一福 (已結業)

壽司拼盤好抵食！各款壽司都相當不錯！特別要提，海蝦帶子好鮮甜，最難忘係赤身壽司，口感極度軟綿綿，難得香港食到咁好味既吞拿魚壽司！另外，個吞拿魚蓉小卷我都好鍾意，灑上左魚子同埋海膽，擺入口個味道好有層次，互相增加左食材原有既鮮甜味。再要提下，舊壽司飯原本都有豉油調味，呢樣做得好貼心。

之前某雜誌介紹過有海膽飯 已經食過一次之前未拍拖個陣 帶女神黎第二次 叫左魚生飯同壽司拼盤魚生飯有油甘魚 呑拿魚 帶子 蟹肉 三文魚 同海膽 壽司拼盤有三文魚 帶子 甜蝦 火灸三文魚 火灸呑拿魚 芝士蟹腳 海膽香蔥呑拿魚 同三文魚子份量對我啲咁大食嘅人黎講係唔夠飽 女神就覺得ok 啲魚生係幾新鮮 賣相plating 都做得幾有心機 係貴左小小不過如果間唔中想食餐好嘅 不妨可以黎試下 地點好近地鐵站 五分鐘內行到 週圍好多食肆 食完掃下街食個甜品絕對冇問題

星期日出深水埗買完啲野見肚餓就去醫肚。深水埗都幾多野食、又多人排隊，行行下見到間日本餐廳裝修幾靚就入左去。呢度點餐係用qr code點既，因為無交電話費，無得上網唔知點算之制，店員就俾左佢地部iPad 我點餐，都幾窩心😂😂行左太耐太肚餓，加上樣樣都試又唔想諗，就叫左個omakase 刺身飯😋😋 26款刺身，樣樣都好新鮮，就咁睇都已經流哂口水啦！除左魚生之外，仲有明太子、拖羅蓉、龍蝦沙律、三文魚子，撈飯食一流！如果佢有多去紫菜俾我包住個海膽食就好啦！！🤤🤤🤤結果，我自己一個人食哂成碗omakase 飯，飽到傻！👍🏻👍🏻

今日午餐想食好啲，就去咗深水埗嘅一福試下。佢嘅lunch set係抵食嘅，一個sushi set連小食連飲品先係$118。當然呢個價錢又唔可以要求太高，而不足嘅地方其實只係個壽司飯過酸，點咗豉油啲酸味都太重啦，但係真係夠晒飽。

深水埗交通方便經常逛街，見福榮街110號永佳樓地舖，裝修優雅，點左26款刺身飯，先送上麵豉湯，有三文魚肉粒、紅蘿蔔🥕白蘿蔔、腐皮，好惹味真不錯。26款刺身飯有鰻魚、螺片、北寄貝、赤貝、蟹子、希靈魚、拖羅、油甘魚、鮭魚腩、吞拿魚腩、赤蝦、海膽、帶子、三文魚子、明太子、拖羅蓉、龍蝦沙律配飯吃最岩。鰻魚丼，鰻魚燒得很香加燒汁撈飯完美配合。吉列炸蠔，炸得很甘香鬆脆。蜜桃梳打配雪糕，清清甜甜。還有蜜瓜雪糕筒🍦，很香蜜瓜味，可惜忘了影相。

經友人介紹，說來到深水埗就一定要試下這家壽司刺身店。坐下來後，店員給我們一個QR Code，可以自己用手機落單，夠曬方便環保!  因為有張100蚊coupon嘅關係，我哋盡情地叫咗好多嘢食。我哋叫咗招牌嘅一福壽司盛，又叫咗兩杯巨峰梳打配雪糕，三文魚忌廉芝士卷，穴子，油甘魚，火炙左口魚裙邊壽司，火炙帆立貝壽司，忌廉蟹肉薯餅等等。嘢食只係嚟到一半我哋已經飽飽地，因為每件壽司都幾大舊。埋單果陣佢又畀多張100蚊coupon我哋！下次我哋都係叫多個friend先再嚟！

深水埗有一間好出色嘅日本料理叫做一福，位置喺深水埗福榮街，新高登電腦廣場對面，十分易搵入到餐廳，侍應安排好座位後，俾咗一個QR code，原來係用嚟點食物，餐廳用咗網上落單，除咗可以睇到食物嘅相之外，仲有一個好好嘅功能，就係點左之後即時知道點左幾多錢，非常咁先進今次點左個鎭店嘅26款刺身飯、再配埋麵豉湯，再點過牛肉壽喜燒，再加多支蜜瓜梳打；真店之寶果然名不虛傳，啖啖新鮮嘅刺身配合埋啲飯，果然名不虛傳，係必食之選；熱辣辣嘅牛肉鍋，配上雞蛋，更加好味；點左一支蜜瓜梳打，有清新嘅密瓜味，打唔係普通嘅蜜瓜梳打，好飲又解渴

今日中午時分同朋友出咗深水埗，去咗一間日本料理食午飯，佢嘅地點非常方便，位於深水埗福榮街110號永佳樓地下，喺港鐵深水埗站D2出口行3分鐘就到，位置十分便利。今次點左OMAKASE 魚生丼、牛肉壽喜燒、小食三款（海膽拖羅凍豆腐、吉列炸蠔、黑松露揚餃子）OMAKASE 魚生丼，鎮店之寶，簡單啲講即係26款刺身飯，淨係個賣相已經贏晒，樣樣刺身都可以食到，頂級牛肉壽喜燒，連埋酒精爐窩一齊上，保證食到熱辣辣嘅牛肉，加埋隻蛋落去，牛肉變得更加嫩滑，口感一流海膽拖羅凍豆腐，鮮甜嘅海膽加上嫩滑嘅豆腐，非常好味吉列炸蠔，香脆嘅外層加埋熱辣辣嘅炸蠔，點上醬汁，味道一流黑松露揚餃子，一啖咬落去，已經散發出好香嘅黑松露香味，餃子另一食法

今次介紹比大家嘅小店絕對可以令大家以後去深水埗多個選擇！主打丼飯同壽司嘅一福位於深水埗中心地帶～下午有午市套餐！一福特選壽司定食 ($118)午市套餐附送味噌湯，小食一份，飲品～相當扺食，我地揀既壽司set嘅壽司款式都幾滿足到小編嘅心頭好，當中既一福卷係呑拿魚蓉卷配上海膽，海膽好鮮甜！穴子同玉子蛋雖然平凡但好好吃😋牡丹蝦入口爽甜，貝類亦十分出色，新鮮程度值得一讚。不過每天既壽司款式會因應供應情況有所更改啊～另外加$10可追加蒸蛋一份😝相當抵食！

平時大家去深水埗不外乎食豬潤麵或者茶記，但今次介紹比大家嘅小店絕對可以令大家以後去深水埗多個選擇！主打丼飯同壽司嘅一福位於深水埗大街。先講佢嘅丼飯，一福除左有d pre-set咗既丼飯外，仲可以自選刺身為自己tailor made屬於你既丼飯，但係貪心嘅小編就揀左有成26種刺身嘅Omakase丼飯！($268)刺身超豐富，每款魚都好新鮮，分別有左口魚裙邊，龍蝦沙律，蟹膏蟹肉，帶子，鰻魚，油甘魚，蔥呑拿魚，希靈魚，馬刀貝，墨魚等等～基本嘅三文魚帶子赤身就唔多介紹啦，小編最喜愛都係鮮甜嘅海膽，另外佢嘅明太子送飯亦都一流！蟹膏啖啖蟹肉撈飯，好鮮甜🥳🥳🥳旁邊仲有大大粒既三文魚籽👻睇落咁大碗嘅丼飯唔洗十五分鐘已經被完全消滅😂大滿足啊😍😍😍本來小編仲想試埋佢嘅甜品拼盤，點知賣曬😭見到其他人試過都話唔試唔得，點知我地咁不幸😭

今次黎到深水埗唔係食車仔麵，朋友話有間好抵食既日本餐廳係附近。我地叫咗個新岀既魚生丼，份量絕對足夠2個人食🙈 魚生款式好多！花多眼亂，塊塊都想食😛 魚生雖然比較薄，但都算新鮮。加上仲有呑拿魚蓉，明太子，蟹膏醬等等，撈飯真係冇得輸😎食完有啲意猶未盡，叫多咗個一福卷，有大量海膽同葱呑拿魚腩，入口半溶，果種滿足感係形容唔到，超級抵食！女仔見到甜品對眼就發哂光，揀咗個甜品拼盤 ，全部甜品都唔差咼～ 水信玄餅有驚喜，好清新好味，而心太軟都好流心好高質，唔洗一陣就清哂個拼盤👻

出深水埗買旅遊電話卡，朋友介紹高登對面有間食日本魚生好正嘅餐廳，今日專程來到試試。Omakase魚生丼，包一碗麵豉湯，好特別，湯材料有腐皮粒、三文魚及蘿蔔，感覺唔錯。這個刺身魚生丼共有廿多款刺身，視覺享受一流，調好味的壽司飯也好吃。刺身種類太多不能盡錄，自己較喜歡希靈魚、螺片、赤貝、拖羅魚腩、鰻魚、海膽、三文魚子及明太子，葱拖羅蓉及龍蝦沙律也有驚喜。一福黑豚叉燒拉麵，麵質爽口彈牙，叉燒肥美肉香，湯底好濃好好喝。隻燻蛋都十分美味。甜品好出色，拼盤包括65%黑朱古力心太軟、紅豆抹茶厥餅、水信玄餅，今日奶凍轉芝士凍餅，也很好吃呢！還有軟雪糕，十分香滑。款款都做得很精美。這是深水埗隱世好吃食店，推介！

老公要去黃金商場購物，親戚三叔住附近，介紹我們來這裏吃魚生飯，兩公婆拍拖最啱。餐廳晚上七點鐘開始人多。Omakase魚生丼連一碗非一般的麵豉湯，內有三文魚，紅蘿蔔，白蘿蔔及腐皮，好夠味好好喝。這個刺身魚生丼真係不得了，上枱時老公都嘩嘩聲，共廿幾款刺身一次過呈現眼前，鰻魚香口、螺片爽、北寄貝鮮甜、蟹子同希靈魚都脆卜卜、赤貝都唔錯，拖羅入口即溶、油甘魚新鮮、鮭魚腩肥美、吞拿魚腩脂肪含量更高，大赤蝦鮮甜、海膽甘甘、帶子新鮮、三文魚子入口爆脆、明太子辣辣地惹味、葱拖羅蓉及龍蝦沙律最啱送飯……個壽司飯仲要係調好味那款，食到停唔到口。一福黑豚叉燒拉麵~叉燒厚切大大件，肥瘦比例好適中，掛住食魚生飯，放了一會，麵質依然爽口，豚骨湯底好濃好濃，但唔鹹，好飲好飲差點兒給我們喝光。店員好細心，點菜時甜品已經揀選''後上''，見我們差不多吃完主食，他都同我們講一聲上甜品時間，因為需要時間做，給我們一些心理準備。甜品拼盤~包括65%黑朱古力心太軟，剛剛焗起，朱古力好香好香，這個我最喜歡；紅豆抹茶厥餅，紅豆不會太甜，抹茶厥餅煙煙靭靭；水信玄餅，晶瑩剔透好可愛；奶凍轉芝士凍餅，仲開心，我鍾意芝士呢！仲有軟雪糕，又香

好友相約中午去深水埗食晏，話有好介紹，立即搵埋為食朋友一起出動餐廳位置一啲都唔難搵，正正就係周圍最多嘢食近黃金商場位置，中午吃飯時間餐廳差不多座無虛席，證明食物有返咁上下水準，掃描QR code 落單，快捷方便又環保行到熱辣辣，先叫一支蘋果梳打解下喝，好友係黑松露控，見到黑松露餃子立即嚷著要食，餃子炸得外皮香脆，點上黑松露醬，咬落香口juice三人不約而同要食火炙帆立貝壽司，食落一股火炙燒香的味道，好味，仲有北寄貝壽司，蔥拖羅軍艦，黃金蟹膏軍艦，左口魚裙邊壽司，鮭壽司全部都新鮮美味，仲要價錢一點都唔貴另外點左個魚生飯，一嚟到海膽控朋友已忍不住申出筷子立即夾一撮海膽入口，繼而嘴裏大呼好味，再加上酸酸既醋米飯，令人胃口大開，最啱咁悶熱嘅天氣食呢度嘅甜品應該幾出名，因為牆上貼滿雪糕海報，於是點左日式梳乎厘，賣相十分吸睛，當大家手機食先不停拍照之際，梳乎厘上的忌廉已開始好似熔岩咁卸下來，我哋二話不說，用最快嘅速度，將呢個又鬆又軟嘅梳乎厘放晒入肚，再食埋顏色漂亮嘅桃味雪糕，今餐真係大滿足，好友果然冇介紹錯，以後黎深水埗又多一個選擇

呢間日本野既地理位置夠曬方便，就係正深水埗黃金商場對面街，應該無咩人唔識啦掛！個門面都幾有日本 feel，最起碼係同旁邊既餐廳門面都好唔同，所以都幾易認既睇下 Menu，選擇都幾多架，呢一頁就只有壽司及軍艦，後面重有 丼飯，拉麵等，重點係甜品都架，所以係度食，真係可以甜品都食埋，唔洗煩今日我地揀左幾款野食，第一個黎既就係呢個魚餅，份量如果係 2-3 人食既話都唔錯，佢係和風薩摩魚餅魚餅口感正，因為雖然唔厚，但就帶有煙韌，所以作為一個小食，都唔錯架壽司方面，呢個卷物都唔錯，炸軟殼蟹卷，佢上面有黑松露沙律醬，都已經夠香，成個卷都有好多蟹籽係外圍，所以再提升口感呢個丼飯就更不得了，可以話係呢間餐廳既主打之一，由26款刺身組成既刺身丼！雖然成個丼飯既體積未足以令你嘩然，但佢既擺盤及顏色都好吸引，令你會好想食，影張相都靚d啊！再近d睇，佢既刺身都好多樣性架，最上既呢小杯可以講係放住相對最頂級既刺身，當中包括原隻甜蝦，三文魚籽及海膽等，所有既刺身都好夠新鮮而令一主角就當然係d飯啦，飯已經有適量既味道，食得出有少許醋醬味，所以絕非如白飯般清簡，都唔錯最後，我覺得呢度既甜品都幾好色，特別係呢個，真係估