一葉小廚 (已結業)

老人搵食本來已經難，兩個老人更難，於火炭更加難上加難，此小店開店兩年，近半年質素持續上升，近期更加新增柯仔系列，上個星期試過蠔餅 蠔仔份量略少。今晚再食，本老人與老伴毫不抗拒上火熱氣炸物，點左炸雞扒湯面及蠔餅，麻煩地詢問可否多少少蠔仔，廚房表示無問題。一般做法只係口頭承諾，今晚成品比上次確實多左吾少，而且接近打佯時間，蠔餅仍然新鮮呈金黃色，蠔仔飽滿，伴碟莞茜非常重手，香氣四溢，賣相非常好，熱油於口中炸開，非常美味。老伴風趣大讚此小店有敬老精神。本老人不才，附上粗劣照片一張。

約左朋友仔晚飯，揀左食一葉😋其實唔係第一次食，叫左好幾個餸一齊share，大愛蜂蜜豬扒，次次都必叫，d肉外脆內軟，掛上好甜蜜嘅蜂蜜汁，d配菜又蜜桃又蕃茄仔咁，真係大人細路都啱食，yummi😋😋😋阿仔最愛牛肉湯麵，因為d肉炆到好淋，又入味😚係個湯麵份量少d，小朋友食啱啱好。其他果d餸，唔係差，但相對蜂蜜豬扒就有點失色🤣肉燥飯都好野味，不過大家都不太愛綠色一粒粒果d不知名豆？但，果半隻半生熟蛋，好味😋&個餐有送蜂蜜紅茶，我覺得唔需要加錢轉其他飲品，蜂蜜紅茶已經好正👍🏼

外勤關係連續幾日係火炭，天氣悶熱，吾想食火炭有名氣既鑊氣大排檔，於是黎到非常偏僻既駿景園搵食。是晚11/4星期四，呢晚已經連續第二日黎食，發現連續兩晚都有人等位，呢間野估計都有d保證。---蔥香菜花魚塊鍋配肉燥飯---蜂蜜紅茶連續兩日都食呢個，味道果然沒有令人失望，魚塊雖非上等魚肉，不過都非常入味，菜花都能掛汁，鹹淡適中，肉燥並非台中食過粒粒分明既形態，偏向免治之類，餸菜加埋肉燥略嫌白飯吾夠，餐飲蜂蜜紅茶，可惜蜂蜜味極淡，僅能作解渴用途。---肉燥a菜---黑衫女待應大力推薦，盛情難卻，幸好味道都吾錯，菜亦都新鮮，不過同肉燥飯重疊左，下次應該走肉燥。呢續兩日食到同一味道既餸菜本人認為實在難得，而且女待應態度極佳，同吾少顧客有講有笑，什至談及功課問題，估計吾少熟客吧。此間小店有好廚師加好樓面，要好好堅持。

逛過駿景園咁多次才發現有這間小店，原來已開業近兩年，裝修座位都舒服，食左兩個非常滿意的早餐，有吉列魚柳，台式米粉，煎香腸，食物質素好，杯熱奶茶不錯，服務周到，讚！有機會會試埋其他食物！

難得平日放假，約朋友下午聚一聚，這商場多了一些新嘅食肆，行過這一間台式餐廳，見餐牌上的選擇都不錯，入內搵個靠牆梳化位坐下，樓底高，環境舒適，因為新開，好有新鮮感。大家都揀選了下午茶餐的細肉燥新竹米，一個配煎餃子，另一個配七味串燒魚餅，大家可以share。肉燥湯新竹米粉味道不錯，不會太咸，米粉份量下午茶剛剛好，米粉好幼細好爽口。燒魚餅煎得香口，淋淋地，好好味。煎餃子熱辣辣，沾一些醬汁吃，味道很配合呢。餐飲選擇了熱蜂蜜紅茶及熱奶茶，奶茶夠香夠奶夠滑。如果這食店們有台式多士作甜品會更理想。

今日去左火炭駿景廣場食lunch， 呢個 商場Lunch時段超多人呀！等到130pm 先有位呀😂😂等左大半個中呀！！😔😔環境得好小枱，下次黎就要早小小啦！裝修都ok嘅， 簡約風食物咁坐低叫左一個鹽酥雞配麵餐同台式肉燥飯配雞翼😋😋兩個餐都有野飲🥛🥛今日健康啲，叫左熱豆漿😝😝味道都唔錯， 唔會太鹹😋而主角鹽酥雞呢，就唔錯呀！炸皮食落都唔會太熱氣，而且有三種粉可以加落去，提升個味道👍🏻仲可以揀麵或者飯架😝😝價錢就60-70蚊到

原本好天真咁以為呢間係一間小店，後期先知道原來佢都係大集團嘅，好似話係大快活定大家樂旗下的。咁不過老實講喺呢間餐廳食，點都好過去快餐店。呢間餐廳主食台式，你叫咩餸，個飯都一定會係肉燥飯，連同有一隻幾好食嘅半熟滷水蛋。不過呢間餐廳嘅質素呢就時好時壞，好唔穩定。平時我鍾意食佢個兩餸滷肉飯，通常我會叫個豬軟骨同埋脆雞翼，他個豬軟骨係用黑醋醃制嘅，我好鍾意嗰種酸酸甜甜嘅味道。而脆雞翼呢都炸得好脆。今次我就食佢個蓮藕餅飯，個蓮藕餅成日都買晒嘅，我會建議佢整多啲啦，幾好食嘅。朋友就識佢個花雕蜂蜜豬扒，甜甜地，而且份量好大，都幾抵食。

我們點了手搖脆雞翼、肉燥扒A菜、鹽酥雞扒配肉燥飯、台式三寶肉燥飯、珍珠奶茶和檸檬紅茶。珍珠奶茶偏甜，珍珠彈牙有咬口。凍蜂蜜紅茶也是偏甜了些少，茶味不算香。雞翼剛炸起但沒有吸過油，碟底有許多油。雞翼細隻，不算多肉。但剛炸起就很脆身。油麥菜新鮮，本身菜只是烚過，所以味道全靠上面的香菇肉燥。而肉燥的份量不少，味道剛好，不會太鹹，肉燥也沒什麼肥肉。鹽酥雞扒外皮香脆，但炸粉太過厚，皮的脂肪頗多，但裡面的雞肉尚算嫩滑。而肉燥飯都份量幾多，一旁有些烚的碎豆角，令肉燥飯的油膩感相對減少，流心蛋欠缺醬油香。三寶飯可以自選三寶。我們選了黑醋豬軟骨、煎餃子和脆雞翼。黑醋豬軟骨較濃味，軟稔，酸酸甜甜，配飯一流。至於雞翼都跟剛剛手搖雞翼是一樣的，很香脆。而煎餃子就一般，煎得不夠香脆，餃子皮的邊緣是咬不動的雖説價錢便宜，但每一次去，都感覺每次都有退步所以應該不會再去了。

圖片就唔放啦.   今日見人食三文治 我都想試下份公司三文治 個侍應同我講要等半個鐘原本唔想叫 但係又想試下 點知預料之外快 講係成30分鐘 點知10分鐘就有 既好味又夠料又新鮮 飲品就一直保持到水準啦 公司三文治真係值推薦得閒星期日放假一家人可以下午茶試下份三文治(一份有4個_)唔夠叫多幾份都無問題~哈哈加上食完係一定會飽 所以中午個時我唔係食咁多野 留個肚食三文治

今日難得放假，早上落咗去屋企樓下附近(一葉小廚)到食左個早餐， 平時都係買個包就返公司食，原來而家食一個早餐要34蚊起，以一個打工仔嚟計我覺得都幾貴， 雖然早餐有豬仔包配蛋同湯米粉及一杯飲品3樣嘢，但對我來講間中食都OK。牛油豬仔包配滑蛋，包都焗到好香口， 滑蛋可以。(細)肉燥新竹湯米粉，肉燥比較少一些，但都好入味。熱檸檬水酸酸甜甜夠潤喉。餐牌上的早餐都仲有好多不同美食給客人選擇。早餐34蚊價錢都算OK。

食物好味，員工Emily效率高，服務好，好有心，座位安排得好好，讚呀！奶茶好飲，最欣賞佢凍奶茶係無冰，甜度可以自己加糖水控制。五十幾蚊一個午餐，免加一，同附近餐廳相比，真係性價比高呀！

一葉小廚是駿景廣場裡比較新的餐廳之一。這是一間台式餐廳。這設有早餐、午餐及晚餐供應。舖子不是很大，所以經常坐滿人。員工的服務態度良好早餐有約7款選擇，味道都錯本人推薦這的蕃茄濃湯餐肉通粉+煎蛋(可選擇炒蛋、太陽蛋、反蛋等)+烘麵包+飲品(可選擇凍/熱 無糖豆漿、 蜂蜜紅茶、柚子蜜等)推薦！午餐及晚餐有台式肉躁飯、湯麵等供應。也有三杯雞等小菜供應。這的裝修也不錯的，很清新優雅！令人感覺很舒適！👏但是冷氣有點夠涼快。

8/11 星期三，同朋友黎食個下午茶， 點左個魚餅餐 ，同一個台式干炒牛河 ，魚餅餐好快黎 ，重點係台式牛河 我朋友都食晒 再等十五分鐘都未有 ，忙我係會體諒 ，不過果陣全場只有一枱客 ，而且我覺得d職員好似游下游下 ，個個未訓醒 ，催完居然都仲要再等十分鐘....牛河黎到 原來餐單既豉蔭係另上 賣相係普通不過既干炒牛河 味道亦都十分差， 似豉油撈河粉多過炒牛河， 全無鑊氣可言， 等甘耐質素居然係甘實在有d過份， 如果吾係無選擇或者改善 冇下次....

是晚追月夜 經過見到僻遠地方竟然有主打 台式餐廳而裝修吾錯 二話不說試試餐牌似係走台式快餐路綫 不過都幾吸引 等左15分鐘左右就有得食 我叫左個宜蘭雞柳炒旦+香菇肉燥飯 朋友叫左個生根涼瓜肉碎煲+香菇肉燥飯 餐飲需加錢 老老實實 台灣風味就冇乜 不過個炒旦好好味 有蝦同雞肉 仲有幾舊蕃茄 蝦係雪藏貨不過冇雪味同埋係滑旦 吾乾 而且份量吾細 朋友果果涼瓜煲係煲仔湯黎 我個人吾鐘意涼瓜 不過朋友話都吾錯 涼瓜都吾少 仲有肉碎撈飯 最主要係食幾舊生根肉燥飯紅紅綠綠 有豬肉粒+隻旦 味道都幾好餐飲十分普通 珍珠奶茶淡而無味 而且要加錢 建議可以吾飲6色衫員工態度不太好 晚餐時段流量極大 我地都不宜久留 相都吾方便影就走 不過會再幫襯！！

火炭站大部分都係豪宅村屋，除左連銷餐廳，其他都偏貴。去探親戚時甘岩見到呢間新開，就入去試下！⭕️山楂鳳梨豬肉排 $67豬肉排有好多件，食落甜甜都唔會柴，配上酸酸地既鳳梨汁，好夾好好味撈飯一流！❤️⭕️三杯雞煲 $72雞份量都係多，熱辣辣上正！配料都多，可惜冇咩九重疊味道，唔算正宗🤔但味道都ok☺️⭕️肉燥飯 (跟餐)都幾大碗，仲有溏心蛋豆香菇個d，好足料！肉唔算太肥，汁都不錯，正☺️😌⭕️小蠔餅 (+$15)賣相堅麻麻，但甘細塊入面有勁多新鮮蠔，蠔又大隻，抵食！⭕️珍珠奶茶 (+$8)珍珠冇味的，奶茶係奶精沖，但茶底幾香！重點呢度係自己加糖漿，唔洗怕太甜！⭕️無糖豆漿 (+$3)出面通常都係有糖，呢度竟然有無糖！飲落同屋企整既好似，唔錯！呢度既侍應十分有禮貌，價錢又唔貴，又冇加一，會encore☺️