恐怖"! 見時間倘早, 都咁多人吃野, 此店應該幾好吃掛~幾一輪商議, 就叫咗:1. 麻辣粉皮; -- 份量少; 有少量麻辣味, 不辣// 普通.2. 小籠包; -- 皮薄, 幾好味(一籠四件) // 好吃.3. 素菜包; -- 外面好少吃到, OK, 個包皮好軟// 好吃.4. 紅油抄手; -- 普通, 蒜味少, 用餛飩皮包的. 5. 婆婆担担麵; -- 個碗好大, 係有花生醬味, 味道係四川担担麵, 最欣賞佢個麵底, 係正宗担担麵, 唔似得外面所胃既担担麵好捻果種, 好捻果種麵就令人越吃越濟胃同埋最差係好易發漲!!~~! // 呢個担担麵好吃..---- (再叫);6. 芽菜鱔糊; 佢地話正!! 因外面吃到既同等價錢, 份量既少, 不過佢地話, 呢度既鱔,真係黃鱔, 同埋份量都幾多,(我只吃芽菜..~~) 7. 黑醋排骨; 好濃味

不少地盤朋友都話呢間上海婆婆好食，今日自己一條麻甩佬做到成身汗就走入黎試個午餐﹗午餐40蚊左右，有麵有點心，簡簡單單要了個小籠包再加個酸辣麵。先嚐小籠包，蒸得久了點包身很多水珠，一客有四隻，有兩隻一夾就爛，湯汁漏哂.....沒有爛的那兩隻味道還算不錯，肉汁夠多亦甜美，但個包皮做得不夠煙韌，又或者正如我之前所講蒸得耐了，腍得要緊﹗酸辣湯麵超大碗，麵真係兩個人都一定夠食，味淡，微酸不辣，但酸中有朕澀味，杰撻撻的有如膠水泥漿似的，食左兩啖已覺得很難食頂唔順，最後吃剩大半碗。咁多工友讚我估自有其原因，也許他們沒有試過酸辣湯麵吧，不過我食就會俾個喊囉﹗

今日7點幾8點去到淘大上海婆婆食野..好多人等位啦已經..我地一行7個人..都有幾張大台要等..門口個姐姐都好好解釋我地因為大台要等得耐d..我地見門口個姐姐好忙..所以都耐心等候..但係有d人就因為等位而嘈,,.我見果堆人都有10個人左右...咁我地幾個人行下又等下咁.好快就叫到我地...大台黎講我地都算好快就有位架啦..一入到去..有幾位服務員都舉手示意我地個位置係邊..雖然燈光暗d..但係舒服ge..位置都唔太迫..坐低左服務員都親切問我地係咪咁多位有冇人唔飲茶要水...我地叫左: 醉雞..味道好香..雞又滑..ok!王金四季豆..好好味..咸道適中..送飯正正正!雞c粉皮..普通左d擔擔面我叫左少辣..味道都ok..但係唔算太吸引..可能太單調..螺肉冷面..值得推介!!酸辣湯.. mama..酸同辣ge比例酸比較多..我個人不太接受..但係勝在足料,,松子雞米配x子..咸左d..但係同個燒餅一齊食都唔錯..松子王魚..一黎個賣相已經好吸引..味道更加唔錯..值得!@@當我地停哂手ge時候..服務員有問我地要唔要試下佢地ge香蕉高力豆沙..我地都叫左黎試下..唔錯..雖然香蕉

如果唔係爸爸媽媽鍾意去'上海婆婆'度食飯, 我一定唔會去... 約o左爸爸媽媽妹妹同寶寶6:15p.m... 由於寶寶同我到o左先.. 於是就去攞位先.. 同接待員講'5位'... 接待員:'你地齊人未呀? 未過人數一半, 我唔會俾你入去喎!' '佢地o係德福行緊過o黎喎...' 接待員'時運高'啦... 聽唔到... 於是寶寶同我o係餐廳出面等.. 望入店裏面.. 大半個場都無客... 駛唔駛過人數一半先入得呀?! 等o左10分鐘, 我地o既人數超過一半啦... 食食食... 食到7點幾.. 差o的未食完... o的碟就俾店員收啦... 真係幾趕o架... 到我地埋單.. 張單都未o黎.. 個店員就報張枱俾接待處啦... 到埋完單.. 問店員拎番張單... 之後, 我順便睇o下... 嘩... 我明明俾o左四佰幾蚊.. 點解張單得二佰幾蚊呀.. 仲要無我地食過o既o野... 於是.. 我番轉頭.. 問個收銀員拎番張單.. 收銀員仲問:'你要番你地張枱o個張單呀?'... 哈... 你都幾好笑喎... 求其俾張單我.. 敷衍呀.. 你唔好俾張六佰幾蚊o既單我?! 玩o野...

本身好鍾意食上海菜, 見平日晚飯都有好多人等位 (因為不計訂位), 故星期日晚特登到來試試. 4人叫了以下菜式:花雕醉雞 - 推介冷菜之一, 好有酒香, 雞滑多肉螞蟻上樹 - 即是炸米粉+一碟肉碎味撈埋一齊食, 米粉香口, 肉碎唔辣, 幾得意黑醋排骨 - 肉"林", 味道好椒鹽小黃魚 - 算大條, 加上一些炒香的配菜, 魚多肉香口京蔥牛肉包 - 一碟三個, 皮煎得香脆, 但肉汁不多白飯2碗新開新裝修, 環境ok, 多卡位, 牆身全是一些中國bb的油畫, 好可愛.** 相片是用手機影的, 質素一般請見諒

去反轉友人家前,要先補充體力,主人家建議去上海婆婆,7時前,不用等就有位了,真好。邊選邊等友人來,我們還真的在那邊坐了很久,但沒有人來催,還給我們加茶。叫了醉雞,麻辣粉皮,酸辣麵,2客窩貼,小籠包,炒飯,炒年糕。醉雞是漏單了,但問完沒多久就上桌了。雞很滑,而且酒也很香,而且份量蠻多的!麻辣粉皮很惹味,而且蠻辣的,我很喜歡,大部分是我吃光的。酸辣麵不算太酸,是我可以接受的味道。窩貼的確是很油,咬開了之後,我是倒了很多油出來再吃的...。不太喜歡小籠包的我,棄權了。炒飯有點油,味道還好。炒年糕很好吃,有入味呢!!我吃了不少。吃完出去,一大班人在等位,這個婆婆還真是有人氣呢。

琴晚同左女友去左呢間店到晚飯,間店都幾大幾開揚,D小二都幾有禮貌.不錯.叫左醉雞,帶子小籠包,蝦仁湯麵,開揚伴麵,一個津白,個醉雞做得好好,充滿洒香,而且仲加左荀子,不錯,其他菜亦做得唔錯,而且分量都幾多,兩個人食肯定食唔曬,所以唔好貪心係咁叫.

過兩天就到日本旅行，旅行前最大的一個任務就是將小狗寄養在女朋友的妹妹家中，小狗患有糖尿病，要每天打針，要她如此用心照料小狗，實在感激不盡。當晚我作東，請她和男朋友吃頓便飯，聊表謝意。既然請客，吃飯地點就交由他們負責好了（我們唯一的要求就是盡量不要吃日本菜，畢竟過兩天就出發去日本了）可他們也沒有什麼頭緒，剛巧在淘大商場看到「上海婆婆」新張誌慶（我和女朋友在屯門已經光顧過一次，女朋友對其花鵰醉雞一試難忘，詳情可參閱食評-《幸會婆婆》）而女朋友的妹妹亦有興趣試試這間新的食肆，於是我們決定去恭賀一下婆婆。 可能時間尚早，等位的人龍不長，我們等了約二十分鐘就有位了。侍應安排我們坐在正門旁邊的卡位。坐下後，大家也看過餐牌，女朋友妹妹相當客氣，叫我們點菜，集合各人的意見後，最後我們叫了兩碟生煎窩貼，上湯小籠包，螺肉冷麵，黃金炒飯，花鵰醉雞及黑醋排骨。黃金炒飯黃金炒飯賣相確呈金黃色，配料不多，有些蝦粒、叉燒粒、紅蘿蔔粒等，配料就不算豐富了，不過吃起來又不覺太單調。炒飯有濃郁的鹹蛋香，飯本身炒得足夠乾身，飯粒分明，一點也不油膩，軟硬度適中，吃起來一點也不含糊；整體食味令人滿意（這個炒飯對於一直想吃黃金蝦

上海婆婆這名字挺有趣, 是提供上海菜的食店, 店名取得好, 易讓人留下深刻印象! 我們二人到此店惠顧, 好喜歡牆壁的畫, 是一張張小孩的臉, 放成很大的, 很有心思. 顧客坐得舒服, 因有位置可以放包包. 我們要了干扁四季豆, 豬排擔擔麵, 都具水準. 豬排擔擔麵的豬排炸的很脆, 擔擔麵湯底香辣適中, 炒四季豆很惹味. 干扁四季豆賣相很好, 青綠的豆豆配紅色的調味... 侍應不時添茶, 都就是愛收餐牌

皮蛋豆腐：好力功！ｄ豆腐真係好薄呀！黑醋排骨：酸味十足！餸飯一流！手切牛肉包：好味又多料！小籠包：皮薄又多汁！

發覺淘大開左間新店..決定去試下啦~~~午市12:30 已經坐滿一大半..行左去後面梳化..冷氣都OK...坐落仲有D凍~~叫左一個小菜,一個點心餐..銀芽善胡,担担面配小龍包,加$3要左杯豆漿.1>善胡,味道香濃,份量多,,送食一流2>担担面..好香好濃,面條彈牙,口感很好..3>小龍包..一龍4隻,十分簿,上湯多..正正4>豆漿..豆味重,而且不太SWEET....服務比之前果間好好多...起碼會主動加茶,同埋有禮貌有笑容..一定會再黎~~原來套餐唔收加一同荼錢..$43+$3+$43=$89

星期日,我原本約左班朋支去食壽司,點知一出商場門口,見到一間叫上海婆婆的餐廳,見到門口有人排隊......好似好好食咁.....又有人派野飲,我地咪行埋去睇睇,飲下囉.我之前從來沒有吃過這間野.等左15分鐘左右,終於有位,個帶位叫我地入去,跟住就見到有2,3個人舉高雙手,引領我哋入去,雖然係行得入D,差不多最尾,但感覺很好,D 人好似好歡迎我哋咁,之後坐低,我就問個女侍應有乜好食,佢就介绍我地食小籠包同擔擔芎麵,之後我仲叫咗鍋貼,酸辣湯同回鍋肉等等添,但差不多食完,個鍋貼仲未到,於是我就追D侍應啦,跟住就有個頗高大的人走過嚟,起初仲以為我朋友D朋友,原來佢係經理,佢話D點心係即叫即包即煎喎,叫我哋等等.跟住就有人送左三杯豆漿嚟話請我地飲喎,然後個經理就親自攞碟野嚟啦,仲不停講對唔住,咁我條氣都順D,其實呢間野我之前未見過,但整體装修都OK,仲有D BB 畫好得意,D服務都好好,好Wram 咁,經理都好專重我哋,由其小籠包同擔擔麵好好食.大家可以試下,下次有機會都會再去試下其他野.