上海姥姥 (已結業)

今天去海怡間上海姥姥食晚飯，上次幫襯已經係多個月前，點知事隔多月，食物似乎退步了。排骨啲肉好硬，超級難嚼，攪到啲牙都痛，而且肉少骨多，食落唔吸引，點錯餸 豆角其實幾好味，少少辣，如果肉碎多啲，口感會更好。小籠包皮薄多汁，美味好食。雲吞拉麵湯底夠濃有味，麵條條條分明，咬落彈牙易嚼。敗筆之處在於茶水，茶是冷的，應該放了很久。這杯 welcome drink 飲落感覺好差，一間上海飯店竟會端上冷茶，令人非常失望。食店服務是 ok 的，但杯茶真心大打折扣，影響整餐晚飯的感覺。

週末午飯時間黎到係要等位的👀👀其實店員都算快手，有客人食完埋單之後都即刻執台👍🏻等左大概20分鐘就入得炒飯👍🏻👍🏻米飯粒粒分明，咸度適中，香口😋小籠包juicy，咬開有湯汁，但$40得4個，不值擔擔麵有驚喜！花生麻醬味濃！些許既辣油令到成碗麵冇咁膩👍🏻👍🏻水餃拉麵就較為普通，味道清淡🥟🥟炸排骨係另加25蚊有一碟的，炸粉較薄，食落脆香可口！整體而言，價錢與質素合理，有空會再光顧！

同同事午餐小聚，叫左小籠包，咸蛋黃蝦炒飯，宋嫂魚羹，湯素餃，宋嫂魚羹最好食，雖然唔大碗但味道唔錯，咸蛋黃蝦炒飯，送黎個時好香，但咸蛋黃有d硬，小籠包不過不失，素餃都可以，呢度lunch無lunch set,要散叫，味道可以，重要係坐得舒服，想食上海野時係一個唔錯既地方。

服務態度差，食物品質更差，上菜完全唔理客人是否食緊野，一間味精王國，紙巾都要收埋唔俾客人用。雞絲粉皮好似食生油，油都從未食過。蔥油餅係味精餅。上海菜之中呢間真是了不得的差勁！

今晚睇完戲就在附近食晚飯，選擇了一間上海菜，大小皆宜。我們6:00左右到達，剛剛晚市開始，等左一陣就入座。燻蹄伴粉皮，豬蹄肥瘦適中，口感爽滑。粉皮放在底，粉皮好薄，份量亦頗多。生煎包，是上海的招牌菜，符合上海生煎包條件「皮薄丶肉碎丶多汁」。小籠包，輕輕一咬，熱騰騰的肉汁四濺，肉汁鮮甜美味。菜肉雲吞麵，清清地點俾囡囡，雲吞如小籠包一樣多汁美味。上海粗炒，預左好油，味道普通。

今晚約了兩位知心好友去海怡欣賞電影，順便食晚飯聚會。朋友建議食上海菜，所以我們就試上海姥姥。自助式按票等位，非常方便，我們等了大約兩三分鐘就剛好有枱可入座。我們叫了幾款食物，味道唔錯。姥姥生煎包 $40生煎包內裡肉汁尚算豐富，溫度剛好。包底煎得脆口，咬落不算油膩。招牌小籠包 $40皮薄而肉汁豐富，水準之作。燻蹄拌粉皮 $62燻蹄貌似德國豬手，但食落味道合宜，不會太咸。粉皮在底，撈上麻油，味香皮滑。菜肉雲吞拉麵 $55亮點在湯底，濃濃的清雞湯味，配上細緻滑嫩的拉麵，有沒有菜肉雲吞已經不重要。姥姥家鄉粗炒 $67正常上海粗炒，如味道可更濃為佳。服務自動添水，服務細心，對顧客有禮貌。價錢三個人，每人不到 $100，晚餐算好抵食。

只係等枱要一粒鐘，等一張6-8人枱，由2000時等到2100時，而3-5人抬等到就話兩三大人三小朋友唔比坐，到等到話師父收工冇食物落單！唔擾做！大把分店，執一兩間冇所謂，老闆大把貨！永不幫襯！………………………………………………………………………………不知所謂！

肥髀要閉關溫習，都無得離開海怡，中午佢想去呢度食午餐，去到門口已有人等位，㩒咗飛等了5分鐘就有位！都係坐番上次嗰張2人枱！叫咗食物就好快到！涼拌海蜇（$44）細細碗，海蜇粗身，咬落爽不過唔夠嫩！招牌小籠包（$40）皮薄有韌性，夾起唔穿，湯清甜！肉餡滑唔乾！好味生煎鍋貼（$40）一碟三隻，皮較厚，底係脆，肉餡滑多汁！不過皮套厚！姥姥手製排骨湯麵（$55）賣相幾好，不過豬扒唯然厚肉唔乾，炸漿皮唔夠鬆化，好油膩！湯麵湯底淡，幼麵幾滑溜！熱鮮檸薑蜜（$18）好想檸檬香，薑茸微粒，夠熱飲落微辣好味！凍豆漿（$16）肥髀飲食物ok，店員爽手，不過其中一個女店員講野就粗聲粗氣啲！海怡內唯一的上海菜

大年初一拜完年之後，想近近地係附近搵間餐廳食晚餐，原來都唔係想像中甘容易，如果唔想食連所式快餐店，得番商場入面嘅酒樓同上海姥姥二選一。好彩上海姥姥好快就有位，一行六人立即坐低食飯。拜年食左好多糕，大家都有啲膩，見到糕就怕怕。小籠包:熱辣辣，算做到皮薄多汁，大力少少夾都會夾穿，好驚夾穿會漏走啲精華呀煎鍋貼: 底煎到幾脆，一咬開有好多肉汁，如果個煎再煎焦少少更加好生煎包: 同鍋貼一樣咬開好多肉汁，不過不失排骨粗炒： 排骨份量比想像中多，可以分到每人一件。面彈牙，略嫌多油左啲炒糖酥魚塊：唔好睇佢甘細碟，全晚最好味嘅，魚塊好滑，炸粉好薄，酸甜汁味道剛好，好開胃，光速食完蒜蓉炒時菜： 今晚有油麥菜食，ok 嘅可能新頭正，員工服務笑容可掬，我地都傾左好耐計，密密幫我地添茶，又冇趕我地走再叫左兩個甜品，忘記左影相豆沙鍋餅: 不過不失菊花蘆薈凍糕: 呢個甜品有驚喜，一嚟唔係好甜，冰冰涼涼，好香菊花味，底有啲一粒粒蘆薈粒，好好味，為呢餐晚飯劃左個句號。

帶肥髀返到海怡西商場補習，補之前又要食飯先，商場選擇多，肥髀揀咗呢間，下午茶時間，去到唔使等位，店面黑紅主色，加中國式圖案裝飾，窄長店內比較窄，我哋二人枱都好細！點心下午茶餐（$48）溏心燻蛋：賣相幾好，切半蛋蛋黃漿口，充滿蛋香，蛋白彈牙，有茶葉甘香味！好味招牌小籠包：小籠湯包充滿湯汁，皮夠韌性唔會穿，豬肉餡滑溜，點醋酸酸配肉香，油香滿咀好味雪梨紅棗茶（跟餐加$6）估唔到甜甜地嘅紅棗甘味，加雪梨🍐酸爽好味！連肥髀都喜歡！肥髀叫：上海炒年榚（$58）炒得入味，年榚片煙韌，醬油鹹香，蔬菜係津白同白菜，比較淋，好味！凍豆漿：肥髀飲食物好味，店員比較cool，有啲悠閒，不過回應都好快，收碟等好迅速！上海點心做得唔錯

上個星期日,去完教會之後回家,我和爸爸去個食lunch,我地叫的食物包括,小籠包,鍋貼,x油餅.和和生剪包,我最喜歡小籠包,因為小籠包的汁很肥美,我最不喜歡份量太少.服務員的態度很好,環境很美麗

今日友人突然想食小籠包，就嚟呢度滿足下佢嘅食慾！小籠包果然冇令友人失望，皮薄餡靚 大力少少夾都怕唔小心整穿佢呀🙈小籠包入面既肉好新鮮，重點係好多湯係入面😍全部精華係哂入面。另外仲嗌咗個四川擔擔麵，在場見到廚房有塊大玻璃 ，可以見到師傅即場手拉整麵。湯底有麻有辣，麻醬比較多非常香口！麵條食落亦唔會太淋身，而且食嘅時候每一啖都會沾到滿滿嘅湯，非常濃郁😋擔擔麵加錢可以跟排骨，呢個排骨同佢平時餐廳食到嘅炸皮唔同，佢有好鬆脆嘅口感，最神奇嘅係食落感覺一啲油都冇。味道方面，見到肉同炸皮之間有一層好薄嘅金黃色，食落去原來係咖喱味，係有咖喱香但又唔係辣味，都幾特別，值得一試👍🏻

咁岩入黎海怡睇戲,仲有少少時間...去睇下有咩咬下 見到間上海姥姥咁就入去食少少野醫下肚 見到隔離叫左個粉皮望落都唔錯.不過因為之前食左個TEA所以都唔食得咁多野 叫左兩樣野一個小籠包一個黑醋骨再加個白飯 個黑醋骨個樣都算OK既,不過食落就唔太好食 個汁好似燶左味咁,咬落去D肉比較硬,要送飯黎食至好少少 而個小籠包都唔錯.包入面都幾多汁..夠熱食落好都唔錯 服務員都幾有禮貌..叫加幾次茶都好快就幫手加 埋單125蚊都算唔貴,坐得都幾舒服,上菜速度都算快

今日與友人下午三時許行入餐廳，眼見吉枱數十張，我們示意兩人，餐廳男職員指我們一張頗為細出餸位前的一張2人枱，我們問可否選擇其他較寬闊的4人枱，職員說："這些是留給4人的，不可讓2人坐，現在只得這張2人枱"。我們明白若繁忙時段我們的要求似不合理，但剛剛的情況，他們寧可失了一枱客都不讓2人坐在起碼5至6張吉4人枱。我相信今時今日這樣的服務態度認真不要得。

平日晏晝兩三點非繁忙時間，成間餐廳得幾枱人食緊，兩個人去拎住一袋二袋諗住坐張枱闊少少，竟然同我講啲枱留比四人用。成個場起碼仲有廿張枱無人坐。另一邊落場時段唔開我唔怪你，請到呢啲員工真係等摺埋。