一鳴拉麵

營業中

休息中

下雨的夜晚☔️條街涼浸浸，就想食有熱湯嘅食物，於是去咗一鳴食拉麵🍜以前嚟過幾次，裝修幾有日本拉麵店感覺，嘢食又唔錯，價錢又合理，於是又再嚟😌💛1️⃣今次試吓未食過嘅黑松露雜菇湯底拉麵（$88），拉麵揀咗幼麵（另有太麵），肉揀咗比較少見嘅選項：豬軟骨。黑松露湯底好香好濃厚，菇食落有牛油香，應該用牛油炒過，不過菇唔多；總的來說，湯底比預期更好味。幼麵幾彈牙，豬軟骨就好入味好夠冧，仲幾大舊。不過由於湯底同豬軟骨都偏膩，所以前三分二好好味，食到後三分一有啲濟。建議呢款湯底配返叉燒好啲🤓而飲冰水係有稍為解膩嘅🤣2️⃣再配咗土佐豆腐（$38），外面酥脆裡面嫩👍🏻配拉麵又幾夾😺埋單$139，價錢合理👌🏻

🎈一鳴拉麵大埔嘅一間隱世餐廳，拉麵相當高質，喺區內好出名㗎，最近仲供應午市定食套餐，價位大概$60-80，仲可以追加炸雞、餃子等🥟小食店員親切友善，比連鎖店多一份人情味，吸引唔少捧場客🎈豚肉生薑燒丼定食簡單美味嘅配搭🤤滿滿嘅豚肉鋪滿飯面，份量好足🥢豚肉厚薄適中，索晒醬汁好入味豚肉汁味道微甜帶點薑汁香氣🍱係幾惹味，啱晒送飯，仲可以特價加配小食，性價比好高🎈汁燒鯖魚丼定食鯖魚外皮香口，食到豐富魚油香🥢鯖魚大大條，肉質厚實得嚟好juicy，食得好滿足🫶🏼鯖魚會有幾條幼骨但唔影響整體口感，大推👍🏽米飯係用珍珠米，灑上飯素，再配搭漬物同味噌湯，感覺完滿🎈炸雞炸雞外層炸得黃金吸引，雞皮超香脆😍肉質軟嫩，加上蛋黃醬，十分滋味🎈唐揚豆腐豆腐外層薄脆唔油膩，內裡非常滑嫩，醬汁酸酸甜甜

我叫咗個原味嘅豚骨湯拉麵，麵底選擇咗細麵/普通硬度，配料叫咗豬軟骨。另外叫咗一個明太子芝士玉子燒。首先講一講拉麵湯底嘅味道，湯底味道比較濃郁，有香濃嘅豬油味道，質感比較厚。拉麵本身冇乜味道但因為湯底濃郁所以食起上嚟一啲都唔失色。豬軟骨正常。明太子芝士玉子燒我就略嫌有一點失色。首先玉子燒嘅處理非常好，熟嘅程度啱啱好有些少流質嘅感覺。食落去嘅時候都食得出中間夾咗嘅芝士，但芝士嘅味道略嫌不足，可以更加濃郁。另外明太子只靠面頭上嘅醬料味道比起芝士更加淡。但我覺得仍然係可接受範圍之內。總括而言，計埋價錢、質素在內，非常推薦呢間餐廳。

︎ 今日天色轉涼 最岩食啲熱辣辣的日式拉麵呢間小店距離大埔墟站大概10分鐘路程日式裝修 牆上有不同日本風格🇯🇵懷舊海報🏯拉麵一共有五款口味 另外仲有小食同飲品拉麵有不同喜好選擇可依照個人喜好係拉麵紙上圈住就ok喇♡⋯⋯食評⋯⋯♡ ☻ 4.5/5 ✨松露· 雜菌松露醬油豬骨濃湯$78會附上一碗雜菌配料 仲有一羹松露醬🤩聞到勁香松露香太麵比較有咬口 ✨赤辛· 秘製地獄醬豬骨湯底 $78豬軟骨真係好入味好濃味 重口味者大愛❤️好軟腍一咬就就散開 🤪湯底好濃郁好稠身 幼面掛哂汁唐揚豆腐（3件） +$18豆腐熱辣辣好嫩滑

天氣開始轉涼，都想食碗熱辣辣嘅麵，之前經過呢間「一鳴」見到排晒隊已經想試，今日見時間尚早未算太多人，終於有機會試了。有五款拉麵可以揀，午市可以加8蚊要飲品及18蚊要一款小食，仲免收加一，都算抵食。豬骨濃湯拉麵 :麵條揀咗太麵，配料可以揀豬軟骨或火炙叉燒，兩樣都想食嘅我決定加20蚊要晒。先試一啖湯，味道鮮甜濃郁，太麵比普通拉麵粗而有嚼勁，彎彎嘅麵條可以沾到更多湯汁，感覺更好味。兩款配料個人較喜歡豬軟骨，煮得好淋好入味，而叉燒肥瘦度啱啱好，經火炙後更香口，配埋溏心蛋及木耳絲，整體感覺好滿足。煎雞軟骨棒餃子 :喜愛雞軟骨嘅我，當然要試呢款餃子。餃子外皮煎得香脆，無乜油膩感，入口脆卜卜，好味道。

《大埔美食/大埔拉麵 一鳴拉麵🍜》🔹 紫菜櫻花蝦玉子燒🦐🥚 ($88）玉子好 高 質！！！！雖然單價比較貴，但好值得食😍 玉子燒得好實淨，唔係散修修，就算切開幾舊都唔會散😚醬汁&櫻花蝦同蛋好夾又有口感🩵 🔹豆腐 (free)豆腐好滑🩵配製嘅醬幾夠濃，但唔係喺口長留嗰隻~你食落口嗰刻係一閃即逝，令你想試真啲，一試就想食晒成舊🤣🔹黑蒜叉燒太麵🧄 （$85）拉麵有啲油🤏🏻食一碗已經好飽😂太麵硬度啱啱好👍🏻有咬口🩵叉燒唔錯，我好怕食到啲又韌又鞋嘅叉燒，但佢依舊入口鬆軟，一咬就溶🤤🤤🔹松露豬軟骨細麵🐷 ($88)松露好香😍😍😍 一拎到埋嚟已經撲鼻嗰隻🤤面頭仲有一羹松露醬🩵碗麵仲有雜菌🍄增加咗唔少嘅口感😍松露控大愛🤣不過豬軟骨好黏牙同好漏🤏🏻∴∵∴ ୨୧ ∴∵∴ ୨୧ ∴∵∴ ୨୧ ∴∵∴∴∵∴ ୨୧ ∴∵∴ ୨୧ ∴∵∴ ▫️後記✐服務態度好好！！▶ 因為當日人多，樓面得靚女店員姐姐一個👩🏻好忙，佢見我哋要自己斟水已經不停道歉，最後仲送個豆腐俾我哋食😂😂.聽靚女店員姐姐講，細麵會爽啲 幼啲，而太麵就有咬口啲，所以喜歡唔同口感嘅就知道自己點揀喇～.～～希望大家支持多啲小店 支持香港地😌～～.評分♡👅

想念日式拉麵的味道，於是去到大埔的一鳴拉麵用膳。為免人多，於是6:00準時到達，餐廳才剛剛開始晚市營業呢，幸好不用輪候。點餐紙很有質感，選項清晰列出，食客只需圈出心水配搭就可以。點了一碗雜菌松露醬油豬骨濃湯拉麵。首先最吸引的一定是那濃濃的松露香氣，令人食指大動，和雜菌也是非常搭調。可能是醬油的原因，令到整碗湯是黑漆漆的，非常特別。豬骨濃湯也令整碗拉麵提升到另一個層次。各款香氣令整碗拉麵非常吸引。選擇了太麵，很能掛湯。搭配豬軟骨作配料，煮得極為軟腍，但仍富口感，豬肉絲絲分明，中間軟骨細滑可口，大力推介。額外增添櫻花蝦，加強了口感和味道。素菜天婦羅包括冬菇、秋葵、甜薯和茄子，最欣賞外層脆薄，內裏蔬菜仍是濕潤細緻，不會很乾，又不會很油膩。

作為大埔人，聽朋友推介就多，今次終於走黎睇下係咪真係咁出色，內街小店，外面望招牌光鮮有心思，拉開道門入去，嘩！都幾日本拉麵Feel下，睇黎老闆花左心機落去佈緻，舖仔細細，但我已經平日黎食都Keep住有人流，自己一個人嗌唔到多野，都係叫一個拉麵一個前菜，題外話係原來隔離一鳴丼係同一個老闆，佢地既野食可以互相叫架，見啲剌身幾平，我幾有興趣， 下次要有個伴黎食嗌多啲野至得櫻花蝦麻醬秋葵$38前菜最緊要開胃，清新既秋葵配上邪惡既麻醬，有幾得意Wo，可能因為我食辣拉麵，呢個秋葵正好比我係辣既時候沖淡返口入面既辣味，清新同辣味互換令我覺得口腔更舒服同開胃赤辛叉燒拉麵$85我係個幾鍾意食辣既人，個人覺得呢碗野值得推介，呢度揀拉麵首先揀湯底，然後麵既粗幼同軟硬度，跟住係配料同醬料，辣度我揀左一隻辣椒，唔會太辣但又有Feel，食得辣既可以挑戰下，湯底夠濃夠稠，我鍾意！每一啖湯連埋麵同配料食有好豐富既感覺，叉燒質地軟身入口即化，基本上我好快就已經食完一碗，份量男仔計都唔覺得少

六點半黎到唔使等位即入，入面裝修好似去左日本咁，雖然啲檯得嗰幾張，但坐得闊落舒服～落單後上菜速度都好快～五分鐘內可以開飯我地今次嗌咗3樣嘢食，兩碗拉麵加一個雞軟骨。豬軟骨豬骨湯底好多蔥好香，因為本身唔食木耳，佢落單嗰陣張order紙可以圈埋唔使額外叫佢走，幾體貼～食到三分二，覺得有啲鹹，但湯底係幾好味，值得一試！黑松露叉燒拉麵湯底好濃厚既黑松露味，忍唔住每一啖都要加埋啲湯黎飲，食到最尾雖然好流，但係好好味！雞軟骨 無咩特別 正常發揮

一間變兩間🔥隱蔽日本嘢🇯🇵日式料理全都有🤤拉麵 丼飯 串燒 定食 刺身💎 一鳴香菜拉麵 $85值得一試‼️ （😋：8/10）👍🏻：如果你係香菜fans‼️一定要試呢個湯底🥬🍜如果你係豬軟骨肉fans💯一定要試呢個炆到勁淋勁入味嘅豬軟骨😍😍超好食🤤係會想encore的！👎🏿：。💎 唐揚雞軟骨 $38可以一試✅ （😋：7.3/10）👍🏻：份量好多，好似食都仲有咁🤭🤣好正👎🏿：。💎 汁燒鯖魚丼定食 $88正正常常👌🏻 （😋：6.8/10）👍🏻：定食有：鯖魚、白飯配飯素、沙律、漬物、麵豉湯。🐟當日鯖魚調味嘅時候應該犬重手，淨食嘅話會好咸，啲鹽落得唔平均。飯就比相像中大碗🍚女仔應該會好飽👎🏿：。環境：7.5/10服務：7/10 (冇加一服務價)價錢：人均約$100性價比：7.5/10 📍 一鳴拉麵 (大埔)大埔運頭街20-26號廣安大廈地下E號舖

公眾假期嚟試下，夜晚7點左右到，排咗半個鐘就可以入座，叫完野食都要等20-30分鐘先上齊…overall真喺好慢好慢🦥🦥🦥（唔值得等咁耐🫣🫣）赤辛拉麵（$85） 評分3.5/5幾好食，辣得好正～一鳴拉麵（$82） 評分3/5-再另加咗一隻蛋普通，豬骨湯有啲太油🤣煎雞軟骨棒餃子 （$38） 評分4/5好食，食到雞軟骨口感幾特別🤤仲叫咗兩罐可爾必思，襯番日本feel🤤店員服務態度好好👏🏻埋單（連加一服務費）$270，記得過咗$300先可以俾信用卡

［一鳴拉麵］初初去一鳴係俾佢的日本裝修所吸引🇯🇵🇯🇵入面有好多日本風的海報之前剩係得拉麵而家有埋丼食可以滿足又想食刺身又想食拉麵的你😋😋豚肉生薑燒丼飯$88🐷🐷❤️都幾入味 洋蔥好甜豚肉唔韌但不足的係唔夠薑味黑蒜拉麵 $85🍜🍜❤️叉燒好淋 唔會覺得肥膩亦吸收了湯汁香濃的味道❤️個黑蒜亦好濃烈 好香松露拉麵 $88🍜🍜❤️拉麵上會有少少松露醬❤️都幾特色我自己就鍾意食黑蒜多d回頭指數(10分) : 7分√√√√√√√價錢(5分):💰💰💰味道(5分):😋😋😋😋打卡(5分):😊😊😊😊

大埔火車站附近的一嗚拉麵，和旁邊丼食堂是同一間店，內面豐富日本海報街招。他們的拉麵，亦好高質味道出色。雜菌松露醬油豬骨濃湯拉麵 （細麵）以雜菌松露醬油為特色，給予了湯底獨特的風味。湯底濃郁而濃稠，散發著豐富的松露香氣。細麵點了較硬質地，硬度適中，能夠完美地吸附湯汁，讓每一口都充滿豐富的味道。叉燒亦吸收了湯汁香濃的味道，肥瘦均勻，口感適中，不會太硬。一嗚豬骨濃湯拉麵（太麵）豬骨湯底醇厚而濃郁，充滿了豬骨的風味。太麵的寬麵條更加彈牙有嚼勁，能夠融合湯底的滋味，給予食物更豐富的口感。每一口都能品味到湯汁的濃郁和麵條的咀嚼感。額外點多了一份溏心蛋，蛋黃的生熟度剛剛好，帶點蛋黃汁，整體口感水潤，非常滋味。

三號強風信號下，冇心情去行街，兩兄妹求其搵啲嘢食吓，突然想起小店「一鳴拉麵」。叫咗兩個拉麵套餐：1. 黑蒜油豬骨湯配叉燒細麵、炸豆腐，烏龍茶2. 香菜豬骨湯配叉燒細麵加味筍、雞軟骨餃子、烏龍茶3. 一鳴創作醬炸雞埋單$277，價錢尚算合理可惜香菜豬骨湯比起之前冇咁濃郁，以前嘅芫荽醬多好，碗湯都係綠色㗎！希望能夠返回以前嘅水準，整體出品唔錯！

通常細細間既拉麵店都唔錯，呢間一鳴拉麵真係驚艷到我。我叫的是赤辛拉麵，飲第一啖湯我「哇」左一聲，湯頭口感好濃郁，辣味有既但唔過份，接受到。拉麵的麵條好有彈性，係我中意既軟硬度。食完會令人心心念念想再去食。