一起食堂 (域多利皇后街)

營業中

休息中

📍 一起食堂 (域多利皇后街) (中環)中環域多利皇后街2號地舖🤤開心四寶飯 $82食物一上檯已經比個份量嚇親，真係好大碗啊兩個女仔食都啱啱好。配菜有滷蛋、滷豬耳、滷雞翼同滷肉飯。所有配菜都煮到非常入味，而且顏色都好靚好均勻。滷水蛋大大隻，豬耳有大概10條左右，每一條都好長，好有咬口。滷水雞翼有兩隻大大隻，入面都上晒色，可見到掹咗一段時間。滷肉飯份量都唔少，每片滷肉都見到肥瘦均勻，唔會過瘦。🤤黑糖豬軟骨飯 $82對於黑糖豬軟骨好感興趣，所以嗌咗返嚟試吓。雖然有啲少失望，因為黑糖味好唔明顯，甚至都冇食到任何甜味。但係豬軟骨炆得好腍，份量都唔少有兩大嚿。拌飯食係非常之足夠嘅，而且鹹味或者滷肉味都好夠。配菜仲有一隻滷水蛋，所以兩個人食一碗其實都好夠㗎啦！🤤鹽酥雞 $48雖然係小食，但係份量好多一碟有超過10舊，每舊都好多肉大大嚿。外皮炸得都幾酥脆，入面嘅雞肉唔會過老或者太乾太柴，都仲有少少肉汁！今次嚟到中環分店，覺得呢間台灣菜好啱放工之後一班人過嚟食。幾個人share其實價錢都好實惠，且味道好唔錯，推薦比放工又想搵嘅地方一大班朋友吹吓水嘅朋友！好食指數💗💗💗💗性價比指數💗💗💗💗回頭指數💗💗💗

推介指數 Recommendation Level : 🔥🔥🔥🔥很多時候喜歡幫襯小店的原因，是他們能夠提供比較獨特的烹調味道，以及溫暖的人情味，這間小店可說是兩者俱備。提供多款具有質素的台灣小食，飯及麵，還有台式飲料，味道及服務質素都非常好，價錢還十分相宜。而且還有季節限定的菜式，以保持客人的新鮮感。This cozy little spot stands out for its unique culinary flavors and heartwarming ambiance. Offering a variety of high-quality Taiwanese snacks, rice dishes, noodles, and Taiwanese beverages, the taste and service quality are exceptional, all at very reasonable prices. Additionally, they offer seasonal limited-time dishes to ensure a fresh and exc

這間餐廳位於正中環街市隔壁，在觀塘以外的另一家分店，是性價比高的食堂‼️ ❇️蔥油士雞肉飯🐔🍚🍚 雞肉質地嫩滑，有嚼勁，飯量非常充足，自製的油酥，放在飯上更增添了台式風味🤩每次來都必點滷水蛋，因為它有濃郁的滷水味，外層略帶硬的口感，讓人印象深刻套餐還附有一碗湯、中華沙律、小番薯和蕨餅，雖然配菜不太正統，但整體來說非常划算😋😋 ❇️鹽酥雞🐔🍗 也是份量十足，大大的碟子裡裝滿了鹽酥雞，兩個人可能都吃不完。雞肉外皮酥脆，如果再加上九層塔，台式風味會更濃郁呢😗 ❇️城府蝦卷🍤🍤 份量相對較少，只有四小條，感覺有點貴。不過吃起來非常不錯🤤🤤外皮是很薄的腐皮，內餡細滑，還有些馬蹄增加爽脆的口感。這道菜結合了爽和滑的口感，讓人驚喜，值得一試‼️ 總體來說，這間中環食堂無論是質量、份量，都對得起它的價格，是在中環尋找性價比高餐點的好選擇👍👍

星期日去開中環，諗住試吓啲唔同嘅嘢，所以特登行到過嚟呢度食台灣嘢。到達嘅時候餐廳只係得幾台人，一位女侍應示意我哋坐旁邊嘅二人枱，過到去嘅時候發覺對風口位，所以我哋就自己坐咗後邊嗰張。見到枱面有個乾淨類似托盤嘅嘢，拎起放咗喺另一張冇人嘅枱。呢個時候旁邊有位高高大大嘅女侍應，好大聲，用啲好難聽嘅語氣咁話 ‘枱面有嘢都照坐落去…’聽到呢句已經知道侍應根本唔想招呼我哋，即刻走人。如此服務態度，令人咋舌。

今次係第二次過嚟呢間餐廳食lunch~!!第一次係誤打誤撞喺中環搵嘢食搵到呢間 食過一次之後簡直想再encore😆份量適中，甚至對於女仔來說算是比較大，滿足感🆙🆙🆙食物質素不錯，豆乳味濃郁，蜆冇沙，麻辣香味俱全，滷肉肥瘦均勻，仲有熱辣辣既地瓜條，同埋軟糯適中嘅芋圓😋服務態度良好，基本全部員工都好Nice好親切，會拎佢哋自製嘅辣椒醬俾我哋試，又會幫我地加花奶（因為我哋個碗花奶比較少）。整體上都會盡量配合顧客嘅需求🥰喺中環呢個比較物質昂貴嘅地段嚟講，一個lunch $7x $8x 可以食到份量咁足又好味嘅餐廳即係比較少有～～

有日放工之後就落咗灣仔食嘢😬試咗一間外觀乾淨企理嘅台灣料理☺️送餐時間超快😂食物質素都唔錯，快靚正～滷肉飯 $52價錢親民又好食。啲肉醬滑嫩鮮美，搭配上軟綿嘅米飯，味道真係一流😬黑糖豬軟骨飯 $82啲豬軟骨燉得好入味🥹🥹配上特製嘅黑糖醬汁，口感酥軟，入口即化🙌🏻❤️‍🔥特別鐘意佢嘅甜而不膩嘅風味！泠泡自桃鳥龍茶加仙草 $30消暑又清新🤔茶味濃郁，配合仙草清甜，好解渴～炸花枝丸 $42外脆內軟，特別適合當成開胃小食☺️

人均$80起｜湾仔｜台湾菜｜一起食堂今天来到位于湾仔的一起食堂，很是喜欢他们家的盐酥鸡，总是念念不忘的，这一次肯定要来吃个够！这次我们点了珍珠奶茶，外加仙草！都是二十多块，划算❤️盐酥鸡一如以往的酥脆，咸香对味极了。牛三宝面🍜实在是太丰盛了！里面包括牛筋、牛腩、充满咬口的牛丸、和吸满了满满牛肉汁的萝卜。面的部份也是非常不错！猪软骨糖心蛋饭份量毫不吝啬！快要把肚子撑爆了软腍腍的，软骨部份有的已经成为啫喱状，入口即溶，太邪恶了吧！糖心蛋也是份外的好吃。——————为食分界线——————📍 一起食堂湾仔轩尼诗道153号地铺人均消费： $80

歡迎follow IG @eatwifme2k23 睇更多❣️今日試一起食堂 ❣︎ 終於同個好耐冇見嘅朋友出去食飯❤️喺中環接佢收工後，周圍fing咗陣，決定去間朋友話過唔錯嘅餐廳💁🏻‍♀️以中環物價嚟講，非常錫住學生哥荷包！🥹同埋質素唔錯，幾值得去💃🏻💃🏻✂︎-----㋖㋷㋣㋷線-----✂︎1️⃣ 特濃豆乳雞烏龍麵 ($89)見到呢個item覺得幾趣致，決定嗌個試吓伏🫣唔伏很好！佢嘅湯底好香豆味，飲落雖然淡味咗啲，但唔會好奇怪：佢有小小嘅鹹味，唔甜（本身以為會係甜甜地）👍🏼雞肉睇落好似日式叉燒，好嫩滑，唔錯唔錯❣️2️⃣ 吉列海鮮冷烏冬拌柚子汁 ($89)朋友嗌的，睇落冇咩特別，但食落幾有驚喜！冷烏冬沾啲柚子汁，食落超～清新，一解夏夜暑熱🌬️吉列海鮮外皮脆卜卜，但唔會油膩，配埋清爽嘅冷烏冬實在好正！🍥✂︎-----㋖㋷㋣㋷線-----✂︎可能我哋臨近收工先去幫襯，店員有啲惡🥲但見佢呢個價位咁好食，都可以接受嘅～（就係我呢啲怕事人助長咗香港🍉侍應問題哈哈）下次都要自己食個柚子汁烏冬！🍜

一直在中環看到午餐很多人排隊沒有嘗試過，朋友說很快可以排到，嘗試了一下裡面鋪頭其實有上下兩層，等位還是挺快的，lunch 1點到大概等十幾分鐘。三杯雞是空口吃，東北人都會覺得很咸的程度。雖然只有三五塊塊雞，我蠻大食的但沒吃完，因為咸要多配飯。下次再試下其他⋯⋯有配適口小菜，一口的含量。性價比不能說很高吧。但路過看著招牌總是很想試一次，地點又很方便。奶茶滿分，無糖是真的很無糖，仙草份量也很足！是很少見的好喝，可能微糖會更適口！

經常經過這店，開了很久，看來好像不錯，便找一天和太太進去晚餐。無奈食物不符預期，牛肉麵有點酸宿，不太食到牛味，也不太覺得有辣味。牛肉份量一般，牛肉都算淋。好的是麵的份量還可以，但吃落有點油，都飽肚。鰻魚飯還可以，饅魚夠長，夠彈，味道亦都足夠；飯也不錯，很有飯香。而且有醃蘿蔔和菜，有台灣的味道。兩個餸都很快就送上，但都不熱⋯另外店內較大空間的地方還有座位，但店員卻為方便收工而安排我在狹窄的一邊座位，即是要求亦只稱不可以，實在令人失望。

🍜特濃豆乳雞烏龍麵 $89白雪雪豆乳湯底甜甜地🥛，鍾意佢夠養生唔油亦唔太咸😝，雞肉卷肉滑皮薄🍗，烏龍麵滑溜，但又唔會太淋有咬口，似烏冬不過幼身啲😉，仲有兩個油豆腐同小棠菜🥬，湯豆腐吸湯👍🏻前菜有中草沙律🥗、蕨餅、枝豆🍡芋圓仙草凍+$14大舊仙草，配花奶，估唔到迷你都有咁多粒芋圓，有地瓜、紫薯、芋頭🍡，粒粒到煙韌有咬口，最出色最濃味系芋頭味，有芋頭粒😍，食完好飽😂.✨小店座位多，有樓上座位，木枱凳，野食唔錯同特別，好肉豆乳烏龍麵就唔常見，不過相對價錢較貴

同阿女喺上環上完堂，佢話要食滷肉飯。本來想去阿元，但係點知阿元搬咗去勁遠，唯有即刻上OpenRice search，睇吓附近有乜嘢台灣嘢食。點知搵到呢一間「一起食堂」！我哋係星期六，午餐時間，人頭湧湧，超級多人😰好彩等咗一陣就有二人枱😮‍💨。因為想試吓佢個推介花雕麻油雞湯底，真係幾好味，酒味唔太濃，小朋友都可以食。眼闊肚窄下，叫埋鹽酥雞，點知太多，最終外賣打包。味道非常好👍🏻同埋跟餐有大大杯台式飲品，都算抵食！下次會再嚟，係中環食台式嘢嘅一個好推介👍🏻

中環唔係得fine dine既！一起食堂主打日台菜，一set成個寶盒咁用平民價錢已經食得好豐富好飽肚！🙆🏻‍♀️夏日熱辣辣，我推介吉列豬扒冷烏冬伴柚子汁💁🏻‍♀️清新嘅柚子汁配上彈牙既日本烏冬真係好解暑！酸酸甜甜好開胃👅吉列豬扒正常質素，如果炸得再鬆軟啲就更加正喇，豬扒大大塊都好飽肚😚掛住台灣地道味道要試佢地既台式滷肉飯🥰滷肉半肥瘦，好有口感同食慾😉仲跟埋一隻糖心蛋，拌飯一流👅👅👅帶少少日本風味既有黑糖豬軟骨飯💁🏻‍♀️要讚一讚豬軟骨整到好軟腍👍🏻👍🏻黑糖味道略為可以加強🙆🏻‍♀️呢個打工仔午飯嚟食嘅話一定可以食到好飽肚！😍小食試咗佢哋嘅鹽酥雞同埋麻辣豬耳😚兩款都推介！鹽酥雞有台式風味，都幾酥脆香口🤩麻辣豬耳好惹味！唔算好辣，但係香料十足！| 吉列豬扒冷烏冬伴柚子汁 $82|台式滷肉飯 $69 | 黑糖豬軟骨飯 82📍 中環域多利皇后街2號地舖🌟人均消費：$51-100🌟菜式：#goodgirltummy台灣菜 #goodgirltummy日本菜🌟地區：#goodgirltummy中環

本身覺得佢嘅<<特濃豆乳雞烏龍麵>>($89)幾好食幾有驚喜🙂因為佢嘅豆乳湯好濃，好重豆乳味💯雞卷嘅肉質仲要嫩滑唔嚡唔韌👍🏻烏冬超滑~成件事清得嚟會想追食追飲佢個湯嘅感覺😋附送嘅三款小食：中華沙律、紫薯、嶡餅，都冇乜特別🙃追加嘅<<酥炸地瓜條>>($42)都係一般，嫌佢有幾條炸到過咗火添😅如果可以提供酸梅粉可以有助解膩～.令我唔想encore佢嘅原因係💁🏻‍♀️我哋唔係叫<<原條蒲燒鰻魚飯>>但佢俾咗我哋…呢個係全個menu最貴嘅item! 價值$149-佢氹我哋話好食，仲話最多計番我哋本身叫嘅<<魯肉飯>>價錢👉🏻$69👈🏻.Alright…咁我哋唯有接受佢呢個offer 啦！我哋都唔想浪費食物…但最後佢都係收番我哋鰻魚飯嘅價錢…我就有種覺得佢焗我食貴嘢嘅感覺囉🤷🏻‍♀️

食物味道非常一般，而且超級無敵咸，牛肉麵湯底是胡椒粉加老抽加味精水的味道！蔥油土雞飯的雞肉咸而且乾。鹽酥雞只有幾件是有雞肉，其他全部是粉。那個升級甜品仙草芋圓，店員直接從雪櫃拿出來一小碗出來☹️，味道是山花淡奶加涼粉和麵粉的味道。食物味道差已經不是重點，而且店員的態度也非常差，兩位比較老的店員好像趕客一般，那位阿嬸店員在客人用餐期間不斷來回踱步，用着一個非常不友善的眼神盯着我們！好像是我們趕快吃完快點走一樣。以後唔會再幫襯。