三和餐廳 (已結業)

近年甚少踏足荔枝角一帶, 印象中沒有甚麼特色美食, 有的只是茶餐廳或港式餐廳, 今次光顧這間, 就是當中的一間. 入內時, 沒有店員招呼, 所以隨便找個近門口的位子坐下.我們自己拿個餐牌看看, 下午茶時段, 有飯有麵有飽, 選擇也算多. 葡式豬扒飽: 豬扒正常大小厚薄, 不硬, 而且還有少許肉汁; 飽身微脆帶暖, 內有番茄和生菜, 加上微酸的醬汁, 正好中和了豬扒的油膩, OK水準.香草龍脷柳配煙肉意粉: 龍脷柳用文也的方法去煮, 可惜毫無魚肉味; 意粉也是港式的, 口感偏腍; 煙肉也略為煎過, 所以只是微暖, 但卻不像早餐煙肉般脆身豬扒焗飯: 用的不是茄汁, 而是快餐店常用的OK汁; 豬扒煎過, 入口不算硬身, 不太乾; 不過飯沒有炒過, 一般水準而已.奶茶: 茶味較重, 奶卻偏少, 所以入口有點嚡口. 店內的環境都算乾淨, 不過, 印象最深刻的不是它的食物, 而是它的馬蹄型座位! 甚少茶餐廳會用上馬蹄型座位, 三個人坐, 當然舒適!! 至於服務方面, 所有服務, 包括抺枱, 拿餐牌, 點食物等, 侍應們都不會主動做, 還是召喚很久才會有回應! 如此服務, 實在沒有再光顧的意欲.

叫了四寶河粉. 發現没有鱼蛋， 問待應， 她們說這餐廳的四寶河粉是没有鱼蛋的 , 及她們也没有鱼蛋了。 過了一會，又發現四寶只有三寶！！！！！！ 再問待應， 她去問廚房，過了10分鐘後， 拿了一粒鱼蛋给我！！！！！ 為何之前竟然說已没有魚蛋了!！！！！ 這就是三和餐廳的服務了!

今日求其搵啲嘢食，就去咗呢間，食咗個紅燒豆腐餐38蚊雞。但係竟然唔包飯，變相要再加多8蚊。講番啲嘢食，啲紅燒豆腐都幾好味，但係就肥膩咗啲，啲服務上平尚算不俗,環境都算乾淨，但係價錢就貴咗啲，見到餐牌啲嘢大都都係大約40蚊

耐無落去食啦~諗住近近地去食啦~聽講話轉左師傅~D服務都幾好GA係慢就慢左D~但個收銀丫姐唔得囉~講返食野先~我地4個人叫左4個中菜其中一個係我鍾意食GA就係蠔仔煎蛋~D蠔仔整得都好幹淨第一個蠔仔煎蛋~第二個係菠蘿生炒骨~第三個中式牛柳~煮得唔錯唔會好(UN)~最後一個係海味什菜煲個煲仲要係用上湯整TIM~下次試埋佢個扒餐先~唔錯唔錯~

今日加班夜咗返屋企，懶得再煮，近近地決定到三和外賣自取菠蘿海鮮炒飯，打定電話叫外賣，15分鐘內到達比錢拎返屋企食。不過收銀阿姐黑口黑面，仲以為得罪咗佢！返到屋企一打開，見比起第一次買果盒(大慨年幾前吧)，少咗三分一，算啦反正無咩胃口，點知越食越火滾，從未食過如此難食的菠蘿海鮮炒飯--菠蘿: 淡貌貌，唔酸唔甜完全無味，好似揾水煮過咁，好彩得幾粒，如果唔係真係食之無味棄之浪費！海鮮: 得三兩粒魷魚，幾粒碎青口仔(夾埋都未必夠一隻)，係咁多，仲要魷魚無味，青口腥之餘雪味又重！！炒飯: 一啲炒過嘅感覺都無，一舊一舊咁，似隔夜飯撈落啲餸堆埋一堆咁！！！咁都仲唔止，菠蘿同海鮮都係得幾粒，反而加料夾雜黑色一堆堆一條條嘅嘢，原來係青口邊常見嘅鬚，另加鑊撈添！！！！成盒飯食咗幾啖已經咩胃口都無哂，食唔落啦！最後決定永不再幫襯！！！

常餐五香肉丁鮮牛肉米線 (五香肉丁都幾辣下, 冇咩肥肉, 鮮牛肉就好梳打牛, 冇味, 太稔了)奄列 (d蛋好juicy, 唔會太老 over-cooked 入面都好多火腿絲, 份量都大)厚多士 (表面烘得好脆口, 個包就軟綿綿, 上面搽左既牛油係半溶狀態, 正)熱奶茶 (夠熱, 夠茶味, d奶都滑, 不過隻杯好似唔多乾淨, 有績)

荔枝角一帶確實沒有什麼好吃，所以即使是很普通的茶餐廳，我們都會返兜再返兜。這間三和，以前的質素總不算太差，可是自從換了廚房班子，樓面再加入了打呔的白頭叔叔後，不論食物及服務水平都會一落千丈。是次點的四寶飯，其他不說，就是那些叉燒，冰凍的，肯定是剛從雪櫃拿出來，而一堆滿是凍羔的叉燒，真是看見就倒胃口。問可否更換另外的燒味，不行；那叮番熱些叉燒可以嗎? 白頭叔叔直頭走開，不再理會我們。菜膽雞，睇落是可以的，雖然鮮味是不足，但總算肉嫩。然而，最搞笑就係件件雞都「痴」埋一舊，完全未斬得開，大家都要自行解決，師傅做事認真馬虎。飲埋最後杯凍檸茶，各同事均說短期內不會再去了。

I didn't have a good impression of this 茶餐廳, as i always pass back and noticed not very crowded and on openrice the reviews are not that fantastic...Passed by this morning, and surprisingly saw that it was quite pack, and thus ventured into the cafe.Service-wise, not good! the waitress apparently took out the food menu from the drawer below and threw onto my table (as if I did something wrong, and my boss threw the file on my work-desk.. 哈哈). next surprise, she took out a tissue/serviettes and

原意是去飲茶做冬的，不過忘了訂位，酒樓又爆場，唯有在旁邊的茶餐廳搞掂。餐餐都食碟頭飯，今次就改一改，叫餸食飯。冬至當然要食羊腩煲，在茶記食都冇所謂。可惜，這裡的羊腩煲實在不行，羊腩韌得太過份，花盡九牛二虎之力也無法咬開，只好放棄，吃點枝竹和菇好了。吃到底，個汁也太咸，就是墊底的菜也變得不好吃。魚香茄子煲就好很多，茄子是偏硬身的，幾爽，也夠入味；肉醬就更是美味，最好送飯。還有的是西蘭花帶子蝦仁，帶子和蝦仁均是爽口，西蘭花煮得夠稔身，大致滿意；另一味是荷蘭豆炒斑球，荷蘭豆幾清甜，木耳爽口，可是斑球就沒有什麼味道，中規中矩。唔忿氣，第日再去隔離飲茶！

打完波，朋友介紹呢間可以食小菜，所以兩個人點左兩個套餐set。兩個套餐包括：中湯一碗西湯一碗椰香南瓜排骨煲(做得不錯，南瓜甜，排骨炆得入味，啲汁又可以撈飯。)芙蓉蛋(較為遜色，因為餡料不足，唔似一般有叉燒同蝦仁，食極都係芽菜。)白飯兩碗兩set合共$85

sun食早餐時已是tea time 豬扒包加涷咖啡$22個包有烘過,豬扒at　ｌｅａｓｔ好食過中環翠華,都算料足,有番茄加生菜,但沙津醬過多朋友叫了吉列魚柳+栗米炒蛋餐$26, 吉列魚柳星味重,未食過炸野都會咁星,但唔多油, 個栗米炒蛋一絶,足以彌補魚柳星味重待應有d懞,俾了好多我次我地冇叫的野, 要成日答佢地我地冇叫喎,但態度都幾好會有下次, 因有電視睇

係荔枝角住左3年, 講真, 可以食既野少之又少,平時同朋友講我屋企附近係沙漠冇野好食(因為好多餐廳都極難食!!)平時只會依賴屋邨既大x活維生覺得e區黎講, 三和算唔錯雖然價錢佢都係最貴但起碼叫做食得落口中式小菜, 咖哩都幾好總比邨內茶廳廳理想

本人住響協枝角泓景臺。基本上附近外賣之食店不多,沒有多小選擇。其中的三和餐廳最為不行。事實上對于此等屋苑茶餐廳之食物,我早沒期待。可是其服務之差卻真令人髮指。今天我太太如電話叫外賣,負責下單之那位「鍾X姿」態度非常差之外還下錯單,累得我們白等大半個小時。太太打去投訴時,「鍾X姿」還惡言雙向,此種服務態度實在要不得。

日期：9-4-2007同男友共晉晚餐，揀選一間未試過既餐廳，果然不錯．這裡也有中餐或粉麵飯可選擇，地方不算大，又有電視睇，服務員都幾好．餐湯：羅宋湯，有ｄ雜菜湯多ｄ．每人一客田螺釀菇，係煙肉碎，薯茸，田螺釀在菇上，然後焗；好特別，味道好鮮甜，有創意．男友選了一個茄汁豬扒意粉，豬扒有ｄ硬，不過都唔錯．我就要焗葡汁龍脷柳天使麵，青椒，菠蘿渾在一起，天使麵食落有ｄ淡而無味，個魚就好好味．餐飲：兩杯凍檸茶．