一起果醬 (已結業)

真心 好有愛 會試下幫襯 今晚喺金鐘留守 佢地成班人喺佐敦出車到現場送意粉，飯，同三文治，真心好有愛。意粉雖然凍左，但係味道依然係keep得住，希望呢個餐廳可以繼續做！

記憶中是第三次來到佐敦的一起果醬，兩個人輕輕鬆鬆的食一個早午餐。兩個人膽粗粗無訂位，在剛開門時來到，被安排到近門口位置，之後再walkin的客人，已經沒有位置了。 來這里的原因，當然是果醬。早餐多士和飲品都可以自選自家製果醬。蘋果玫瑰蜜糖果醬即食是ok的但用左茶上是有點不配因為果醬三種味道早已混合適合塗面包🥯我們的豐富早午餐手撕豬肉熱情果沙律🥗熱情果的甜中帶酸是特別的豬肉，普普通通卡邦利意粉味道調得剛剛好，不錯！全日早餐的多士果醬我們選的是丁香香橙果醬很不錯！這個應該適合配茶的。大概坐到一點鐘，要交枱了。

老實說我很少寫負評，但今次實在忍不了！我和朋友因很久沒見談了整個下午，所以叫了lunch and tea. 但兩個女侍應全程黑面，態度極差，去到tea set時更離譜，問她是否可選果茶，她語氣很差說：「咩果茶？」我問那$36包什麼？她又問：「咩36 蚊？」我問包什麼飲品？她說：「最後個頁有哂架喇！」跟住又話：「係果醬茶唔係果茶！」去到結賬時，另一女侍應竟濫收我們費用，我們明明叫了兩個tea set, 而我朋友先叫了一杯咖啡，然後跟她說稍後再補餐食，但女侍應話因分開叫不當一個set, 要收正價!我們反駁那為何要收我們整個餐價，她們就說：「係你自己冇要多杯餐飲，唔通要提你地呀！」如此惡劣的態度真是香港少見！之後我們要求見經理，女侍應說她就是經理，我再要求見老闆，她說好少番！後來再有一男廚師介入，突然站在我背後‘kick’我，仲好大聲呼喝我踩到他，當時餐廳冇人，他們三個圍住我們兩個女仔繼續惡言相向，堅持不退款，我們只好離去。但真是一肚氣，他們那種不可一世的態度，不明白餐廳老闆為何繼續縱容這種員工，最終只會累及自己聲譽，好自為之！

一入去已經黑口黑面，等食物（tea set)嘅時間超耐兼連自己個D set有咩都唔知，上咗先發覺佢自己講錯仲要服務態度奇差😰，食物正常，唔係好食又唔算難食嘅，不過一定冇下次😞

Bookmark左呢間好耐 終於搵日假期來試試晚餐我地今次叫左晩餐set包括一個田園沙律配熱情果油醋汁 好好食 酸酸甜甜好開胃 另外仲有餐湯 我叫左雜菜湯 友人叫蘑菇湯 相比雜菜湯我更推介蘑菇湯～好好飲 應該係用原隻蘑菇打爛加cream煮的主菜分別叫左黑毛豬扒同羊架先講講黑毛豬扒 我覺得好似食緊肥叉燒 好滑好香 只係咁岩我果舊比較多肥膏 冇咩肉食 但自家製嘅肉桂蘋果汁 甜甜地 配豬扒同配菜唔錯另外羊架好食 同樣係以慢煮方式煮 都係好嫩好滑 一啲都唔嚡口 佢嘅芒果芥末汁 食唔出芒果味 就好似甜甜地嘅芥末醬 但配羊食好夾但係我地呢晚食嘅配菜中 薯仔唔夠熟 食落有啲硬最後餐仲包左一件mini cheesecake 好甜下次來 要試下tea set~ 聽講佢嘅scone with jam 同九宮格多士唔錯～

鍾意食果醬搽麵包嘅朋友一定唔可以錯過呢間cafe☝🏻因為佢地所有嘅果醬都係新鮮自家製造🍯會加落野食同飲品入面😋今次我地叫左3個主食🍽〰️👉🏻全天英式早餐(lunch set)$98🥓👉🏻全天素食英式早餐$99🥗👉🏻溫泉蛋卡邦尼意粉(lunch set) $68🍝👉🏻特製果醬綠茶$40Veggie all day breakfast無lunch set，所以要散叫野飲唔太抵食🙅🏻‍♀️反而佢地嘅lunch set就幾抵👍🏻佢地會跟星期幾轉lunch menu，跟餐可以揀沙律🥗或者餐湯🍲如果食全日早餐，入面嘅厚多士配果醬有11款手工果醬可以揀，我地揀咗雜莓🍇同埋熱帶風情🍍覺得果醬搽麵包幾好食🤤但個jam稍為甜左少少，建議大家搽勻攪勻先好進食🤫〰️整體來講食物質素唔差，如果選擇困難症發作揀唔到食邊款果醬，可以試下佢個果醬九宮格多士🍞就可以一次過試到9款味道啦～

和朋友詳談，所以既吃lunch又吃tea set, 食物味道佳，尤其是連一直不「好」果醬的我也覺得好味! 尤其是薑味，都幾有驚喜~ 另外，芝士肉醬咖啡菇也好味! 又香又多汁，值得一試! Red Bean Smoothie了令人回味! 但，唯一的兩位長髮女服務員，態度實在太差，整天黑着面的，不知有甚麼地方得罪她們呢？連order食物時都像欠了她們那樣，實在令人不安。。。另外，提醒各位，在這店內，即使預先說了遲些會再order食物，現在先叫飲料，當後來真的再order tea set時，先前的飲料是不能再算為那份tea set內的餐飲的，因為“之前入咗電腦改唔到“，直至埋單才會知道tea set和飲品是分開了計，否則tea set內之餐飲預咗妳是自動放棄的，還會收到一句：“唔通提你呀？“一肚氣，不會再去這裏。

不用多說，服務態度非常差，黑長髮平陰服務員態度十分不佳，很不滿意。千萬不要去！從下單開始一直以一個不滿的態度去服務客人，放碟也很大聲，下單時黑面，只能維持一天。

之前食開西貢個間，見尖沙咀都有就走埋去食我們2個人一人叫左1個Dinner Set食🍴🍴食左法式羊架w/ Mango Mustard& 蒜辣紅蝦意粉羊無咩羶味🐑肉質細嫩蝦都好大隻🍤辣辣地好夠味有餐湯有沙津有飲品同有甜品

上網見到評價唔錯，一於試下啦。一入到去同金髮嘅女侍應對話時，佢已經無乜禮貌。坐低叫完野食之後，過左10分鐘上左野飲，之後就一直無任何野上。我地叫嘅係dinner set，有沙律又有湯，真係唔明點解可以落左單成45分鐘先上到。雖然味道唔差，但食材嘅潔淨度有待提升，食食下大蝦，見到咁大條蝦腸真係唔多開胃。食完真係想快啲走，想埋單嘅時候發現兩個侍應唔見左，原來佢地坐低左食野，結果叫左好耐先幫到我地埋單。餐廳收嘅價錢唔係平，質素唔高，服務又差。絕對唔會再食，浪費我地嘅時間同金錢。

餐廳木系簡約格調，好岩男女朋友或者三五知己好友一齊黎食下野傾下計All day breakfast 一直都係我既偏好，明知坊間all day breakfast 價格偏貴，但每次都好唔爭氣咁點黎食今日點左classic all day breakfast 轉左牛角包，牛角包烤得好鬆軟,入口有好香嘅牛油，其他材料如炒菇煙肉香腸等份量岩岩好，推薦果醬方面揀左木瓜雪耳，其他人用黎搽多士但我最鐘意沖水飲,甜味岩岩好而且味道清新果醬九宮格多士 餐廳有多款自家製果醬，食果醬九宮格多士就可以試多d唔同既口味，當中我最鐘意木瓜雪耳、丁香香橙同肉桂蘋果呢3隻味都好清新唔會太甜太酸，食到食材配搭出黎既層次，其他果醬味道其實都好唔錯只係我個人口味偏好清甜既味道

每次經過尖沙嘴都想試試呢間cafe啲手造果醬, 但次次都因為地點遙遠就無去到, 今次因為約左朋友係尖沙嘴食飯, 完左打算行去搵甜品食, 就一心決定黎呢度試試 😋雖然地址寫住尖沙嘴, 但cafe地理位置較接近佐敦, 離我地食dinner嘅地方稍遠, 但當時天氣涼涼地所以我地就當散步 😆除左甜品外, cafe都有提供brunch, 沙律, 意粉等等嘅食物! cafe主打homemade jam,我地當然要試試啦 😋 當晚叫左cafe出名嘅果醬九宮格多士&果醬雪糕窩夫餅, 本人唔係食得好甜, 所以雪糕窩夫嗰份只食了少少果醬; 多士因為同朋友share, 所以只試了一半嘅果醬口味, 我比較欣賞菠蘿味🍍&藍莓, 可能因為比較鍾意食呢兩種水果吧, 同埋食得出佢地用新鮮材料整!! 另外, 薑味果醬我覺得當薑茶咁沖黎飲都應該唔錯😆 cafe都有賣手造果醬, 係度食到嘅口味都有整體而言員工服務態度良好, cafe雖小但坐落舒服😌, 室外都有兩枱可以坐亦有得遮頭, 價錢方面以市區黎講算合理, 食物種類繁多, 因爲今次只試左甜品所以未能全面評價食物, 希望下次黎食埋主食🍽😋

今朝食完早餐，晏就出到去仲係飽飽地，但想飲杯野食少少野，咁岩經過依間野。依間cafe位於尖沙咀同佐敦之間，其實係美麗華商場行前少少轉入街就係。講返食物先，今日食既係依度既all day breakfast，有黑毛豬，炒蛋，腸，菇同埋依度既重點-果醬多士😄果醬有幾款可以選擇，我選既係最基本既士多啤梨醬。總括而言，食物味道都唔錯，地方就偏少少，但又未至於好難搵既。

最近大家都忙工作，難得同朋友約見面，就揀左個地方食早餐。之前都聽過西貢嘅let’s jam,不過尖沙咀依間對我地黎講會就腳啲~我揀左九宮格多士，可以一次過試多幾種唔同味嘅果醬😋自己就中意薑味，夠哂特別。整體黎講都唔算太甜，每格份量都夠搽滿一格多士👍🏻飲品就揀左桂花雪梨茶，未飲已經聞到好香桂花味，入面好多雪梨肉，真材實料～朋友食嘅意粉都好似幾好食，下次要再黎試下～

終於等到了復活節長假期，這天便相約好友來到這間以果醬為主題的餐廳一聚。就坐後先點了英式All day breakfast。材料十分豐富，有炒蛋、煙肉、焗豆、及牛角包配自家果醬等。果醬提供多款味道，我們選了玫瑰蘋果，玫瑰味天然，配上蘋果粒更添咬口。我們也點了士多啤梨果醬燒豬肋骨。豬肋骨肉質軟腍，配上酸咪咪的士多啤梨果醬更醒胃。雖然吃過主菜後已十分飽，但還是忍不住點了鬆餅。鬆餅牛油味濃，口感鬆化，配上clotted cream及丁香香橙果醬，相當滋味。