一碗肉燥 (喜薈)

營業中

休息中

好耐無來食過呢間，見門口唔多人排隊就打算食下！4個人佢叫我地分枱，都無問題啦，大家唔使等咁耐，點知被迫分拆，一個同三個咁分Menu無大變化，但又不經意加左價，淨係個燥底撈都加左，由$3加到$4，真係唔明點解唔食飯轉麵要俾錢，仲要加價，咩世界?！叫識撈系列轉撈麵，兩款(豬軟骨同雞翼)配凍蜂蜜紅茶，$49！肉燥撈好快到，麵嘅份量足夠，味道係ok，但啲餸就越來越少，係以前年代嘅一半咋，佢舖好多豆令人覺得好豐富！純視覺享受，少餸左但加價真係呃唔到人架！杯凍飲仲要近食完先有！有啲失望喔！

一間台式店舖裝修好似好可愛咁，入面店舖仲大大隻字寫住「好吃」🤔究竟係咪真係好食？🙍🏻夜晚6:00左右去食，人流未算好多，店員招呼特別好，好有禮貌🙂落單方法係拎張紙tick，選擇包括一碗肉燥飯/麵同埋精挑細選套餐。—————————————————————#精挑細選套餐 💰58總共可以tick五款野（包括埋飲品），揀左精巧肉燥飯（可以揀原味/香辣），香葉鹽酥雞，海苔貢丸湯，蒜香台灣腸，同埋有蜂蜜紅茶（有凍/熱之選）👍個貢丸湯好咸，好似落左一樽鹽🤢🤦🏻‍♀️好難飲。肉燥似肉醬多啲，啲汁似生粉水溝出黎🤦🏻‍♀️完全食緊肉醬飯🙍🏻鹽酥雞味道中規中矩，份量都算多。台灣腸食落好普通，比較乾身。蜂蜜紅茶甜度比較甜，唔好期望太多。好味指數：😋😋😋😋（十分最高）其實可能一碗肉燥飯/麵好食過呢隻，係我自己揀錯。

行過長沙灣街頭，得呢間店燈光光猛，又有卡通feel，於是就入去食。以黃色做主題，young and energetic 的feel。主要有2款套餐，1款較平的是「大麵」，另1款較貴的是「小麵」加3小菜。當然啦，可以選肉燥麵或飯啦～「大麵套餐」有一碗大大的肉燥麵/飯，另一杯飲品。牛肉麵除了牛肉，有肉燥及半隻蛋。另「小麵套餐」就較多豐富，除了一細碗肉燥麵/飯，仲有3個小菜。都有包飲品的。叫了「大麵」的仁兄，因為無小食，所以另外單叫了「三杯雞」。單叫要成$30幾，比較$50幾食到一個set，單叫小食有啲貴。咁貴啲，小食份量會否比套小食份量更多？答案是NO，都是bite-size......所以我覺得唔太抵... 如果想食小食，叫「小麵」套餐啦！另外，不得不提，個「蜂蜜紅茶」超超超甜。想減肥者飲前要三思了。

十年都唔會經過依個位置，因為條街突然刮起大風，只好求其行入間飯店，避下風頭😅順便提早食午餐。點知......入到去企左一陣，無人諗住理我地三人行🙄都無所謂，自己揾位坐，反正尚早，無乜人。隨後我地攞起張落單紙，有些少迷惘點樣點歺，於是叫侍應來查詢一下。位員工小姐面部表情話我知，佢覺得我地好蠢，做乜要問問題，又或者佢應該以為我地係佢同事，應該什麼都知。我只係想問下「識撈」有乜特別，佢叫我照tick就得😳當我家男人開始黑臉加變聲同佢對話，佢先至講多倆句解釋😒哦....原來係台式車仔麵/飯，幾個字就清楚晒，何解待應姐姐甘懶😑一d都唔覺佢地「識撈」其實食物方面，真心唔算差，不過服務就要比零分佢

二個人食，同行嘅人趕時間快快食完走咗，我啱啱食完碟飯，杯野都未開始飲，侍應走埋黎話唔好意思用餐時間45分鐘做手勢叫我走。真係啱啱好坐咗九個字咋！叫完等野食黎到無咗15分鐘，即係俾30分鐘你食嘢。。當我狗定點？根本見我有一個人走左就借口趕我走，諗住容易啲趕。。你有人等位關我咩事？呢啲係你管理餐廳需要面對嘅問題，責任唔喺客人度。。！食飯坐左一個鐘都無俾人趕，好好笑！真係第一次！牛肉，肉燥唔係特別好食，收人60蚊一個餐，食茶記都無咁嬲。

自從有了GULU APP可以取位置後,每次去餐廳前都會上GULU APP看下這餐廳有沒有可以事先取位,那麼就不用去門口等待長時間了但是就是因為這樣,WALKIN去店更難了,所以每次都要早點取位以置,這次當然不例外,用GULU APP取位後,去到餐廳很快就有位置了,非常方便!還有, 因為很多人取了票又不來,所以其實如果票的號碼很後也不用太怕,因為經驗教我很多人都是四處取票後再選舉要去那間餐廳的哈哈想念台灣的美食,台灣美食當然少不了肉燥飯,來一碗肉燥吧哈哈我選的是回魂黑酷醋軟骨,台灣腸,加了$2配了蔥香牛麵肉燥味濃郁,蛋是半生熟,非常合我心意,最愛就是半生熟強黑醋豬軟骨,有點酸酸的口味, 非常開胃台灣腸質感帶硬身,有點像臘腸,也有脆皮腸的口感還有這裡裝修設計非常可愛,非常搶眼,下次會再來試試其他

自從食完阿元來了既肉燥飯之後H先生由抗拒慢慢變到對肉燥幾有興趣👅今日H先生主動約P小姐去試新野👫入到餐廳見到有order紙但紙上純文字無圖 👀無圖無真相 驚出事架嘛😦於是P小姐就問waitress攞個menu睇睇點知原來係無既😂😅咁就見到啲字幻想下眼前既食物啦🧐.H先生見有樣叫好吃鹽酥雞排燥底撈(香辣）😮唔知係乜又想試下一於try try 啦🤗噢！原來係肉燥撈台灣面😏不過面底淥得過左龍😖面條質地淋左啲😖雞扒真係好巨😱炸得好脆 亦好夠肉👍🏻咁啱仲要俾左個脾位H先生🤩所以都真係好滑 都幾有肉汁架落埋餐廳提供既海苔粉 H先生覺得仲好味.肉燥方面就唔太特別😟不過不失 唔算好惹味🙅🏻‍♂️肉質都係偏瘦 所以食落比較鞋口🤷🏻‍♂️碗面伴左一啲切碎左既長青豆反而呢樣幾爽口 清新💁🏻‍♂️令成碗面感覺無咁油膩整體黎講試一次就夠

在20度氣溫下，全店都坐滿人，但竟然一個通風都沒有開(如果有開的話出風口是會郁的)，一入店內已感覺非常侷促。向店員反映此情況但完全沒有一個人能夠幫忙處理，直至向一位疑似話事人嘅阿姐投訴，她才開啟一個通風口(全店起碼有10個通風口)，但最離譜的是她一開始仲要說是有開到通風的(但當時所有出風口都是沒有郁的)。這樣做生意的手法及服務態度，真的匪夷所思！

而家一碗肉燥勁難walk in搵位，個個都經GULU個apps攞位，今次我地都醒目，經apps攞位，好快就有得入座！望一望menu，又不知不覺加左價但佢個menu選項係豐富左，除左之前嘅套餐外，仲有個叫精挑細選套餐，係相睇又的確精美啲專一嘅我都係揀識撈系列嘅兩款餸，揀左回魂黑醋豬軟骨同手搖脆雞翼，配香辣燥底撈同熱飲！可能漏單，催左次單先有得食賣相依然精美，豬軟骨入味，雞翼仲好脆，而個燥底今次辣左惹味左佢地轉埋麵底反而好食咗，以前係幼身嘅，而家就用上扁身類似粗麵咁，更加彈牙有口感！只不過以前個豬軟骨多好多舊，應該成本上漲，加價再減少份量同事叫左個好吃鹽酥雞扒燥底飯，可自由落海苔粉、七味粉同梅子粉調味，啱啲重口味嘅朋友！其實唔落都好香口，份量好足！整體係ok嘅，只不過越來越唔抵食，仲記得想當年嘅棒棒芝士巨腸貢丸肉燥飯（見下圖）都係$37，以前嘅燥底仲有爽爽勁有咬口嘅紅色嘢同薄薄嘅獅子狗卷，可惜而家已經無咗棒棒芝士巨腸，往事只能回味！ 

長沙灣自從多咗一座大廈之後都多咗幾間餐廳甚至幾間餐廳都係唔同嘅國家菜式而附近台式餐廳選擇比較少所以呢間店鋪都算多人去呢一日嘅lunch時間我同同事們都決定試一試呢間台式餐廳店內嘅裝修喺同區嚟講算係少有，幾靚幾特別不過部份坐高櫈嘅位置就唔係好舒服lunch佢哋係套餐咁樣點菜有幾款唔同嘅小食/肉類去配搭主要嘅肉燥飯麵我就點咗個手搖脆翼加餃子配辣肉燥飯加六蚊升級做珍珠奶茶當上菜嘅時候有啲失望肉燥份量唔夠，飯亦都幾少味道上亦一般，不過溏心蛋唔錯反而小食令我滿意雞翼脆身但內裏依然有肉汁，餃子亦夠皮薄成個lunch令我最深刻都依然係份量唔夠…

又一間由台灣引入香港的肉燥飯店，店的招牌卡通是一顆長得很像《櫻桃小丸子》裡山根同學的米粒。店裡的風格也很可愛，那當然要嚐嚐它的味道～.鹽酥雞香辣肉燥飯 HKD$55厚厚又香口的鹽酥雞排，鬆脆多汁，加上微辣的肉燥飯，讓人吃了一口就停不下了。

呢間鋪頭開左年幾2年，但係深受街坊歡迎！鋪頭設計時尚，臺面都係用格子磚設計，墻上有不同霓虹燈牌！系舊區有一間咁既台灣菜真係好難得。食物選擇方面有自選菜式拼麵或者飯，可以揀辣肉燥或者唔辣~仲包一杯蜂蜜紅茶，今次就價錢upgrade做珍珠奶茶。先講食物方面，最欣賞每碗飯的溏心蛋，而且牛肉好入味，好軟。雞排炸得酥脆！而且飯都大大碗！較為遜色既系D配菜豆，好似唔太熟而且好大陣青味。蜂蜜紅茶都太甜，建議大家叫少甜，健康d!

一碗肉燥呢間舖係我食過咁多間台灣餐廳之中，最不台式的一間。我係指餐廳的環境。入到去的感覺比覺似美式快餐店的那種，唔係話佢差，只不過是有點格格不入的感覺。怎樣都好，環境係乾淨，光鮮的，位置也算是坐得舒服的，只是很美式而已。說不定這間餐廳係美國人開的呢（誤）說到尾紅燒牛肉麵才是主角，好食與否才是重點。一說到台式紅燒牛肉麵，隨左牛肉同麵之外，更值得我地去留意的就是湯底。我覺得湯的濃淡算是適中，但就是缺乏了那種藥材的香味。雖然我唔太了解牛肉麵的湯底究竟是用什麼材料，但我食過比較出色的，在台灣本土食到的，都會散發着那種獨特的香料味道。但我似乎在這一碗找不到這期待已久嘅香料味道。牛肉方面量多，夠腍身，而且入味，也是不錯。仲有隻蛋，不過我覺得同牛肉麵唔係咁match 。麵量唔多，麵質偏軟。最後想講下個類似豆角的東西。這個食材變了整個麵的敗筆，太過草青味重，而且還蓋過了，牛肉和湯本身調味

舊年新開張嘅時候常常都有很多人等位排長龍，我也幫襯過幾次，好耐冇食，今日經過便入去睇吓有冇驚喜。係呢一區嚟講，店舖外觀時尚搶眼，俾人感覺年輕有活力。店內亦光猛舒適！食物種類唔多，主食幾款，配飯或麵，小吃又係有幾款，再加埋飲品幾款。完！套餐就係以上嘅組合。我點了兩個午餐～回魂黑醋豬軟骨併台灣腸原味肉燥飯。很讚紅燒牛肉原味燥底湯麵。整體來說，肉煮得夠淋，味道亦ok，但就唔係好道地囉！唔似食緊台灣嘢，啲豆角粒太生硬，隱若有陣草青味。條台灣腸好味可惜沒有分碟上，放咗係飯上面，拎到來已經淋咗。餐飲凍蜂蜜紅茶，淡淡嘅蜂蜜同紅茶配合得宜，清新可口。

OT辛苦，但有人接放工係幸福事。所以今晚同佢一齊去食晚飯。因為想食啲未食過嘅餐廳，所以就試下呢間一碗肉燥。入到去八點幾，都仲好多人，不過都仲有位。我叫左個蜂蜜豬排肉燥飯，飲品係蜂蜜紅茶，佢叫左個雞腿肉燥麵。食物賣相幾好，因為人好攰，見到咁色彩繽紛嘅晚餐，心情都好左，而且豬排係有蜂蜜，所以甜甜地，好開胃。而個飯又有肉燥，又咸咸地，加個半熟蛋，味道好豐富。而個飲品，有茶味又夠甜，所以食飽左都仲好想飲埋佢。而佢個炸雞腿，因為太熱氣，我無試到，不過應該都唔錯～～仲有，食食下比我地發現～呢間係大快活集團黎，佢話唔怪得個雞腿口感咁熟口面😂😂😂