上三兩 (已結業)

話說同友人去睇完exhibition 仲有個半鐘先可以去拎返架車，我哋唔知做乜好，咁就喺K11 Musea 求其揀間食店醫下個肚。諗住又係大閘蟹季節，於是就決定去左呢間sexy crab。我哋又冇book 位又係lunch hour，已經諗定如果冇位就去第二間，點知去到又有一張吉枱。就係咁開始中伏。我哋頭盆叫左個薰蛋。個薰蛋賣相一流，個侍應拎出嚟打開個蓋，濃烈煙薰味飄出來，叫來打咭的確唔錯。至於味道同平時食糖心蛋差唔多，唔明一隻點解要$78咁貴。就係1/3茶匙蟹粉同1/4 茶匙黑魚子🤷🏻‍♀️另外我哋叫左一份佢哋招牌菜sexy crab 特濃蟹粉拌麵share 嚟食。真心真係唔係想像中咁正，份量細，蟹粉又唔係好濃，用粗麵根本掛唔起啲蟹粉，食嘅時候分開曬，麵還麵，蟹粉還蟹粉。整體唔值咁嘅價錢，不如買樽蟹粉返屋企自己撈麵好過，性價比低。