三希樓 (利舞臺廣場)

營業中

休息中

前幾日同屋企人嚟咗呢一間銅鑼灣嘅三希樓飲茶，今次仲約埋啲親戚好多人叫咗好多嘢食！好耐冇成班飲茶，好熱鬧呀🥳點心方面，我哋叫咗好多嘢食，叉燒包、黑松露野菌水餃、牛肚、燒賣等等😋呢到嘅點心質素整體都唔錯，款款都幾好食👍🏻另外，我哋仲叫咗啲辣嘅小菜，分別係三椒豬手、水煮滑牛肉、瓦罉焗胡椒海蝦。如果超級食得辣嘅一定要食水煮牛肉，因為真係超級多辣椒，超級麻辣！食唔到太辣，但又想食辣可以試吓三椒豬手，豬手好有嚼勁加埋三椒一齊炒，都幾香🤩。淨係食到少少辣嘅都可以試吓瓦罉焗胡椒海蝦，胡椒味都有少少辣辣地，蝦肉又彈牙👍🏻。食唔到辣嘅都一定要叫返個招牌咕嚕肉，酸酸甜甜，仲有啲青椒菠蘿都好好食。食呢個餸一定要配飯，我哋就叫咗個招牌嘅三希樓炒飯。最後佢哋仲有啲涼拌小食都幾開胃。同埋一定要試埋佢哋馳名樟茶鴨，呢個鴨食落一啲都唔油，反而仲有陣陣茶香味添。

想食酸辣嘅心癮每隔一陣就會起💗普通嘅辣已經滿足唔到我，要食就要食最正宗嘅川菜‼️所以嚟呢度搵食就至啱我心水啦🤩⋯⋯涼拌海蜇雲耳⋯⋯醋嘅酸味同辣椒油香辣平衝得好好👏🏼食落清爽怡人，無負擔健康又好食😋⋯⋯夫妻肺片⋯⋯好欣賞呢個口水汁，蒜蓉嘅味道好強烈🧄一片肺片包住蒜蓉、芹菜、花生碎，再沾滿口水汁，真係好上癮嘅味道😍⋯⋯麻辣豆乾絲⋯⋯地道嘅川菜小吃，以豆乾絲為主要食材，加上辣椒油、花椒、醋等製成特製醬汁，味道滿分💯⋯⋯野山椒泡鳳爪⋯⋯鳳爪嘅肉質彈牙，山椒香麻帶微辣，好適合佐酒食呢😆⋯⋯青椒清香魚⋯⋯味道相對清淡柔和，青椒獨有嘅清香同魚肉好配合，唔食得辣嘅人都食到☺️

今日難得老細請食午飯，帶我哋嚟咗呢度食，試過一次之後真係覺得幾正。🌟首先講下啲小菜，“乾鍋豬大腸”一大鍋咁份量都幾多，未食都已經聞到香噴噴。豬腸唔會有一陣臭味，完全好易入口同埋夠爽口。“瓦罉焗胡椒海蝦”真係未見過，係啲蝦放入滿滿嘅胡椒入面，啲蝦鮮味得黎，充滿哂胡椒味同埋少少辛辣味。🌟跟住講下啲點心。叉燒包夠大個熱辣辣，麵包軟熟，餡料亦都足夠。牛肚顏色做得夠靚，食落有趙口唔會韌。黑松露野菌水餃係比較特別，有埋黑松露真係特別香口，皮薄餡靚好足料。招牌燒賣皇可以話係茶樓嘅必選，王牌嘅食物保持到質素。棗茸千層糕有趙口之餘，亦都試到佢紅棗嘅一粒粒嘅質感，幾唔錯。😆😆呢度環境優雅夠大，都好適合一大班人嚟㗎。

馳名樟茶鴨🕹 呢度最拿手嘅一道菜就係醬茶鴨，幾乎每一圍都有點呢一個。 因為佢嘅鴨，非常之入味，鴨肉又嫩滑。份量又多，用來宴客非常得體。水煮滑牛肉🕹 呢度嘅師傅煮川菜，亦都有一手。 好似呢一度菜，亦都係我必點既。 辣得好過癮！名不虛傳！！！三椒豬手🕹 味道調得好好，非常之惹味。瓦罉焗胡椒海蝦🕹，我最鍾意呢一個，瓦罉煲上枱，完全揮發到胡椒嘅香味。咕嚕肉🕹，醬汁酸酸甜甜，外脆內軟，掛汁剛剛好。

飲茶點心好食嘅地方，師傅走得走，年紀大嘅就退休， 香港青黃不接、斷層。 蝦餃有五粒， 蒸出嚟粒粒完整 冇倒汗水，個皮都摺口摺算得多 蝦咬入口爽口脆算唔錯 整體 但未到最好。鮮蝦腐皮卷，炸得好脆卜卜冇炸過火，打斜切有特色。同埋佢哋嘅炸食物出品基本上去油嘅功夫做得好，唔會油淋淋。佢哋川味辣魷魚鬚， 我好鍾意食🐙👏🏻🐙🐙👏🏻 為天日對我， 非常好食呀辣魷魚鬚，川辣汁嘅味道 越辣越想食， 一口飲杯茶一口繼續滿口辣 食食食🤪🤣， 雞湯小籠包雞湯入面個汁好豐富 湯汁同埋味道， 夾起個皮時，皮夠薄又唔易穿。 灌湯餃都好味，入面滿滿嘅豬肉 ，好似小籠包咁 不過浸住湯， 如果加返d冬菇、乾瑤柱絲，我會覺得更加好。 豬潤燒賣 ，豬膶個質地真係好。豬肉套落小籠包、灌湯餃、豬潤燒賣， 都係同一款豬肉😅 整體服務係好👌🏻有'評論話服務差其實而家好多食肆好多都唔夠人手，我見樓面做埋帶位， 語氣係本身個人習慣，粗聲粗氣亦都唔可以話佢哋冇禮貌，冇禮貌我一d都唔覺。 我覺得要有耐心等候。冇問題。自己斟水攞辣椒油好平常事。 牛肉腸都ok，我嫌佢牛肉份量鋪得薄身。 下次要嚟試下 夜晚打邊爐🌶🌶🌶

這次去了家十多年歷史的中菜館，店舖位於銅鑼灣利舞臺🤤。環境裝修中式風格，配上西式吊燈，環境舒服涼快。晚市時間有多款小炒，還有少量點心和甜點🙈。-▪︎美極雞軟骨 HKD$88吃個香口小吃等待美食，感覺享受又美味。熱辣辣的味道很香，而且賣相很吸引🤩。雞軟骨口感爽脆，味道香濃不咸，忍不住一口接一口吃🤤。-▪︎乾鍋鮮田雞 HKD$238▪︎避風塘豉椒炒大蜆 HKD$208這兩款小炒也是香口惹味的，而且味道很香帶點香辣味😍。田雞口感外脆內軟，肉質嫰滑鮮味，值得一讚是放涼了仍是脆口🙈。豉椒炒蜆味道香濃，大蜆肉質鮮味。-▪︎紅燒翅 HKD$568▪︎椰汁燉官燕 HKD$450即叫即做的美食，要等待也不打緊，食材用料豐富😎。紅燒翅味道香濃，翅的份量多口感爽脆，質地濃稠配醋更惹味😗。官燕份量挺多，用匙羹一開就看到😚，配椰汁味道香甜，整體口感豐富。-▪︎極品流沙包 HKD$42▪︎棗蓉千層糕 HKD$46吃主食後當然要來甜食，點了幾個招牌美食😊。流沙包一咬即爆，香甜的奶黃一湧而出，包的口感鬆軟。千層糕堆到花的造型，煙韌軟糯的口感🤤，棗味濃厚味道微甜。-▪︎木桶即撞豆腐花 HKD$78豆腐花原桶直上感覺霸氣，一大桶有2-3

門口前台的男經理及女收銀對顧客非常冇禮貌，呼喝客人，訂座安排也十分混亂。食物質素普通，收費也不便宜，銅鑼灣又更多更好的選擇，不會建議其他親友再光顧，真的令人失望Disappointed at staff and customer service at this restaurant especially the male manager and the female cashier who are rude and unprofessional. Food is not value for money. Would not recommend anyone to try this restaurant.

👯‍♂️今日同朋友銅鑼灣利舞臺廣場食四川菜，去到餐廳已經滿坐，好彩唔洗等好耐。🌻蒜泥拍黃瓜 $58，蒜泥係呢個涼菜既精華，蒜泥好多成個菜式都係蒜味，中間既白肉同黃瓜一齊食口感變得好清新。🌻青椒皮蛋 $58，一件件的皮蛋上佈滿一片片的青椒，皮蛋散發出皮蛋香而青椒味道有點甜及有點微辣，不錯的涼菜。👍👍👍🌻招牌咕嚕肉 $228，咕嚕肉新鮮炸起外脆內嫩，未食已經聞到好一陣酸味，咕嚕肉沾滿酸汁食落啖啖肉之餘仲酸酸甜甜，好開胃。👍🌻霸王辣子雞 $388，霸王辣子雞除了有好多辣椒碎仲撒上芝麻，整碟辣子雞傳出好香麻又辣味的味道，雞粒炸得香脆又乾身但肉質仍然嫩滑，好滋味。👍💡總括嚟講味道好食到加零一，👍良好用餐體驗。

餐廳闊落，坐得舒服，服務態度好，來自各國的客人都有，所以可以品嚐川菜、廣東菜及點心，還有火鍋，味道一流，致力以傳統手法、優質及無添加的食材！必點水煮魚，杏汁豬肺湯，還有甜品嘻嘻，最好人多一點吃，可以點多點菜，菜式份量大，價錢合理！

今日想離開中環下午就同同事一齊去左銅鑼灣食好野, 冬天凍凍地最好食返D辣野,今次就揀左好出名既三希樓。諗住銅鑼灣D餐廳會好易揾位，上到去估唔到有咁多人，我地好好彩等左15分鐘就有預約既人客甩左底我地先可以入到去，下次黎呢度食野一定要訂位。入到去D枱都隔得算開，坐落幾寬敞，黎得三希樓當然要見辣野啦。水煮牛肉 (2星辣)個人覺得係國際標準譚仔既5小辣，入邊有牛肉，冬粉，鴨血同筍。牛肉好滑，辣油好香，冬粉索左D辣汁好香，鴨血食落好實淨，大家想食辣D就D野食浸耐少少先食啦。好欣賞個水煮牛唔會係死辣同埋唔會好油，會食到材料原本既味道。剁椒蒸魚雲 (2星辣)成碟魚雲好足料，一D都唔會腥，入邊有魚頭同魚雲，一次過滿足鐘意食滑捋捋魚雲既朋友。小籠包 (3星辣)估唔到個大佬唔係水煮牛肉，原來最辣個一個係小籠包，個人覺得係國際標準小辣。食落口充滿辣汁，肉既量都好足夠，食完有後勁，呢個好值得一叫。辣雜錦 (3星辣)入邊有魚蛋，魷魚鬚同埋牛柏葉，呢個睇落以為唔會好辣，原來呢個都係隱藏大佬，魷魚鬚同埋牛柏葉好有咬口，唔係浸到好淋，加埋D辣汁將成碟野升華左。招牌雪影叉燒包 成餐最唔辣既一碟，叉燒汁較得洽到好處，唔

When I arrived at the restaurant, no one was standing at the reception area. I had to wait for 10 minutes before someone noticed that there was a long queue at the entrance. When he finally came to attend to us, he decided to greet the rude lady (with no manners) who was second in line. When they finally attended to me, they told me they didn’t take down my booking. I called to book this restaurant a week ago. All they did was tell me to wait. Hence I have plenty of time to write this post.

為雙星慶生🎂便選擇了口碑唔錯的‘ ’三希樓‘ ’飲茶，店內地方寬敞，食物有水準😋雖然侍應人手不足，但效率很高，服務亦很周到👍水晶鮮蝦餃 ～ 大大隻蝦、鮮味無窮招牌燒賣皇 ～ 肉料新鮮、啖啖肉巧工鮮豬潤腸粉 ～ 厚切豬潤、餡料十足春風香脆局花腸粉 ～ 外軟內脆香煎手打墨魚餅 ～ 香濃墨魚味、色澤金黃薑汁雞包仔 ～ 薑汁味濃鳳爪排骨蒸飯 ～ 辣味重了山菌滑雞蒸飯 ～ 雞肉幼滑明爐襓味拼盤 ～ 味道鹹了一點紅燒豆腐煲 ~ 必試 之選 Ymmy木桶即撞豆腐花 ~ 新鮮香滑熱辣辣

爸爸生日，一家人嚟到銅鑼灣｛三希樓｝食飯慶祝🎉揀依度慶祝嘅原因係因為爸爸鍾意食中菜，而且坐得舒服，裝修都幾大方得體，啱晒爸爸心水☺️既然爸爸生日，就叫幾道佢最愛嘅菜式🥰包括有三希樓吊燒雞🍗、瓦𦉘焗胡椒海蝦🦐同一煲杏汁豬肺湯潤一潤😀依煲湯杏汁味濃郁，奶白色嘅湯頭好順滑，連湯渣都好入味🤭爸爸吩咐要食泡椒石鍋田雞🌶同青椒青香魚🐟兩道菜都鋪滿泡椒同青椒，麻嘅感覺較多，之後會感覺到輕微嘅辣，爸爸食唔停口就知佢好鍾意😆我哋一家人今晚渡過咗一個幸福又美味嘅晚上🥰下次等我再帶爸爸媽媽嚟飲茶先得，做個孝順女🤩

今晚難得去到港島區，梗係唔可以錯過搵好嘢食啦👸🏻 男朋友一早做好哂準備，上網搵定晒資料🤴🏻。今次好叻仔俾佢book到一間都幾難book到位嘅茶樓飲晏就茶💯晶瑩剔透既水晶鮮蝦餃—皮好薄，薄到就咁睇都睇到隻蝦好大隻👀，蝦肉彈牙好味，我同男朋友每人兩隻半大滿足🤰🏻香口彈牙既燒賣—包咗好多魚肉嘅燒賣，鮮味十足💯，大大粒好彈牙，新鮮又好味👩🏻‍❤️‍💋‍👨🏻香香辣辣既鮮牛肚—爽口香辣，醒神又爽胃😌辣味愛好者表示不能停止進食😆滑脫脫既木桶即撞豆腐花—如果你好鐘意大埔好岀名個間豆腐花，呢個豆腐花包你更喜歡🥰 大大個木桶，有風味之餘仲要好香滑😙同男朋友兩個搶住食呀😜果然係名不虛傳既最佳飲茶之選👍🏾 點心好味又大份，重要坐得舒服又寬敞👏🏾

今日去開銅鑼灣做嘢，見到喺利舞台廣場到有間唔錯嘅酒樓。所以就決定喺嗰度食埋Lunch先返公司做野！😍呢間酒樓嘅環境乾淨，而且侍應嘅服務態度好，絕對值得讚👍🏻黎到酒樓，當然要食蝦餃同燒賣！水晶鮮蝦餃 🦐。呢度嘅蝦餃超級好食。蝦餃晶瑩剔透，外皮煙煙韌韌。蝦肉鮮甜可口，口感彈牙。成粒蝦餃味道同口感都相當豐富。燒賣🐷。黃色嘅外皮包住豬肉同蝦肉。咬落去味道濃郁同啖啖肉。啱晒鍾意食燒賣嘅我！😍除咗蝦餃同燒賣，我覺得比較特色嘅仲有麻蓉煎堆同棗茸千層糕！麻蓉煎堆🍡。細細粒，炸到又香又脆。外面鋪咗香噴噴嘅芝麻，加埋甜甜地嘅麻蓉。入口外脆內軟，味道香甜。棗茸千層糕 🍰賣相好靚。有香香甜甜嘅棗蓉味，完全食得出係真材實料！🤩