上三兩 (已結業)

行完美術館，睇完畫展諗住同朋友食返餐好。所以就去咗K11搵好嘢食，睇中咗呢間食蟹粉撈麵好似好正咁，就去試吓囉。點知好似俾人搵咗笨咁⋯環境燈光好香艷，但氣味係大排檔😅未食已經聞到好強烈嘅油煙味，食完真係快啲返屋企沖涼⋯如果唔係，成街道知你啱啱食完飯😅入到去見枱枱都叫一麵一飯，以為係必食之選，但其實係2個人入到去，叫一樣又唔夠飽。叫小食又唔抵食咁（1隻蛋78，2隻雞翼168⋯），唔食出返去又好衰咁⋯所以就叫一飯一麵咁囉。麵又得返個貴既，中價啲既又無⋯其實如果有返少少中價之選，咁叫個貴又叫個中價既餸，可以多啲唔同嘢食又飽又平返少少，咁會食得開心啲既😅結果埋單$810⋯

同朋友睇完戲 啱啱過咗lunch hour 經過sexy crab記得之前要排隊？ 總之好似比較難入去食今次行過見到人唔多 終於有機會試吓不過原來間舖頭比想像中細 唔怪得之以前成日都要排隊三個人唔係太肚餓叫咗兩個share食本身想叫嗰個掛湯麵 點知佢話已經冇晒所以叫咗個 特濃蟹粉蟹肉拌拉麵 特濃蟹粉石鍋拌飯順便叫咗個蟹粉湯試吓所有嘢都好重蟹味 蟹粉蟹膏味都有食落去係幾正嘅～雖然真係有啲油因為真係好少可食到咁濃郁嘅蟹粉所以食落去嗰下都係起雞皮不過好快就會好漏🤭麵同埋飯份量都比較少 個價錢都相應比較貴不過喺K11 Musea食 係咁上下如果有新Menu嘅話可以再去試吓

先講環境, 入到去先知餐廳咁細得幾張枱, 又係open kitchen, 成餐一路食, 一路啲油煙勁攻眼攻鼻, 鼻敏感人士食得好辛苦🥹食完又成身油煙味松葉蟹春卷 $188雪茄樣嘅春卷內餡蟹肉豐富新鮮, 配上少少梅子鹽嘅”煙灰”, 令口感多咗層次特濃蟹粉蟹肉拌拉麵 $368當日大約7pm去到餐廳, 一坐低職員就話無晒濃湯掛麵, 感覺係特登谷客人叫其他價錢double嘅主菜…職員上伴麵時會介紹配料, 蟹肉調味幾好, 但個麵似係淥定有啲凍到黐埋一舊蟹粉黃魚餛飩 $158蟹粉同黃魚肉餡料口感嫩滑, 但食唔出唔同皮嘅分別總括嚟講, 食物味道中上, 但定價過高, 加上狹窄環境, 性價比低, 不會再光顧。

身為蟹既超級愛好者，一直都好想試呢間，終於黎到食喇，打開menu大部分都係關於蟹，好吸引-特濃蟹粉蟹肉拌拉麵 係招牌 必叫送上枱時有蟹肉、蟹膏(公+乸)、蟹油、醋同雞湯侍應都好細心介紹食法全部加晒入去拌麵，再加少少醋啖啖都係蟹肉蟹膏，好鮮味-蟹粉黃魚湯蟹味唔算太重，但都好飲-燕窩薑味意式雪糕本身好鐘意食薑味雪糕，食完蟹再食呢個甜品特別滿足

홍콩 게살 종쯔 첫 체험💕中文向下面👇🏻금욜에 돤우제니까 지인이에게 종쯔 선물은 받았다🥰 일반적으로 돼지고기과 솔티드 에그욕들어가지만 게살 종쯔은 진짜 첨에 들었다😱30분 익히고 게 알의 향기는 넘 고소하다 ❤️❤️❤️ 넘 특별한 맛이라서 추천해용💕그리고 생강 밤 종쯔도 엄청 맛있어요❤️개인적으로 생강밤 종쯔를 더 좋아한다🥰特色人氣蟹粉粽🤩就嚟到端午節，今年試下新意思🤣見到K11 Sexy Crab 有蟹粉糭非常特別😱❤️蟹粉糭切開有一半都係蟹粉❗️好癲😂😂🤣食完真係爆Quota😂 蟹粉糭好新穎，推介大家一試🉐除左蟹粉糭，仲有薑糖栗子糭🤩❤️呢個好味！薑汁濃郁味道配上煙靭糯米好正💕禮盒入面仲有一樽蟹粉醬同魔鬼辣椒油，自己淥個蝦子面配搭不得了🤣👍🏻

。蟹粉煙燻鴛鴦溏心蛋 $78。特濃蟹粉石鍋拌飯 $368。特濃蟹粉蟹肉拌拉麵 $368用玻璃罩上枱，侍應仲會比時間你影相一打開個玻璃罩就有煙霧出嚟溏心蛋嘅質感整得唔錯蛋黃面加咗蟹粉同魚子醬賣相唔錯都食到有啲煙燻味嘅不過呢個價錢得一隻蛋，真係無下次😅特濃蟹粉蟹肉拌拉麵 (Sexy Crab) 係招牌送上枱時已經有一大盤蟹配料配有蟹肉、蟹膏(公+乸)、蟹油、醬醋同雞湯全部加晒入去拌麵一邊拌勻嘅時候已經充斥住蟹膏香拉麵全部掛到蟹粉，夠彈牙又入味我無加到好多醋，覺得唔係好腥同埋本身都夠濃味，落少啲先食到蟹鮮味呢個算係值得呢個價錢本來想食蟹粉黃魚濃湯掛麵，不過佢話無做😅所以轉咗特濃蟹粉石鍋拌飯蟹粉好足料，倒入石鍋時夠晒熱可以完全撈得勻啲飯，又香又惹味食到底下仲可以食到飯焦添不過夏天食應該好鬼熱，因為佢冷氣都唔大🥶但我都係覺得伴麵抵食啲～

每次經過門口都覺得好神秘。。佢有一大塊簾遮住門口。。入面就黑黑或紫紫底。。好有神秘嘅感覺。。佢出面成日都聞到蟹嘅香味🦀我黎到緊係食最貴個個啦。。難得入黎一次。。我ᗷOOK枱之前仲要ᗷOOK定先有得食。。佢成條花膠一切開就流左好多蟹粉蟹肉出黎。。個ᔕTᗩᖴᖴ同我講佢地用左👇🏼“50%公嘅糕，30%乸嘅糕同20%蟹肉”黎做嘅😏講完好似真係好正咁😋講到食啦。。我2個人食。係食到好飽架‼️我仲覺得要叫少樣小食添。。真心可以試下😋😋記得ᗷOOK位😋😋..🥗ᗪᖇᑌᑎK Oᑎ TᕼE ᖇOᑕKᔕ蟹粉醉三兩🥚IT'ᔕ GETTIᑎG ᔕTEᗩᗰY Iᑎ ᕼEᖇE蟹粉煙燻鴛鴦糖心蛋🍜ᑭIᒪᒪOᗯ TᗩᒪK原隻花膠釀蟹粉拌拉麵..📍 上三兩尖沙咀梳士巴利道18號 K11 Musea 4樓 401A號鋪..=•=•=•=•=•=•=•=•=•=•=•=•=•=•=•=•=•=•=•=•=•=•#cafe#cafehopping#cafehoppinghk#coffeeshop#coffeeshopcorner#coffeeshopvibes#discoverhongkong#foodiesofinstagra

專食蟹嘅餐廳其實都唔少，但係將蟹依樣食材發揮得淋漓盡致嘅食店真係唔多，依間餐廳人地話經常fully booked，但我好好彩隊都唔駛排就入到去開餐😎。特濃蟹粉石鍋拌飯（$368）依個飯我覺得真係好好食，一上依個飯嘅時候我覺得好似平平無奇咁，但真係好香🤤🤤。一撈好哂啲蟹肉蟹粉然後第一下放入口，嗰下我真係覺得好正呀😱！！其實我唔係啲咁好食蟹嘅人嚟，但依個一放落口啲蟹味真係爆哂出嚟😱！！啲蟹粉蟹肉真係好香！！每啖放落口都有滿滿嘅蟹肉蟹粉，蟹味爆發！！😱環境嚟講我就覺得做得唔係咁好，唔知點解枱面好油膩，然後成間餐廳都有陣酸醙味🙈。員工服務態度就正正常常啦。

前排朋友生日話想食呢間，原來呢間野係專食蟹粉同長期full booking 要提前成個月book好彩同餐廳傾咗好耐sip到個限時一小時嘅堂食時間緊係拿拿book咗佢滿足下好友嘅願望~~佢地6pm開門6pm準時入座，店內環境唔算太大，燈光偏昏暗，坐位都算舒服嘅蟹粉煙燻鴛鴦溏心蛋 $78用玻璃罩罩住上枱～打開後煙霧絲絲瀰漫，溏心蛋嘅質感整得唔錯，不過唔算話重煙燻味，配埋面頭嘅蟹粉同魚子醬賣相好加分～不過$78一隻蛋嚟講就見仁見智啦蟹粉黃魚餛飩 $158餛飩有三隻色，分別用蛋黃、墨魚汁同菠菜汁做皮，不過味道上分別不大，個餡都可以，有蟹粉同黃魚肉，連埋個魚湯一齊飲味道都幾濃郁特濃蟹粉蟹肉拌拉麵 $368呢麵拌拉麵聽講係用咗成12隻大閘蟹做！上枱時一大盤蟹配料，有雞湯配蟹肉﹑蟹肉﹑蟹公膏﹑蟹乸膏﹑蟹油同蟹醋等然後全部加晒入拉麵到撈呀撈成碗麵充滿住蟹膏香拉麵夠彈牙同吸味，掛到蟹粉 😋特濃蟹粉石鍋拌飯 $368拌飯用嘅蟹粉同樣足料，倒入石鍋時夠晒熱辣辣炸炸聲🤤可以完全撈得勻晒d飯~~每粒飯都被濃濃嘅蟹粉包裹住，又香又惹味！就係飯量稍嫌少得滯，雖然好滿足但始於價錢擺係到，都需要填飽個肚架嘛

似乎嘩眾取寵，名氣過大位於k11 musea既上三兩Sexy Crab,門面裝修非常高貴，用絲絨布去圍住成間餐廳，入邊枱櫈亦非常之靚一去到其實都唔使點諗，所有人都係叫一樣嘅嘢，就係招牌嘅特濃蟹粉蟹肉拌麵，另外侍應仲推介煙燻糖心蛋同埋黃魚濃湯，不過因為怕食唔晒，我就冇叫到湯煙燻糖心蛋嚟到嘅時候有少少嘩眾取寵，佢用個玻璃罩，入邊有啲果木嘅香味煙燻住兩隻蛋，侍應會比時間你影相，一打開個玻璃蓋就有煙霧出嚟，拍片效果一流，但$78淨係食少少糖心蛋，我就覺得太誇張，亦都唔算好特別至於招牌特濃蟹粉蟹肉拌麵，就非常大堆頭，蟹王，蟹肉，蟹粉，蟹油，非常豐富，初初食左幾啖，真係覺得超級享受超正，但食多幾啖就覺得好膩，所以建議兩個人share,每日試少少，再食下其他野，咁就perfect 總括嚟講我覺得係好食，但試過就算

今年Sexy Crab出左年糕禮盒，當然要買黎試下👋🏻🤣💭 黃金蟹粉糯米糕：第一次食糯米糕，成個都係糯米幾香幾特別，煎香兩邊有飯焦口感；睇樣好多蟹粉🦀，但唔係好食得出蟹味；之後試沾自家製XO醬，反而提升左成件事🤪✨💭黑松露臘肉蘿蔔糕：黑松露味齒頰留香，裡面有蝦米臘肉，十分香口，味道有驚喜嘅🤤，不過主體比較脆弱，好易一夾就散~~~~~~~~~~~~~~~~~~~~~~Sexy Crab 新年禮盒 $588/set 黃金蟹粉糯米糕黑松露臘肉蘿蔔糕桂花烏龍茶~~~~~~~~~~~~~~~~~~~~~~

Menu選擇唔多，店面空間都唔大，感覺好似一間專食蟹dish嘅日式拉麵店。海鮮拼盤好食嘅，但唔夠驚喜，唔睇價錢當個頭盤都幾fresh，budget有限可以skip。特濃蟹粉拌麵真係好正，撈之前先逐碟試番晒每個小碟，發現不論蟹公膏、蟹乸膏、蟹油都各有特點，唔係同一種味道。撈埋一齊其實蟹粉掛到麵，唔明其他食評點解咁講。最後推介蟹粉黃魚湯，魚味好濃，飲到尾好大啖蟹乸蛋黃膏，飲完會想encore。貧窮限制想像，呢個價位係尖咀絕對可以食垃圾，呢餐質素我個人覺得對得住價錢。

話說同友人去睇完exhibition 仲有個半鐘先可以去拎返架車，我哋唔知做乜好，咁就喺K11 Musea 求其揀間食店醫下個肚。諗住又係大閘蟹季節，於是就決定去左呢間sexy crab。我哋又冇book 位又係lunch hour，已經諗定如果冇位就去第二間，點知去到又有一張吉枱。就係咁開始中伏。我哋頭盆叫左個薰蛋。個薰蛋賣相一流，個侍應拎出嚟打開個蓋，濃烈煙薰味飄出來，叫來打咭的確唔錯。至於味道同平時食糖心蛋差唔多，唔明一隻點解要$78咁貴。就係1/3茶匙蟹粉同1/4 茶匙黑魚子🤷🏻‍♀️另外我哋叫左一份佢哋招牌菜sexy crab 特濃蟹粉拌麵share 嚟食。真心真係唔係想像中咁正，份量細，蟹粉又唔係好濃，用粗麵根本掛唔起啲蟹粉，食嘅時候分開曬，麵還麵，蟹粉還蟹粉。整體唔值咁嘅價錢，不如買樽蟹粉返屋企自己撈麵好過，性價比低。

今晚去sexy crab睇吓佢有幾sexy. 趁身體健康仲未有乜高乜高，走左去食豐富既蟹黃撈麵。1) 一開始叫咗個蟹粉魚湯，hmm，普通魚湯咁囉，你要自己加啲想像先知道係蟹粉，魚湯。2) 跟住小食叫左一個醉三両，呢個就似番啲樣，每樣海鮮既配搭都好好，海鮮本身都新鮮既，所以整體好食。3) 主角終於隆重登場，蟹黃分左公同乸，又有大閘蟹，蟹肉，特製嘅湯汁，醋，麵條係自家製。剩係個派頭都嚇親，香味都好勁。撈麵之前我每樣配料都試咗少少，好好食。跟住就撈晒落個麵度，其實都無咩可能會唔好食，色香味俱全。****************評分 : 7/10簡評 : 為咗蟹粉撈麵可以再黎

行街時發現k11呢間專食蟹粉拉麵既，即刻引左我入去試下。入面燈光都幾暗，行型格酒吧既路線，傾計飲兩杯幾岩feel。本來一心想試蟹粉麵，點知見隔離枱叫左個好吸睛既小食盤，影相打卡行先既心態就跟左叫黎試下。上野食之前有套中式宮廷風既花雕酒盤，靚到心入面都「哇」左一下😍每個杯仔入面分別係陳皮、話梅、薑汁同桂圓四個味。店員會係酒塔既最頂部倒入花雕酒，酒會再從八個細洞流入八個小杯入面。成個過程好有儀式感，不過飲落始終都係同話梅個隻配搭最夾。跟住就係另一個重頭戲小食拼盤，d小食真係幾「小」下，每款都一口size，好精緻。分別係四種食材：和牛、帆立貝、慢煮雞卷同埋大根，配上蟹粉點綴。幾種食材本身都做得好食，反而係d蟹粉變得可有可無，冇話特別好夾或者提升左味道。五百幾蚊既set就係咁完左，意猶未盡於是再叫多左碗魚湯，雖然細細碗，不過都幾濃魚味。總括而言，打卡真心一流，食物質素ok既，不過性價比真係太低，試一次就夠🙈