一起食堂 (威利廣場)

營業中

休息中

好耐都冇係公司樓下呢間一起食堂食嘢啦！仲記得之前成日都喺度食，性價比極高，而且味道非常唔錯👍🏻估唔到而家lunch時間又咁多人排隊，不過都正常嘅，性價比高係好吸引的！今次叫咗呢個花雕麻油雞湯麵🍜平時好少有機會可以喺出面食到花雕麻油雞！而呢度嘅麻油雞食落去唔會太油，而且仲有好香好香嘅花雕味！完全係一個好夾嘅配搭👍🏻而且個冬菇亦都吸晒所有湯汁嘅味道，超甜超好食！湯麵比起我預算嘅好食！本身對湯麵冇乜太大要求！但係呢度嘅湯麵非常彈牙，而且加埋呢個花雕湯一齊食！真係完全激起左我嘅食慾啊👍🏻同埋都要讚下呢度嘅店員亦都非常細心，餐廳都好乾淨好舒適！可以做我下一個食lunch嘅飯堂！！

一起食堂分店今年係觀塘開業，主打台式及日式便當🍱 鋪面望落似日式餐廳，木系色調、充滿住日式燈籠🏮，同時又掛佐好多台灣電影海報，品嚐台灣風味同時可以感受到日式風情。價錢合理，主食種類都相當多👍🏻 餐廳不設加一服務費，但員工服務態度都好好❤️▪️蟹黃冷烏龍麵 $88我本人非常中意食烏冬，所以就試佐呢個夏日消暑推介，冷烏龍麵🥰 面頭鋪上厚厚一層蟹黃蟹肉，一定夠撈晒成個麵食，另外仲配佐一碟醋比客人加埋落蟹黃一齊食，好夾！酸酸地好醒胃😚 配埋冷溫既烏冬食落就更加舒服👍🏻 唯一不足就係蟹味唔出😞▪️蔥油雞肉乾拌麵 $58本身諗住佢係平時食開台式個種甜醬油拌麵，但佢係以肉碎香蔥拌，整個口感比較乾，再加埋雞肉都係比較乾身，所以下次再食可能會揀選返湯麵/烏龍麵😖 不過佢既滷蛋唔錯😊▪️綜合關東煮 $58紫菜湯底實無死，一定好飲☺️ 佢入面啲料真係幾多種類，有芋泥卷、福袋、冬菇、魚腐、獅子狗、仲有埋粟米同菜😅 不過好可惜佢啲丸口感都比較粉，好淋欠缺彈牙🙍🏻‍♀️ 翻煮佐好耐既感覺▪️鹽酥雞 $38大大碟幾抵食，而且岩岩炸起熱辣辣好香脆，有准鹽係面好香口，外層炸粉幾出色+啖啖肉，呢個可以encore💛▪️芋圓仙草凍 $35

今日冇帶飯，唯有出街食啦，聽同事講話樓下呢間一起食堂幾有特色，所以就去咗試吓🤣店內擺設咗好友文清風格，而且好有特色！非常適合打卡，而且亦都可以好輕鬆休閒咁食台灣野🤩🤩🤩蟹黃冷烏龍麵 $88🤩一個好少喺出面會見到嘅烏龍麵，先講一講佢嘅蟹黃🤣冇諗過喺公司樓下都食到一個咁出色嘅冷麵！！因為呢度嘅蟹黃分量十足，而且非常香嘅蟹味！呢個係黃拎嚟撈乜嘢都冇得輸🤣🤣而且呢個台灣烏龍麵麵質爽口，亦都值得一讚！！成啖擺落口嘅時候非常滿足🤩🤩下次一定要帶埋同事過嚟一起食糖試吓，一齊食好野先得！！

喺觀塘返工其實真係周圍都有好多嘢食，平時都會行出去搵吓唔同嘅餐廳食飯，不過今日就去咗公司樓下嘅呢間一起食堂食台灣野❤️❤️之前都食過呢間餐廳覺得幾好食同埋價錢都好合理仲要好有台灣風味！所以就過咗嚟食lunch😆花雕麻油雞湯麵同埋鹽酥雞❤️份量好大碗，而且呢個花雕味都好濃郁，再加上麻油雞，成個味道好夾，而且非常惹味！！雞肉好嫩，而且切得好好，好方便食！呢個湯麵亦都好有咬口，幾唔錯！！鹽酥雞亦都份量好夠，而且肉質好好，外皮炸得酥脆！！加埋調味料，好吸引❤️

同同事做完嘢，口痕諗住食下野🤣同事介紹話呢度公司樓下嘅呢間台式餐廳好有特色，而且價錢非常平民！所以我哋就去咗試吓😍😍餐廳環境裝修幾有特色，好似真係去咗台灣地道餐廳咁！幾有風味☺️☺️酥炸池魚仔 $38呢個酥炸池魚仔份量好多，而且呢個酥炸係會越食越上癮！咸咸地，加埋杯珍珠奶茶好正🤣🤣同埋加咗台式嘅粉，所以食落好滋味！鹽酥雞 $38呢個鹽酥雞就真係冇得輸啦，好正宗嘅台式鹽酥雞，入面仲有保持到好豐富嘅肉汁！而且雞肉都非常嫩滑👍🏻👍🏻兩款都係好出色嘅小食，食下午茶一流😋

知道觀塘最近開咗一間日式台灣餐廳緊係要去試吓先🤣1️⃣蟹黃冷烏冬天氣咁熱 食冷烏冬都係一個好好嘅選擇！😙加上有勁多蟹黃蟹肉係上面😜份量勁多既蟹黃蟹肉🤩勁香勁鮮甜🥰撈埋冷烏冬食口感十分豐富！😋絕對值得一試👍🏻👍🏻👍🏻2️⃣原條鰻魚飯佢嘅鰻魚係勁大條！！🤩超長勁厚肉！🤤🤤🤤入口勁香勁Juicy😍鐘意食鰻魚既朋友一定要過嚟試呀👍🏻👍🏻👍🏻3️⃣酥炸池魚仔炸得好香脆🤤池魚仔份量都好多🤩送飯送酒一流😂4️⃣鹽酥雞好懷念台灣嘅鹽酥雞🐔炸得香脆可口😍雞又嫩滑，必試😋5️⃣烤台灣香腸甜而不漏既台灣香腸😋每次去台灣我都必食🤭所以今次當然都要食啦🥰

今日lunch放早，去樓下「一起食堂」幫襯，12:30 已經坐滿人 ，我記得佢中環店都成日排隊 言歸正傳，今日試咗夏日推介：口水雞冷麵 ，開始以為係四川紅油口水雞，上菜時一定紅油都唔見，以為無料到，點知越食越麻，後勁好強👍🏼 另外，觀塘分店原來有珍珠奶茶(中環店無)，跟餐加$12有杯珍珠奶茶，我飲半糖，甜度啱啱好！我覺得物超所值喎，有主食、有前菜，環境坐得又舒服，staff 後生仔女，熱情，態度良好，$80算係咁，附近啲茶餐廳一個飯都$58啦。下次試埋佢個早餐- 蛋餅唯一要講，冷氣唔夠勁，可能坐爆場+被口水雞辣到，食到後面有啲熱

今日落咗公司樓下食呢間一起食堂🤩有同事話食過好好食，所以今日就約咗一齊去！！叫咗呢個花雕麻油雞湯麵🤩超級香濃嘅花雕味湧晒出嚟！而且呢個麻油雞好特別，真係有好香嘅麻油味配合埋花雕好夾！另外仲有蟹黃冷烏龍麵，好邪惡好吸引嘅蟹黃呀🤣🤣好香濃而且份量仲要好多！一啲都唔孤寒！而且呢個烏龍麵好彈牙好爽！好有台灣嘅風味👍🏻👍🏻兩個人當然唔少得要share一份鹽酥雞啦🤣🤣🤣咁先係有台灣氣氛㗎嘛！！😙

今日終於都可以去到朋友介紹嘅呢一間台式餐廳啦❤️之前成日睇IG見到好多人介紹話好地道好好食❤️！今日終於可以試到❤️花雕麻油雞湯麵🍜忍唔住見到呢個湯麵即刻要試吓！一上枱嘅時候花雕味已經非常濃烈❤️❤️❤️❤️超級香濃！然後再加上麻油嘅味道配搭！真係超級match！而且啲雞肉煮完之後非常入味，再加上雞肉依然好滑❤️❤️❤️❤️仲要係平民價錢，果然係性價比好高嘅台式餐廳，朋友冇介紹錯！！❤️❤️❤️

公司樓下開咗間台日式餐廳，成日見到排長龍，見到門口啲食物相好吸引今日過左lunch時間就去試下啦！我今日試左蒲燒鰻魚飯+古早檸檬茶佢哋用珍珠米，口感非常好！鰻魚完全冇問題，好味嘅！佢跟埋d 配菜，蘿蔔、溫泉蛋、成件事好match！如果可以多番少少蒲燒汁就完美。跟餐加$12有台式嘢飲，可以揀珍珠奶茶都覺得幾抵比起附近嘅茶餐廳價錢可能貴少少，但呢間環境相對舒適，食物質量同份量都對得住價錢！跟餐會有三格前菜，3 樣都好好味，最中意係個小紫薯,哈哈飲品用外賣包裝，飲唔晒可以拎走，very good👍🏻👍🏻林走見到佢啲外賣便當賣相幾好，下次可以試吓叫外賣, 會再去試其他餐

經開觀塘食lunch,去左呢間一起食堂搵食。台式野食呢區都算少有，叫左個花枝丸新竹米粉拼鹽酥雞。米粉質地爽口，花枝丸屬正常味道。另外鹽酥雞都炸得幾好唔會得d粉漿但份量就偏少。其實佢做到成個餐仲有甜品，咁係幾用心，個舊泡芙都好食！味道來講呢道係ok的，但我就覺得價錢偏貴左少少。一個lunch set 要$68

作為一個牛魔王，衣間台日式飯堂令我一試難忘首先要講既一定係台灣牛肉麵，牛三寶！叫得牛三寶印象中都係牛肉，牛展同牛根！點知見到係牛丸，心諗：唔係掛！咁唔理咁多都入左黎決定試試佢！湯底絕對係碗麵既靈魂，一黎到試左淡湯！哇！好濃郁既味道，好鮮，好有層次感覺，飲得出係落足料煲既，同某某啲湯底比真係贏足九條街，某某真係淡如水！講完湯講個麵，個麵我一見到又同平時啲台灣野唔同喎！心諗咁似烏冬既，食落真係烏冬！冇估錯應該係稻庭烏冬，衣個crossover 又出奇地夾喎，唔錯，夠煙韌夠彈牙，麵同湯都融合左一齊真係十分滿意！講完麵到講牛肉，夠大舊好入味亦都炆得好淋，掂牛展夠淋亦都好夠味令我驚喜既係佢出奇地厚都夠淋，牛丸算係最冇期望既一樣，點知一咬入面有汁必出黎，莫非就係傳說中既爆漿瀨尿牛丸蘿蔔真係唔話得，浸係湯到雖然浸到黑蚊蚊咁賣相唔多好，但佢黑蚊蚊背後原來啲湯係索哂入去！好鮮甜好夠淋成碗野真係好滿意，硬要講缺點既只能夠講佢條菜有小小黃，但絕對唔影響用餐體驗！佢仲付送三格小食，沙律菜，紫薯仔同黑木耳，都比我食哂！絕對會回頭既一間飯堂

本來今日lunch唔係食呢間的，但想食嗰間排長龍，又記得呢度有間新開的餐廳，就行左過來睇下喇見到個裝修唔錯，餐牌都ok,一於試下佢啦！我叫左呢個紅燒三寶牛丸好爽好juicy，好似潮式手打牛丸咁好食牛肋肉正常。要講下個牛𦟌。expect係平時食開一片嗰款，點知佢一大嚿，好多肉，又un，唔係幾𦟌囉好難先咬得開平時唔多鍾意食台灣牛肉麵的麵質，但呢間又唔錯喎啲湯都好好味，飲曬呢個係同事的set. 試食左鹽酥雞，真係幾酥喎又無粉係個面度唔錯佢話個湯無味，下次試下先。下次仲可以試埋日式menu

呢餐係令我失望嘅一餐。本身門口咁多人排隊，裏面又坐滿哂人，感覺應該係好食，但係估唔到令我好失望。分量算少，但每人要八十幾蚊，都幾貴。✨花雕麻油雞湯麵同事話湯底好鹹，雞肉分量少，男士食真係唔夠飽。花雕酒係另外上。✨油豆腐什菜烏冬原本以為呢個烏冬口味應該係清淡，但係飲第一口湯感覺非常之咸，食咗一半已經食唔到落去，要放棄。雖然個湯好鹹，但係烏冬幾彈牙。而且配菜係幾好食嘅。✨熱雪梨茶好飲，清甜潤肺，入口舒服潤喉。✨熱茉莉綠茶綠茶味香，正常。

公司樓下近碼頭附近，開左間新嘅台日式餐廳。同事有時會路過，見到餐廳環境都唔錯，仲好似係由一班年輕人創業開新店。今日諗住得幾個同事食，就打電話叫外賣，原來諗住近近地外賣自取都好方便。打電話落單時一問，原來夠$200可以送外賣架。我地叫5個餐夠錢啦，慳番唔使行🤭外賣到公司門口取餐時，發現係用餐車送外賣，餐車仲用保溫袋保護住，成件事覺得好有誠意。而且外賣員好有禮貌，服務態度良好。到講番啲食物……個外賣便當送到來啲飯仲係熱辣辣，日式咖哩味度好濃，豬扒/雞粒炸得好香脆，伴菜方面…中華沙律及木耳就酸酸地好開胃，日本小番薯好綿好甜，整個餐都好好味。另外，日式牛肉烏龍麵(烏冬)，個烏龍麵係會同湯分開pack唔會浸淋晒，個烏龍麵好煙韌彈牙，牛肉份量好多又入味，我仲連個湯底都飲埋，食物非常出色。真心覺得值得推介此餐廳👍🏻