三多炸肶 (已結業)

三多自大埔總店後，已分店林立！ 今次趴B就來到山東街、黑布街之間的三多分店！舖面唔大，所以全部都係立食位。店舖有幾個餐選擇，分別有炸脾、滷脾的選擇，亦有雞軟骨同腸粉，加爆檸的餐趴B對腸粉一直無乜興趣，所以就叫了三多名物炸脾！炸脾、爆檸，合共49元！ 爆檸即係，有爆珠的凍檸茶！排隊到攞得，大約十分鐘內的事，但奇怪的事發生了⋯⋯友人說，雞脾比平常的細隻⋯⋯而雞脾同雞肉都係酸的⋯⋯⋯⋯😭😭趴B食到一半，就問朋友點解酸ge???係咪佢啲醃料係咁⋯⋯點知友人話係完全唔酸的，所以⋯⋯😖😖 爆檸，因為一叫落去就會爆出甜味，所以配合檸檬的酸度，就啱啱好！餐廳環境：🍼🍼（滿分為🍼🍼🍼🍼🍼）因為係立食，而位置都比較迫，所以感覺唔係好良好 員工態度：🍼🍼（滿分為🍼🍼🍼🍼🍼）員工態度都好冷漠，亦都因為太忙，要叫幾次先有回應 食物品質：🍼（滿分為🍼🍼🍼🍼🍼）因為雞脾係酸的，而一奶樽係比爆檸的 價錢評分：🍼🍼（滿分為🍼🍼🍼🍼🍼）49元一個餐，25元一杯檸茶都幾貴，而雞脾就一般 趴B總評分：🍼🍼（滿分為🍼🍼🍼🍼🍼） 翻撻度：🍼🍼🍼（滿分為🍼🍼🍼🍼🍼）會再去！因為要試返正常味道的雞脾！ PS 大家記得如果食到

雞脾我諗大多食客都放過曬相我亦都唔再放鳥今日打呢篇食評既主要原因係希望我唔洗番番去大埔食話說之前好鍾意同老公渣車落大埔食宵夜上年知道屋企附近開左分店好鬼開心，基本上每星期都幫襯咁滯~收工懶得煮飯通常2隻野就咁踢拖落黎企係度撐枱腳 (其實都冇得坐) 😂睇住呢度人潮湧湧到而家小貓三四隻我亦都由兩日黎一次變兩個禮拜先一兩次點解?！食物由大大盒變超細盒食開最好食果幾樣個雞軟骨由一盒滿變得3分一 數埋唔知有無廿粒意粉由好茄汁變到好似加左有味水咁~ 雞肶呢?由薄皮變吉列~時燶時細時大隻不是有標準的嗎? 定師傅轉了? ……真係唔知道唯一讚的就是企收銀的姐姐仔幾好人每次好好態度又傾得2咀~天口熱會主動問要唔要汽水飲住等每次見佢忙到一頭煙咁 1個人行黎行去冇人幫入面個廚房好多時都見唔到有人最離譜係每次食緊野入面突然間有人爆曬粗e蛙鬼叫係咁笑大住個肚嚇到個心離曬罩……真係想大聲嗌入去講大肚婆唔嚇得架囉！！！講真呢度唔係封閉式廚房講野仲嘈過啲客仲句句粗口真係背脊骨落囉 唔該檢討下啦

一路以來聽到三多都好想食因為我係一個雞髀狂。只不過大埔又真係太遠冇咩動力專登入去食。今日經過旺角，見到黑布街轉角呢一間三多，衝左入去，原來鋪頭一樣都有撈公仔麵、炸雞粒等等。第一次食梗係要食招牌炸雞髀啦，大約等左10分鐘終於有得食。即叫即炸係幾有誠意佢係加左炸粉嘅炸雞比食落去我覺得好似吉列豬扒咁隻比都算係十分之脆，但係隻雞髀就係冇調過味，冇乜驚喜，加咗辣味我都唔太覺。 當然佢有支辣粉俾我哋自己再加。可能好多人覺得好好食但就唔係小妹最鍾意食嘅雞髀喇。價錢：$30 如果比較舊式茶餐廳來講佢就真係有啲普通。 服務上好細心有隻膠手袋俾大家拎住黎食，不過因為我兩個人食想問佢攞多一隻手套啦⋯⋯點知個收銀妹妹唔係好願意我諗都好多人會叫嘢食嚟分享，所以店家真係可以考慮大方少少

第一次寫食評請多多指教！聞名已久的三多炸肶終於第一次來！作為最喜歡肥膩食物的我已經期待已久。剛好同事們說不如一齊去食，我當然是舉腳贊成的。來到位於麥花臣球場的隔壁，雖然它並不是最旺最當眼的舖頭，但也又不是十分難找。全店是立食的，買好後即叫即製，所以要等大概十分鐘，店內也貼了告示講明要等。平日的下午茶時間來到，店內人流不多，我們只是等了一陣，就有得食，而且人不多可以立食得舒舒服服。我點的是三多招牌炸肶套餐，可以跟餐選配爆檸。第一次來如我，就不禁在想：什麼是爆檸？原來爆檸是指酸酸的爆珠加在檸茶中，輕輕一咬粒粒爆珠，有淡淡的酸味流出，也好像有一些檸肉在裏面；而檸茶味道就和茶餐廳的凍檸茶頗像。招牌炸肶真是不得了！一來就是非常的香！立食的枱面上放了辣粉，可以自由加上，個人覺得加了後有微辣更野味！雞皮是炸得宇宙級的脆！如果我見到有人在這裡不吃皮，我一定會十分十分之鄙視。肉汁好多，雞肉好嫩，相信是油溫夠高的成果。總結：強烈建議減肥人士不要路經此地。

Everyone coming to Mong Kok should have known about the extremely popular Santo’s deep fried chicken leg. It was first started in Tai Po, a little takeaway food stall that serves two types of chicken legs, deep fried and soy sauce marinated. Being here at one of their new outlets, they are now having a variety of snacks and drinks on the menu. Such as cream soda float and coca cola float. We have a signature deep fried chicken leg, coated thoroughly with breadcrumbs. The size is gigantic, nicely

叫咗個辣味炸脾，可能我同朋友仔對佢期望太高。點完餐，等咗一陣.....熱辣辣嘅炸脾就到手啦！不過，除咗塊雞皮係辣同脆之外，肉係完全無味😒⋯⋯30蚊一隻就略嫌有點物非所值了。😞失望到一個點

前陣子網上平台經常推介這間炸脾店，但礙於分店不在自己經常活動的範圍，所以，還只是把三多的名字記在腦海。於過去的星期日，無意發現原來三多在旺角有分店，當然要進店一試。點了一個炸脾套餐，一隻炸脾和檸茶共四十九元。由於炸脾是立即炸的，所以需等大約十分鐘。食完過後，略有一點失望，肉質沒有想像中豐厚，加上可能為了做得香口，反而感覺用了過多生粉。有期待的關係，少不免有一點失望。如果和一般港式餐廳的炸脾下午茶餐，三多當然會好一點。不過，要我特地專程來三多食炸脾，我想我不會了。

成日見住大埔嘅朋友仔拎住隻面咁大嘅炸脾影相, 仲要話好好好好好好味... Um... 其實, 我羡慕咗好耐~ >///<响飲住心愛嘅心造珍珠奶茶, 心滿意足去搭車之時...不其然望到呢間嘢...佢叫我快啲行啦, 好炸味呀...但我吾知點解, 忍唔住停步細望...o丫~~~~~~~~真的嗎 係真的嗎!? (哥時 high 爆, 忍唔住猛佢... 佢就呆咗 吾知我做乜...)再三確定係真後, 落單買個 set~等食之時, 即時 Whats App 大埔 fd 子~威威先~ ^0^)vYoooHoooooooo~有喇~ 等咗大約 15分鍾~雖然聞住油煙味等唔係太自在, 但真係好期待~登 燈 登 燈~ 好香 好香 好熱 好熱 啊!!!Woo~ 足料大大隻! 皮真係激脆!!!平時唔食皮嘅我... 忍唔住食曬... 不知不覺就食曬!!!肉嫩又多肉汁~超 級 好 味!!!猛塞入口, 心情靚爆咁食曬呢隻無雪味嘅炸比~真係由細到大 食過最好味呀!唔知頭唔知路叫咗佢~爆檸~ ok 啦 同平日飲嘅包裝檸茶咁味囉, 佢啲爆珠中有條檸肉, 酸酸的, 解膩 ok 呀~不過就覺得 overprice

炸肶係招牌菜就如同主打歌1樣~有質素有保証 !而滷水肶就少不免被蓋過風頭成為待選的side track! 有時做人/待人接物不要抱有色眼鏡~包括在食方面~! 會令你損失很多這裡會令你明白到炸肶只是the best 但其他食物1樣咁出色~夏天皮膚唔好~更怕熱氣食滷水肶岩曬 😃不過等既時間被炸肶還要耐😅少啲耐性都唔得 等左15分鐘左右~一打開盒就有陣酒香 隔住手套都摸啲肉超級熱辣辣~要好小心食落去~雞皮好juicy好似蜜糖滷水味~雞肉好滑又嫩~唯一失色係啲味好似唔太滲到入肉~但個味道真係好一流我個人覺得甜既滷水比咸既好吃得多 同炸肶完全2種感覺~冇得比較~各有千秋未試過既朋友絕對可以1試~

三多炸肶 (旺角）地址: 旺角 山東街88號地下January 2017久仰三多大名好耐，今日終於有機會試到啦位置離旺角地鐵站輪椅出口就比較遠我建議先於HSBC 過馬路 (橫跨彌敦道）然後沿彌敦道 行到山東街街口 轉入去 咁就可以避開大媽唱K 鬥大聲團再一路直行 直至見到麥花臣球場，餐廳就喺附近但餐廳門口有一大級，輪椅入去就麻煩d就算入到去，其實都你無位坐的最後只好大聲呼叫店員幫手 落order要左隻炸髀 同 柯檸外賣已附帶手套香、脆、味夠、嫩滑非常好食只有嫌價錢貴，$28 一隻炸髀 可以話非常貴不論係價錢同健康 耐唔耐食一次半次就足夠啦柯檸，比想像中好飲飲唔出落左奶 但始終覺得偏甜有機會試埋檸茶。

三多炸脾$29星期一放工個個無黎神氣成個office死氣沉沉，來到放工時間當然要po返d會令人精神亢奮的好西～來自大埔的三多，最出名就係佢地既人氣炸脾，近期三多係市區開了幾間分店，粉絲們唔使山長水遠走入大埔了～三多炸脾可選辣度我地選了中辣，辣粉灑左炸脾表面中辣的確幾辣下，雞皮炸得非常酥脆，會啖咬落都shark shark聲，炸脾大大隻很多肉味道醃得幾好很惹味～雖然$29一隻唔算平但都絕對值得試試～～

行行下街，好想食炸雞，就去左三多食炸雞脾，已經幫襯左幾次，雞脾我叫少辣，我覺得惹味d。剛炸完的雞脾，無乜油，雞脾皮脆，肉多汁，吾鞋口，抵讚，惟一的係價錢貴d,而且加價頻密，加埋杯野飲都差吾多$50，可以食倒個飯盒，未試過的，都值得一試，不過您預左買左要得10-15分鐘，即叫即炸，絕對

一直好想食三多炸脾,但好少機會去大埔,也只好在其他分店食,希望味道一樣吧,今日到了旺角三多,喺正麥花臣球場對面,應該好生意吧, 點了兩隻炸脾作為香港一個炸雞脾的品牌,份量算不少了,點了少辣,生炸的確好味,而且好熱,放了十分鐘依然好熱,店內有提供手套,絕對稱讚,少辣不錯,皮當然脆口,十分好味$30一隻抵唔抵見仁見智,如今三多已成為炸脾的大品牌,40蚊都要俾,好希望可以去大埔一試

源自大埔的「三多炸肶」終於殺入九龍區啦！ 九龍人以後有口福了～☺️ 知道小編無雞🐔不歡， 所以一直都有朋友向我介紹，食雞脾一定要食「三多炸肶」！😆 來到旺角店， 一眼便看到其門外掛着搶眼的雞肶燈光招牌，👀 這裡以外賣為主，所以不設坐位， 只有立食的高檯，但都算乾淨企利。 第一次來，當然要試試這裡的招牌菜啦～ 炸肶套餐（$48）包一隻炸雞肶配飲品， 飲品可選大大杯爆檸或大大杯爆檸水。 打住「食雞脾唔食皮係一種罪」旗號， 本想着對一向都不食雞皮的小編， 就連KFC蜜蜜燒雞翼都會把雞皮處理掉，😂🙈 雞皮應該對小編毫無吸引力才是。 但當我初嚐一口外脆內軟的雞肶肉， 完全明白為什麼「三多炸肶」這麼觸動人心！❤️ 雞肶🍗即叫即炸，且貼心地以長竹籤穿着， 連手套都提供埋，很方便食客呢。👍🏻 炸雞肶的大小比手掌還要大🖐🏻，未食已經讓人流晒口水。😳 店家以吉列做法，把雞肶炸至外層金黃香脆， 一咬落去表層卜卜脆， 裡面肉質厚肉，嫩滑多汁～😋 怕辣的可以食唔辣， 但嗜辣的人絕對不可不加辣呀！😏 辣度可選擇小、中、大辣， 唔夠喉仲可以自由添加店家自家製的辣椒粉， 而小編今次就選了中辣， 比小辣多了指天椒辣

以前成日聽住大埔既朋友話三多炸脾好食，但因為太遠，一直未有機會試。 而家好多地方都有店，好容易可以買到。旺角三多開左好一段時間，我都一直未有時間試 。早幾晚見去開旺角，又未食野～ 決定試下。十點幾都有唔少波友踢完波買雞脾～雖然未至於排長龍，但客人一批接一批～ 生意唔錯～店面好多宣傳介紹～ 話比你知三哥的確唔係浪得虛名～之但係～喺一堆宣傳介紹入面，寧寧舍舍話唔食皮就係褻瀆隻雞脾。。。Hmmmm....我真係已經好多年無食皮。。。 三多既雞脾皮有乜特別。。唔食就褻瀆咁誇張 一陣脾到，真係要試下～隻雞脾勁大隻～ 大過一個正常女仔塊面 塊皮好金黃～ 貌似脆噹噹咁～ OMG 真係好好食～ 炸粉夠薄～ 加入左麵包糠之類去炸～ 所以咬落去真係索索聲～ 就係呢一下索索聲～我明白我真係唔可以褻瀆隻炸脾～雞脾肉經醃過～ 非常夠味～另外，一咬落去真係勁juicy ～ 啲汁真係好似想標出黎～ 拿～再望一望隻雞脾，你會見到雞油脂潤澤雞肉～明符其實有樣有內涵架～