一起果醬 (已搬遷) 新店位置

我們是被它的裝修吸引進去的, 天氣太熱, 門外的檯也收起了,只好到店內的冷氣位去.小店內就是OPEN KITCHEN, 油煙味揮之不去, 也算了.MENU食物款式不多, 好易揀, 有一個MENU只寫了果醬的味道.ORDER時, 2位紅唇少女 (2個都搽上了鮮紅色唇膏)才會”溫馨提示”你要揀一款果醬,態度當然麻麻地啦, 不太禮貌又不太有耐性.炸香草芝士條 – 賣相十分了得, 個醬平均地掃上了每一條芝士條,內裡的芝士較為黏韌, 做到小許拉絲效果就會便”橡根”一樣的斷開,個皮炸得好好, 佈滿了香草.英式奶油鬆餅餐 + 蛋黃菠蘿果醬 – 3件英式奶油鬆餅, 新鮮熱燙燙的, 附下一小碟奶油及一小碟自選果醬.鬆餅十分香, 滿滿的牛油味充滿了嘴巴, 好軟好鬆, 十分好吃,自選的菠蘿果醬甜店OVER了少少, 不過內有粒粒菠蘿肉, 也不錯.全天英式早餐 + 士多啤梨果醬 – All day breakfast 最緊要有一塊鬆軟麵包,呢半塊方包真係好食, 外皮脆, 內裡香軟的.  再配有肉腸, 煙肉, 滑蛋,茄汁豆, 蕃茄及炒蘑. 份量足夠, 只差一杯飲品.原來假日是不包飲品的, 有點失望, 不可以說是一

雖然佢哋已經係尖沙咀開咗分店，我之前都介紹過，不過入到黎西貢食係特別有風味既。傍晚時分先叫咗呢個九宮格多士，可以一次過試晒佢九種招牌果醬，而且多士特厚，有好香嘅麵包味。而呢個scone係我嘅至愛，鬆化得黎唔乾身，唔會食到成口都係粉，而且有滿滿嘅牛油香；配埋香濃奶味既cream同埋自選果醬一款，俾我日日食都甘願，推介。另外呢個煙三文魚沙律就麻麻哋，碟上面有好多水，溝埋左啲醬汁其實都幾核突，不過勝在煙三文魚唔少，份量搭夠。呢個果醬梳打係我每次你都會叫嘅，就係有氣梳打水加果醬，唔太甜，小清新之選。

同朋友行完山，就去咗西貢市中心食嘢，終於可以去「一起果醬」朝聖，品嚐好出名嘅果醬！yeah!呢度嘅果醬的確好唔同，因為佢有好多味道，例如:玫瑰蘋果醬，非常Fresh! 佢好多嘢食都以果醬為主題，例如:果醬配綠茶、果醬配窩夫及果醬雞翼等等。我哋今日叫咗雪糕窩夫配果醬，窩夫賣相好靚，有幾種生果伴碟，仲有一大舊忌廉，另外，我哋配左士多啤梨醬同埋雲呢拿雪糕。窩夫雖然唔係太脆， 但係配忌廉同埋雪糕一齊食，都好好味！我最欣賞係忌廉，好重奶味，唔似係超市嘅罐裝忌廉味。我哋仲叫咗鬆餅，雖然賣相普通，但味道好好，出乎我意料之外。鬆餅可以搽奶油醬／果醬食，味道非常夾！我最鍾意係奶油醬，好滑口，仲好香牛奶味！我哋仲叫咗碟炸雞，唔油膩，非常香口，配埋黃芥末醬一齊食，味道好夾！仲有我哋叫咗綠茶配蘋果醬，原本仲擔心會吾夾，但飲落先發覺蘋果醬可以帶出綠茶嘅清香，Yeahhhh 仲有呢杯雪梨茶，一樣夠清香

遠道而來西貢一天遊，行行企企，去坐下Cafe是常識吧！揀來揀去，是但入左呢間叫一起果醬的Cafe,都係食簡單西餐加杯咖啡咁，我哋都睇咗個餐牌好耐，最後先決定食個all day breakfast ，加個漢堡薯角，由於冇餐叫，所以嘢飲是要另外加錢的，我們各自加了一杯咖啡，個all day breakfast 就係想像中嘅味道，冇咩特別，反而佢哋的招牌菜是果醬，多士上面的果醬我們選了木瓜雪耳，幾特別，我鐘意！漢堡和薯角也是各自應有的味道，咖啡更為平平無奇 ,來這裏輕輕鬆鬆食少少野飲杯咖啡，對於味道，認真你便輸了！

西貢環境清優，每逢假日週末，都會吸引大批市民入去享受這寧靜的後花園，而這裡都有不少有誠意的特色小餐廳，今日去的是我十分喜歡的一起果醬。顧名思義，果醬是這小餐廳的主題，它有一款食物，我每次都會吃的，叫士多啤梨醬燒豬肋骨。它以士多啤梨醬取代一般的燒汁，味道酸酸甜甜，與豬肋骨頗配合，可惜今次去的時候賣完，只好吃其他－手打牛肉漢堡。牛肉漢堡做得也不錯，漢堡肉又大又多汁，蕃茄和生菜都新鮮，惟餡料太多，吃起來有點狼狽。大家入西貢不妨試一試吧。

約咗4同事去行東霸，出發前先醫肚，同事早一日已經提議去一起果醬到食早餐，仲超快速地訂埋枱（返工做野平時效率係無咁快架😆）其實初初睇到個餐牌都有少少打個突...因為我心諗...我食個早餐啫，原本只係諗全餐蛋麵就算，而家個價錢變咗Double，但對比出面食個All day breakfast又真係抵食，最後我就叫咗Classic all day breakfast 轉左英或鬆餅再配我最愛嘅芒果醬。先講一講我食野嘅習慣先，由細到大我係先食咗嗰餐最唔好食嘅野先到最喜愛嘅野食。份早餐送到黎我見到咁大個蕃茄，依照我食野次序，所以係先食咗個蕃茄先。但竟然最大驚喜係個蕃茄！入口超Juice！從來都無食過咁爆汁嘅蕃茄，超新鮮！之後再食我一向麻麻地嘅煙肉，但呢到嘅煙肉令我對佢改觀，煎到好香口但唔會硬，好味！食哂雞蛋、腸仔蕃茄豆、蘑菇之後，就到今餐我最愛嘅主角，英式鬆餅配芒果醬！將鬆餅搽咗少少芒果醬再一啖食，有芒果肉，超美味，食到想即刻買樽芒果醬返屋企食！每一款果醬都好好味，不過我個人口味最愛是芒果！同事果然無介紹錯！

行完山去到西貢市中心揾食，難得入到黎梗係要食返個let’s jam all day breakfast 🍳 對上一次食已經係年幾之前，食過佢哋自家製嘅果醬後一直念念不忘。今次叫咗一個classic all day breakfast set - 芝士炒蛋、煙肉、腸仔、蕃茄、炒磨菇、茄汁豆、厚多士配果醬同一杯$32嘅飲品。作為熱情果愛好者，一見到”熱帶風情”果醬有熱情果嘅component當然唔可以放過~呢度all day breakfast難得嘅地方係每一樣食物都好食，唔會有一樣特別難食。出面好多時總有一兩樣上到碟已經凍咗，尤其是茄汁豆。最值得一讚係炒磨菇，有啲pepper味特別香口👍🏻

裝修環境服務都不錯的，小清新風格。但是食物的品質不如其價格和宣傳。一，主打果醬，就說說果醬.點了89元的草莓醬烤豬肋骨，招牌菜來的。果醬黑胡椒味濃郁，草莓味是壓住消失的，這個跟普通的黑椒豬排口味相差不打，所以說名不副實。二，說豬肋骨，肉很幹，柴的口感，像儲存了很久的，沒有新鮮的肉汁，別跟我說全香港吃不到新鮮豬排。三,說沙拉，因為全香港的沙拉葉子都發幹，沒有Crunchy 的新鮮口感。三，咖啡不夠熱，也不香。所以以這個價格,我認為是掛羊頭賣狗肉的。主打果醬的話，其他食物品質一般也是很慚愧的。

今日西貢一日遊，鹽田梓玩左兩個鐘，又探完咖啡佬，仲唔醫下肚?按說好的計劃，直至去了一間文青cafe《一起果醬》其實熊妹呢幾年跟熊大黎開西貢都有經過呢間小店，亦素聞其出名自家製果醬，仲知道佢近半年係尖沙咀都開埋分店，證明佢的巿場係有實力，不過都未有機會來拜訪，所以今次係一早預定要來試一下《一起果醬》的特產同食物。熊大熊妹不嬲鐘情salad，見佢salad啲款都幾吸引，價錢都唔貴，叫左個crab meat salad with aloha vinaigrette，即熱情果醋汁。 嘩，其實蟹肉份量都唔惹少，伴菜有幾粒切半的蕃茄仔同沙律菜，個熱情果醋汁比起平時的一般伴沙律的黑醋汁帶多少少果甜仲有幾粒熱情果肉，成件事酸酸甜甜，係幾開胃。然後到主食，來一起果醬都唔少得的all day breakfast。 先講多士，係厚身的，果醬可以任揀佢11款自家一起果醬中的其中一款，熊妹好怕太甜的果醬，店員推介左呢款包含熱情果，菠蘿，木瓜同蘋果的熱帶風情，會比較酸甜啲，又真係幾好味，唔太甜而且有粒粒果肉，連埋厚多士一齊食，外皮脆，麵包質感軟熟，真係完全食出toast with jam的味道，識得咁樣配搭係al

趁住假日入西貢貢一貢順便試下呢間排名咁高嘅餐廳。我地叫左Veggie All Day breakfast, Handmade Burger, 黑糖薑母奶茶，特製雜莓梳打。客人可以為每款All Day Breakfast 自選果醬，今次我就簡左蛋黃菠蘿醬，唔會太甜或酸，係好清新嘅感覺蕃茄&大啡菇亦煎得啱啱好唔好睇小全部素菜，食晒成碟都咪話唔飽Handmade Burger都好好味仲好juice,最欣賞就係自家製嘅士多啤梨醬，粗粗嘅薯條洒上芝士粉再沾上士多啤梨醬味道好夾好味至於黑糖薑母奶茶，個人認為有點兩頭5到岸，下次再食嘅話黑糖四物配多士或鬆餅應該會唔錯

只是普通的英式all  day  breakfast  ,  沒有甚麼特別， 芝士炒蛋一啲芝士味都無， 叫左士多啤梨醬配多士，果醬不太甜幾好食(平時我係唔係咁鍾意食果醬既人🙂), 朋友叫左果醬沙冰都唔錯，其他味既果醬都幾好食。若然大家去到太多人等，可以選擇其他餐廳食，買佢既果醬試下就ok。其實友人叫左Benedict，個精髓係個流心蛋，可惜over cooked， 沒有流心，有點失望🤷‍♀️，而且沒有餐，要另外叫飲品，還要收取加一服務費的

雖然我在星期日從首爾回來香港，但是回到香港，不等於之後一星期我會百無聊賴，無所事事地過日子。因為我在星期四早上，是時候要到西貢區內的公立診所覆診、見醫生、量脈搏，甚至是預約抽血檢查。覆完診之後，我本來想準備回家，但是沿着海傍的「市場街」步行回家途中，發現近年憑着自製果醬，頗為引人注意，甚至在尖沙咀都有開分店的咖啡室「一起果醬」，竟然一早已經開門營業。「一起果醬」除了有自家製造，沒有後天添加的果醬售賣，還以後年流行飲食界的「全日早餐」，成為「一起果醬」最受食客歡迎菜式。我見早上的「一起果醬」還沒有人幫襯，於是立刻進入店，名正言順早上吃「全日早餐」。早上在沒有遊客，沒有區外人的「一起果醬」內，悠閒地喝咖啡，吃一件塗滿自家製天然果醬，再慢慢享用悠閒英式風格的「全天英式早餐」，雖然埋單計數，價錢也需要港幣一百一十六元。但是「全天英式早餐」裡面的食品，都是我很喜歡的食品，再加上「一起果醬」近年累積得來的名氣，所以「全天英式早餐」價錢再貴一點，也算是值回票價有餘。早上剛剛開門的「一起果醬」，只有一位店員正在開工，幸好當時只有我一個人獨自享用「全天英式早餐」，否則食品要等多久才能端出來，也勢成疑問。

If you love #Scones , you must try these out at Sai Kung’s Let’s Jam ☕️ Probably one of the best scones I’ve had in my life! It’s made fresh and comes with jam of your choice. We picked the Apple 🍎 & cinnamon jam and it tasted wonderful. We ordered 2 jam smoothies, and I would not recommend it if you’re not much of a sweet tooth, it was a little bit disappointing for me as it’s extremely sweet and melts fast🍸 The fries 🍟 are a must try too, very savoury !

想試呢間好耐，因為見到openrice 太多好評，西貢長期無位，唯有去尖咀，其實近左敦既行仔、可能真係期望太高，想像唔到咁難食，餐具好污糟，好陰暗，不過我唔係食環境既人，餐具自己洗洗算！先講all day breakfast , $129 蚊，加8蚊要個Scone , 但係個Scone 超細都算，竟然好似石頭咁！個香橙果Jam, 橙皮苦到過左龍，其實成分早餐除左個Scone 同Jam ，都正常，但係似幾十蚊貨仔個D!再講軟殻蟹意粉，得半隻蟹，好林，意粉好水，咸蛋黃乾，109蚊！我食左一啖後，完全無食到，朋友唔想浪費消埋！九宮格多士好失望，失望係在於，佢d 果Jam除左士多卑梨外，評語就係甜同怪！疆味唔知似乜，都係甜到唔食講，無本身既果味，對於一心來食果Jam 既我好失望！野飲先係重災區，杯玫瑰花蘋果醬茶同其他comment 一樣，除左甜之外，無味，士多卑梨奶昔，我懷疑佢整左沙冰，我問佢地，佢地講奶昔都有冰，但佢明明仲有個item 係沙冰！你當佢係奶昔既話，絕對唔合格，但你當佢係沙冰，就味道普通，凍朱古力成杯係冰，茶記貨式，成500幾蚊食呢d 野，真係好唔得。其實服務反而比相像中好好多，

話說從前有位男生, 一起身就話要食ALL DAY BREAKFAST, 好啦, 身為女朋友, 當然滿足佢啦, 就OPENRICE下附近邊度有, 於是就搵到西貢有間叫LET'S JAM!中午食LUNCH時間都幾FULL, 等左一陣先有位.坐低就睇下餐牌啦~~ 好彩有兩款ALL DAY BREAKFAST俾先生揀~於是我地就點左兩份ALL DAY BREAKFAST~ 小妹要左雪梨JAM, 先生要左士多啤梨JAM!多士超厚!!好好味! 小妹個雪梨JAM清清地幾好, 先生個士多啤梨JAM, 小妹就覺得太甜啦, 甜到有少少假! 其他配菜味道一般, 無咩特別!之後叫左兩杯咖啡, 一杯LATTE, 一杯CAPPUCCINO!! 真係好伏!! 兩杯咖啡都淡而無味, 真係分分鐘3合1都好味過佢! 仲要收$3X一杯, 計埋加一要成$40, 但俾D咁既質素客人, 小妹真心覺得不如唔好賣咖啡算!