上水貨舖 (已結業)

今晚放工遇正雷暴⚡️⚡️警告 都係外賣返屋企食一直想試上水貨舖個kebab 🌯🌯有選擇困難既我最終㨂左叉燒五花腩做配料 去到舖頭見佢仲包緊 見到佢單張上面標榜Farm to Table 亦有唔少新鮮蔬菜放係舖頭賣 拎到返屋企見佢包到穩穩妥妥 打開包裝聞到餅皮烘底既麵粉香氣 切開見到包住新鮮綠蔬🥗同五花肉 🥓組合起黎好清新完全唔油膩 味道亦令人一啖一啖停唔到口 下次可以試佢其他口味配埋個煎餃🥟或者水果牛奶🥛應該就岩岩好😋😋😋😋😋😋😋

叉燒五花腩煎到啱啱好，有啲脆口燶邊勁香口，沙律菜好新鮮同埋爽嫩，食得出係水耕菜，配料揀咗果仁同粟米粒，再加橄欖醋同埋蜂蜜芥末醬成個沙律撈埋食好夾，$75真係好抵食，比中環灣仔百幾蚊一份嗰啲好食好多夠飽肚，仲要本地材料，好有驚喜見到kebab同沙律都係環保包裝，抵讚！講返間舖頭先，入到去成個裝修好靚同埋有香港特色，啲貨都係香港品牌，好多文青精品同埋嘢飲嘢食，宜家搞啲緊啲裝置藝術幾得意，順手買咗包蝦子麵同幾條鮮果雪條

今日經過大圍☀️☀️☀️，見到有間上水貨舖外觀好靚😍😍😍😍，咁啱有啲肚餓👅👅👅，行入去叫左個八餃餐，一打開蓋，香味撲鼻而來👃🏻👃🏻👃🏻，咬落去焦香嘅口感同4款不同味道嘅餃子，有紫菜味、芫荽味、芝士味、椰菜味，真係好好食！！！！如果下次再經過，希望試埋其他嘢食同埋嘢飲🥤🥤🥤🌯🌯🌯等食物嘅同時，可以順便行吓間鋪，入面仲有其他唔同種類嘅產品賣，可以發掘到唔少有香港特色嘅產品👍🏻👍🏻👍🏻

上次經過見到以為新開咗間文青舖頭，一直以來都無入去行過，琴晚經過入去睇下，點知原來入面仲有野食，就買咗個片皮鴨卡霸拎返屋企做宵夜聽店員講佢地做外賣無堂食，夜晚八點後而家仲有限時宵夜優惠。片皮鴨卡霸估唔到都幾有驚喜，個醬汁同片皮鴨好夾，食得出入面仲有擺少少京蔥，令到食落更加有層次，沙律菜都好新鮮，宵夜來講係幾健康嘅選擇，個份量啱啱好夠一餐，落order個陣見到佢水果茶都有好多選擇，我諗下次都會試埋！！

最近熱到無味胃口 所以決定叫個雞胸沙律🥰沙律份量好足 d菜好似食極都食唔完咁 同埋我唔鍾意食紫洋蔥 個staff好好咁幫我轉左粟米🫶🏻 雞胸方面都唔乾柴 雖然話係辣味雞胸 但其實應該食唔到辣嘅人都可以接受到 再加上有芝士碎都好難唔好食😋面頭嘅果仁可以話係成個沙律嘅精髓 令到個層次更豐富 整體真係唔錯 唔想食熱野同食太多嘅話呢個係個好選擇👍🏼 佢地依家好似8點之後仲有做7折 買埋野飲8折 成件事真係抵食好多 下次會想試下其他野🫣

之前去過呢間上水貨舖既上水店聽講佢地全部貨品都係香港本地製造！🇭🇰見到啲雜貨既款式都幾多 乾貨又有 雪藏既食物又有 連新鮮蔬菜都係本地種植👍🏽到今日去開大圍踩單車 就順便去埋大圍店行下原來大圍店有埋野食野飲賣！🤩見到menu上面都幾多款揀有餃子沙律呢啲輕食 估唔到仲有kebab 啲饀仲要係港式口味片皮鴨 叉燒五花腩等等 睇到都覺得好正👏🏻但今日太飽 剩係試左2杯店員推介既水果茶白桃蘆薈翠玉烏龍 同 蜂蜜火龍果翠玉烏龍🍑🍯茶味好香 唔會好甜啱啱好 係清新既果香味 夠晒消暑少冰完之後都仲係好大杯😂同埋見佢都落得好多配料啲蘆薈同火龍果肉吸極都吸唔完口感好豐富🙌🏽會繼續支持香港小店🙇🏻‍♀️🙏🏻

今次叫左個手工煎八餃🥟餐，有芝士粟米、椰菜、紫菜同香荽四隻味，每隻味兩隻。個人覺得餃子都算大隻🥳，餡料又足，口感好豐富！佢仲會有啲菜包底，咁食落就無咁邪惡囉🤓。問落啲店員，發現原來餃子係黎自屯門一間小店嘅餃子，仲要有多幾款味，可以自己買返屋企煎！呢一個餐都已經食到六至七成飽，加多杯水果茶就perfect😋。食飽行左陣，原來佢地主要係買本地製造嘅嘢，食物、菜、酒、小飾物 咩都有，而家呢啲舖頭真係買少見少🥹。

上星期去咗大圍間上水貨舖買啲香港製造手工啤酒，發現原來轉咗menu😂 即刻試吓個叉燒沙律，成件事好fusion好chill。沙律用咗科學園魚菜共生嘅沙律菜，又fresh又organic。聽廚房妹妹介紹，啲叉燒仲係每日新鮮製作，成件好有heart🥹新menu仲有港式kebab，但係一次過食唔到咁多嘢😭下次放假一定要約埋班friend子嚟試吓港式kebab，開幾支手工啤酒、聽住本地hiphop 音樂🍻

總覽：食物質素：⭐️⭐️⭐️⭐️⭐️服務態度：⭐️⭐️⭐️⭐️⭐️店舖環境：⭐️⭐️⭐️⭐️⭐️*想直接睇食評可以去段二背景： 是咁的，小弟喺大圍做社畜，每日返工做到成隻狗咁。所以冇理由放工唔去食吓野飲下酒鬆鬆佢㗎嘛。之但係大圍絕大多數都一係價錢平但係好唔健康，想健康翻少少價錢就會偏貴。加上呢度附近有良心嘅舖頭唔多，好少有好嘅選擇。咁啱之前聽講起地鐵站附近開咗間新嘅又有良心又有野食嘅舖頭，咁咪去睇下囉。點知去到望望原來係上水貨鋪!!!平時都有去開上水嗰間，乜原來大圍都開咗間？！重有野食？！唯有入去望吓~食評： 入到去見佢都四正企理，啲Staff都好Nice同好有耐性咁講解同介紹返佢哋嘅沙律同埋水果茶。我就起佢地嘅推介下買咗兩款沙律，鮮蝦沙律同叉燒五花腩沙律（一份我，一份我個fd）。價錢感覺偏貴。買完之後我地就去咗外面(佢有啲枱枱櫈櫈）坐。等咗大概5-10分鐘佢地就攞埋出嚟俾我地。佢哋真係冇介紹錯，真係好_好食！兩份沙律都好足料。佢個菜底據說係科學園嗰邊種植嘅沙律。可能因為係有機種植嘅關係定唔知魚菜共生（都係聽個店員介紹）？佢啲菜特別好咬口同埋特別清甜。然後佢啲蝦都真係新鮮爽口嘅蝦，絕對

今日收工諗住去大圍買嘢食,行過見到間舖頭寫住香港人用香港製造🇨🇳當然要支持吓啦😊入到去見到menu都幾多嘢食,有Kebab 🌯,沙律🥗同埋水果茶🍹 店員介紹佢哋廚房用嘅菜全部都係由科學園種植嘅魚菜共生有機沙律菜, 大熱天時最啱食返個沙律架啦🥵我叫咗個白灼本地鮮蝦沙律🍤($72)加日本烚蛋🥚($6), 套餐加配嘢飲仲有八折優惠添, 店員介紹佢哋嘅火龍果同埋菠蘿係用新鮮生果整嘅, 最尾叫咗杯熱情果鮮菠蘿粒粒水仙🍍估唔到杯嘢又幾夾喎，唔會太甜。沙律配料同埋蝦都好新鮮，加埋香芒醬酸酸甜甜好開胃🤤下次經過一定會再幫襯😍

呢間鋪以前係酒吧，有年資既沙田友一定有黎過。依家前前後後有單車鋪，咖啡店，呢間上水貨鋪在角落位置顯得更加特別。開頭以為佢係餐廳，原來只提供輕食，有kebab同餃子選擇，kebab口味都幾特別，又片皮鴨，又咖喱牛腩，好有茶記feel。仲要係即叫即整，用部Giller係你面前烘。CiXX supXX 收咁貴都無呢下俾你睇。Kebab做到皮脆既，入面又好多菜，但男仔食一條就肯定唔夠飽。今次仲幫襯左杯水果茶，叫左杯檸檬柚子蜜梳打，大熱天時，坐在鋪頭在chill下，的確一流。

平時聽人講大圍好多嘢食，我自己就好少去呢邊，係因為諗住去睇國勇堂先嚟。本身淨係諗住睇展覽，估唔到原來有嘢食，落完單玩住等嘢食啱啱好，叫咗一杯梳打同煎餃，梳打飲落啱啱好唔係好甜，淡淡嘅玫瑰味加埋士多啤梨酸酸甜甜好清爽，而家天氣咁熱啱哂，煎餃係屯門餃里嘅，皮薄餡靚，有煎哂底同面，食落好香口，個人就最鍾意椰菜同芝士，清清地食到蔬菜甜味，紫菜味好特別，未食過紫菜餡嘅餃，芫荽味就香得嚟唔會過濃，我自己麻麻地芫荽都食得到，總括嚟講都幾唔錯。之前都有去開佢地上水店買嘢，呢邊都keep住有香港製造產品同本地菜賣，地方大啲仲可以帶寵物，可以帶埋主子嚟參拜國勇堂同食嘢，慢慢坐chill下都ok！八餃餐 $68玫瑰士多啤梨梳打$28 (原價$35，嗌套餐嘢飲有8折)

今日心血來潮，想食下北京片皮鴨，咁岩係網上搜尋到公司附近有冇相關野食，居然真係搵到一間有片皮鴨既特別小食，呢款小食第一眼睇以為係墨西哥捲餅，以異國風情包裝中式料理既風格都幾特別，拎到個卡霸後第一感覺係比想像中大件！餡料好足，醬汁都似係傳統食片皮鴨會點既甜酸醬汁，非常開胃！試過呢次我都幾肯定會再次幫襯！

去開佢地上水間舖，拎左張飲品coupon諗住黎換～ 店員話佢地轉左menu，仲見到廚房妹妹整緊啲一卷卷嘅野好似幾好味即刻買左一舊兩個人食話說我老公係極沈迷有grill mark嘅野食覺得咁樣香口啲又有儀式感喎～～不過佢嘅儀式感只限自己觀賞，成日唔等我影相就食有時食kebab係皮多過肉，但呢度啲餡嘅料係超爆多！ 菜同埋肉都係滿晒嘅！ 煎左嘅五花腩油脂味好香又唔膩，可能同個汁有關，微酸refresh啲平衡返～值得一讚個汁，每款kebab汁都係特調，唔係叫貨嗰啲沙律醬，睇得出佢地研發menu連個汁都係著眼嘅一部份！ 不過提提大家小心食到最後揸埋張紙會爆汁🤣🤣🤣 好在反應快冇事！

今日嚟到大圍行街，見到間野叫上水貨舖，已經比佢個店名吸引到🤩，原來係間賣香港製造嘅良心小店，店員話係喺上水開分店開到大圍。🇭🇰佢地有野賣又有野食，最後買左個片皮鴨卡霸，有啲似墨西哥夾餅，包裝好靚，好足料，入面有鴨肉有沙律菜仲有啲配料，味道唔會話太咸，醬料份量控制得啱啱好👍🏻，值得一試😋。Size如果女士食嘅話做正餐就啱啱好，男士的話可能就唔夠飽，要再叫啲小食，做下午茶或宵夜好推介。支持香港小店💪🏻。