影片
更多
2022-07-22
29 瀏覽
總覽：食物質素：⭐️⭐️⭐️⭐️⭐️服務態度：⭐️⭐️⭐️⭐️⭐️店舖環境：⭐️⭐️⭐️⭐️⭐️*想直接睇食評可以去段二背景： 是咁的，小弟喺大圍做社畜，每日返工做到成隻狗咁。所以冇理由放工唔去食吓野飲下酒鬆鬆佢㗎嘛。之但係大圍絕大多數都一係價錢平但係好唔健康，想健康翻少少價錢就會偏貴。加上呢度附近有良心嘅舖頭唔多，好少有好嘅選擇。咁啱之前聽講起地鐵站附近開咗間新嘅又有良心又有野食嘅舖頭，咁咪去睇下囉。點知去到望望原來係上水貨鋪!!!平時都有去開上水嗰間，乜原來大圍都開咗間？！重有野食？！唯有入去望吓~食評： 入到去見佢都四正企理，啲Staff都好Nice同好有耐性咁講解同介紹返佢哋嘅沙律同埋水果茶。我就起佢地嘅推介下買咗兩款沙律，鮮蝦沙律同叉燒五花腩沙律（一份我，一份我個fd）。價錢感覺偏貴。買完之後我地就去咗外面(佢有啲枱枱櫈櫈）坐。等咗大概5-10分鐘佢地就攞埋出嚟俾我地。佢哋真係冇介紹錯，真係好_好食！兩份沙律都好足料。佢個菜底據說係科學園嗰邊種植嘅沙律。可能因為係有機種植嘅關係定唔知魚菜共生（都係聽個店員介紹）？佢啲菜特別好咬口同埋特別清甜。然後佢啲蝦都真係新鮮爽口嘅蝦，絕對
食物質素：⭐️⭐️⭐️⭐️⭐️
服務態度：⭐️⭐️⭐️⭐️⭐️
店舖環境：⭐️⭐️⭐️⭐️⭐️
*想直接睇食評可以去段二
背景：
是咁的，小弟喺大圍做社畜，每日返工做到成隻狗咁。所以冇理由放工唔去食吓野飲下酒鬆鬆佢㗎嘛。之但係大圍絕大多數都一係價錢平但係好唔健康，想健康翻少少價錢就會偏貴。加上呢度附近有良心嘅舖頭唔多，好少有好嘅選擇。咁啱之前聽講起地鐵站附近開咗間新嘅又有良心又有野食嘅舖頭，咁咪去睇下囉。點知去到望望原來係上水貨鋪!!!平時都有去開上水嗰間，乜原來大圍都開咗間？！重有野食？！唯有入去望吓~
食評：
入到去見佢都四正企理，啲Staff都好Nice同好有耐性咁講解同介紹返佢哋嘅沙律同埋水果茶。我就起佢地嘅推介下買咗兩款沙律，鮮蝦沙律同叉燒五花腩沙律（一份我，一份我個fd）。價錢感覺偏貴。買完之後我地就去咗外面(佢有啲枱枱櫈櫈）坐。等咗大概5-10分鐘佢地就攞埋出嚟俾我地。佢哋真係冇介紹錯，真係好_好食！兩份沙律都好足料。佢個菜底據說係科學園嗰邊種植嘅沙律。可能因為係有機種植嘅關係定唔知魚菜共生（都係聽個店員介紹）？佢啲菜特別好咬口同埋特別清甜。然後佢啲蝦都真係新鮮爽口嘅蝦，絕對唔係嗰啲寫新鮮蝦但係其實用冰鮮嘅嚟hea人嗰啲。仲有就係佢上面嗰層果仁都係有用氣炸鍋炸過嚟(望入去廚房偷睇見到)。食落真係好滿足，好飽。而朋友嗰份，見佢平時會一路食嘢一路玩手機但係今次就反而粒聲唔出全程喺度食就知佢嗰份幾咁好食，幾咁停唔到口。本身仲覺得佢偏貴但係食完之後覺得物超所值，性價比真係一流。以後放工有好嘢食了~~
*聽啲店員講有時不定期仲會有唔同嘅折扣優惠添㗎！
張貼