三多麵食

營業中

休息中

雲吞係ok既，足料，但d麵真係苦到呀媽都唔認得，應該係鹼水太勁，以為一次係咁，點知第二次食都係，咁應該真係本身個味就係苦的，應該都唔會再食佢d鹼水麵，食河粉或者會好d

從小到大都是鳳城水餃的忠實愛好者，經過不同的麵店，總會叫一碗來試一下，比較比較。現在百物騰貴，很多麵店的水餃都已經偷工減料，越買越細隻不止，一碗淨水餃上桌，隨時得三、四隻，吃來吃去，總覺得不夠過癮。十年前已在萬宜大廈上班，一星期總要光顧三多一兩次，如果沒在附近工作，剛巧今天經過，進去點一碗淨水餃，水準如一，十分難得。雖然一碗得四隻，但水餃足料，保持水準，十年如一。當然價錢跟10年前相比，不知貴了多少 😆下一次打邊爐的時候，要過來買一打生水餃回家再吃！

黎到中環, 想食個輕食, 三多幫倒你. 堂食要等齊人先可以入座既, 不過店員好好, 見出面天口熱, 知道同伴就快到, 都比你入去坐先, 真窩心.三多最出名就係豬潤, 不過只係我食過第二好食既, 咁當然都唔差啦.凡叫豬潤, 都會附帶碟醬油, 因為豬潤係無乜味既, 有少許豬潤味, 而唔會好似一般豬潤咁重味或者腥味. 厚切得黎又爽口, 但外表就有少少韌, 再加上薑蔥辟腥味, 不過我就唔太喜歡咬到薑絲喇. 雲吞都係好多蝦, 爽口彈牙, 仲偏大粒添, 係抵食既.同伴叫左碗淨水餃, 交換左一粒, 雖然冇雲吞咁好味, 但都好爽口, 入面仲有筍絲增加口感, 皮亦好薄, 收口條邊唔會有多餘既粉皮.

今次同我媽媽喺中環食lunch呢間係我媽媽極力推薦嘅因為佢知道我鍾意食鵝腸而呢間嘅鵝腸係非常之出色鵝腸柏葉河 $51其實呢個價錢唔係平㗎不過食完都覺得值得首先鵝腸嘅份量好多而且入邊唔會有肥膏有啲餐廳嘅鵝腸會食到成口油嘅呢度絕對唔會，仲唔會有臭味添瘦得黎，有鵝腸嘅甘香推介大家點埋佢嘅辣椒豉油鵝腸嘅油香味更加出而鮮柏葉係冇經染色，感覺比白色嘅牛柏葉更加天然食落爽口，真係食到索索聲架媽媽俾咗一個水餃我試水餃嘅size好大粒，脹卜卜入邊亦都非常足料，仲有水餃之選，木耳不過嗰度嘅小食炸雲吞就麻麻哋俾我就會慳返嗰舊錢來做三拼我自己就唔食豬潤嘅不過呢度嘅豬潤亦都非常出名，大家嚟到可以試吓

一個人中環食lunch 之選大家睇吓第二張圖就係碗麵啱啱黎到嘅樣其實係有三層㗎最底層係隻匙羹之後係四粒大大粒嘅雲吞最表面係啲麵經過我的分析咁樣做係為咗d麵冇咁快比d湯浸林左依個做法好功用性犧牲咗美觀性 所以我第一幅相係要搵粒雲吞上嚟影㗎粒雲吞真係超大粒我要分四啖嚟食次次食完都覺得好滿足呢間野好適合一個人嚟因為呢度好細間囉個個都好快食完就走冇得坐喺度慢慢傾偈同埋係要搭枱嘅好處係唔使排隊同埋一定好快有位所以你要預好快食完先會嚟呢度食架佢係好多客返枱返得好快老細好細心咁俾張凳仔啲女仔黎擺手袋❤️成日都嚟食諗唔到食咩就食佢啦📍三多麵食 (中環)中環砵典乍街30號地下(石板街)🧸雲吞麵$39#中環美食 #foodiesofinstagram #foodie #foodiegram #hkig #hkigfood #hkfoodie #hkfood #hkfoodblogger #雲吞麵 #香港美食 #microinfluencer #followforfollowback

事源係見到不少食評 話好好食 我同一個朋友冒名前黎試下菜肉雲吞拼鵝腸 加奶茶 $62鵝腸 處理得好乾淨 食材新鮮 入口爽脆， 菜肉雲吞粒粒都好大粒 入邊有香油味 食鵝腸會有個自製嘅辣椒豉油 比你點黎食 對於辣妹嘅我黎講 覺得個豉油冇乜料到一啲都唔辣 😂 所以係絕對冇為呢個面作任何加持嘅效果菜肉雲吞拼豬潤 $53菜肉雲吞同上 豬潤都係好新鮮 處理得幾好冇 腥味 爽口 略嫌有少少韌 個麵都幾彈牙爽口好食 我本身唔係特別喜歡食鵝腸 同豬潤 純粹見好評多 黎試下 但如果本身鍾意食鵝腸同埋豬膶嘅朋友真係不妨一試 個菜肉雲吞係好食但係唔算話特別出色 如果同我一樣住喺元朗國嘅居民 唔洗特登 長途跋涉啦 可以慳返啲車錢😂另名 覺得佢個辣椒豉油真係唔係好得 我同朋友都覺得冇辣味😂😂 三多麵食 (中環) 2801 6351中環砵典乍街30號地下(石板街)

本身都鍾意食，但廚房唔戴口罩真係有啲唔舒服，知道廚房係好熱好辛苦但係疫情關係最好為下別人着想。已經發生粥店事件，啲廚房依然係咁樣。外賣同喺餐廳食一樣如果廚房職員唔戴口罩一樣會傳染。落咗單，最後我話唔要啦，話完佢哋，轉身走了。我有圖有片。但不想公開在這裏我會交俾食環署，希望衛生署可以謹慎考慮預防措施，例如廚房必須強迫性戴口罩。

🧚🏻‍♀ 今次要介紹嘅係一間我自己食左好多年嘅老店 座位唔算多 老店黎講環境都算keep得唔錯 平日Lunch time特別多附近寫字樓返工嘅人排隊食.🔶 冬菇湯麵💰37👅8.5/10先要大大力讚下佢地啲冬菇好肥厚 而且非常鮮甜 有少少糖心Feel ✨記得叫佢哋比碟自家豉油點冬菇 會帶出更多冬菇嘅鮮甜味🤩✨配上鹼水麵幾彈牙 個人中意配米線 可惜佢地係冇米線叫 呢樣係我覺得最遺憾嘅事😭 湯底都非常清甜 唔會話食完好口渴 但份量偏少 對男士黎講可能有啲唔夠飽 可以配埋碟油菜就Perfect池💯同埋佢地既油菜芥蘭都好鮮嫩 蠔油都好香值得叫碟黎試吓

今次叫左鵝腸豬潤米粉, 鵝腸同平時一樣爽滑新鮮配埋佢地特製嘅豉油係夾嘅, 而豬潤係第一次試有驚喜, 豬潤大件超厚切而且非常爽口, 鍾意食內臟嘅朋友一定要試下Foodgle index: 8/10Foodgle price: 雙拼麵 $51

呢間店已經幫襯咗好多次啦，習慣咗係唔知食咩個陣就過來叫碗雲吞麵食，今次亦都唔會例外，嗌咗碗菜肉雲吞麵同埋一份炸鯪魚球，雲吞麵份量一般，啱啱夠食，雲吞雖然只有幾粒，但係每一粒都非常大粒，而且餡好足料，一啖都食唔完，個麵係彈牙爽口的，加上個湯底鮮味十足，非常好食。

中環間間都幾乎要等位，依d鋪就比較快d，就試下啦，好似都出名既價錢就唔係平民嫁啦揀左雲吞麵，係好似都出名既，圖中個潤係朋友夾俾我，就唔係碗麵包嫁下。雲吞真係好大粒丫，入面係唔少"涵"嫁，至少都三四隻蝦咼，肉有既，唔多，蝦堅多，正丫食得過，不過揀食咩要快，因為會俾人吹你

午餐時間既中環好多人，見咁多人等就試下呢間。亦正因太多人我就外賣拎走算了。服務態度: 店員個個都好熟手，亦好有禮貌，絕對唔會因為出名或者生意好就冇禮貌。等左5分鐘左右就拎到外賣，拎外賣果陣個店員都有有笑容咁講左聲多謝哂!環境: d人坐有d迫，但係我外面睇都算清潔既。冷氣亦好夠大。食物質素: 豬潤拼餓腸撈麵 加多1蚊有埋湯。 個人認為好好味，佢有好多長葱，汁方面用左蠔油，另外比左一包應該係甜是油。麵比較鹼水味重，但係加個湯落去超級香，幼麵亦好彈牙。🤭🤭最好食係豬潤，好大舊亦比左3大舊，每舊有半隻手掌咁大，同埋都好厚，好爽，好林。好好味。鵝腸都好爽口，又唔會太肥，撈麵食一流。

Weekday上午十一點半來到...因為早所以店入面很少食客...店員很貼心地安排坐位(...作為大肚婆很留意店員會否安排較安全的位置)...也主動提議客人把包包放在旁邊的坐位可以食得舒服點... 店員之間的關係明顯不錯.. 令到小店入邊嘅氣氛都幾正面輕鬆...食物方面保持一貫水準...基本上一兩分鐘就上枱...快得驚人... 雲吞漲卜卜很充料... 牛腩也很淋很入味...份量對於女仕們是非常足夠的....

十幾年前開始幫襯，最愛菜肉雲吞，今日都係菜肉雲吞河，菜肉雲吞本身無問題，問題出係個碗個Size同啲河粉道，個碗好细，四粒大雲吞突哂出嚟掂唔到啲湯，都唔夠熱，同埋啲河粉唔軟滑，鞋口同厚身，仲要一嚿嚿咁，又係因為個碗细唔夠湯所以又係唔夠熱。算喇，今次真係最後一次。

If you are a tourist and you've decided only to try one local noodles store, this would definitely be your choice.Their noodles are in superb quality both the texture and taste.Recommend to try to minced pork paste stirred noodles (炸醬撈麵), the red sauce has a mix of sweet, sour and a little spicy taste, quite special but traditional.Several toppings to choose from, Wonton, meatballs, and some pig organs🙊🙊, have a try! Good that the noodles come with some veggie inside!