一遊

營業中

休息中

菜單上面有好多魚生、壽司、串燒、天婦羅，但我偏偏唔要點。海鮮沙律($93) - 材料好新鮮，海鮮有甜蝦及魚生碎，假設魚生碎係周邊次一等嘅貨，雖然咬到一兩條筋，魚生碎而言質素算好。燒甜薯($25) - 唔會太燶或燒焦，天然甜甜哋，不過淨食可能寡少少。牛肉石頭飯($88) - 一般好味，肉質及配菜都OK，食到最後啲飯亦無黑哂。總括而言，用料新鮮，調味不錯，那當然會貴少少。如果想食好東西，但又想平少少，其實一遊set lunch都唔錯(因為散叫一套十件壽司要$250，壽司午餐連細烏冬、飲品兩百文有找)。

一個平日既午餐中午食午餐只有一小時，招手叫人落單同同埋單就用咗6分鐘同3分鐘，另外叫到埋單又用咗8分鐘先收回找贖。 非常唔岩時間唔充既人。啲侍應招極唔見到你呢邊面都唔岩心急既人。雖然食100左右既午餐食係好普遍，但我一句唔該/多謝都冇聽到。食物方面，麵豉湯係室溫的。豬扒飯不熱而且醬汁之多接近浸透既湯飯。有啲後悔，時間趕都算了⋯⋯啲食物比一般更一般果下感覺唔多好。

在灣仔這個美食區，能成為我心目中認為最好的日本料理真是不簡單，這間日本餐廳完全將你好像帶到真實的日本當中，每逢中午食飯時間這間餐廳必定是排隊的指標，如果太晚的話你整個食飯時間只會用作排隊之用一個午飯的便當費用不算昂貴，但材料非常豐富,絕對是貨真價實而且胃口不算大的朋友有機會不能把整個便當吃完客人真的有點多，有時等候的時間真的會有點久，服務生也非常盡力可惜不能滿足所有客人的要求，但是追求日本料理味道的人，這間餐廳絕不能錯過

是日得閒陪寶去學畫畫，上堂之前要同佢食好啲好耐之前係呢頭做野，友人介紹過我黎到呢間佢做野附近既日本餐廳，覺得都唔錯，又坐得舒服，所以今日帶寶黎試下記得之前我都係叫左呢個豚肉生薑燒飯，專一既我今日決定黎個encore^_^今日呢個醬好似重味左少少，不過送飯係一流！前菜都幾好味十分鐘意食魚既寶就當然叫左呢個燒鯖魚飯啦，有次我個傻婆食buffet見到有條魚就算比人夾到得返條骨，都仲要夾佢返黎食哂剩返既肉一向唔太好魚既我就覺得呢條魚燒既時候可能落得唔夠鹽，所以冇乜咸香味，寶話我咁不如食咸魚加左青檸就會好啲既今次都係無試到魚生壽司！有機會下次一定要試！

公司有同事生日，lunch一齊食飯，想食日本菜，去了就近的一遊。 我們食2:00時段，冇乜人呢。 要了呢個Set F。 刺生定食，$110，有前菜、刺身、湯、白飯及飲品。 味噌湯，材料多，味道不俗。 好大碗飯。 蓮藕，只食了少許，味道普通。 刺身，尚算大件，而且有不少款色呢，有三文魚、油甘魚、吞拿魚、吞拿魚腩蓉、牡丹蝦、帶子及海膽等，厚切的三文魚，夠新鮮味道不俗，吞拿魚好似未解凍，有點雪硬，蝦幾好味，其他味道正常水準。 好漂亮的杯子呢。 食物正常水準份量多，尚算抵食之選呀。

每逢食lunch ,都好想心思思去一遊食，因為佢無論係環境，服務同食物都好好，Lunch set平均六十幾蚊到百零蚊一個，算係中價位，但質素就十分好！有次坐咗喺吧枱，睇住壽司師傅手握壽司，一個個咁整出嚟，真係冇諗過一個lunch都可以咁有誠意！湯烏冬十分彈牙，唔知係咪手打呢？魚生飯亦都毫不吝嗇，魚生都係厚切，亦都係十分新鮮。麵豉湯湯淡適中，仲要包埋一杯嘢飲同前菜，所以每逢lunch time 都人頭湧湧。

今日同朋友去左灣仔合和中心一遊日式餐廳吃午餐，去到已滿座，於是同朋友在門外排隊等候，等候時間不算太長，約15分鐘便有位。餐廳內裝修充滿日式風格，牆上貼著日式裝飾。我和朋友各叫了一客set lunch，我叫了壽司、烏冬定食(烏冬亦可轉蕎麥面)，但鳥冬份量較少，我亦略厭烏冬有點林，魚生新鮮配上手握飯團很好味，之後再配上一杯凍檸茶少冰少甜，完成了一餐豐富午餐。$92朋友叫了魚生飯定食，魚生亦非常新鮮，但份量亦是較少。$120

今日特登去灣仔買書！！順便去食好野😁😁呢間日本料理我好耐之前已經聽過，咁啱朋友又提起，就去食啦！真係好好好x10 好食😋我地2人7:00左右去到，未係好多人，由於我地冇bk枱，要8:15前還枱。見到餐牌花多眼亂，樣樣都想食😋最後點了4樣。第一樣: 傳統厚燒玉子！係日本的味道！！！！😋😋我同男友一食，即刻心心眼😍😍好正！第二係凍蕎麥麵食得出好濃的蕎麥味，而且個冷麵汁好味，唔太咸！差d想就咁飲埋佢！第三係10件壽司set10件壽司咁樣放！好壯觀丫😍 好吸引！刺身夠新鮮，飯夠細！剛好一啖食哂!!日本的感覺☺️ 呢個壽司set 竟然有海膽軍艦，海膽好鮮甜☺️☺️ 帆立貝好厚肉！最後係3串串燒，牛舌，雞翼同雞肉明太子。燒牛舌好爽，雞翼好juicy，好少食到鹽燒雞翼係有汁嘅！雞肉明太子，雞肉好滑！價錢屬中上價，但好高質，真係好好食☺️☺️好滿足❤️十分推介！😋😋😋😋😋😋

做完運動經過合和中心，看見這間日本料理， 見到它的午市套餐選擇也多，於是便決定入去試試。我叫咗一個刺身套餐$120，老公就叫咗一個大蝦天婦羅套餐$98， 連一杯飲品， 價錢在灣仔也不算太貴。刺身很新鮮，種類也多，當中有鮮蝦、海膽和 帶子。而大蝦天婦羅也炸得很鬆脆，蝦也算大隻。

由於Citibank 有優惠，在King Parrot Group食滿$500減$200，就揀了這間居酒屋試試。我地兩個人點了三文魚壽司，帆立貝壽司，甜蝦壽司，白身魚手卷，海膽手卷，蟹肉玉子燒，和牛串燒，海鰻串燒，豚肉石頭鍋飯。壽司水準不俗，很鮮甜，玉子燒都不錯，又滑又多蟹肉，係份量少了點，海鰻串燒好脆口，但唔知點解好似食中式鱔既感覺，和牛串燒則比較一般。手卷的內涵還可，但紫菜唔脆，成件事打了折扣。石頭鍋飯有驚喜，味道濃郁材料多，份量又充足，值得一試。總括來說，是一間正常水準的居酒屋，但價錢略貴，所以性價比只是不過不失。

今晚嚟到灣仔合和中心，睇來睇去都好似無咩嘢食，本來諗住過去對面馬路會有多啲嘢食啦。行行吓比我見到間日本料理喎。於是就睇下個Menu睇吓有咩食啦，個Menu都OK都係我鍾意嘅嘢食，有烏冬、天婦羅、刺身等等。一入去坐底去個感覺好好，因為嗰度嘅裝修同我經常去喺日本食蟹嘅餐館好相似。好有歸屬感，裝修同日本嘅餐館一樣好有feel。我點左一板海膽、海老天婦羅烏冬、番薯天婦羅、一個凍嘅蕎麥面。海老天婦羅真係好好味，粉漿唔多，又脆，蝦好新鮮。烏冬湯底煮得好好。我點嘅嗰板海膽亦都好新鮮好味。整體食品質素我好滿意。一定會再去。如果價錢平翻啲就更好啦。但希望員工接待客人嘅服務態度 能改善下，禮貌一啲就更好啦。

Not cheap and not particularly great so this Japanese restaurant does not particularly stand out. The food is standard at best. We found the gyoza quite oily and the fried pork was typical. It's okay on a lazy day if you live in the area but definitely not worth travelling for. Some positives are that the service was really attentive and the decor was nice.

與友人一小聚 經友人介紹食左呢間日本野環境昏暗唔算係好大間 一望就感覺到好高級甘我地望住餐牌 唔知揀咩好 因為個價格偏貴而且分量少最後5人嗌左2個飯 2串串燒 1份玉子 1碗烏冬 同一碟餃子食完有7-8成飽 價格雖然偏貴 但部分食物係幾好食芝士玉子：甜甜地 入面包住芝士 一夾起d芝士就流出黎 一定要熱食 凍左芝士會硬左唔好食鰻魚石鍋飯：食唔到鰻魚既腥味 鰻魚較多 每一啖都可以食到鰻魚呢間餐廳可以改善既地方係可以比杯水或者茶比客人 唔洗一定要嗌野飲

星期六中午係灣仔想飲茶，點知係地鐵站附近揾左幾間都爆滿，有間仲包場攪function。唯有行遠點去到合和中心，上面兩間酒樓一樣同樣多人，係樓下見到有間日式料理都好想食，個度都有一條人龍，但睇完個menu 覺得唔錯，個價錢又合理，都係$100 左右，於是就等呢間，等左30分鐘終於有位。我地叫左刺身定食同燒鯖魚定食，比原先想像更足料，刺身新鮮，配合前菜，湯及白飯，非常滿足，而個湯比一般麵豉湯好飲d，可能加左些菜，又夠熱

TLR -  too expensive, food is nothing special, service is non-existent. This was actually our second visit to The Yuu, after having been ignored by the unhelpful staff long enough the first time to give up and go. The service had unfortunately not improved any - the staff were slower than a constipated senior citizen, and about as intelligible.  Literally the worst service I've ever had in Hong Kong, and I wouldn't call myself especially delicate! Several mumbled excuses later, we had ourselves