一鍋豐 (已結業)

天氣凍凍地就梗係要打下邊爐啦,就即刻約埋朋友去左旺角創興既一鍋豐啦,地點位置勁方便一行4人被安排坐卡位, 非常寬落,我地揀左象拔蚌海鮮火鍋餐,包左一份海鮮拼盤，另外這套餐係藍妹啤酒, 紅酒同白酒任飲 而火鍋配料及其餘飲品已包,仲可以加 $28 就有任食刺身,不過見野食都好多, 就冇額外加啦湯底方面揀左侯頭菇沙魚骨鍋,味道唔會過濃同唔會太油海鮮拼盤有象拔蚌, 星斑, 鮑魚, 蠔, 帶子, 花甲及螺份量都唔少牛肉有4款可以揀, 每款都唔錯, 都好淋同有肉味;魚腐也有質素, 夠大舊又唔會太淋;午餐肉都係厚切, 正全部配料份量都會按人數,唔會浪費 花膠都好大塊, 女仔當然要勁食啦, 哈哈烏冬是方形的那種日本的烏冬，超正甜品方面除左雪糕雪條, 仲有雪糕機,是日係雲呢嗱同芒果, 味道唔錯,仲有4款配料可以加上去呢食物質素好, 而且坐得好舒服,侍應收拾都好快手,好適合一班朋友食飯聚會~

今晚又係同朋友聚會時間！佢地揀左食一鍋豐！去到睇餐牌好多選擇！剩係湯底都有12款！另外有3款火鍋套餐可以揀！我地揀左$268象拔蚌海鮮！另外仲可以每人加$28任食魚生！正呀！我地都加左！但任食魚生就選擇少！食物都算新鮮的！我地最後叫左個麻辣湯底！但辣程度如果有10級！我就覺得只有1級辣！朋友唔太食得辣都覺得唔辣！其他牛呀！海鮮呀！手打丸！菜類！都好新鮮！但如果湯底可以再辣d就更加回咪！現在更有飲品自助區！任飲任食！但海鮮就只有一盤！不能再加單！其他食物都可以任叫！總括食物新鮮！味道都有7-8分！可以再辣d就更香更好味！

冬天食咩？！唔係打邊爐就係BBQ～～今晚打邊爐就選擇咗第n次嚟嘅火鍋放題，每次都叫同一個餐，勝在佢每次都keep到一樣嘅質素。上次同3個朋友嚟食夠$1000送咗$100 coupon，所以今次可以減$100總括嚟講，以呢個價錢可以坐得舒舒服服，服務都算唔錯⋯每食完一碟就有姐姐極速收碟個人推介：手切安格斯牛小排，頂級肥牛粒

聖誕前夕明天開始同事陸續開始放大假，所以今天就先來一個聖誔節聚餐，今晚我們選了旺角創興廣埸的《一鍋豐》，因為之前同事試過不錯，而且樽裝藍妹啤酒仲任飲，19:00 來到人不算多，這𥚃的任食火鍋有三個價錢$288和$238及$188，我們就選了任飲紅酒白洒和樽裝藍妹啤酒的$288餐，服務員説今天$288 餐的象拔蚌改了龍蝦刺身。首先來到的就是龍蝦刺身和海鮮拼盤，龍蝦刺身肉質鮮甜好味，海鲜拼盤我就覺得星班片和鮑魚也很不錯，跟著來的就是任點的刺身，赤貝也相當新鮮，其他的火鍋配料也陸續送上, 試了十幾様任食的，我最喜歡手切安格斯牛小排和墨魚滑，任食兩過半小時，啤酒任飲真是相當不錯，下次可以再來。

朋友生日一大班人去了創興打邊爐，平日晚上等電梯都排到轉入豉油街，上面每間餐廳都爆滿，幸好一早訂了枱，這間一鍋豐入座起2.5小時任飲任食，價錢有三種，都貼近大眾價位，難怪全場爆滿。湯底是馬來喇沙大頭蝦湯，有豆卜及兩隻大頭蝦，有點花生香但不會太咸，喇沙味不太突出。海鮮拼盤只有一份，有原隻鮑魚切片、扇貝、蠔、螺及魚片，另外還有任食蝦、蜆及原條立魚等，拼盤新鮮，任叫海鮮的蝦蜆都不錯，爽彈鮮甜。刺身有三文魚、希靈魚、鮑片等，眾多款式最好味都係三文魚及鮑片，三文魚是腩邊位，油脂豐富色澤鮮艷。龍蝦刺身更是亮點之一，切成通透薄片，爽口鮮甜。其他任食火鍋料款式很多，除了有基本的蔬菜、豆類產物及雜菌，還有手打蝦丸、墨丸、多款餃子雲吞、牛內臟、豬牛羊雞肉等，味道就首推手切牛肉，肉味濃郁且新鮮，而且有咬口，羊肉就切得太大件太鞋，其他食物整體都不錯。打邊爐點少得啤酒汽水，這裏還有紅酒白酒無限量供應。最後食埋個雪糕做甜品，飽到行唔郁。

臨近冬至又係家庭飯局時間，以前每年都會去酒樓同人迫，又貴又難訂位，今年全家一致通過去打邊爐。這間一鍋豐之前同朋友去過，價錢屬中間但款式很多，味道都不俗，今次就同屋企人一試。餐廳有三款套餐，而最貴的有龍蝦刺身及任飲紅酒白酒，所以決定豪一次。鍋底有十二款，我們就要了喇沙大頭蝦湯。刺身任食有三文魚、鮑魚及赤貝等，雖然是任食但三文魚都算肥美，有油脂香味。龍蝦刺身有光澤，十分新鮮，味道鮮甜及爽彈。海鮮拼盤有多款新鮮海鮮包括鮑魚、魚、扇貝等，餐廳貼心地將鮑魚切片，方便碌熟，其他任點海鮮有新鮮海蝦，爽口彈牙；多款鮮魚片味道鮮甜。肉類有多款，其中牛肉都有手切牛、滑牛等，手切牛味腍肉香；豬肉片、羊肉粒則比較一般。手打丸、雲吞及餃子都不俗，蝦丸細細粒，剛好一口一粒，不怕太飽。整體食物款式多，味道不俗，但比較嘈。

創興中心出名多野食，火鍋、放題、韓燒樣樣齊，今次就同朋友們去了18/F的一鍋豐打邊爐。難得一大班人食過節飯，當然食最貴的餐啦，$288龍蝦刺身餐，多款配料任飲任食。我們先點了馬來喇沙大頭蝦鍋湯底，大眾化口味只帶微辣，花生味濃郁。任食刺身有三文魚、虎蝦、鮑片等共六款，刺身新鮮，味道鮮甜。原隻龍蝦刺身味道鮮甜爽口，而且晶凝通透。海鮮拼盤有元貝、鮑魚、生蠔、斑片及螺肉，全部已去掉內臟，清洗乾淨，而且新鮮肉質鮮甜。任飲任食配料有多款新鮮海鮮如蝦、元貝、蜆等，而牛肉方面，肉味都算濃而且夠腍。其他手打丸彈牙，雲吞裏面蝦肉爽彈，款式太多都未能全部食到。任飲藍妹、紅白酒及汽水等，款式甚多。甜品有自助軟雪糕及雪條等。

我哋部門做冬，出街食飯，投票結果係去食火鍋放題。由識途老馬帶隊，去了創興中心一鍋豐。個場又大又多位，卡位有，大圓檯都有。不過，店如其名 “一鍋”豐，無論你兩個人食、4個人食、6個人食，甚至12個人食，都只有一個鍋。今晚，我哋6個人來食，有大圓檯坐，叫多啲嘢食，都唔怕無位放。本來，想食象拔蚌火鍋餐$288一位，後來，侍應嬸嬸建議我哋6個人食個最近promote緊嘅原龍蝦刺身火鍋餐，除了有龍蝦刺身，還有一盤海鮮拼盤，仲有紅酒、白酒、藍妹啤任飲添，價錢都係$288一位。Good idea 啦! 女同事率先叫了一杯紅酒。可惜，質素唔OK。男同事們識貨，都係飲藍妹穩陣啲。鍋底叫了沙爹 / 清湯鴛鴦鍋。龍蝦刺身、海鮮拼盤制作需時，所以，為咗盡用2.5小時任食時間，我哋都好無妒忌，狂點了火鍋材料，放到成檯都係。各樣材料都好新鮮，尤其是大蝦，好鮮甜；肥牛、水餃和鎗魚亦都出色。食完第一round之後，主角出場了。龍蝦刺身和海鮮拼盤來到，手機打卡時間又到。龍蝦刺身非常鮮味，可惜，太細隻。6個人去分，每人只有兩注，唔夠喉。海鮮拼盤有生蠔、鮑魚、帶子、花螺和星班片，都唔錯。火鍋任食放題，真不錯，過時過節都啱食

本人系小米嘅超級粉絲，每當佢哋有新產品推出的時候，我都會第一時間去朝拜。早兩日佢有部新機推出，我就第一時間拉埋同事收工一齊去欣賞下部新機，最後都係忍唔住手要去排隊入貨。買完心頭好，為了表示答謝同事山長水遠陪我到旺角創興廣場，就請同事到創興廣場18樓嘅〈一鍋豐〉海鮮火鍋店食餐勁嘅。呢間舖地方都幾大，座位都坐得頗舒服。我哋一坐低就點咗一個鴛鴦火鍋湯底同埋佢哋全新嘅推介，原只龍蝦刺身火鍋套餐。呢個套餐特色就係全場紅酒白酒啤酒汽水雪糕任飲任食，又特別送多一份五款嘅海鮮拼盤，隻龍蝦刺身真係好新鮮好彈牙爽口，又有幾款刺身可以任點，簡直冇得彈。最特別，係有我至愛，雞子。普通地方好少有得食，不過，記住要淥耐啲先好食。入口似食豆腐，但係佢嘅鮮味甘香，係無嘢可以代替。跟住再點埋其他火鍋料，啲料款式又多又新鮮。最後我哋任飲任食兩個半鐘頭後，都捧住個肚埋單走人。我哋一致認同下次一定會再來。

一星期之前已約定二哥去食火煱，因為佢鐘意飲酒，所以我地多數選擇啲任飲任食嘅放題，同事介绍創興廣場18樓間(一鍋豐)都幾OK，可以試吓，放工前已约佢係創興廣場樓下等，因為大家都好準時，但係要排隊搭𨋢，上到去嘅時候，因時間尚早，好易有位，侍應俾咗嗰餐牌我地睇，佢推薦話有個龍蝦刺身海鮮套餐(包紅酒，白酒，啤酒)火鍋配料，任飲任食都係每位288元。二哥話就要呢個餐啦，湯底揀咗鴛鴦 ，可以分開兩边淥，啤酒重要係藍妹喎，又有生蠔，鮑魚，海班片，帶子，龍蝦刺身，師傅切得非常好，入口好鮮甜，最難得係龍蝦頭，師傅都會同我地斬開咗幾舊，因為個龍蝦頭都好大，生蠔同鮑魚鮮味十足，配埋嗰自家制醬汁，味道即時提升咗，另外火煱配料我地揀咗 ，手切肥牛，海蝦，黃立倉件，雞子，手打墨魚丸，手打蝦丸，脆肉鯇魚片，台灣貢丸，墨汁墨魚丸，響鈴同埋生菜首先放咗啲丸同埋海蝦落去淥吓先，響鈴一渌幾秒就食得，手切肥牛都好有水準，海蝦係我最鍾意嘅，鮮味都好正，雞子係我二哥至愛，我就少食，試咗一粒都OK，啲丸味道各有特色，火煱加啤酒真係冇得輸，兩兄弟都唔知飲咗幾多啤酒，都係時候走人。

同事升職請食飯， 本來想去一間國內品牌火鍋店，但等唔到位就改嚟咗創興廣場，諗住佢夠多食肆。 我哋一路搭𨋢上，去到14樓、15樓、16樓都係超多人，但去到18樓呢間一鍋豐， 竟然可以有位直入。坐低睇一睇，價錢基本消費188蚊，比樓下嘅多30蚊，但佢好似勝在有魚生同刺身。我哋加多60蚊叫咗個鯊魚骨猴頭菇同胡椒豬肚湯底。 但我對湯底其實都幾失望，因為兩個都係淡而無味。魚生方面，唔算好新鮮。三文魚一啲都唔肥美。其他餸方面，手切肥牛一啲都唔肥牛，仲要好好睇住時間，因為淥多陣就一定會變得好奀。羊肉叫做好少少，不過都係太肥。牛筋腩好恐怖，成碟牛腩黑蚊蚊， 唔知喺雪櫃雪咗幾耐先拎出嚟。 另外，我啲牛筋呢？午餐肉應該係梅林牌，又霉，又林，一夾就散。魚皮好鹹，炸響鈴一啲都唔脆。 貢丸嘅雪味太重。手打蝦丸，太細粒，又無蝦味。菜方面，食返生菜比較穩陣啲。水餃都算正常。所以話，一定要 follow 民眾既智慧， 事出係必有因嘅。以後嚟到創興識揀啦。

當天跟朋友行完山, 想食餐好D同朋友補祝生日, 上網找了一間併預約了位去打邊爐, 但上到門口才知道CARD機壞了, 又沒有現金係身, 本想到附近 ATM取錢, 但落到樓下見同樓也有幾間可打邊爐, 就退而求其次選了這間! 因6時多少少, 上到門口也不需等位, 選了中間價錢又有海鮮的套餐, 成為$238/位, 入到去, 座位尚可, 選了個藥膳雞湯底, 跟著點餐, 不同套餐點餐單也有不同, 我們的也有6款魚生可點, 湯底不錯, 有濃濃藥膳味, 點好的菜很快也上菜, 我們的套餐包括海斑, 鮮鮑魚, 有殼蠔,蘭花蚌及馬刀貝, 蠔不錯, 都算大隻, 蘭花蚌細到差不多見唔到, 鮑魚切了片, 少到好似2人一隻咁..., 跟著其他野也到, 魚類只有鱔片比較好味,  肥牛不是肥牛, 是鮮牛肉咁, 但牛肉不錯, 黑豚片薄過紙, 吹得走, 羊羶味太勁到食不下, 土魷還可以, CRAB棒尚可, 夠大條, 魚生上來也不想食, 不像很新鮮, 只食了鮑片, 叫了油墨菜加娃娃菜, 菜是OK, 野飲就任飲, 都算有選擇, 雪糕就只有雀巢杯, 有雪條及雪粒, 可坐2個半鐘, 但差不多時間就好趕咁被人叫埋單,食緊雪條都急急叫

食物唔新鮮, 蜆有沙, 魚好腥, 芋頭好硬, 主打既海鮮拼盤唔新鮮, 鮑魚勉強算ok, 其他如蠔, 象拔蚌都睇見都唔想食。 全場最好食竟然係粟米!! 真係無眼睇無下次! 中伏到不能!!!!打邊爐其實好易做, 只要食材新鮮, 湯底正常, 真係好難會用難食黎形容! 叫左個番茄蜆湯, 好明顯係用番茄膏開水, 陣味假到一d 都唔襯。但係今次絕對係難食中既極品!!!! 我終於明白點解同一個大廈樓上樓下都爆哂, 唯獨呢間仲可以有位。差差差!!! $238 1 位食d 甘既野, 要大叫回水!!!

今次專登走黎試下呢間一鍋豐，我地三個人坐低叫188元個餐包埋刺身任食，刺身黎到食落都0k嘅，但款色好少選擇，食物黎到開始想食，發覺D碗筷有鯹味好明顯係洗唔乾淨，心諗呢間野唔方好得去邊，D灼蝦十隻有八隻霉嘅其他食物質素好一般 飲品款色極少選擇，但價錢就成幢創興廣場最貴係佢，臨走前十分鐘已好似茶餐廳咁收哂你枱面D野，好似迫你快D走咁，但其他枱都有好多吉位，佢哋唔需要咁急，我最唔Buy就係呢樣嘢，我勸告大家唔好黎呢度食埋單超過二百元一位，我食牛牛好得多

👉🏻刺身火鍋放題(2個半鐘⏰)💲188呢間啲服務幾好💁🏻侍應態度勁好 好有禮貌👏🏻落左order之後五分鐘內一定送到嚟又唔會漏單👍🏻不過種類就唔算多 刺身都係得六種🤣但夠食滿足到我因爲佢仲有雪糕🍦有唧同包裝😗呢間仲要唔洗加一🤓