一興粉麵

營業中

休息中

今次我地出完街去深水埗玩，諗住買個外賣番屋企食住睇英超，見呢間一興粉麵都幾多人就去左買野食啦😗牛坑腩麵（$47）呢類店舖最勁就係整牛腩麵，牛坑腩就再比牛腩嫩，個牛味又濃，真係好似門口寫咁，係牛什專家🐮魚片頭河（$39）除左牛什好味，就係魚蛋類都會好食，魚片頭大大粒，口感彈牙，味道唔錯🐟呢間粉麵店都幾好食，外賣攞到屋企都唔覺差，同埋佢分湯上，就唔怕攞到番屋企已經浸到麵淋曬同冇湯，相信堂食既話會更好味😋

聽同事講深水埗呢間一興粉麵好出名，咁啱經開深水埗做嘢，又唔使排隊就即管試吓佢～突登想試崩沙腩，但兩點去到賣晒，轉食牛腩，估唔到都咁好食！令我更期待崩沙腩！牛腩份量好多，牛味香濃，邊位帶有牛脂，又唔嚡口，鍾意食辣再加啲辣椒油更正！朋友叫咗碗牛三寶，除咗牛腩仲有牛根同牛肚！牛根炆得好軟腍入味，膠質感滿滿。淨紫菜四寶入邊會有魚皮餃、魚蛋、墨魚丸、扎肉、豬肉丸、生菜同埋紫菜，超級豐富，重點推薦魚皮餃，外皮煙煙韌，饀料足，意外地出色！重點係價錢抵食～～經過不妨推薦一試

與朋友相約做瑜珈前，由於時間充裕，去了很久沒有踏足的深水埗走一走，差不多到西九龍中心時，被一間粉麵店吸引 。餐廳不算大，座位亦不會很迫，環境乾淨整潔，冷氣夠強，相當不錯。牛脆骨米粉 $42 (限量供應)就是它吸引著我！非常罕見的位置，原來是牛的氣管，口感有點像雞軟骨，非常爽脆。而爽口米粉配上鮮甜牛腩湯底，令我齒頰留香。想試記得要早點去喲！牛三寶河 $47即是牛腩，牛肚及牛筋，雖然是非常厚身的牛腩但不會太韌，口感豐富；牛肚比較薄身，口感爽口彈牙；而牛筋嫩滑而不膩，充滿著滿滿的骨膠原；而濃濃的牛腩湯底配上幼身而不易斷的河粉，實在是完美的配搭。淨雲吞 $38如跟粉麵就有5粒，淨雲吞就有7粒！每日新鮮製作，真的是皮薄餡靚，很大粒之餘，內裡的🦐亦非常爽口彈牙。跟粉麵可加$8配凍飲，而我們點了凍奶茶 - 即使走甜，茶味亦相當濃👍凍檸茶 - 茶底夠濃，配上新鮮檸檬，解渴一流餐廳選用保凍杯，夏天飲用相當不錯。

嚟到深水埗西九龍中心對面嘅一興粉麵店，店仔細細，但姐姐招呼好有禮細心。我哋叫咗個潮州牛什八寶窩，佢地嘅牛什份量好足，淨食要$128，配粉面有成二至三人份量先$98。八寶包括：牛腩，牛肚，牛筋， 牛肺，粉腸牛蒡，肥牛同大腸。仲有蘿蔔，煮得非常入味。如果仲想加餸每加一寶加$20就得。因為係俾我哋分享嘅，佢另外有細碗同多一大碗清湯俾我哋隨時加湯。跟手叫咗個腐乳通菜，單點好大份架（冇一斤都有半斤），同兩杯嘢飲。見大部份單人客都會叫佢個粉麵套餐，即係自己選料粉麵，送熱飲＋油菜或魚皮，先＄58。晚餐有肉有菜有粉有飲品，60蚊有找。選料乜都有牛腩/牛什 / 牛筋 / 牛肚 /鮮牛肉/ 豬手/雲吞 / 墨魚丸 / 魚片頭 /魚皮餃 / 京都炸醬/韮黃鮮蝦水餃/魚蛋/魚片/ 貢丸牛丸 / 豬肉丸/ 扎肉 / 紫菜蘿白/牛坑腩（另+$7）/紫菜四寶（另+7/牛三寶（另+$9）蘿白崩沙腩（另+$15）（限量供應）配河粉 /幼麵/ 粗麵/米粉/米線/雙拼+＄8下次自己來都可以食得豐富啲

餐廳位置方便，👍🏼👍🏼👍🏼喺西九龍中心對面，環境都算乾淨，起碼唔會成個地下黐立立，六點左右都已經好多人，仲有好多人買外賣返屋企，餐廳主要係食港式粉麵，主打牛腩牛雜，但係今次未有機會試到，試咗佢嘅魚片頭河同紫菜四寶河始終香港樣樣嘢都貴，幾十蚊唔係可以食到好多嘢，碗粉嘅質素唔差，但係份量多啲會更加好，湯底唔算落得太重味精，魚片頭都幾彈牙，紫菜四寶都唔差，香港地真係生意難做🥲🥲🥹🥹🥹

去完西九龍中心夾公仔🧸見到對面有間牛腩河粉麵 牛魔王當然即刻沖去試下先😚😚環境乾乾淨淨，坐得算闊落🛋️最緊要係夏天冷氣夠就算食麵都唔會覺得熱 👍🏻崩沙腩河崩沙腩河嘅牛腩煮到好淋 😋入口即化😚絕對比一般牛腩軟糯 🥰 而且帶有濃郁嘅牛肉味 湯底亦熬製得味道鮮甜 🥳牛三寶河三寶包括牛肺、牛蒡同牛肚😙唔需要擔心呢種內臟會唔乾淨或者唔新鮮😄店舖處理得好好 👍🏻食落好彈牙又有濃郁牛味🐄可以一試 👍🏻👍🏻鮮蝦雲吞雲吞粒粒皮薄餡靚 😊全部人手新鮮製造😁用上湯去煮非常好味 🤤 下次食雲吞麵都係一個選擇😇可以配埋佢哋嘅自家辣椒油一齊食粉麵😻值得下次再試🤣😋: ⭐️⭐️⭐️⭐️⭐️💰:⭐️⭐️⭐️⭐️⭐️一興粉麵 (深水埗)深水埗欽州街58號米蘭軒地舖如果想知道更多好美食就要記得follow 我哋啦

之前上網睇到有人介紹呢間一興粉麵，入面有個牛脆骨麵平時好少見，嚟開深水埗又嚟試吓！🌟牛脆骨河‼️牛脆骨其實係牛嘅氣管，連接喉部同肺部嘅通道，食落嘅口感口似軟骨咁，都幾得意～入邊仲有好豐富嘅膠原蛋白！🌟崩沙腩河‼️呢度嘅腩位都偏瘦，牛味幾出，而且分量多！鍾意食辣再加啲辣椒油更加正～而且本身會跟四嚿蘿蔔，蘿蔔夠甜～🌟淨紫菜四寶‼️入邊會有魚皮餃、魚蛋、墨魚丸、扎肉、豬肉丸、生菜同埋紫菜，其實就咁食完一碗都幾飽～佢哋嘅魚皮蝦外皮有啲似蝦餃皮咁，好食！同埋扎肉同豬肉丸都出色😋

❇️周三放工,我和女兒一起來到深水埗欽州街的「一興粉麵」品嚐地道的港式粉麵。這家店位於西九龍中心對面是街坊熱門選擇,可見其美食實力。✳️女兒選擇了牛脆骨米線~42元。米線嫩滑,配上牛脆骨肉質鮮嫩爽脆,散發著迷人牛肉香氣。她特意加配了凍柯華田~$8元,清甜可口的飲品完美平衡了米線的鹹香。❇️我則點了牛三寶麵~$47元,包括牛肚、牛筋及牛腩三種部位。麵條細滑入口,three kinds of牛肉口感各異,筋道軟嫩,牛肚肉入味爽口,腩肉醇厚可口。我也加配了凍菜蜜~$8元,清爽解膩。✳️除此之外,我們還點了一碗淨雲呑~$36元。這道雲吞皮薄餡多,汁濃味美,讓人一口接一口停不下來。

跟着姥爷老奶奶们吃饭准没错，便宜大碗味道正。深水埗真是个深藏平价美食的好地方，看店铺门头其貌不扬，但总能给人惊喜吱吱特别推荐⬇️✨崩沙腩捞面可以转面底，选择很多样。这是吱吱第一次尝试崩沙腩，也太好吃了吧，不加任何调味料，满口都是食材本身的香味。分量也很足，还配有爽口的白萝卜。✨牛三宝捞面吱吱最爱，建议第一次来吃不知道吃什么的bb闭眼冲！口感/口味都没得说，肥瘦相间，肥而不腻✨净紫菜四宝大个的鱼丸口感Q弹有嚼劲，一碗有好多个。胃口小的女孩子喝上这么一碗满满都是配料的汤就已经饱了差不多了。✨冻柠茶在香港喝了那么多冻柠茶，这家是吱吱觉得最好喝的，夏天来一杯十分解暑，茶香🍵真的好浓郁，关键是也太舍得加鲜柠檬🍋‍🟩了吧（特意拍了照片！！！）人均💰：50📍深水埗欽州街58號米蘭軒地舖

呢間店係正西九龍中心對面，環境相當寬敞，而且好企理。不過是日我要趕番屋企同屋企人一齊睇奧運，所以就叫左外賣，眼見餐廳有好多街坊光顧。老豆話想食雲吞麵，就叫左碗雲吞麵比佢 。有5粒 ，入面有好大粒蝦 ，餡料相當飽滿，皮薄餡靚。等候既時候見到有人係店到係用人手包👍🏻 抵讚 我個碗係4寶紫菜河粉 有紫菜 豬肉丸 魚蛋 扎肉 魚皮餃 加左紫菜令到湯頭好清甜，當湯飲都得，配料每粒都好大粒。同老豆交換左d餸 黎試食😁 相當大碗，面嘅份量亦都相當多如果鍾意食辣既朋友，仲會有辣椒醬提供，我用黎點雲吞😆 好辣好過癮。但我都係鍾意唔洗點，就咁食佢清甜既雲吞多啲。腐乳通菜 份量都幾多，腐乳的醬汁完美咁包住通菜，不過略嫌淋左d，但我老豆話咁樣幾好食 夠入味，佢就鍾意食淋d 😂 🍋凍檸茶 檸檬同埋茶都唔會苦澀，一杯檸檬茶最重要係塊檸檬夠新鮮，呢間既檸茶酸甜比例岩岩好。#hkfoodie #香港美食 #hongkongfood #hongkongrestaurant #hongkongtravel #香港打卡餐廳 #香港 #foodiehk #hkfoodie #hkblogger #hkig #香港餐廳 #香港

琴日同朋友行完西九龍中心，大熱天時想食湯麵濕下個口。咁啱見到對面有間一興粉麵，自問都幾鍾意食潮州粉麵，所以就入去試下。入到餐廳冷氣好足，好舒服，都好多人食野。雖然位置唔算好闊落，但都唔係會手撞手嘅程度。侍應姐姐問我地食咩，我係餐牌見到有個叫牛脆骨嘅野，未食過，但好似好得意，所以就叫左。朋友就叫左牛三寶河。姐姐問我要唔要加埋菜或者魚皮，都係六十幾蚊，最後就叫埋魚皮。牛脆骨係坊間真係好少見到有，或者要去到好專門食牛嘅地方先有。食落口好脆好似雞軟骨咁。中間D筋膜充滿鹵水味，令到成件事好夠味好濃郁。一啖食落去又有骨膠原嘅黏，又有軟骨個爽脆，好得意，好惹味。牛三寶都係水準以上。牛腩位置值得一讚，肉同肥嘅比例好好，都炆得好腍，亦夠入味。牛肚係草肚，呢個價錢，呢個件數都好抵食，仲要無雪藏同埋內臟味，淨係食到濃郁嘅鹵水味，都唔會好韌。牛筋最為出色，香軟滑集於一身，不過同一煲鹵水都唔會差得去邊，個口感我自己就好喜歡。炸魚皮就不過不失，同其他地方食到嘅一樣。杯奶茶就幾驚喜！去到夜晚七點幾，仲要叫走甜，好多地方都係會飲到過濃過老嘅茶底。呢度杯茶就無出事！唔會特別重奶，茶味都香！

我今日約同好友去位於深水埗欽州街58號米米蘭軒地舖的一興粉麵食午餐，傳統冰室裝修，坐得舒服。餐廳全日供應粉麵（奉送熱飲＋油菜/魚皮）套餐 $58 。我點左個蘿蔔崩沙腩河套餐 $53，配蠔油菜芯，餐飲係凍鮮豆漿＋$6；好友點左個 招牌牛三寶河 套餐 $67，配脆炸魚皮，餐飲係凍鮮豆漿＋ $6。蘿蔔崩沙腩河的崩沙腩係牛的橫隔膜位置，筋膜連肉，肥瘦均勻，口感爽軟；白蘿蔔煮得軟腍好食。牛三寶（牛肺、牛蒡和牛肚）好有香濃牛味，軟滑好味；菜心鮮甜，魚皮脆口，豆漿好飲。

市區發現平價好西🤪性價比極高嘅潮式粉麵店‼️最近見好多人講呢間粉麵店平民價錢就有極罕牛脆骨食，仲要大大碗好抵食😳唔怪得全場爆滿，繁忙時間要等下位，好受街坊歡迎枱面餐具Menu嗰啲都乾淨冇立痴痴，環境光猛乾淨企理-👍🏻牛脆骨河 $42招牌菜！坊間好少見嘅部位😮軟骨位好爽脆，筋膜組織腍得嚟有彈性有啲似炆到好軟腍嘅牛筋，滿滿骨膠原🤤！整體口感好特別，爽脆同時軟腍黏口完全冇內臟味道，滷得夠晒入味但又唔會過鹹第一次食好有驚喜！-👍🏻蘿蔔崩沙腩麵 $53 崩沙腩夠肥又大舊，入味得嚟唔會蓋過原有脂香肉質軟嫩完全唔嚡口，脂肪Q彈帶點煙韌，油脂香極度濃郁🤯厚切大塊份量好多，呢個價好佛心超抵食🤑-👍🏻鮮蝦雲吞麵 $38 & 鮮炸魚皮 $22 雲吞皮薄，鮮蝦爽口大粒，比例仲多過豬肉咁滯好誇張，超足料！另外嗌咗份魚皮小食，酥脆大大塊-記得點埋自家炒辣椒油，唔同一般潮州辣椒油比較似辣椒醬，鹹辣後勁好強🔥-味道：8/10性價比：9/10-📍 #一興粉麵 @yathing_noodles深水埗欽州街58號米蘭軒地舖長沙灣青山道376號和興大廈地舖

叫腸肚河 收我雙拼錢同佢講 即刻話收少番我8蚊而家係你收多我8蚊 一句唔好意思都冇之後有個哥仔黎外賣我聽到又係收多人哋8蚊有冇心我唔知道仲之去尼間野小心 記住睇單野食6/10湯冇味 牛肚普通 冇汁水

次次叫外賣一個中年女人聽電話 未叫完係咁cut線 你地係咪做生意架 係咁話知道知道 你知道咩者？ 人地叫外賣就留心聽人講野啦 次次未叫完就講88 已經吾係第一次咁樣 之前叫完外賣自取 去到竟然話個餐比左人 如果吾想受氣千奇吾好食呢間