三河屋 (已結業)

今日係長假期前最後一日返工,都冇乜返工mood,一於出去遠少少食個晏仔,睇openrice評語好似幾好,咪同個friend搭車來試下...叫左個鰻魚定食,炸蝦定食同一客蟹子沙律...唔~~~~乜d飯又濕又淋咁似糊仔,好難食! 又唔用日本米,又唔香,d鰻魚又腥,炸蝦又冇鮮味,蟹子沙律又普通....都唔知食左d乜?!我地都冇食晒就埋單...論價錢,佢唔算平,比起旺角好多日式餐廳佢算貴添!論質數,只有一個字...."差"!真係唔會再有下次!

細細間好有住家feel, 驚訝既係星期五晚都唔使等為就有得食。兩個人都好餓，所以都點0左好多0野甜蝦刺身–ok,不過唔夠凍，可能因為0甘所以覺得唔夠新鮮什錦天婦羅–炸得唔油，好脆。有三隻蝦，好好食雞泡魚乾–hmm…有D腥，出面食開無甘腥咖喱豬扒飯–又係炸得好好，咖喱汁幾好，D飯好軟，好食照燒雞扒飯–同出面食開差唔多，ok既不過無乜特別甜品（紅豆綠茶卷？）- 呢個係幾好食，無太甜，岩岩好。不過好大浸雪櫃味呢度須然無乜裝修，不過呢度好有住家feel…唔會有人趕你走。有日本人，又有一家人起度gathering, 感覺良好~

四條柱內無啖好食從不是什麼秘密, 但近來每況愈下, 是日就食過超難吃炸物, 於是尤其掛念這店炸蝦飯. 讀書至8點零, 校園偏僻兼隔涉, 幸而有車直出鬧市.由校園出紅磡, 耗時約40分鍾, 滿店日本人高談闊論, 已見怪不怪.炸蝦飯, 還是老樣子, 有蝦, 有魚, 有瓜菜, 都炸得有水準, 乾身又脆口, 粉漿亦只薄薄一屠層.蝦味是較淡, 但總叫食得出爽甜, 而個人喜加以芥辣佐之, 吊出味道.當然, 老闆亦是老樣子, 非常友善.埋單$50左右, 較四條柱內的'飯'貴不少, 但我情願省下裡面那餐, 不知校內日本人的想法可會一樣?

要判斷一間店子是否夠「和」味，不用吃，其實進店時用鼻子聞一聞已知。一進來這裡，就知這是一間幾正宗的日式小店，除了日本頭師傅外，那股味醂及日式咖喱的濃香味道，騙不得人。三個人，只兩人覺餓，就要了一客煎蛋卷及山芋、炸蝦飯定食、咖哩豬扒飯定食。這裡的煎蛋卷，一客6件，夠份量。吃落是濕濕的又凍凍的，味道偏甜了一點，可幸口感都夠鬆軟，都算是不錯。相信山芋是除了納豆以外，5大最不得人心的日本食物之一﹝可能比納豆尤有過之！﹞。雖然我對杰杰的食物沒有好感，但出奇地，對山芋又不抗拒。尤其是去伴蕎麥麵或冷烏冬，更是正宗地道的吃法。這裡的用淺碗子盛著，加點醬油及山葵，用筷子快速伴勻，也不算很難吃。同行的皆耍手檸頭，一人獨享，不錯；這裡的炸蝦飯是乾身的炸蝦，而不是淋滿醬油，濕濕的炸蝦。炸蝦是「玻璃」蝦，炸得鬆脆，不油膩，甚爽口但沒甚鮮味，幾十蚊的套餐水準，也應如此。除了炸蝦，還有炸鳳尾魚、炸野菜等，份量充足，亦乾身香脆。米飯是日本米，誠意十足，配上一點甜醬油，轉眼吃完，滿足；絕少碰日式咖哩，但這裡的炸豬扒又炸得幾香脆，肉質鬆化，也有水準。埋單一百三十蚊有找，是一個有水準又經濟的日式食堂，行經附近的話，必會再來

幾個月前專程走去試的,好彩13:00去到不用等位,遲五分鐘己經開始要排隊了.1.叉燒拉麵,辣味拉麵~ 喜歡這兒的麵條及湯底,因為不會有太濃的香料味.2.鯖魚$78 ~ 聽推介的介紹一試,真的幾好,但等候時間較長.3.魚條~ 幾特別,個湯不似拉麵那碗的

係朋友介紹下同女朋友去試食甚少去家庭作業的食肆，偶然一去反而甚有風味得老闆娘同一個樓面，落單速度尚算滿意但廚房人不多，所以上菜速度有點慢兩人點了叉麵拉面($38), 炸蝦飯($48), 燒鯖魚($78)同海老天婦羅($28)拉面絕對好味過「千味拉麵」，豬骨湯底味濃，拉麵彈牙口感不錯，雖不是頂級但價錢平，水準平均炸蝦飯其實唔係炸蝦飯，佢本身經已係一個天婦羅飯，除了三件炸蝦，還有炸薯、炸茄子同炸魚，炸蝦彈牙，炸茄子無炸到乾巴巴，炸魚更是味美，隨飯還有麵鼓湯，底食!燒鯖魚係我心目中比較貴，係睇食評而食，但師傅燒魚燒到魚皮香脆可口，灑上檸檬汁更加多了一份鮮味，可惜魚肉有點霉，不知鯖魚的肉質是否如此。海老天婦羅可以話底食夾大件，5件大炸蝦，肉質鮮嫩彈牙=P $28 係一般日本食肆不能食這個水準ar~總括黎講呢間野係被忽略的明珠，聽食評講老闆係某名店大廚，但唔理真假，我都好欣賞三河屋的食物水準有幾多食肆可以俾你食到平野之餘又可以食到好野ar?

由日本人打理的餐廳, 沒有複雜的裝潢, 全店散發出味吉陽一"日之出食堂"的味道. 單是這種風味已值得大家一試了. 推介: 炸蝦飯, 咖哩吉列豬扒飯

I had dinner last week. This restaurant is sogreat. The noodles soup (YONKOTSU soup)so nice. Fried tofu was Excellent. SASHIMI sofresh. Must Eat! Udon so perfect. The Directoris Japanese. The waitress so Friendly. This shop no service change,YAMMY!One of the best Japanese Places in "MIKAWAYA".I will go back next time.

拉麵好食不過少款價錢接受到小食夠特別, 推介"芥末八爪魚""瑩光魷魚仔"好攪野刺身未試過, 因為幾貴下一般兩麵兩小食都係百零蚊

今日我地食左: 吉列豬扖咖哩飯: 好日式, 好好味, d 汁好濃~~仲有d 配好入味!!餃子拉面: d 豬骨湯底就無豬骨味, 不過d noodles 就ok~清酒煮蜆: 呢個就真係一定要食~~~好有酒味, 一d 都唔似出面0個d 清水煮蜆!~~ 所以必食~~個老板好鬼好客~~~招呼好ok~~~好多日本人幫襯~~不過環境就細d喇~~都係值得一試, 食完會再想食的舖頭~~~ ^^

看過雜誌專程過來試試正宗日菜,好彩13:00即到,否則無位.1.激辣拉麵$30 ~ 湯底少少辣,筍很香,麵質似煮林了的出前一丁2.麵豉拉麵$30 ~ 不似平時港式店食開那種麵豉湯底味,說實點好似一丁點的麵豉味也沒有,這是正宗關西原固嗎?但味道都可接受的,不會太鹹.但伴菜只得少量紫菜,芽菜,粟米,筍.3.燒九洲甘鯛魚$68 ~ 等了很久才上枱,因為要用一層海鹽一層檸檬汁慢火焙烤.入口怪怪的,因為酸酸咸咸,其實這便是檸檬鹽香.4.淮山卷$5 ~ 像獅子狗卷,於湯上.

經過呢到好多次，都未有機會試，上星期三一個人，行到呢頭，就心思思試一試啦。menu外，牆上還貼了其他special，最後決定要一個麥冷麵，上枱時用長方形木盒盛著，盒頂放著一些蔥、wasabi及紫菜，盒內有灰褐色的麥麵及冷麵汁，wasabi是鮮磨的，一點也不馬夫，麵是中間還有一點點靭的那種，很日本的味道。但$50，就有點貴。

朋友介紹話係日本人主理,我地淨係叫左個叉燒拉麵同煙鴨胸拉麵,味道唔係太濃,一定好過味千,但可能我一向唔太好拉麵,唔覺特別好食成間鋪都好住家feel,如果唔係有人介紹,我諗行過都未必會入

睇到食評話由日人主理，一心好有期望，住同班同事去試一試有幾正，殊不知試左之後就好失望。第一，豬骨湯底拉麵一d都無豬骨味，而且仲好多油; 而小食如雞軟骨、炸豆腐等又食之無味，棄之可惜，份量同價錢又唔成正比。

9/12(六) 7:30pm到大酒店送別仙遊的長輩後,與男友結伴於紅磡區覓食;恰好路過此口碑不俗的日式拉麵店,正好一試!甫進店已發覺小店近乎坐滿,小店沒甚講究裝潢,簡約的木桌椅,反而突顯其風味.店子雖小,食物選擇卻頗多元化.翻閱過令人花多眼亂的餐牌後,我倆點了餃子拉麵$38,炸雞軟骨$15,木魚絲飯團$10,關東煮$30,清酒煮蜆$38.餃子拉麵--先呷口熱湯,豬骨湯底味道頗鮮而濃,拉麵爽口彈牙,的確感受到那份誠意;而4隻幼長的炸餃子,脆口口感欠缺之餘,餃子餡還乾巴巴的,徹底失準!炸雞軟骨--份量其少,兼且油膩非常,淺嚐一粒也嫌多!木魚絲飯團--米飯非珍珠米,口感平凡不過,慶幸紫菜挺脆口,至於木魚絲份量不算多,味道偏鹹,仍不失魚的鹹香,$10貨仔,不能太苛求!關東煮--點了雞蛋,竹輪,蘿蔔,木薯糕,芋絲及淮山卷共6款作配料;各配料味道皆平平無奇,竹輪淮山卷煮得過火,質地偏軟腍;蘿蔔雖無渣,卻不算極清甜.而雞蛋芋絲食味極其量僅合格!反觀湯頭才是精髓所在!湯色清澈見底,味道可說是無以上之的清甜,喝罷相當滿足!清酒煮蜆--蜆肉份量挺多,蜆肉鮮味卻不算突出,體型較的骰;幸好湯頭具酒香,而且鮮甜