上海姥姥

營業中

休息中

對上兩次食上海野都唔好味，所以繼續想食上海菜，希望有間好味嘅滿足返。見到上海姥姥，感覺比較有信心，決定試試佢，叫咗雞絲粉皮、雲吞雞、小籠包、豬扒擔擔麵。雞絲粉皮有分輕盈同標準，我哋叫咗標準，但黎到比想像中細碟，但調味非常OK。如果雞絲再多少少就好啦。（忘記影相）小籠包1籠4粒，皮薄、包入裡有湯，配埋醋，好味。雲吞雞，佢係一人份一客，岩晒得我一個人想食，有菜、有雞、有雲吞，雞件稍為老咗少少，但味道都ok!最驚喜就係個豬扒擔擔麵，個擔擔麵少少辣又香，個豬扒又炸得正，又大塊好厚身，加$36超級抵食！總括而言，呢餐都幾滿足，想食上海菜，要黎上海姥姥！

其實都分唔到咩婆婆咩姥姥總知好食就ok開頭安排我地坐後場張枱隔嚟係廚房有人推出推入啲廚餘有當然要求轉枱印象中都好多年無幫襯啦不過今日兩老話要食就順下佢地意啦估唔到質素進步左啲上海粗炒唔會太油太重味醉雞就差少少酒味但個雞都幾夠滑幾大件煎餃子同小籠包都好食充滿肉汁雖然小籠包睇落比較乾但入口都唔錯奶油律白又係好食wo夠咸香但又唔會口渴啲菜又有天然甜味不過個香蔥芝麻卷就認真麻麻芝麻同蔥味都唔出個卷入面啲包又淋曬面頭都比較油膩

今日經過上海姥姥，就叫左個酸辣湯面，味道質素還好，份量都接受到，另外叫左醉豬手同小籠包，醉豬手都入味，小籠包咬一啖，入面都有湯汁，而價錢小食方便，覺得有小小偏貴

行咗成個銅鑼灣諗唔到食乜，終於走咗去喺Outback同上海姥姥之間作出選擇 ╮(╯▽╰)╭ 結果我個friend就揀咗食上海嘢(一如以往咁揀中餐🤷🏻‍♀️)。 我哋嗌咗香煎素鵝($36)，蒜蓉炒時蔬($72)，小籠包($43)，仲有上海炒年糕($82)。 食物質素真係幾好，除咗個蒜蓉炒時蔬有啲唔係幾像樣之外，佢有啲鹹，而且佢好似係湯浸青菜咁，煮完就喺上面加咗啲蒜粒就話炒咗 ಠ_ಠ。 而佢個小籠包多肉多汁，甚至比銅鑼灣嗰間鼎泰豐更加好食！ 上海炒年糕都好大份，炒得啱啱好，冇過火，鹹淡度適中。 而香煎素鵝我就揀咗輕盈版，但都有六舊，方便一啲食得小嘅人，或者得兩個人食，可以有多啲選擇。 順帶一提佢哋嘅服務員態度好好，好細心，唔該前唔該後，我覺得係食得開心嘅。 銅鑼灣呢間上海姥姥可以再encore( ´▽` )ﾉ

阿媽不嬲行開健康路線，今次呢間餐廳嘅主題係植物肉🌱所以一定會帶佢黎😍今次既素食主要係同「植廚 Plant Sifu™」做合作，估唔到可以會做到甘夾🥳植物肉是一種以植物蛋白為主要原料製成的肉類替代品，通常是由豆類、大豆、豌豆、米、小麥蛋白等製成。.姥姥素肉小籠包如果唔講都唔知佢係植物肉整成🥳食落去同普通嘅小籠包嘅味道一樣‼️外層換左綠色既，但依舊皮薄餡靚❤️中間都會有肉汁爆出黎😍.素肉四川擔擔麵呢個四川擔擔麵就算轉左素肉，都依舊都有四川擔擔麵原有嘅特色‼️放落口食到好濃嘅花生醬味，帶有少少辣☺️每一條麵先都掛有一定既醬料，香濃而又唔膩.乾煸素肉四季豆四季豆煮到有少少淋身再配上植物肉，依一道菜嘅調味料做到好好👍🏽除咗食到有豆瓣醬味道之外，仲有好香濃嘅蒜味‼️成道菜嘅味道好有層次感，亦都好容易食晒一碗🥳.素肉麻婆豆腐傳統的麻婆豆腐🍛係用肥豬肉同瘦肉一齊整成☺️而素肉麻婆豆腐使用豆腐和素肉替代了傳統的豬肉末，口感和風味略有不同‼️但係素肉麻婆豆腐都好嘢味，比起傳統版少左油膩感🤣

We came specifically for the vegan menu that utilises Plant Sifu Plant-based meat from an official giveaway hosted by Plant Sifu. The best dishes are the xiao long bao and szechuan dan dan mian. They taste amazing.Xiao long bao: has very flavourful, authentic-tasting juice inside each bao. However, the Tsuen wan branch serves xiao long bao with a softer filling, whereas this Causeway Bay branch's filling is firmer. I prefer the Tsuen Wan version.Dan Dan Mian: Very amazing soup, thick and rich wi

終於試到上海姥姥同plantsifu嘅collab, 素食者食到爆湯汁嘅小籠包表示真的很開針☺️☺️今次姥姥素造有四款新素姥姥素肉小籠包 - 除咗個皮綠色之外同真肉小籠包無分別, 仲要爆汁🥰素肉麻婆豆腐 - 少少鹹, 送飯就啱啱好素肉四川擔擔麵 - 充滿花生濃香, 麵分量好多, 兩個人都食唔晒😂個麵有種後勁辣, 不嗜辣者小心乾煸素肉四季豆 - 終於唔使考眼力, 四季豆好爽脆👍🏻同行肉食者覺得大部分都好似真肉, 我自己就覺得啲素肉似impossible嗰種, 硬身同惹味啲, 個collab做到30/4咋, 如果之後都留喺menu就好喇🥹除咗呢幾款限定素, 我見menu仲有素餃(蒸/湯都得), 豆沙鍋餅等素食菜式, 葷素共食GET!✨✨

呢間餐廳嘅食物一般正常啦，份量都唔算多，價錢少少偏貴。不過，餐廳嘅員工都算OK啦😊。總括而言，呢度餐廳嘅表現一般般啦。🍴👎💰👌over all is ok but can be improved largely

香港人愈來愈追求健康飲食文化綠色飲食漸漸成為社會大趨勢其中素肉更成為追捧對象之一·香港品牌植廚 Plant Sifu ™以嶄新素肉融入傳統菜式與上海姥姥聯手· 以「姥姥素造」為題重新演繹上海經典風味感受口感輕盈的上海素肉菜式上海姥姥·銅鑼灣分店簡約舒適設計· 悠閑舒適♡ 姥姥素造小籠包（$43）以植廚 Plant Sifu ™梅頭肉餡打造經典小籠包即叫即製 · 翠綠色的薄皮配上摺痕清晰分明而獨有技術令肉餡口感·軟腍富彈性最重要是還原小籠包脂香肉汁！！♡ 素肉四川擔擔麵（$68）以「植廚 Plant Sifu ™肉碎」入饌傳統四川擔擔麵肉碎粒粒分明帶柔嫩咬感濃香花生香湯底配以手工拉麵少了豬肉膩感· 令擔擔麵更為清爽♡ 乾煸素肉四季豆（$80）素肉碎爆炒後仍保持其口感伴以油炸過的四季豆香濃惹味·鑊氣十足♡ 素肉麻婆豆腐（$78）上海菜怎能少了麻婆豆腐豆腐細滑配上師傅特調醬汁再以素肉碎點綴· 打造經典名菜之餘亦令我清空一配白飯！♡ 雪梨紅棗茶（$21）♡ 杞子菊花蜜（$21）

以前在香港要吃中式素食，只會聯想到「食齋」的「齋舖」，但近年植物肉拓闊了素食的可能性，香港本地研發及生產的素肉品牌「植廚 Plant Sifu™」以「姥姥素造」為主題，為上海風味連鎖餐廳「上海姥姥」旗下四大招牌名菜注入「綠食」新元素，首次採用素肉入饌，破格跳出以往僅以蔬菜為主的素食演繹。位於翡翠明珠廣場的分店環境開揚，裝潢散發東方韻味而不落俗套。由即日起至4月30日期間，於「上海姥姥」遍佈港九新界的14間店舖，推出以「姥姥素造」為主題的四款期間限定素肉菜餚，植廚 Plant Sifu素肉全都是零添加防腐劑、零添加劑、零味精及零色素，不但令素食者有更多選擇，也可讓非素食者多了健康之選。姥姥素肉小籠包 $43招牌小籠包除了是上海經典點心外，更是餐廳最受歡迎的菜式，素肉版本換上翠綠外皮，添上清新氣息，口感帶韌性，足夠承住湯汁不滴漏，不會吃到一口粉兼糊口。品牌強調「手製心造」，每隻小籠包都在店內的開放式廚房內人手包製，形狀工整飽滿，每一顆看起來都被餡料撐得脹鼓鼓。輕輕一咬隨即爆出鮮甜湯汁，內裡肉餡為植廚梅頭肉餡，以高纖低卡蒟蒻及百分百植物成份而研創的專利仿脂肪技術 AROMAX突破性重構肉類獨

8點零行過門口見有位就入去食，反正平時喺康怡廣場嗰間食開都幾好就入去食餐廳4-5成滿，經理見門口張枱有位就帶我地埋去坐，我問經理可唔可以坐另一張四人枱佢話唔得，因為嗰邊幾張枱就收，咁算啦，點知都未夠5分鐘就已經有其他人坐咗落經理話要收嗰張枱度。而我地坐嗰張本身喺執好枱，不過未擺餐具，佢埋嚟擺餐具時先發現無抺枱，咁經理就邊擺餐具邊抺枱，當然抺得好求其😖我地兩大兩細，叫咗嘅嘢食普普通通小籠包：正常上海佬佬水平，okay 嘅賽螃蟹：賣相幾好，食物都同預期一樣酸辣湯拉麵：好咸，味精湯一樣😣黃金蝦仁炒飯：飯幾乾身，不過應該係炒完飯先擺啲蝦仁落去，啲蝦仁完全冇鹹蛋黃味☹️銀絲卷：小朋友食，我自己無食，唔敢評價，我落去都正常嘅豆沙鍋餅：同其他分店水平一樣，都係可以嘅食完正餐，問佢攞餐牌想嗌甜品，佢話已經過咗last order，我又問佢，你都冇通知我，佢就問我哋想要乜，我話想叫甜品，佢先唔係好禮貌咁話可以，講真你話冇我都冇計，但係做服務業可唔可以有禮貌啲呢同一間餐廳，唔同分店，服務水平相差好遠，銅鑼灣呢間我就一定唔推介，唔係價錢問題，我亦都唔覺得平餐廳就可以唔使有服務，呢間冇下次

今晚一家滿心歡喜去左食呢間「上海姥姥」當中叫左個揚洲炒飯,難食到以為我小六的兒子炒出來的,真係未試過出街任何一個店可以難食到咁,d飯又乾爭爭.小龍包好似自己買叮叮款咁.酸辣湯真係一般…不過出得街食飯,口味既野都唔係大問題…因為最大問題係收銀個男職員,好似我爭佢錢咁.個樣木口木面,d聲氣勁掘,問多句好似係你黎倒亂咁.整體人手好似不足咁仲叫左幾款野食,真係無款同個價錢成正價比.下次真係唔會貪地點方便再去呢間食…呢餐食左$600…

番學之前搵野食，又想食得稍為清一點～見到有套餐價錢麵唔貴於是同朋友一人叫了一set~(一款小食+一款主食+飲品）～說實在小食就非常普通，木耳有點硬，味道單一，而小籠包皮都是偏厚偏硬不吸引，可能是套餐關係預先放了比較耐。 不過講番兩碗麵，兩碗麵湯底麵算濃，但唔會得個咸字！而魚塊同雞肉都好嫩滑。整碗麵的麵底份量也很多，女生細食可能會完全食唔曬🫣成間店地方好大好闊落，但可能因為係算open area, 成餐飯都有隻小烏蠅陪住我地趕極都唔走🥺其他整體都算唔錯呢

今日黎到上海姥姥，叫左2個set套餐，1個係我最愛既嫩雞煨麵配手拍小青瓜（輕盈），加杯凍甜豆漿，另外叫左個四川擔擔麵配鮮蝦炸雲吞，再加多杯凍酸梅湯簡直係濃味得黎帶點清淡。首先我覺得個青瓜係好入味的，我比較鐘意食涼拌，青瓜黎講非常合格，如果再辣少少會岩我口味多點另外個鮮蝦炸雲吞都冇令我失望，夠曬脆卜卜，外脆內嫩，加埋個甜酸醬，就真係絕配到嫩雞煨麵，品嚐之先已經有好濃郁的肉味，麵條有彈性，總結，價錢平民價，員工服務態度掂

係cwb想食上海野，又想平平地，就黎左上海姥姥。呢度d野食都ok。前菜就叫左雞絲粉皮，好多麻醬勁好味，而呢個份量就係細既，如果想食多d就可以叫返個正常size。之後仲有上海粗炒，炒得好入味呀，唔錯既。然後仲有個蛋黃炒蛋，d蛋黃炒到勁香，食落口雖然好有罪惡感，但都忍唔住食完一啖又一啖。之後仲有個糖醋排骨，個醬汁整得好好味，酸酸甜甜咁，而且肉量都好多好大碟，最後仲叫左個小籠包，包得幾好，唔會一夾就散。