三希樓 (利舞臺廣場)

營業中

休息中

三希樓麻辣同火煱出色，好多人都知，而嚟嘅人多數為麻辣嚟，成腦麻辣未必太多人留意倒唔辣菜式點心炒粉麵燒味原來都好味，價錢喺旺區亦好合理，個人覺得必食包括燒鵝，叉燒，燻蹄，蒜泥白肉，擔擔麵，韮菜水餃，燒賣，鮮竹卷，雪山叉燒包，菜遠牛河兜亂，椰汁紅豆糕，其實樣樣都唔錯，冇伏，穩陣之選，絕對值得一試。

我的生日在１月初，2021和2022的生日，都是疫情嚴峻的時候，老同學約食飯，也得延後半年，所謂有心唔怕遲。老同學知道我愛吃辣，2021年中就想帶我吃三希樓，可惜當時銅鑼灣店和半山店都結業了，吃不到。今年再約食飯，她說三希樓在利舞臺重開了，終於可以吃到，開心！我們點了以下的：#壽眉：和家人一定喝普洱茶，和朋友可以試試其他茶，壽眉解油膩，挺好的。#乾鍋牛柳粒：微辣(餐牌標示１隻辣椒)，牛柳切厚粒，肉質嫩，入口juicy，好味！#螞蟻上樹：同學的最愛，她自己可以吃１盤，要趁熱吃，放涼的話，味道會大打折扣。#紅油水餃：個大，白菜豬肉餡飽滿，好味！#鯪魚球生菜煲：鯪魚球彈牙有勁度，配生菜、豆腐，清淡、健康之選。滿足的一餐！

屋企人想食辣嘢，所以去咗三希樓，果然冇令人失望，最正係口水雞，個辣汁真係令人停不到口的。但酸菜魚令人有點失望，唔夠酸唔夠辣之外，入面沒有薯粉，令人覺得有點不滿足。另外點了酸辣粉，同埋辣味撈麵，都好好味！

係時代廣場果時成日幫襯 仲入左會疫情期間買外賣見去執左 仲好可惜睇到佢重開 好開心但真係未唸到質素差成梗order左火鍋 果湯底已經唔似之前梗入味（但個人口味唔同 算了）最主要order左一盤野 未食完問都唔問就收走左後尾 唔該左好耐先有staff過來（期間係度玩手機 吧台分梗西瓜..）問佢點該收左先係話食曬啦冇㗎啦 （期間同另一個同事推諉 同事話冇就走左）全程玩梗手機…忍唔住 同佢講唔該你答梗人地問題時 唔好玩手機梗樣好唔尊重果客呢啲質素唔知大家係咩接受到Just for your reference.

「三希樓」 位於銅鑼灣利舞臺廣場，是一間薈合 川菜、廣東菜及點心的中菜館。 餐館採用落地玻璃， 非常開揚， 可以飽覽銅鑼灣一帶的景色📸，配合現代化中式的設計及風景畫， 十分雅緻。 至於食物方面， 餐廳採用優質及無添加的食材， 味道及質素不俗。 至於服務方面， 服務員都是有效率和有禮的， 是一次滿意的用餐體驗😁。 推介菜式：🐟酸菜魚$398： 桂花魚新鮮嫩滑， 份量夠， 湯底冇落味精， 酸辣的調味調教得適中， 突顯魚肉的鮮味。 🐷招牌咕嚕肉$228： 咕嚕肉炸得外脆內軟， 完全冇筋， 調味鮮甜。 除了紅椒丶青椒及菠蘿的配料外， 廚師加入了聖女果（曬乾的車厘茄）及葡萄乾， 使整道菜口感更豐富， 食落更有層次， 是一個特別而美味的配搭。 🐖香酒豬潤燒賣$52： 豬膶大塊鮮嫩，好香， 完全冇腥味， 燒賣彈牙， 是一個美麗而懷舊的配搭。 🥄即撞豆腐花$78： 即叫即做， 豆腐花超滑， 充滿豆香， 一桶足夠六至八個人做飯後甜品。

食辣唔食辣都推介嘅中餐館首先嚟幾個前菜，燻魚豆干，燻魚夠傳統，豆干口感不錯。雞軟骨送酒一流，食完唔夠皮再嚟多個。蒜泥白肉，蒜茸超香又辣辣哋，開胃惹味。主菜嚟嘞，首先嚟個鹽水大蜆，完全無沙，蜆肉新鮮又鮮味，湯底粉絲味道好夾好正。焗胡椒海蝦，蝦新鮮又脆到殻都幾乎食得，胡椒味夠又香，同新加坡式胡椒蝦對比又另一個風味四川香辣大肉蟹，蟹都非常新鮮，炒得入味又夠辣，值得試吓。嗜辣嘅最期待主角出場，水煮魚，夠辣、夠麻、夠刺激，職員細心地幫手先分開辣椒，魚肉好滑又爽口，墊底仲有鴨血、青瓜、芽菜等等，食川菜或嗜辣一定要食呢個，好讚。招牌咕嚕肉又係必食，煮得比一般酒樓入味，酸同甜比例好好，加埋子薑去炒，色香味俱全。五指毛桃燉雞湯，足料、香、濃，解辣不錯。酥炸生蠔，外皮酥脆有蠔味。霸王辣子雞，又係送酒必備，值得讚吓個腰果，好香甜又脆。最後一定要甜品，呢度個豆腐花檯檯都叫，香、滑、豆味濃，好讚。一間質素高嘅中川餐館，職員服務個個都好好，值得大家一試。

疫情之下，如此高水準的食物與服務，覺得值得寫一篇。太好食，食了大半，才想起要影相，大家見諒啊！ 1- 麻辣燙魚蛋和牛丸 ，夠彈牙， 夠辣，出面5度，辣到我 感覺25度🤣 好正！ 2- 流沙包 一定要提， 金黃色的流沙 視覺 味覺的雙重享受3- 辣味小籠包，好辣 好正 很滿意， 期待再返來食—- 片皮鴨😋😋

之前半山同時代廣場嗰間都閂咗，利舞臺開就去支持吓。一到餐廳門口，侍應們都忙緊，無人企前台，呢方面可以處理好點。水煮魚keep住之前嘅味道，酸菜魚就麻麻的。我個人鍾意春風香脆白花腸粉，即係炸兩入面有蝦。After San Xi Lou（三希樓）closed their locations at Midlevels and Time Square, they reopened at Lee Theatre in Causeway Bay. I ordered Sichuan style stewed fish （水煮魚 ）instead of the Pickled Mustard Cabbage Stewed fish（酸菜魚）because the 水煮魚 came with noodles（薯粉）. Also the 酸菜魚doesn’t taste strong enough, definitely need more seasoning. The Rice Sheet Wrapped Spring roll is really good too, basically it’s 炸

老銅尋食，發現三希樓已搬去利舞台，梗要來食，因佢價錢不貴以時代廣場地區計，食品質素有保証。 大爺，話過1時，不用等位，去到滿座，要等20分。 首先推介酒香豬潤燒賣$52，我對內臟就麻麻地，見佢有酒香，眼發光，又揰邪，就叫，一的都無期望，只貪酒，上抬有仙氣，咬一口肝，wow,酒香爆發，玫瑰露，花雕，潤爽口，索，無內臟除，豬肉蝦一级爽彈，鲜甜，一的不油膩，仙氣上身，掂。 薑汁走地雞包$38，薑味香，不辣，餡飽滿。 千層馬拉糕$38，奶黃夾中間，不太鬆，黄糖做。 魚湯鲜竹卷$42，湯一般，皮爽，肉鮮。 最後蛋白杏仁茶$42做結束，濃郁，但都係陶源酒家抵。

三希樓十多年前在中環半山花園道開業，嗜辣的朋友，吃過都讚賞不已。雖然地點很不就脚，慕名而至的辣友還是絡繹不絕。大概四年前在時代廣場開了新店（之後關了舊店），食友往訪方便得多，食物亦更加多樣，午市及下午茶經常滿座，點心水準甚高。幾個月前 openrice 上看到時代廣場三希樓“已結業”，甚感失望呀！近日又看 openrice，哦，原來三希樓在利舞臺廣場開了新店呢！馬上便和太太去捧場，再去吃最愛的五粒一籠蝦餃和鮮蝦腐皮卷。水準完全保持呢，日後定必多多再去。星期六的午餐時段，客人是坐到滿，服務人手卻頗不足，勤勞的侍應都要快步半跑的，來回不停應付顧客的需要，一邊又要埋單收枱開枱開茶，少一點耐性都會被煩死。除了厨房的高水平出品，要特別讚讚的是用心服務顧客，有禮貌又手脚勤快日行萬步以上的侍應們。