上海婆婆336 (已結業)

不少地盤朋友都話呢間上海婆婆好食，今日自己一條麻甩佬做到成身汗就走入黎試個午餐﹗午餐40蚊左右，有麵有點心，簡簡單單要了個小籠包再加個酸辣麵。先嚐小籠包，蒸得久了點包身很多水珠，一客有四隻，有兩隻一夾就爛，湯汁漏哂.....沒有爛的那兩隻味道還算不錯，肉汁夠多亦甜美，但個包皮做得不夠煙韌，又或者正如我之前所講蒸得耐了，腍得要緊﹗酸辣湯麵超大碗，麵真係兩個人都一定夠食，味淡，微酸不辣，但酸中有朕澀味，杰撻撻的有如膠水泥漿似的，食左兩啖已覺得很難食頂唔順，最後吃剩大半碗。咁多工友讚我估自有其原因，也許他們沒有試過酸辣湯麵吧，不過我食就會俾個喊囉﹗