三禾中日料理 (已結業)

很久沒有吃三禾中日料理了,雖然很久沒吃,但水準依然有保證!湯底款式特別,配料選擇夠多!新鮮美味刺身及海鮮十分新鲜美味!安格斯牛小排更是今餐的靈魂所在!值得一讚的是三禾的飲品種類選擇豐富,不是只有汔水的!還有多種果汁!對於一些不吃汔水的人也十分體貼!最後到了重點推介的兩款甜品!分别有木糠布甸及心太軟!木糠布甸外表精緻,以小盆栽賣相吸引力十分高!還有即叫即制的熱辣辣流心朱古心蛋糕配以雲呢嗱雪糕,簡值是絕配!百吃不厭

三十幾度的高溫，仍然無法阻止我們去吃三禾火鍋海鮮放題，因為香港人真的很愛吃火鍋，今天來到三禾吃了一個特式火鍋湯底！很特別，很有特色！值得推薦！在吃火鍋之前， 當然要吃一些特色頭盤，推介麻辣豬耳及鷄腎！以及新鮮的刺身今次選擇了一個十分特別的湯底，「酸奶豬骨鍋」這不是普通的豬骨鍋！鮮甜美味， 十分適合夏日炎炎的打邊爐！大力推介新鮮的肉類當然是火鍋不能缺少的！三禾的安格斯牛小排真的是10分美味，百吃不厭！飲飽食醉之後，當然係要用美味的甜品來作總結！三和的心太軟甜品！真的是10分美味！非吃不可

對於任食火鍋黎講,我個人一向都冇乜期望, 不過見到有咁多人讚好自不言帶住些許期望去食,好在最後我都冇失望而回其中最要表揚嘅唔係佢地個火鍋而係佢地啲伙記去到個場都爆爆地,不過啲伙記都冇黑口黑面仲一直保持笑容咁服務我地真係要比返個讚賞佢地一坐埋位就比左個混醬盤比我地先~另外佢地啲材料真係好新鮮我見隔離枱啲燒海鮮樣子非常吸引 不過我就唔好意思去影人相啦....可惜我自己食唔到咁多..唔係都會ORDER埋一齊食同埋佢地仲有埋刺身任食,怪唔得知佢地係叫自己做中日料理而唔係乜乜火鍋啦用料都新鮮架,咁選擇方面一定唔夠正宗日本放題食店多但係都對板,其中赤貝同赤蝦係有超水準表現火鍋選擇都多,唔知係咪要配合香港人口味,由原先淨係得和牛放題改到又有雞煲又有蜆煲, 不過天氣咁熱..我就揀冬瓜豬骨煲降吓火勒啲牛牛都幾好食,又有油花又有牛味鵝腸同豬紅其實唔係間間火鍋有得食佢地又有D墨魚滑同豬肉滑都係配左黑松路,香氣十足菜類都好新鮮爽脆另外甜品方面唔係得D牛記雪糕而係即吃即整嘅心太軟二百幾三百食到呢啲嘢,絕對值回票價差D唔記得 佢地啲飲品好多選揀~ 不過我飲得最多係呢種~

難得嘅星期日，今日同老公一齊去咗尖沙咀度行街，行咗大半日已經好攰就要搵地方食嘢，又比我諗翻起呢一間(最愛火鍋放題）可能天氣熱嘅關係，胃口唔係咁好，所以今日選擇咗美國安格斯牛小排放題蕃茄牛腩湯底，牛腩炆得好淋，湯底好香😋湯底選擇比上次多，下次可以再嚟試刺身保持水準，一樣新鮮，不過今次比上次值得薄⋯⋯⋯海鮮繼續好食，啲蜆依然大大隻。牛肉都好靚，雪味吾多，不過相對起上次食B餐嚟架，咁梗係上次好食啲啦，不過總括而言，水準係繼續保持

本來天氣咁熱，可以選擇嘅晚餐有好多，但係堪稱火鍋怪嘅我，春夏秋冬我都會選擇火鍋，今次來到尖沙咀的三禾。選擇左呢個美國安格斯牛小排。食品種類繁多，因為今次兩個人來，所以一時之間都好難選擇········呢個就係今晚嘅主角之一，美國牛小排，食落有咬口，因為我本身唔鍾意入口即溶，所以呢個就係我鍾意嘅口味😋刺身，放題來講呢個絕對合格，絕對新鮮，可惜稍為切得太薄。貝殼類都係我喜愛嘅食品，非常鮮甜美味。溫馨提示：尖沙咀站D1出口比較近，一出轉左，K11對面

早幾日收到消息家姐佢升職加薪~ 咁做細佬梗係同佢去食好嘢啦﹗﹗ 重點係家姐請阿嘛  XDD記得以前黎過三禾中日料理記得好好食所以今次就同家姐再來一次啦 去到發現佢個menu改咗，唔淨得以前嘅和牛套餐仲有其他嘅蒸氣火鍋同埋呢個爐端燒 。不過我同家姐唔諗住食咁多嘢咁就就咁叫咗個火鍋啫 火鍋湯底我哋就叫咗個~冬瓜薏米豬骨煲都幾好味唔錯唔錯嚟到呢度食肉火鍋最好嘅就係佢除咗火鍋料之外仲有刺身都係任你叫 咁我就當然係咁依樣樣都叫啲啦 最喜歡嘅係佢嗰隻赤蝦又大隻又甜又爽 !!!咁另外仲有啲配料好似豬肉呀雞件呀豬紅呀嗰啲都好好食 咁我家姐平時都食素(草!?)多 佢都讚話嗰啲菜好新鮮 咁同埋佢飲品選擇好多喇咁大部分而家多咗啲韓式嘅飲品呀咁我都飲咗幾款 埋單時間~~好多謝我家姐又請我食飯啦 我會期待食下一次嘅家姐加薪飯啦 ~~~

之前老公同朋友食過， 一致覺得好食又抵食（星期一至日都係每位$198 任食120分鐘）， 今日自己有時間就去試下， 一入門口已見到3個大雪櫃， 放滿差不多超過三十多種唔同口味既飲品選擇， 老公先叫咗個「卜卜蜆鍋」， d蜆好大隻、 又鮮甜；我哋好快食曬d蜆之後， 主菜出場，我們選擇咗餐C (美國安格斯小排 + 刺身火鍋放題）， 果然極上安格斯牛小排牛肉味十足、而美國雪花肥牛又夠肉汁， 刺身送到即「食指大動」立即試鮑魚片、北寄貝片、凡立貝同名符其實既極大赤蝦， 超大隻、 絕對係啖啖肉、 加上多蝦膏， 忍唔住要再點多5 隻； 由於食物款式種類真係非常多， 有成12張紙， 可惜今次只有我同老公兩人， 唯有每様食少少；今次除左點平時打邊爐既鮮蝦、雞肉、雲吞、魚皮餃、粟米、鵝腸、豬紅...等材料外； 最重要必點呢度每天限量供應既爽口「白鱔片」、彈牙「手打鵝肝牛肉丸」、 再黎「手打墨魚滑」、「手打蝦滑」， 仲有好特別既「皮蛋薑汁貢丸」、「醬爆懶尿牛丸」、同超勁多芝士既「爆醬芝士牛丸」， 仲有人氣爆燈既「流心芋蓉水晶包」； 如果鐘意食粉麵類， 呢度有埋伊麵以供選擇， 配埋索滿香濃湯汁既卜卜脆響聆，成

上次來這吃過，一直都好想再吃，今次和太太來。這裡任飲有清涼爽，這一點也是我鍾意呢度嘅原因之一。今次叫了一個卜卜蜆鍋，實在太太太太鮮甜了，味道真的很好。我第一樣放進鍋裡的是雪花肥牛，蜆湯的鮮甜加上肥牛的味道，我吃了一口已經愛上了。之後還試了安格斯牛肉，牛肉味燶加上鮮甜的卜卜蜆湯，是另一種美味。另外我還叫了手打鵝肝牛丸，醬爆芝士牛丸，皮蛋薑汁牛丸，真係好新鮮美味。尤其是醬爆芝士牛丸，那些芝士很多，味道好正。最後甜品當然要吃朱古力心太軟，暖暖的朱古力加上雲呢哪雪糕，這真是飯後的一大享受。我還會再來的，用料太好，這價錢實在超值。

即日book都仲有位8點上到去。全場1/3人都冇。職員3個。比我地睇只有價錢。一咪話c餐。之後又唔知加咩。隔黎枱都話唔駛錢就加。叫佢比我地睇點野果本野。佢話要揀左咩餐先。我明明食放題。變左打邊爐。仲要。度度火鍋都有得食既。我地點完餐。睇本野。我朋友即話我地係咪去錯地方。雞煲黎左。好快痴住。加錢個調味盤又追問用完未。我地湯底都未到。一到就知唔駛再落。見到隔黎揀 c多左磯燒。鮑魚。大顯同埋龍蝦。我見人地打晒邊爐先食d海鮮。三木好似三好多。但已聽到好多負評呢個真係好味！

第ㄧ次去覺得怪怪。餐廳入面得幾枱客人。之後有服務員。介紹餐牌。放题有3個價好似吾多老實。食物質素吾得。吾新鮮吃完肚子痛。服務員態度惡劣。。。。。。。。。。。。。。。。。。。。。。。。。。。。。。

口味呢啲嘢真係好難講！ 因為好多餐廳都未必做到你心目中想要嘅口味。但係三禾就唔同因為每一次我都好鍾意佢哋嘅食物。雖然打邊爐啲食材最緊要係新鮮，但係其實湯底都好緊要。唔係所有餐廳都可以做到你心目中最想食嘅湯底。今晚俾我發現到個menu 加多幾款湯底啦！今次我試的是卜卜蜆用爆香左嘅蒜頭擺喺上邊真係好野咪架！雖然佢嘅刺身唔係超級頂好,但係我都食到鮮味架，仲encore 🦐兩次其實每一次我都會好鍾意用佢嘅爐！因為除咗燒海鮮之外仲可以燒其他嘢食！當然係靜靜雞啦..但係佢哋都會話千祈唔好將啲生肉放上去（要注意哦！）燒午餐肉同芝士腸真係好正，不過最衰我冇影相啦👀最後一定要試佢嘅心太軟因為佢嘅心太軟係一口嘅！所以你又唔會漏同埋仲可以叫多幾個添

今日再次encore的火鍋店, 因為見到佢二人同行一人半價, 即刻打電話訂位先啦!佢地真心好多新嘢推出, 加$1有得玩磯燒, 仲有卜卜蜆鍋可以試, 抵玩。真係一次滿足哂三個願望。我地今次選左美國SRF和牛餐, 因為加$1有磯燒同龍蝦, 真心抵。火鍋選擇都比以前多好多, 之前得4款, 而家已經去到10款多了。好彩今次訂左位, 8點未夠已經坐到7成滿味架擺放都好有心思今次就係為左呢個卜卜蜆鍋而來, 蜆肉十分飽滿, 需然唔夠喉, 大概十幾隻, 不過隻隻都吋半咁大隻, 有誠意啦! <記得訂位時留定, 因為8點前已經無哂卜卜蜆鍋了>加$1, 就係送呢幾款海鮮, 咩都抵番磯燒爐可以較大細火力, 我主力以細火慢煮, 跟住打邊爐食住等, 慢慢炭。鮑魚大隻彈牙; 龍蝦鮮味肉嫩; 黃貝大蜆, 真的很巨型。等磯燒海鮮時, 又去番主力火鍋, 牛肉當然係主力啦! 雪花不錯呀!另外都要一提, 佢地火鍋料都是不錯的, 墨魚滑起膠, 食落彈牙;丸類亦係出面少有, 酸薑皮蛋丸/鵝肝豬肉丸/魚皮餃/鮮蝦雲吞, 分量十足, 酸薑皮蛋丸係必食之選, 你睇下個芯, 真係足料, 爆哂出嚟最後梗係甜品啦, 我選左Q

呢間三禾一年前黎過一次，今次再來，冇諗到竟然又有驚喜！因為有我非常鍾意嘅燒海鮮呀！而且仲好抵呀！除左之前有嘅火鍋湯底外，而家仲有新卜卜蜆鍋呀! D蜆一D都唔細，隻隻肥美漲卜卜架😍磯燒海鮮拼盤－ Crazy！竟然有龍蝦！😱😱😱 配合磯燒方法，龍蝦非常鮮甜又香口，肉質彈牙😍😍😍磯燒鮑魚 & 大蜆都好正呀！真係好新鮮！燒緊海鮮的時候，我地又可以食下刺身及打邊爐，後來發覺連打邊爐配料都叫左海鮮🤣🙈真正都好開心好滿足呀☺️仲有上次令我好難忘的心太軟，水準比之前仲好，今次食左兩客添😂

落雨天，心情麻麻地，決定約女友出來食餐好，女友話事，話之前朋友介紹依間火鍋唔錯，咪黎襯下熱鬧。依度吸引之處，除了可以火鍋外，還有爐端燒，一個價錢有多種選擇，都幾有綽頭。最近咁興蜆鍋，我地梗係唔執輸，叫了卜卜蜆鍋，落了蒜蓉、花雕酒，鮮味濃郁，而且蜆鮮甜。爐端燒送了一些海鮮，鮑魚、龍蝦最好食，而且女友對冇海鮮不歡。火鍋好多食物選擇，連牛肉都有兩款，對於食肉獸的我來說，超值。刺身新鮮，帆立貝好大隻，十分鮮甜。已經食到好飽，但見到甜品竟然有心太軟，不得不試，試完，齒頰留香。

友人生日飯，本來一班朋友高高興興的食，但就掃興地走。因有12個人既關係，所以就一早已訂枱，餐廳亦安排房比我地，心想好啦有房就可以方便傾計嘈啲都冇關係啦。食物開始上時都冇問題，去到大約未夠一個鐘時就開始冇冷氣，之後叫職員入來睇睇再調教返，就有風出 '但唔係冷氣囉'😡😡，之後大約10分鐘又停了，我地又叫職員入來.......呢個動作我地輪迴左好幾次，到最後佢地都推左部大風機入來，但其實都唔涼，叫做返啲野咁啦。成餐飯我應該離開過間房超過10次，攞下汽水、陪食下煙仔、出大廳涼下冷氣.......，平心而論我覺得食物味道唔係差，但係一個室內冇冷氣既情況下打邊爐我真係享受唔到食野既樂趣。熱到根本唔想再影相。海膽送既，唔食都唔需要覺得可惜