三河屋 (已結業)

再一次來到此小店,友人對烏冬有所要求.聽我講一講,也願意前來試試.今次吃的,同樣是同一樣的烏冬,小弟的天婦羅烏冬,敗筆之處,便是天婦羅盛在烏冬內.上桌之時,淋了一大半.如果分開上,一定好得多.濕水炮仗,仲點會響?友人覺得此店的烏冬平平,今次吃,質感不夠實在,似乎比上次吃過的略遜.自北角手打烏冬結業之後,感覺略有所失,優質烏冬,何去何從?圖示的燒鯖魚,外皮燒得香脆,肉質很嫩,但很多油.還被蚊滋纏擾著,即係打個七折.再來個關東煮,沒有叫酒品,兩個人唔使$200,下次吃回炸蝦飯,明太子送酒,穩穩陣陣.舊區小店,實在不能太大苛求.

真係難得在紅墈舊區內,有一間由日本人主理的\"三河屋\"日本料理.只能坐廿多人的小店,吧檯都無張.一個阿姐,一個廚房,一個企堂,三個人便成事.食物主力為拉麵,炸物,小吃,亦有少量刺身,但沒有壽司.價錢相宜,拉麵平過味千,飯餐\都係唔過五十.關東煮賣$5一件.店內亦有很多日本客人,來吃些小吃,飲燒酒,同日本人老細吹吹水.但電視播著的,並不是什麼Fuji,NHK之節目,只係亞視Wyman的遊戲節目.聽聞主理的日本人,昔日在老尖某高級日本料理打骰,今日在紅墈歸癮,有點虎落平陽之感,見他笑面迎人,不時同日本食客飲酒吹水.照計應該幾享受現今的生活吧.先要碗關東煮,有蘿蔔,雞蛋,獅子狗.蘿蔔甜到無渣,獅子狗亦彈牙,碗內少少的芥辣,完全將味道升華.炸蝦飯,另奉上麵豉湯.炸蝦飯並不是只得炸蝦,尚有茄子,甜薯,沙蛆魚.也稱得上叫天婦羅.材料很新鮮,茄子保持其水份.蝦肉鮮甜爽口,沙蛆魚肉質嫩滑.外層粉漿不厚,沒有多餘油份積聚.飯內的醬汁,同面頭的炸物,非常匹配.日前再來,放假日子失眠,接下來還要看聯賽杯Crewe Alex 對曼聯,見此店一點才收舖,一個人來飲下酒,吃烏冬.來飲酒當然要些小吃來佐酒,明太子

每週必然去一次，不然會心癮難耐。每次都很想吃其他菜式，但偏偏見到吉列豬扒就要投降。日式咖喱味道夠濃，辣中帶甜，飯粒軟硬適中，至於主角吉列豬就更正(不過有點薄)，外面炸得脆脆，裡面的肉熱辣辣……有次試過拉麵，湯底很好，也值得試。一個人有時也會想吃多點，就要了一客蕃薯+南瓜天婦羅，南瓜好好味，蕃薯差一點，下次淨叫南瓜好了。每次去都有不少日本人……可惜我不飲酒。聽說可樂餅(牛肉餅)很好吃，但沒機會試。

終於去左呢間食喇! 睇完大家留既食評好想試下!整體黎講唔錯呀! 下次會再去tim!我地就點左呢幾樣野:鰻魚飯, 朋友話好好食wor!餃子拉麵, 朋友只說了一個字"正!"叉燒拉麵, 朋友話d叉燒唔同出面食開個d, 但ok既!麵鼓拉麵, 我自己食既, 麵鼓味濃, 入晒落d麵度! 好正! d湯飲到尾個幾啖幾咸的, 但係真係好好食! 必食推介!炸雞翼, 冇特別, $18有3隻, 要自己衡量值唔值la天婦羅拼盤, 好食! d蝦同d粉混和, 唔會話蝦還蝦, 粉還粉! 加埋個熱既天婦羅汁, 實在抵讚!關東煮, 5蚊件, 抵過出面d舖頭! 蘿蔔好入味, 其他都ok既! 個湯可以飲, 好味!雜錦甜品, 係d浸左酒既生果, 加日本粟, 紅豆, 黑豆, 椰果堆砌而成, 味道普通, 冇咩特別! 另外酒個方面, 清酒就有3款可以揀, 啤酒就得兩種。清酒我地揀左"美少年", 有花香味, 唔錯!而啤酒得兩款, 有最熟既朝日啤, 同埋惠比壽啤! 惠比壽啤, 濃味d, 冇其他啤酒咁澀! 不過呢度賣$38一罐, 去sogo買返屋企飲抵d!所以飲清酒係抵d既!服務態度ok, 真係成間舖都係日本人, 佢地講野都幾大聲, 幾嘈

看見網上的介紹及自己有朋友幫襯過都話幾好，所以便走去試試。確實個feel係似日本街坊食堂，而且入到去只有我那張枱是講廣東話的。食物選擇：叉燒拉麵、雞扒飯、炸雞軟骨及牛油雜菌，除了雞扒飯之外，全部都係鹹。不知是否多數光顧的食客都是來飲幾杯，所以較鹹的食物合適佐酒。至於個雞扒飯，飯落左太多水，用的醬油都是一般而已，對於日本人一向對飯及醬油都很講究的飲食特性來說，這店絕不及格。雞扒燒得都還可以，不過就比較「鞋」。我個人就不建議再去，因為找不到欣賞的地方。

看見食評唔錯, 又係日本人開的小店, 又來試試先--上圖-- 炸蠔拉麵, 炸蠔因浸在湯上, 所以個炸皮"林" 左, 而蠔本身的味道也不夠鮮, 但佢用既係豬骨湯底, 很奶白色, 味道唔錯, 食左之後唔覺口渴, 証明無乜味精, good, 拉麵也不錯, 但都唔係想像中好味, overall $38 無加一ok 既。下圖-- 炸蝦飯, 正, 有三大隻炸蝦, 炸粉係同蝦分不開的, 而蝦肉鮮味加上仲有一件炸魚, 一件炸茄子, 加上在飯面上的汁也很鮮味, 真係好味。我同老婆仲要了一客雞軟骨$15, 唔底, 只有8粒左右, 同出面的味道也差不多, 仲要了炸雞翼, $15 有三隻, 這個很香脆, 而這店的炸物是即叫即炸的, 所以等的時間可能耐D, 總結係食得過的, 下次帶朋友再試其他。

今日同個frd 去食lunch, 我叫咖喱豬扒飯, 個frd 叫帶子拉麵.所有野食即叫即整, 我食個咖喱豬扒飯d 豬扒好脆, d 咖喱汁好濃, 唔太辣, 幾野味.至於拉麵, 個frd 比番我個comment 同前幾個comment 一樣, d 湯絕對冇溝稀過, 好奶白, 好飲, 不過前提係日本人煮拉麵係咸d, 食完可能會口渴.兩人再叫多個多春魚, 普通左d, 佢應該唔係燒, 好似焗熟左就算.兩人大約$120, 不過真係好飽, d 飯同拉麵分量都幾多.可能係家庭式經營, 所以唔好寄望有好多種類. 果度係冇刺身或者壽司, 只係有飯, 麵, 小食, 炸物, 唔計飲品, 計計埋埋都係四十種左右.如果想試下真正地道日本野, 絕對可以一試.P.S. 1. 野飲另叫, 冇餐(定食). 2. 冇吸煙及非吸煙區, 抗拒煙味o既朋友, 入到去真係聽天由命.

係openrice搜尋睇下有咩好拉面店,見呢間d評語幾好,於是嚟試下.同太座去到兩點到,可能地點關係,無咩客,叫左一碗炸蝦拉面(豬骨湯底),一碗面豉拉面同一客雞骨豬肉腸,d面都幾彈牙,個豬骨湯底幾好色水,奶白色咁,仲幾濃下,係有心機餚出嚟既,炸蝦有兩隻,個皮炸得幾脆,d蝦肉都爽口,ok既,而面豉湯面得一塊义燒,少左d囉,但幾好食,而湯底好有面豉味,係香港食過既面豉拉面,呢碗可以算頭幾位好食既,至於雞骨豬肉腸,$20兩條,ok啦,行貨到到咁上下.今餐埋單$88,呢到無加一又唔使比貼士,果然好有日本Feel喎.p.s.呢到個老闆除左會講廣東話,仲見佢睇香港d八卦雜誌,唔通佢識睇中文??

我食左炸蝦飯有:3x炸蝦1x炸魚1x茄子1x南瓜好新鮮!侍應係日本人, 識講廣東話環境係好似, 仲要係個種"好平民"個隻!但我諗唔會成日去, 因為有d貴...p.s.佢有隻sake叫菊水, 我呀媽話好飲喎...

日本人經營的一間拉麵店, 冇壽司冇定食只有拉麵同關東煮等野食.之前去過日本既細細間既食店, 呢度同日本既食店格局完全一樣,同埋又有幾個日本佬係度食野, 係度傾計(當然係日文),真係好似去左日本食野咁.叉燒拉麵$38, 鴨胸拉麵$38, 落單當然用日文了.鴨胸唔鞋, 叉燒亦相當有口感同埋薄薄地好易咬. 麵夠彈牙, 湯就係餚出黎果d, 再濃d 會仲好.老板好有禮貌, 日本人果然係唔同d, 唔似得香港其他日式食店.

呢間舖真係唔係幾起眼，但係搭車經過見到，又見食評介紹，就去試下囉。招呼個位係日本人，入到去好有日本食堂的感覺，開住電視，仲有兩個日本人响到飲緊酒。呢到既菜牌無壽司刺身，主要吃小食，炸物，天婦羅，拉麵，烏冬，丼．．．我地兩個人先來天婦羅，炸蠔，南瓜冷吃。跟住係燒雞骨豬肉腸，牛油炒菇，蒸魚餅和餃子湯麵．．．每樣都唔錯喎，個湯麵既豬骨湯底好得，樣樣都係廿零三十蚊，天婦羅有三隻蝦，沙鯭魚，南瓜同茄子，都係賣３８蚊，不過個蒸魚餅就要４０元，但係就得４塊凍的日本白色魚餅配日本芥苿漬。埋單無加一，都算食得過。

入門口聽到好多日文對話...成半間舖係日本人.. 連落單都係用日文,又有一個全日文menu... 真係幾日本. 我坐低後有一對男女坐對面, 佢地好似上晏先食完, 哩間唔顯眼o既舖頭竟然可以吸引人一日食兩次, 而價錢都唔係平果隻...我估一定有d料到..原本想叫飯,但竟然冇飯,叫左個炸蝦拉面, d湯好濃, d蝦有鮮味, d面都ok. 38蚊一個, 冇加一. ok咁喇.哩度仲有一d唔係咁普通o既小食--oden... 5蚊一樣食物, 下次一定要試下..

初一同朋友去睇演會，先去紅磡搵0野食，見到依家日本餐廳，所以入去試下。咖喱炸豬扒飯-- d咖喱幾好食喎~~炸蝦拉麵-- d麵彈牙、湯幾濃味章魚小丸子-- 幾得意值得一讚係個toilet好乾淨!!!!