一點心 (通菜街)

營業中

休息中

此店與添好運同屬米芝蓮一星,其實兩者無論價錢,服務,食物質素都差唔多,分別在一點心坐得舒服啲,位與位之間冇咁窄,而且食物份量比添好運多,可說是大件夾抵食.味道方面,以這個價錢來計,絕對入得口有餘,路經此店,記住幫襯.鮮蝦腐皮卷熱辣辣好好味,腐皮炸得鬆脆又唔油.餡料味道啱啱好,唔會太鹹.籮蔔糕就冇添好運做得咁好,冇籮蔔嘅清香,粉多籮蔔絲少,比例唔平均,所以唔係太好味.葱花蝦米腸做得唔夠薄同滑,太厚太粉.口感嘛嘛.此店嘅馬拉糕做得好過添好運,唔好睇佢樣衰衰,其實味道ok,做得好鬆化,如果甜度減少少,味道會更佳.菜乾鹹骨粥味道普通,勝在唔會過鹹,有冇落味精就唔知,起碼食完唔會發渴.鳳爪排骨飯同北菇滑雞飯味道ok,調味方面唔會太濃,排骨同雞肉尚算嫩滑,送上嚟時熱辣辣,唔落豉油都好味.蝦餃方面就冇添好運做得咁好,個皮唔夠煙韌,一夾就爛,餡料冇鮮味,唔係太好食.

今天約了多年沒有見面的朋友聚舊。大家約在旺角見面，去的時候買了本雜誌，竟然附有一本2011必去餐館介紹。當中發現這間米芝蓮一星店，當然要走多兩步到太子啦！發現時間尚早，還有45分鐘，便去了花墟行行。行了半小時便返去看看，本來靜靜的門口竟然坐滿了人，己經沒有可以坐的等位。唯有站着等吧！十一時正式開門，差少少就坐滿了。店舖不大，不像傳統的酒樓，坐位小小但佷整齊。很快每張桌子都坐滿了人，店員便每人派一杯茶。桌上有一張墊紙，印有每項點心的價錢，也不貴。另有點心紙給客人寫。款式都夠選擇啦！我們叫了炸両、蝦腸、鳳爪排骨飯、馬拉糕、燒賣和菜苗蝦餃，共六款點心。大約5-10分鐘便到齊，每碟都很熱，名乎其實即叫即做，靚呀！尤其是那碗飯，我就因為太熱，連拿都拿不到。最好味是燒賣和馬拉糕，驁喜是菜苗餃，那有鮮味！至於腸粉，皮是厚了點亦不算滑。炸両都可以。飯就普通。每碟份量都很足，兩個人都吃不完，太大份啦！極抵食。這裡都是一小桌的，大多數2-4人一桌，大都是來品嚐美食，所以也不見得很噪吵！服務也好，不停加茶，又夠熱！大慨是太多人在門外等位，食客都很快走。整體來說，以這價錢，份量質素都很好。最回味是馬拉糕。

I hope some of the non-Chinese reviewees would appreciate my review for One Dim Sum, the BEST Dim Sum you could ever taste in HK...no joke!Don't be put off by the crowdiness and the Chinese menu...I am not sure if they have one in English, but you can literally point at your neighbours and say "1 of those please". It's all part of the fun when you're visiting another country where you don't speak the language! If you are adventurous and don't mind the language barrier, you will not regret to w

非常失望.... 唔會再去第二次囉!!星期日夜晚十點, 原先諗住去添X運點知收十點!! 行去太子一點心, 諗住米芝蓮喎 點知叫六樣點心四樣都無 間店收一點, 十點仲早啫... 叫乜就無乜 更何况食物亦一般, 點解仲要等位??!

聽講一點心係米芝蓮一星級，就去試下。發覺果道D員工服務態度比OK更OK!!!環境OK!!!D點心唔會超過28蚊，茶錢2元，好抵!!!衛生都OK，唔差!!!一點心，好OK!

好不容易才等到週末，脫離急促的生活節奏，好好揮霍一下時間。老公提議去吃米芝蓮一星點心，最愛飲茶的我豈能抗拒？天色不好的週末，這裡仍很旺場。下午二時到達，已有大批群眾在店門外等叫位，當中還有外籍人士。手執８７號籌，剛好要等三十張枱。是日下著毛毛細雨，幸好店外有帳篷，才不用冒雨等位。店內座位不多，又正值黃金時間，結果我們等了快一個鐘頭，才獲安排入座！那就看看我們等了這麼久是否值得吧！甫一坐下，見到枱面放了一張墊枱紙，上面清楚寫明各類型點心和價錢。點心款式雖不至於包羅萬有，但最基本的都不缺。價錢方面，倒是令人驚喜！大多數點心都介乎$10-$20之間，先不說它貴為米芝蓮食店，以這個在鬧市中的地理位置，真的十分經濟！還有一點值得一提，以飲茶的地方來說，即使是擠滿了食客，環境是出奇地清靜，聊天時不用提高聲線。只是這裡地方比較狹窄，枱與枱之間距離很近。另外，座位貼近大塊玻璃窗，私穩度欠奉。兩個人，點了七款點心。落單後不消十分鐘，點心徐徐送到，而且是幾款一齊來，效率值得表揚。而店方亦會主動提供適當醬料，不用食客操勞。先試了蜜汁叉燒腸，腸粉皮不夠薄，也不夠滑身，但餡料完全交足功課！叉燒切成有一節手指般大

二月二十四日 (星期四)是晚在旺角看黑天鵝的特別場我靈機一觸,想到太子的一點心因看九點九,我們有的是時間,決定去碰一碰運氣有點驚訝,不日坐車經過必看到大堆的食客在門外等待豈料今日卻並不多人,我們等了約十五分鐘便有位貴為米芝蓮店,我們抱着頗大的期望沒有豪華的裝潢,與添好運差不多,譚點更比它體面呢不過,我們主要都着重食物質素多於外在環境的....先來煎蛋牛肉餅蒸飯很普通的,煎蛋其實與牛肉餅格格不入而且牛肉餅只得其名,沒有什麼的牛肉味飯本身尚可...鮮蝦肉腸...腸粉皮很厚,口感極為不好蝦肉欠新鮮,而且不爽口開始感到有點不對勁幸好燒賣將功補過很香很滑的豬肉,每粒都脹卜卜的,材料十足馬拉糕應是全日最好味的很香很甜,而且呈圓狀一片一片的吃,既特別,又享受接着的棉花雞也不錯雞肉蒸得剛好,很嫩滑而且魚肚吸收了雞肉的精華,雖有點膩,但很香口,肥一點是值得的是晚最值一彈的一定是蝦餃蝦餃皮極稔,未吃已爛透了蝦肉不太新鮮,而且肉質不爽貴因為米芝蓮店,着實有點失望與另一同類米芝蓮店添好運相差甚遠就算與譚點和聚點坊相比,也略為遜色值得慶幸的,是我們不用等太久呢...

間野好似長期門口都有人排隊等位 :-s我同朋友等左半個鐘先入得去因為得兩條友，所以唔係叫左好多點心 叉燒腸除左塊皮好似厚左小小都冇咩野 蝦餃一般啦，同平時酒樓食果啲冇咩分別棉花雞d棉花同雞比平時出面酒樓食果啲大少少好味馬拉糕都幾大個，熱辣辣架好鬆軟，朋友話愈食愈甜疆蔥牛柏葉好正阿好入味

晚上7點幾到,已有十多人等候.平時嘅我一定唔等,因今次係專程去食.我同個朋友兩個人去食,共點咗八款點心.1.腐皮卷-熱騰騰2.蝦腸-一般3.鳳爪-ok4.咖喱魷魚-超正5.蝦餃-一般,皮肉分離6.菜乾粥-夠大碗7.燒賣-自己對燒賣麻麻,但都覺得ok.8.鱆魚飯-最差一款,無味.結帳百多元,下次一定再去,但唔食鱆魚飯.

今次是第二次來一點心,上次來未曾試多些種類,這次可以再叫其他嘗試.所叫的點心有:-1.例湯 - 清補涼煲螺頭,猪骨等.是很夠火路沒有味精,和自家煲的內火湯差不多,每人一盅可以喝完.2. 煎蛋牛肉飯 - 一般水準,沒有特別.3. 棉花雞 - 所用的魚肚和冬菇很不錯,厚厚的,不是紙一樣薄,充滿雞汁,也有香味反而雞肉一般,但可以接受.4. 雞扎 - 像棉花雞,魚肚不錯,其餘一般.5. 油菜 - 所選的是生菜,份量也多,很普通.6. 馬蹄糕 - 是煎的和在最後再加,這樣才可以吃到熱辣辣的美味,這點心在其他食肆很難找到這樣好食的馬蹄糕.7. 菜亁咸骨粥 - 也是很夠火路,沒甚味精,份量足夠.8. 馬拉糕 - 應該是用蔗糖造, 不太甜,很香的雞蛋味.

阿媽帶我去食米之連食店。。哈哈。。７：００ＰＭ去到，　唔洗等好耐。。好彩。食物：綿花雞：估唔到，　都幾好味。炸雲吞：唔ＯＫ，　炸得好硬（Ｄ皮）。菜苗餃：唔得，　皮厚、菜苗好乾。叉燒腸：一般。鳳找排骨飯：一般。馬拉糕：好味，　夠熱，　甜味適中。ｏｖｅｒａｌｌ，　都ＯＫ啦。不過如果需要等好耐就唔好了。

全部野食都似交貨黎，應該無c fu自制香港要食好點心，真係有好多選擇，呢間，門都沒有佢如果去左德國，意大利做中式點心，應該會叫好食，香港就稱唔得上okbtw, 可能夜左，好幾種野都無我地叫左十幾款，但因為太麻麻，我無晒心機影成晚得個芥蘭好甜，其他讚唔落個流心包流到爆，我u時個中菜廳好食過佢so disappointed不過，5條友勁叫，每人都係$50宵夜無乜選擇可以，但唔好因為米米蓮特登去試，waste time

本身我媽咪就係附近返工，成日都見個度好多人排隊，而我媽咪亦好鍾意飲茶的，所以就話搵日去試下﹗我地去食既時候係未評什麼一星的，而估不到隔了幾個星期後見到報紙說評了一星，所以我才有衝動去寫這一篇食評﹗因為一次就夠了﹗我本身就好喜歡食盅頭飯的，一定會叫鳳爪排骨飯，可惜試完之後完全係水準之下，d飯太爛，沒口感，鳳爪及排骨也是一般般而已，很失望﹗腸粉也太淋，不好食﹗其他點心也是一般而已，沒有什麼印象了。真不明白為什麼這間店可以評得上一星，好過它的店或酒樓真係多不勝數，就附近而言，鳳城、京華已經好幾千倍了，難道就因為它是食店而不是酒樓就可以評上一星嗎？評星不是以食物的質量來評定的嗎？可能是外國人的口味不一樣吧﹗外國人評中國點心，可以不理了﹗

慕米芝蓮之名而來, 天寒地凍等30mins本來唔係問題, 但慘在食物質素遠不符預期蝦餃 - 味道係一般酒樓貨色, 餃皮手工不一雞絲粉卷 - 幾好雞扎 - 可以咸魚肉片飯 - 肉片唔夠滑, 係一般過一般ge盅頭飯韮黃鮮蝦腸 - 蝦"拿"到好爽但冇哂蝦味, 一條腸粉可能得1條韮黃, 點少d鼓油都冇味燒賣 - 燒賣面頭隻蝦係臭ge 結論: 可能以前係幾好食甚至好好食, 但以今次黎講, 比同區另一間米芝蓮一星點心店整體水準差太遠, 唔會再去

北菇雞飯幾好味...不過唔係話好特別叉燒腸粉好滑, 幾足料, 唔錯^^鮮蝦豆苗餃唔錯, 不過食唔出佢有蝦-__-奶黃包好好味!!! 唔係流沙, 不過有好多奶黃, 好香^^馬拉糕好大舊, 好味黑椒牛仔骨, 好入味唔記得佢叫乜不過幾好味好似有d魚湯之類ge野蝦米腸粉有好多條!!@@都係好滑3個人食咗10樣野, 埋單先around$150好味又經濟