三田製麵所 (金朝陽中心二期 - Midtown)

營業中

休息中

今晚同幾個fd食沾麵佢地有部份選辣豬骨沾麵我就選普通既豬骨沾麵侍應問熱麵定凍麵果陣我選了凍麵因為之前係日本食果陣都係食凍麵size就選大食第一口沾麵時麵既質感又令我諗起係日本食果時不過厚度一定比唔上日本幸好份量搭夠而且醬汁都夠點麵所以食完已經好飽連埋加一服務費$86係香港食到呢種質素算好好架啦想食好d就日本吧

登龍街有不少拉麵店，今次就黎試下呢間「三田製麵所」啦！星期六下晝1點3左右去到，都有大概10個人係出面排隊。等左25分鐘終於有得入去，因為我地係3個人，佢無乜4人枱，職員會將bar枱都俾哂2人先，但係我地趕住睇戲，所以揀分開坐。佢有湯麵同沾麵。我地都揀左湯麵，落單個時職員都提左麵質會硬d ，問要唔要煮淋少少。我屋企人揀左淋d , 我自己揀正常就ok 。等左10分鐘左右，麵到啦。$88 ： 1片薄叉燒，1片鳴門卷 塊叉燒又乾又無味道 個湯底就不錯 不過我個麵比起我屋企人叫淋d 個碗更淋，我唔知係佢調轉左定煮個時既問題。

12點做完野，系銅鑼灣附近搵野食，系登龍街搵到間開到2:30既食店!!!😁😁😁 兩個人叫左碗大既三田特製拉麵，蟹肉忌廉薯餅同自家製炸雞，特濃湯底拉麵入味👍👍👍當然要追加我最愛既玉子啦😋😋😋 系落當前會提醒你d麵質偏硬，問你洗吾洗煮"淋"d,,, 炸雞俾我想像中好食，吾會有太多粉。環境都有日本風味，但如果要去洗手間就要搭lift, 不太方便。

This is not proper tsukemen by any means. 'Soup' was like jelly, noodles way too thick and undercooked. Salty, no flavour, total waste of money. Go to kanada ya right opposite for a much better experience.

經過登龍街 發覺嘩 點解會有咁多拉麵鋪！ 成條街都係喎 咁我就同朋友講是但入一間去做我地今晚既晚餐 朋友就推介 不如去試下沾麵 沾麵咩黎架？ (我比較out) 之後就同佢入左三田製麵所 門口已經有人排緊隊 大概 6-7 個左右 等左 10 分鐘左右我地就入得去 我最喜歡經濟實惠 就嗌左個特大既沾麵 足足大過我朋友碗中 size 差唔多一倍第一次食沾麵幾特別 個沾汁好夠味 而個麵都好抵食 食完可以叫佢加清湯飲埋個汁佢埋單有+10% 每人唔洗 $100

最近一直忙於撮寫澳門,台灣,峇里旅遊文章,有一段時間沒有寫回正宗的食評.忙碌過後終於有時間回到老本行,今次介紹的正是香港著名拉麵街--登龍街.登龍街拉麵戰爭已經持續了多年,最近1年接近了白熱化的階段,多間日本拉麵名店選擇著陸登龍街,現時戰場情形是有以濃味湯底為主廣島霸嗎拉麵 , 來自福崗縣以自家秘製醬料聞名金田家 , 日漸沒落的拉麵王者豚王 .當然 ,還有今天要介紹的三田製麵所日本著名沾麵連鎖店三田製麵所,自登陸香港後一直大獲好評, 麵條和湯底上乘是其賣點 . 不過三田的拉麵最近屢獲好評,今天便來測試一下水準如何 難得的星期日晚上不用大排長龍,是因為人龍去了示威嗎?等了約15分鐘便可以入座,算是時間最短的一次 三田製麵所大力推介的明太子沾麵,是由名店鱈卵屋提供,不過上次曾經到銅鑼灣鱈卵屋嘗過一次明太子,質素只是平平,未有如外間吹噓那樣非試不可,所以今次不作考慮 正宗拉麵店一定會有冰水供應,其最大作用便是讓久侯的客人坐下後先來一杯凍水降降溫,以及吃過熱辣辣拉麵後調整一下身體的溫度,喜歡拉麵的朋友一定也喜歡這種日本傳統貼心的服務 三田作為拉麵店來說,座位大小尚算寬敞舒服,沒有擠逼

早前經過這裡，看到這間日本拉麵店，一向喜歡食日本拉麵的我，當然要找日來試試啦！濃厚豚骨魚介沾麵（大）（$78）～ 很少食沾麵，但這是日本開過來的麵店，就試試吧；大中小份量的沾麵，價錢一樣，特大的只加多$10，非常便宜；因之前未食過，不知特大會否太大碗，所以還是不要貪心，叫碗大的好了；麵和醬汁分開上，醬汁非常濃郁；首先夾起部份麵放入醬汁內（大約浸七成麵條）之後才吃，到吃完後，可加入溫水把醬汁冲淡來喝；喝這種湯，不是對自己有一定自信的店舖，在香港相信沒有多少間會敢這樣說。煎餃子 ～ 底層煎到微微脆，肉質鬆軟，不過不失。（但忘記影相😅）麥芽啤酒（$38）～ 天氣悶熱，解喝恩物。

同男朋友去食，見佢平時都排曬隊，滿心期待去試，點知失望收場。首先講下餐廳衛生程度，一入到去已經聞到好大陣酸宿味，店員帶我們入坐，就用一塊臭9條街的布幫我們抹枱...張枱馬上臭到一個點，我們就聞着那味道一邊用餐... 然後店員給我們遞上油林林的餐牌，個餐牌濕架仲滴緊水！我哋一人叫咗一碗拉麵，拉麵入邊都有竹筍，我哋一食竹筍，大家都覺得有竹筷子的味道，口感好硬，最後我們都挑出來無食到。湯底又少又非常之咸，食到一半已經變成糊，我食曬啲配料就放棄碗麵不吃了！呢間野以後都唔會再去食！

炸蠔 熱辣辣油分不算多雞塊嫩滑個人認為不加檸檬汁比較好食沾麵點了最大的份量＄78 是二人份量如果一個人吃的點小的也很足夠了湯底味道濃郁是鰹魚粉的味道內有青蔥傑傑地 很適合掛麵糖心蛋太咸食到最後加了清湯保持温度（店舖限定每人最少叫一份拉麵或兩份小食）

同女朋友行街行左成日打算去食返餐好既，就上網搵到一間聽聞話沾麵好出名既鋪，去到已經好多人係到排緊隊，心諗應該好食先會多人排，幾經辛苦終於坐低有得食，當然就一定要點佢出名既沾麵，佢有大/中/細size都一樣價，確實係岩晒d大食同想細食d既朋友~依個吾係重點……滿心歡喜試下碗麵既味道，本身我自己食開咸既餸都ok既，但碗麵真心係覺得好咸，食兩啖都已經放吾落口，難為我女友本身食開清淡野，突然食甘咸既野…真係食一啖都已經食吾落，同埋佢d配菜，佢既叉燒 都係我食過最吾好食既，放落口凍…仲要係好硬身，成餐飯放得落口就只可以得佢隻流心蛋，最後我只係想講……吾係多人排隊就一定好食

其實我唔係覺得佢唔好食但係唔值咁多錢亦都唔會好食到要排隊囉麵條係彈牙但係我想要嘅嘢佢畀唔到我叫咗辣湯底又唔夠辣要加辣又要畀錢加咗辣亦唔見得好食最基本嘅湯底易唔夠濃郁明太子撈麵 係一個新嘗試但係佢加咗啲菜係唔好食問咗前枱佢話比我聽係紫薇我真係勁唔鍾意食呢樣野其實如果我 知道 入面有呢個菜嘅話我一定唔會叫明太子係非常吸引再加牛油撈埋一齊的確係ok但係我唔會再叫呢個亦都唔會返頭食奇怪既係餃子反而皮薄餡靚服務亦都一流

好野呀，當日6點去到居然唔洗排除，可以試下出名既沾麵睇睇價錢又真係唔貴，其他店冇咁好食閒閒地都百幾蚊啦！！！！一將麵沾沾湯汁，再擺落口……嗯！！！好重魚味呀，非常香。而且個麵好大，我一個女仔叫中size係食唔曬架。另外我想清啲就叫多左個野菜同紫菜，野菜上面有多加左一啲香草，食落更新鮮^^非常有心思。

銅鑼灣的拉麵街，已由街頭食到街尾，唯獨是這間三田製麵所，一直未有機會食到，晚市門外一支獨秀的長長人龍，本人立即打退堂鼓。我是極度討厭排隊的寶寶！今日大概三點多開完會行過，竟然沒人龍，可以直入，天呀！注定要吃吧！沾麵有分三個Size，中同小份量是同價，我揀左140g細Size，店員表示140g等同公仔麵一樣大小，建議我揀中的，為免不夠飽。而麵條也可以揀冷或者暖麵，因為我喜歡食硬少少，所以揀左冷麵（煙韌啲）。等左五分鐘左右，就見到我嘅拉麵啦！係超級的鮮魚介湯濃厚，上面有紫菜及味粉，湯底橙啡色質感濃稠，把冷麵湯沾上汁味道剛好，微曲的麵線掛湯能力尚好。溏心蛋做得味道不錯，吃到蛋白的甜味，只是蛋黃部分略為熟了一點。仲叫左黑胡椒炸雞翼，本是一客兩件，但因為雞翼比較細隻，所以我這碟有三隻，整體雞翼調味都幾咸，黑椒味因在面層，入面的肉未入味，而且好油膩，感覺都挺一般，不用浪費金錢。午後真心抵食，又不用排隊，正！忘記了叫店員幫忙加清湯再飲一下，不過我估好快又會再去食麵。

今天跟女友去完海洋公園知道銅鑼灣有間日本著名的沾麵店,所以滿心期待去朝聖。來到見到有十多個人排隊本以為是各方面都不錯,便更期待了，等了近半小時,終於到我們了,一進去便發生原來還有4至5個空位,但可能是員工太少未能安排吧,所以都無為意,叫了傳統的沾麵,並叫了凍麵,因為會較為彈牙。等了一段時間,沾麵終於到了，亦是惡夢的開始。首先湯底沒有其他人所言的濃郁，入口只有多層有味，就像用魚粉放下後直接加湯便完成的廢品般一樣。而且湯一點也不熱,只是暖的。然後加上凍面,整個湯愈食愈沒味,食到一半個湯甚至變凍了。然後我向顧員要求加一些熱的濃湯,可以那位顧員說沒有這服務,只可加清湯,但為了讓個湯變熱唯有加,加入後整個湯淡得跟水一樣完全沒有味,而且加入清湯後個湯還是凍的,一點作用也沒有。最後唯有憤怒地打下這食評讓其他人不會步我後路,要是真的想自己來試一試這惡夢的程度,那我唯一的勸告是不要點凍麵,點熱麵吧！唯一到這裡的好處是在打食評時捉了隻隨機出的啟暴龍

夜晚9：30未吃晚餐，在銅鑼灣想起拉麵街，本來想吃金田，但看到三田，未試過喎，便走入店舖，不用等位，店員便帶我到bar枱坐下，看了一下menu便瞬速點了濃厚豚骨魚介沾面中等份量＄78加一，要凍面，喜歡爽口一點及可以吃快一點。等了大約10分鐘沾面便來了。沾汁真的很濃厚，魚介香氣突出，但對於我來說偏咸。拉面因叫了凍面所以比較有彈性及爽口，放進汁裡不用吹凍便可放入口。見到流心蛋非常吸引，可惜很咸，瞬間破壞印象⋯而叉燒片正常，而那個荀片卻是出乎意料的好吃，我通常都因為不喜歡那個味道而不吃的，可這個我把他都吃完了。吃到最後三份一，汁已經冷卻，但我還是有把整碗吃完，只是到最後沒有加湯再喝完。中等份量對女仔來説可是很多。總括來說我個人覺得整個面真的偏咸，不過對重口味人士應該是剛剛好呢。