一葉小廚 (已結業)

外勤關係連續幾日係火炭，天氣悶熱，吾想食火炭有名氣既鑊氣大排檔，於是黎到非常偏僻既駿景園搵食。是晚11/4星期四，呢晚已經連續第二日黎食，發現連續兩晚都有人等位，呢間野估計都有d保證。---蔥香菜花魚塊鍋配肉燥飯---蜂蜜紅茶連續兩日都食呢個，味道果然沒有令人失望，魚塊雖非上等魚肉，不過都非常入味，菜花都能掛汁，鹹淡適中，肉燥並非台中食過粒粒分明既形態，偏向免治之類，餸菜加埋肉燥略嫌白飯吾夠，餐飲蜂蜜紅茶，可惜蜂蜜味極淡，僅能作解渴用途。---肉燥a菜---黑衫女待應大力推薦，盛情難卻，幸好味道都吾錯，菜亦都新鮮，不過同肉燥飯重疊左，下次應該走肉燥。呢續兩日食到同一味道既餸菜本人認為實在難得，而且女待應態度極佳，同吾少顧客有講有笑，什至談及功課問題，估計吾少熟客吧。此間小店有好廚師加好樓面，要好好堅持。