14
1
3
港鐵尖沙咀/尖東站 J 出口, 步行約1分鐘 繼續閱讀
電話號碼
66557629
營業時間
今日營業
全日休息
星期一至日
12:00 - 15:00
18:00 - 22:00
03月01號 - 03月05號
全日休息
付款方式
Visa Master AlipayHK 支付寶 現金 AE 銀聯 Apple Pay Google Pay 微信支付
座位數目
20
其他資料
Wi-Fi
自帶酒水 詳細介紹
切餅費 詳細介紹
加一服務費
食評 (20)
小編已經係第二次黎呢度食,上次食唔到佢地signature item pillow talk即係花膠入面包住濃濃既蟹粉,因為限定賣5份!今次小編又係walkin不過記住上次晚餐既教訓,早到去walkin希望排到第一個就唔洗等食第二輪。本來打算book既可惜已經full house但佢地話會留位比walkin架大約11:30去到、好彩我地係第一個,可能係收緊社交措施啦所以今次冇上次咁多人排但去到餐廳臨開門5分鐘就多左5、6個排啦。好彩我地早d去。小編一坐低梗係即刻一坐低梗係即刻問佢有冇pillow talk啦,好彩有最後一份另外我哋都叫咗上次叫嘅蟹粉麵即係佢有50 50嘅蟹粉上次食過拉麵好好食個面仔好煙銀、好濃郁。同埋都有叫返上次叫嘅煙燻蛋因為朋友仔鍾意食咁我哋揼咗都係大概一兩分鐘隻蛋就上樓咁個職員都好問我哋使唔使拍片咁當然小編都一定要拍片啦咁然後跟住等咗都大概10分鐘PILLOWTALK至黎。嘩一嚟到真係好呃麗好靚係好大條花膠小編真係好開心因為小編好鍾意食花膠咁職員就開始用刀切咁我就拍片然後跟住佢先開咗個花膠非常之多嘅蟹粉係湧出嚟㗎、係非常之澎湃啊、然後佢又加咗啲魚子上面咁點綴用啦,真係好靚唔捨得食,小編當然不停影相啦但係真係好香聞到係好香嘅蟹粉,食落去係好新鮮好濃郁唔知係咪因為有花膠喺度所以味道係比普通蟹粉面濃啲嘅,咁朋友仔就鍾意就咁蟹粉麵但我就比較鍾意食個花膠蟹粉因為我就鍾意花膠吖嘛不過呢個花膠蟹粉就盛惠$888下次我都係會揀返普通蟹粉麵即係$368嗰個、覺得抵食啲咁但係如果有啲節日或者慶祝嘅就會食好啲,咪食花膠囉不過我真心推薦大家如果係喜歡蟹粉嘅就必定要去呢到試,我覺得係新鮮同埋我覺得價錢合理當然我見到有啲朋友仔話覺得佢只係賣上海麵估唔到咁貴但係其實佢嘅麵底真係好有水準、另外啲蟹粉其實一般你食一個大閘蟹都唔係平啦仲拆晒啲蟹粉蟹肉俾你wor,我覺得其實係抵嘅$368一set麵下次都會係一人一份嘅$368蟹粉set。呢個堅推 繼續閱讀
(以上食評乃用戶個人意見 , 並不代表OpenRice之觀點。)
❀ 上三兩 #尖沙咀 ❀❗️抽中限量十份Tea Set 不知是福還是禍❗️——————————————————一直都好鍾意食蟹🦀前嗰排留意到k11 musea 呢間專食蟹嘅餐廳,見到佢哋嘅蟹粉拌麵好似非常濃郁,特登follow咗佢哋IG🤣咁啱見到到前排出咗個限量十份Tea set 抽獎,個賣相靚到爆燈,亦咁啱抽中咗,雖然都係要自費,但決定順便一試。可惜有啲失望,貴得來唔算好特別。。。.✷𝑀𝑒𝓃𝓊✷☞ Limited set $568(3/5)滿懷興奮地去試呢個限量Tea set,包括Sex Swing + Flirty Go-Round。事前問咗佢哋係二人份,但去到發現原來只係每款味道有兩種,但成個份量絕對唔夠兩個人食😟。.♥ Sex Swing ✦ 燒和牛配蟹粉✦ 風呂吹大根配蟹粉和魚子醬✦ 慢煮赤雞胸海膽卷配蟹粉✦ 花雕鮮帆立貝配蟹粉四款味道一共有八粒,每個都係一口size,完全唔會夠飽🥲。優點係用上好多名貴食材,而且標榜加上黃金蟹黃蟹肉比例,自己覺得四款味道都還好嘅,但有少少用名貴食材堆砌出嚟嘅感覺,唔算真係好特別,而且蟹嘅味道反而有啲被其他名貴食材蓋過,正正常常。.♥ Flirty Go-Round ✦ 薑汁花雕✦ 話梅花雕✦ 陳皮花雕✦ 桂圓花雕另外原來係四款唔同味道嘅花雕酒,無可否認個設計的確好靚,可以喺上面到啲花雕酒落去其餘八隻小杯當中,成個過程充滿玩味😂。小杯當中擺上唔同嘅配料,令到花雕酒有唔同嘅香氣,更加容易入口(除咗陳皮我真係接受唔到)。不過自己本身其實唔係特別愛好飲酒,同埋四杯小酒都唔會令你飽肚,感覺唔係太抵食🙈。最後都係嗌多咗招牌蟹粉拌麵填肚。.☞ 特濃蟹粉蟹膏拌拉麵 $368 (4/5)富有gimmick,提供多種唔同嘅配料,務求令到蟹嘅味道更加豐富濃郁。順序將蟹肉雞湯加入醬油,然後加上蟹腿肉、58:42嘅蟹公蟹乸膏、最後加上醋,每一啖嘅蟹味都幾香濃,而且又唔同蟹膏蟹肉嘅口感,麵條本身亦富有彈性、俱掛湯力。成個拉麵比起tea set出色,不過值唔值呢個價就見仁見智,自己食過平好多嘅蟹粉拌麵都做到差唔多嘅效果🤓。另外仲加咗$38要碗Rich yellow cracker soup,係幾鮮甜而且富有魚味,還好。——————————————————✨整體味道: 3.5/5✨環境裝修: 3.8/5✨服務態度: 4/5✨性價比: 3/5✨再訪興趣: 2/5 .💞整體來講期望越大失望越大,個限量Tea set真係幾唔抵,味道不過不失,但份量真係超細🥺另外嘗試佢哋嘅招牌蟹粉拌麵,比tea set好味,蟹算濃郁,但亦未有想像中咁驚豔,性價比偏低。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-17
23 瀏覽
今年由於疫情相信很多家庭都不能出外食團年飯與及開年飯自己亦不外如是。。。長輩家五姨媽訂了一度盆菜,新興或是創新? 眼前的一刻只知耀眼~盆菜是直接送抵府上,價錢聽聞是HK$3000多元.由於盆菜是用厚身瓦煲盛載,所以要在廚房(明火大爐)翻滾大約半小時,才能捧出客廳上繼續以打邊爐的Gas爐繼續翻滾來吃~肉眼所見已看到有七隻用大閘蟹拆肉而成的蟹粉,其次有一隻大是用毛蟹拆肉而成~(面頭還高貴地附上金箔每一隻)憑我印象記得除了現在所見的老虎蝦/花膠/蟹/燒鴨/還有雞,山根/蘿蔔/燒肉/鵝掌/等等、怪我未能一一看真,由於當晚一面食一面傾>.<盆菜內還附送一個龍蝦汁醬~記憶中沒有帶子亦沒有鮑魚、但如果想新年豪一次又或者趁這個機會試一試相信亦未為不妨~個人不是一個特級喜歡食蟹粉的人所以對這個盆菜如果以10分為滿分我會比7·05分~因為新春期間通常都會有老人家在,所以如果慷慨一點加多幾隻鮑魚又或者帶子、相信得分更高。當日約十人用膳~(送貨形式) 繼續閱讀
(以上食評乃用戶個人意見 , 並不代表OpenRice之觀點。)
等級3 2021-02-08
197 瀏覽
🦀Sexy crab特濃蟹粉蟹肉拌拉麵 $368蟹粉蟹肉拌麵總共有五小碟加秘製醬汁五小碟包括雞湯配蟹肉/蟹肉/蟹公膏/蟹乸膏/蟹油順次序加入拉麵再撈蟹粉蟹肉蟹油蟹膏以黃金比例呈上溝匀就係最完美既蟹麵拉麵本身質地有咬口加完五小碟和醬汁之後拉麵變得好掛汁每條麵都充滿蟹膏香蟹迷必試啲麵好似好少但mix完五小碟之後發現入口好黏口食得多會好膩所以呢個份量夠晒.🦀50-50上三兩蟹粉黃魚濃湯掛麵 $188湯底鮮魚濃湯夠濃又不會腥麵係淋身既陽春麵有兩件炸黃魚三塊炸紫蘇葉蟹粉同濃湯mix完之後唔係好食到蟹粉味湯麵好似失色左少少蟹控應該唔夠滿足但如果二人同行都建議一湯一撈再share 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-01
267 瀏覽
難得出去行街街,經過K11就搵下附近有咩食,見到呢間食蟹粉專門店就即刻走去試 𓀠𓀠蟹粉黃魚濃湯 $68香濃嘅魚湯飲落都幾清甜,唔會油膩,但飲唔到蟹味 ⚑上三兩蟹黃魚濃湯掛麵 $188湯基本上一樣味,麵質都幾Q彈,而且份量都幾多,但其實整體味道一般般 (˶‾᷄ ⁻̫ ‾᷅˵) 炸咗嘅去骨黃魚片反而比碗麵更出色💁🏻‍♀️特濃蟹粉蟹肉拌拉麵 $368店員介紹係用咗足12隻大閘蟹嘅蟹粉,而公蟹粉同母蟹粉嘅比例為58比42,拌麵嘅蟹黃就蟹肉及蟹油各佔一半( ´ ▽ ` )ノ 麵同配料分開上,分別係「雞湯配蟹肉」、「蟹腳肉」、「蟹公膏」、「蟹母膏」同「蟹油」,食麵嗰陣先諗加邊樣先,啖啖都係蟹好幸福呀(*¯︶¯*) 蟹味好濃郁,一啲都唔腥,食嗰陣仲可以加少少醬油同蟹醋,調下味會更正😋 不過食到一半已經好滯好漏,建議兩個人share會啱啱好🧏🏻‍♀️ 不過價錢真係有啲貴,我諗我都係食一次當試過就算 🤘🏻ฺ最好係蟹當造嘅季節先好去,先可以食到最新鮮最好味嘅蟹粉👅👾味道:6.5/10🔙回頭率:5/10(10分最高) 繼續閱讀
(以上食評乃用戶個人意見 , 並不代表OpenRice之觀點。)