三興飯店 (已結業)

習慣左每個禮拜同班朋友打完波就走黎呢度柴嘩嘩吹下水食餐飯三興勝在係個角落, 坐得舒服dd, 唔似得坐中間咁有壓迫感已經食開佢地一段時間, 所以都同老闆同梅姐熟熟地, 多數黎之前都留定位同埋會留定隻炸子雞, 我地次次都一定食通常我地4-5個人都食得曬一隻雞, 連老闆都話我地勁一黎我地幾個都鐘意食, 而且佢d炸雞夠脆又有雞味, d肉又唔會"鞋",值得推介另一個常叫既係避風塘豬展骨,一人一條大啖肉,爽夠味又不太咸, 做第一道菜係最好最近一次轉轉口味試左椒鹽牛仔骨, 同樣也不錯哩其他例如椒鹽鮮魷, 魚香茄子煲, 蝦醬炒通菜, 西蘭花花枝片都幾好值得一提既係,呢度唔收加一,而且會收信用card的

間中都有上來鵝頸街市食晚飯，今次一試角落位置的三興。畢竟屬於街市大牌檔，環境比較嘈雜及擠迫。先看看 menu，此店用頗大篇幅介紹四川麻辣，見價格相宜，一試無妨。碰巧今天帶來幾個也是「無雞不歡」，雞的菜式自己多。由於仍要等多個朋友，我們先點了風沙雞翼和蜆蚧鯪魚球作為小吃。風沙雞翼：為雞中翼，炸得香口，面頭鋪滿炸蒜，送啤酒不錯。 蜆蚧鯪魚球：份量十足，十多粒鯪魚球，更是大大粒，質素中上。 朋友到達後，我們再點了辣子雞、辣酒煮花螺、椒鹽鮮魷、花雕醉雞煲（再加滑牛）、啫啫通菜煲等。辣子雞：麻而不辣，不錯，略嫌太鹹。 辣酒煑花螺：麻辣汁夠濃郁，一吸螺肉出來，連辣汁一起入口，麻痺了。 椒鹽鮮魷：這個反而炸得不夠金黃色，而且師傅手輕了，不夠辣亦不夠鹹。 花雕醉雞煲：湯底以邊爐上，酒味十足，配以紅棘杞子，一流。滑雞用花雕浸著分開上，吃幾多放幾多，不怕過火。食完醉雞，不想浪費湯底，再叫一碟滑牛肉，以火煱形式繼續吃。 啫啫通菜煲：椒絲腐乳通菜叫得悶了，這個用煲仔上，通菜加入了鹹魚肉碎，效果不俗。 用餐期間，旁邊客人竟在玩骰盅和啤牌！令本身已環境嘈上加嘈，喜歡靜靜吃一頓飯的朋友就要考慮清楚了。 連菜連飯連啤

灣仔好多呢d食店..之前食過明記..ok但太多人....坐到出馬路...今次frd推介 三興!! 在灣仔鵝頸果邊街市一樓 可以搭lip可以上樓梯..地方ok wor! 乾淨光猛..每檯有紙巾盒x1 冇油煙...但有d燥 食物有.黃金蝦 好多咸蛋黃 蝦算中size有肉! 炸得好脆卜卜 椒鹽鮮魷 呢個有kip汁比你點..ok 個粉唔會過厚,不邊有d鮮魷切得太大件咕lu肉 這個普通 nth special風沙雞 好味 雞皮炸到皮脆肉嫩 勁多香蒜粒鋪面 必食.籠仔蒸蟹飯 必必食 d飯本食應該炒過?? 加上吸哂蒸蟹過程的精華,,另外會附上一碗甜鼓油,,撈埋落d蟹飯...太美味!! 而且d蟹係淡淡肉的 唔係得個蓋另外 仲有沙律骨...呢個麻麻地,,d排骨炸到好乾...就咁落d沙律醬..可以放棄豉椒炒"顯" d顯係大隻顯 一碟約10隻...麻麻地每人埋單90蚊..有個生日唔洗比..好扺食!!老闆好好人 不停聊我地傾計...仲high到送汽水送白飯~為求我地影多d相叫多d人去食不過又真係冇乜人知呢間又冇乜人食咁~~

我到鵝頸街市晚飯，比較喜歡到根記（素食）及榮記。但他們都太多人了，而這裡的環境卻比較舒適！椒鹽鮮魷：很滿足！！！金銀蛋白菜仔：這個也真的不錯！蠔仔粥：蠔仔質素不好，比較腥及有火水味；有點兒後悔要了它。這裡的價錢比其他的都貴了十元八塊、味道就…被蠔仔粥嚇怕了！

又話自已最支出名就係辣野，咁我就叫個唔知係唔係事頭婆嘰女人介紹，佢介紹我食辣子雞，睇個樣以為好辣，成鍱都係辣椒，雞就得果幾舊，好食都無所謂，直情垃圾一樣，雞又唔熟，又剩係得過咸字，果鍱生菜直情係用油浸一樣，所以第三鍱菜都未到我已叫埋單，果個女人明明自已唔岩，衰左就認，仲要死撐，所以我已同朋友講絕對唔會有下次去嘰機會。

日期：2008年4月30日原來諗住食齋，點不知坐左大約10分鐘都無人理，所以就轉馱喇．煎蠔餅－好粉，又厚，又麻麻地．胡椒咸豬肚湯－豬肚洗得唔太乾淨，有ｄ味咁；個湯其實整得幾好飲既．川椒雞柳－辣得黎好入味，ｄ雞柳好滑滑．

是晚到左銅鑼灣，正自想緊去邊開飯的時候經過祥正，俾我發現街市有電梯可上，電梯旁放滿廣告牌好似有好野食咁，膽粗粗就上左去熟食中心﹗估唔到熟食中心勁多人，一出電梯已經勁多阿姐阿哥叫你埋去佢間野食飯，行左個圈決定試下呢間三興﹗無煙大排檔，好多我地呢0的看似地盤工人的朋友在開餐，捉個阿姐來問下有咩好食，佢介紹左辣子雞同埋鐵板牛柳比我地，無咩所謂下一於試下﹗辣子雞全碟佈滿紅椒紫椒，雞是炸雞，入口即滾即麻，辣得黎不會霸哂0的雞味，用黎送啤酒十分可愛﹗食到唔停得口﹗牛柳很滑，軟綿綿的好正，最鍾意佢有好多大蔥，岩哂我呢0的專食臭口野既人。要一提係呢兩個送入面都有好多脆腰果，好小可見食店的食物裡面加腰果，傾下計飲下酒有0的腰果咬下真係一絕﹗藍妹小姐好好傾，搞到我都叫多支啤酒﹗開始愛上食辣野，變哂喇﹗

好耐都無黎熟食中心食，今次打算黎嘈一嘈．J.A.M.同一個半年無見既朋友既飯局就係哩度開幕喇！我地叫咗三樣野，都okey飽．．．／蒜蓉蒸蝦飯HK$88／ｄ蝦開邊，炒飯底，用個大蒸盤盛著，好清香，加埋甜豉油，好好味呢．／怡香茄子煲／辣辣地，雖然比較油咗ｄ，不過用黎送飯係一流．／半隻風沙雞HK$70／勁多蒜香，雞都滑得黎有味，點以喼汁更帶出咗味道．

第一次來,一心想試一試.兩個人叫左3樣野蒜芯炒豬頸肉- 味道唔錯椒鹽豆腐- 太少炸蒜粒,唔夠椒鹽味,但只賣$18菠蘿咕嚕肉- 平平無奇食物唔夠鑊氣,放一陣已經凍哂.但價錢平.

晚餐時到鵝頸橋碰碰運氣, 到一間沒有嚐過的大排擋, 先點來一個招牌士多啤梨骨, 骨肉偏爽身但士多啤梨醬好像用多了半點, 味道過甜而且有點不太自然; 再來了一個咖哩蟹粉絲煲, 點菜時說明了要減小一點咖哩味道, 出來果然味道輕清, 可惜蟹肉味同樣不太突出, 粉絲偏腍表現不過不失. 最後加多了一個啫啫黃鱔煲, 黃鱔肉質偏韌鱔味不太突出. 大排擋還有骰盅供應, 但隣桌玩得十分投入, 聲浪真的有點過大.