影片
上海姥姥食物質素一向都唔太差，今日兩個人一共叫左3樣野，全部都好好味👍🏿不過我諗呢間野有一個特別之處就係佢既室內餐廳設計幾特別，同其他分店稍有不同，就係一入門口佢就已經有一個bar枱設計。呢間分店本來面積已經唔大，再加上呢個bar枱設計，可謂放其他座位的可用面積變得更小，不過成個設計小編覺得又無咩違和感，反而重幾舒服。甚至適合一個人黎進餐，例如坐bar枱叫返碗擔擔麵😋😋確係灣仔閙市中，一間可以舒服抖抖，整個好性價比既上海菜餐廳👍🏿👍🏿
繼續閱讀
無心插柳遇到軒尼詩的江南 上星期原本出灣仔食上海菜放題，中間遇到一啲事，陰差陽錯路過好久以前嘅壽司鋪已經華麗轉身成為上海菜，見到門面幾乾淨就走咗入去，裝修幾光猛，一入去見到中間張bar枱，不過入面無乜人！ 睇下個餐牌，基本上海蘇杭地道食物都有，拉麵、包點、小食同小菜，餐牌註明會用上「手製拉麵」！ 門口入嚟就見到師傅喺度拉麵同整小籠包。 最喜歡點拼盤，啱晒想試晒唔同口味嘅我！ 最後點咗醉雞、醉豬手同雞絲粉皮。酒味尚算可以，醉雞肉質唔鞋，尚算滑溜。豬手就未夠入味，不過豬皮夠厚夠爽。雞絲粉皮其實無乜特別驚喜，已經係喺街食到比較好嘅雞絲粉皮。 而個擔擔炸豬扒麵呢，炸豬扒係另上嘅，炸得幾乾身，豬扒剛剛炸起仲算juicy，放涼咗就開始乾。 呢度嘅手製拉麵有驚喜，係師傅即場拉嘅拉麵，麵條口感好好，唔敢講好彈牙但有咬口唔係淋身。仲有擔擔麵個花生麻醬，加咗辣味咁先夠蘇杭嘛～不過略嫌湯底唔夠厚身。 But手製拉麵必食！ 食上海菜又點少得小籠包？ 姥姥小籠包皮夠薄，肉餡夠鮮甜不鬆散，不過可能湯汁唔夠，未夠飽滿感。 話說Aminn好鍾意食葱油餅，見呢個圓碌碌咁趕緻就叫咗，點知一咬之下咁厚皮嘅？其實佢真係好似Donut咁，將蔥餡集中咗喺中間，油蔥勁香勁濃郁！不過呢，Aminn都係喜歡較乾身嘅葱油「餅」。 以灣仔人來人往嘅軒尼詩道嚟講，假期一點左右已經開始等位，而且上海姥姥勝在大眾化價錢坐得舒適，真心抵贊！
繼續閱讀
行開灣仔，有D肚餓，路過見門面幾乾淨就走咗入去，裝修幾光猛乾淨，入面無乜人，可能星期二啦，好多位剩。薰蛋有少少over cook，唔夠流心，不過味道唔錯。個炸豬扒麵，炸豬扒嘅油都幾點鐘乾淨，而且炸得幾juicy, 唔會好乾。小籠包都可以，皮都幾薄，不過入面個湯唔夠濃味，有空間改良。至於甜品，叫咗雷沙湯丸同酒釀丸子，酒釀丸子太甜，唔夠酒香，雷沙湯丸個皮唔夠彈牙，我用牙籤吉嚟食，不過軟咗D. 不過勝在坐得舒服，價錢相宜，至於食物就唔好要求太高
繼續閱讀
平時午餐五十幾六十幾一個麵，到下午茶就便宜了一半，廿幾三十幾一個麵。選擇不少，水準亦沒因價錢而有差。更可加十幾塊多加一個小食和飲品，相當抵食! 可惜下午茶時候太短太遲開始，3:00-5:30。只有早餐吃得很飽的情況下才有機會等到吃這個下午茶。牛肉麵湯底清，麵條ok la，五香牛肉好吃。
繼續閱讀
中午時段只1小時放lunch, 實在太趕。簡單的一碗排骨四川擔擔麵應該足夠我享受吧。擔擔麵麵質幼細，湯底辣而不嗆，味道濃厚。排骨已有進步，不是粉紅色的那種, 正常了。入口軟熟不油膩，食物水準尚算ok, 但食到一肚火！12時02分57秒記錄了我點的食物，12時34分才有得食。點解一碗麵咁簡單都要等咁耐？佳因管理問題囉！還有服務人員的應變能力和態度囉！等了20分鐘問了一次，答案「係呀！得一個師傅我都冇辨法」，再等了10分鐘，又問了一句可否追追，臺枱那個看似好有禮貌的女服務員的答案是「咁你要唔要呀」，不可以貌取人，這是什麼態度呢？
繼續閱讀