三多

營業中

休息中

按著單車群組C Hing 們的推介，試吃了鎮店之寶-炸鷄脾，果真名不虛傳。臨街小店，裝修欠奉，但面向著亮起燈的紅橋別是一番風景，有點深宵食堂的感覺。也許是個下雨晚上，客人不多，我卻喜歡這種寧靜。走近食店巳傳來陣陣油炸的味道，知道是找對了地方。鮮炸鶏脾五分鐘就給送上，還是細心地用竹纖整隻穿好方便進食，金黃色的脆漿把鷄脾均勻地包著，看著賣相已叫人涶涎慾滴，鬆化的脆漿下就是肉嫩多汁的鷄脾肉，味道甘香，就欠一瓶啤酒，因為我要做個守法的司機。下次要踏單車來，試試鼓油皇鷄脾是否一樣精彩！

晚上11時, 人未算多, 來到當然要試炸雞脾, 他們的雞脾很油!! 炸粉粒子很厚, 不是我杯茶, 不過新鮮即炸, 咬落去真是幾香, 雞脾肉很嫩滑, 是很EVIL的食物啊~原來有酒賣, 仲有串燒小食, 下次要再試

已經聽聞三多炸脾係無得輸。。。一試就反唔到轉頭外皮沾滿面包糠先去炸， 又唔會乾柴柴， 裡面仲勁多脾汁， 雖然係勁熱氣， 但確實無可抗拒如果鐘意食辣仲可以加辣粉。。更加刺激!!😋

因為睇左<全港邪惡炸雞髀小店地圖>呢篇文章, 加埋身邊朋友既大力推介平時食得好健康既我都要黎太和三多試試呢度既炸雞脾!星期五既晚上11點幾 估唔到會坐滿人 同埋要排隊 ...呢度既營業時間係7pm~4am ! 夜晚晚食炸脾真係好邪惡...  店旁邊就係堂食既位置, 好似大排檔甘都幾有風味!不過有朋友試過一路食一路見到好多蟑螂, 怕蟑螂既我都係叫外賣算生炸雞脾 $24 即叫即炸既雞脾由內脆到外, 連串住雞脾支竹籤都係岩岩炸起架 ;P入面既雞肉好香嫩, 就算天氣好熱辣辣隻雞脾都熱到出煙 都吸引住我一啖接一啖甘食豉油雞脾 $24好大隻, 食豉油雞脾更加顯出雞肉既鮮嫩.. 好香豉油味不過邪惡既我都係鐘意邪惡既炸脾多D ...;D打算入黎朝聖既朋友注意呢度每個月既第一同三個星期日係唔開架!

早前看過一篇介紹炸雞脾的文章，由於本人也十分喜歡吃炸雞脾，於是便跟著文中的食店試試，第一間就是三多。即叫即炸的雞脾十分好吃，而且還有得選擇辣與不辣，我要了少辣，也是第一次吃有辣味的炸雞脾，皮也很脆，真的一試便愛上。另外去到見到有糖水，於是便叫了一個凍的椰汁西米露，不過不失，但已決定會再回來吃炸雞脾。

好大隻炸雞脾吉列的 好少見新鮮熱辣用牙簽串著食得好方便外脆內嫩 仲有肉汁香口又唔算好油有加辣 但係老闆落好少 唔係咁食到有辣味雖然貴左d 但值得麻煩係佢夜晚先開店我七點幾去 好彩無咩人唔洗等好耐總括黎講 唔食走寶

最近係網上見到好多人介紹三多,話炸雞脾出名好食,珍珠奶茶好得,於是就去試下,夜晚時段好少人呀。炸雞脾+珍珠奶茶套餐,$39,幾貴下呀。珍珠奶茶,個喊面好攪笑呀,珍珠份量適中,茶同奶配合得好,味道不俗。傳聞中的炸雞脾,好大隻呀,用牙簽串著的炸脾,食得幾方便,外層鬆脆,肉質嫩滑,好香口又唔算好油,雖然唔算超讚,但幾好味呀。果然有水準,但以炸脾來講價錢太貴了。

放工趕住去 Eternal 鏢賽，偷雞食啲野先，無幾可過黎依邊，再戰三多啦！上次都係因為鏢賽先黎幫襯，自從無左外賣服務已經好少食嚕。七點幾居然滿座，得個臉壁位，是但快快食完算數。回鍋肉炒出前一丁，上次試左五香肉丁，今次就回鍋肉啦。點解五香肉丁、回鍋肉炒出前一丁都係濕炒呢？而且同一味道咁搞笑。食落似撈麵多於炒麵，偏甜醬汁撈上芽菜椰菜出前一丁，無鑊氣可言。乾炒香辣好多喎，好采依家味道都算滿意啫，唔難食。油皇雞髀，成日都係食炸髀，難得有油髀梗係食啦！都等得幾耐吓，食完個撈出前一丁都未到，莫非即叫即浸？終於送到喇，外面暖暖地，裡面就室溫啦。豉油皇雞髀都唔錯，味道清香，不咸不嗆剛剛好，肉質都夠嫩滑。同似前 Wicky 主廚既既油髀完全唔同，因為用壓力煲炆浸，雞皮非常膠口，豉油味特濃，倒有點咸有點濁。炸髀似前較好，油髀就依家較好！。不論堂食外賣都係用即棄發泡膠、木筷子、膠刀叉，感覺好 cheap。

係fb睇到一篇飲食雜誌報導，介紹全港最出色的炸雞腿，睇左openrice幾篇食評都好似唔差，即管放膽一試。位置唔難搵，只要由太和邨向大埔舊墟方向，過左林村橋就係，大大個黃色招牌好易搵。三多只開夜晚，如果夜D去光顧都要小心，因為周圍都幾靜，附近賣蔬菜的店舖已關門。店面不大，只有幾張枱，環境有點污糟，其實似有牌的街邊檔多D，等外賣的15分鐘，已見個老細打死約十隻烏蠅。外賣左2隻炸雞腿（其中一隻有加辣粉），炸雞全翼（因為那日無鼓油味），串燒牛肉同燒司華力腸。炸雞腿的皮似吉列炸豬排，但個粉比較幼細同薄，如果無加辣係無咩味的，但肉質尚算嫩滑唔會鞋，可惜一食就覺得好熱氣，感覺好似用左千年油，食完狂飲水，擔心喉嚨痛。熱底的友人食完第二日手臂陰濕位即刻生左粒暗瘡。至於那裡的串燒，真係唔值得推介，2款都好咸又唔野味，燒牛肉仲帶點紅，肉質有點粉，唔知係唔新鮮定落得太多鬆肉粉。😣試過一次就算，雜誌介紹的都不能盡信！老闆態度又唔係好，奇怪點解咁多單車友光顧？！😒

唔係化 星期一晚11點幾都要等位！？Ｄ人第二朝唔洗返工返學咩？！雖然只不過等左幾分鐘就有位，墟冚程度真令人嘆為觀止！出名的炸脾當然要叫，另見隔離枱隻豉油脾都好正，都唔錯過。十枱客都有九枱半食鷄脾。鷄脾套餐是跟珍珠奶茶，但我覺得食香口野都係飲番支可樂 ，今餐邪惡的宵夜仲叫左碗麻辣米線㖭！兩脾都醃製得非常入味。炸脾是用竹簽串住即炸，雞皮炸得非常鬆脆香口，再加Ｄ辣粉，一啖一啖咬著，I like it ；而豉油脾不知是如何烹製，上枱時似剛剛煮好，熱騰騰又皮光肉滑，唔似一般豉油食品煮左好耐，最特別係阿姐會攞套餐具比你，同你講係呢度食豉油脾是要用刀叉慢慢切黎享用的

當每天放工，拖著疲憊身軀的時候，還要苦惱晚上與男友去哪兒吃飯，而男友總是置身以外的拋出一句「無所謂」，每次這樣都會令我倆的關係亮起紅燈。但想不到的是，今次男友的回應有點喜出望外，他只故作神秘的說「今次帶你食正嘢」，然後一手拉著我朝太和方向邁進，究竟是什麼美味令男友瞬間man起來？一出太和商場，從林村河紅橋走到對岸的北盛街，鄰近的街市與商舖早已關門，唯有街燈獨照著路邊隱蔽的一角，此正是「三多」所在，乍看之下還蠻有情調的。甫進內就有位粗獷大叔遞上餐牌，男友不假思索、當機立斷先點「辣腸粉」、「炸雞脾」、「豉油雞脾」，等侯開動﹗大叔先來「辣腸粉」，熱騰騰的腸粉香氣四溢，些少葱花的點綴下更見細緻。一吃，滑嫩的腸粉加上秘製的辣汁，辣中帶甜，惹味又刺激，頓時覺得平時加甜醬、麻醬，簡直平凡得很，不消一瞬間整碟也被清掉。再來就是主角—人氣之選「炸雞脾」，以吉列的做法將整隻雞脾炸至金黃色，每咬一口就聽到脆落的聲音響起，外層香脆，內裡仍能鎖住肉汁，肉質依然嫩滑。男友亦不顧形象，不顧「熱氣」，手拿雞脾豪氣的啃咬著。而「豉油雞脾」當然能夠平分秋色。雞脾給香濃的醬汁醃得非常入味，一向怕肥不太敢食雞皮，但這次都受不

單車友介紹黎呢度食雞脾, 咁我地就叫隻雞脾試下啦, 果然門口泊左好多單車. 呢隻雞脾都几貴架, 仲剛剛加左價 $24/隻, 即叫即炸, 第一啖熱到辣親個咀, 個雞皮炸到好似列吉咁既質地好脆, 雞肉係坊間食過既炸脾中最滑既, 沒有雪味, 但調味比較淡, 所以店員都有提供辣粉, 但由於我唔係好食辣, 所以冇落, 整體不錯, 調味重手D就更加好喇! 

有無搞錯呀 ﹗兩點幾雞髀全部賣晒？﹗連滷水雞翼都無晒？﹗唔制呀 ﹗搞到要叫埋魚滑小食先夠填飽個肚囉。都係我地衰，食到街知巷聞，人氣急升，個個都慕名而來，依家晚晚都要掙食雞髀喇 ﹗雞全翼滿意啦，外皮燒得非常香口，肉質都夠嫩帶點肉汁，唔錯。醬燒羊扒，毫不吝嗇，依舊特濃醬汁完完全全包裹整塊羊扒，醃得極入味，羊帶微羶，肉質軟棉，如果能夠將脂肪位燒得乾一點香一點就更加好味喇 ﹗

滷水雞髀，食左成年每次都係炸雞髀，見朋友們食滷水雞髀咁冶味，我今晚都要試一試佢先。第一次既三多滷水雞髀，好好味喎 ﹗外皮滑溜而膠口，淡淡甜味既滷水汁夾著芳香味道。好豐富，並不單調，雞髀浸得剛剛好，質地嫩，肉汁依然，好滿意啊 ﹗不過我都係鍾意炸雞髀多啲，所以今晚係一隻炸髀一隻油髀，哈哈哈 ﹗炸雞髀，食一隻油雞髀我點會夠喉呀，再黎炸髀。不敗的三多炸雞髀，一個不敗既傳說 ﹗剛食完隻滷水雞髀，食埋依隻炸髀就夠晒滿足喇 ﹗熱辣辣香噴噴，無得輸 ﹗白雪雪彈彈多汁既雞肉被金黃鬆脆乾爽既外皮保護著，但都敵唔過我棚牙呢？一咬就無左三份一，係口入面越趙越有味道，香料混和雞肉，非常幸福啊 ﹗即叫即炸，新鮮熱辣 ﹗大大啖一咬一扯，肉汁跟白煙噴射，正到不得了 ﹗雞皮炸得金黃乾爽又鬆化，雞肉超嫩滑，炸既時間真係掌握得非常好 ﹗再加埋特辣火紅辣椒粉，刺激又好味 ﹗原味唔辣好食，特辣好食得黎再添風味 ﹗無敵既炸雞髀 ﹗必須要連食兩隻，如果唔係成晚都瞓唔著呀 ﹗今晚只係叫左一隻乍，陰功 ﹗好吊癮呢 ﹗

自從朋友仔無做後，都半年無食喇！次次都係外賣速遞，見今日路過就親身實地考察！依家夜晚七點無夠，一個食客都無喎，坐底四圍望望先。環境似士多，而且有股異味呢。見 menu 食物種類都好多樣化，唔知試咩好添。五香肉丁炒出前一丁，有無炒過架？豪無鑊氣可言，溫度只係暖暖地。多汁到勁濕，汁還汁、麵還麵，似撈麵多過炒麵，而且個汁係甜既？五香肉丁辣架喎，用咩牌子架？麵質免強合格，硬少少會更好。芽菜同椰菜我都唔多食，肉丁又好少。應該我炒會好食好多，一試無妨，不推介。炸雞髀，您整容黎呀？變晒樣既，差啲認您唔到喎，仲咩搽咁厚粉呀？即叫即炸新鮮出出爐，看得見既油淋淋，反晒光 ﹗咬落雞肉無味既？係咪唔記得左醃呀？雞皮都炸得鬆脆既，但實在太油、粉又厚，我唯有將部份雞皮掉左去，好浪費呀！比以前差左好多喎！失望。雞肉無味，加辣粉好少少啦，但無以前咁辣喎。